Têx hâux lưv jông uô txix tsưr ziv, siêz xar

“Thâuv ntêx cur uô nênhx nhoz hâur luz tsêr ntông mê grêiv. Nhiv no chor tix lâus, niêv lâul, fâux, txir nzơưv công an paz uô tâu tsêr truôx khor, chuôz zis zuôr sir jos huôv tsar uô nox chiê muôx luz nênhx jông đuô”.

“Thâuv ntêx vax tsêr nhoz đaz pêk tuôs, thâuv tưs muôx nas chuô lox mak nyei tsav chuô blơưv tsêr za xưz. Nhiv no muôx tsêr truôx khor nhoz lơưv, chuôz zis uô tsâus ntâu txos Đảng thiêz chor canr bôv”.

No zos tix lâus Lò Nhù Tư nhoz jok Pa Pảng, xã Nậm Ban, huyện Nậm Nhùn thiêz tix lâus Phùng Hu Chừ nhoz jok Sang Sui, xã Vàng San, huyện Mường Tè, tỉnh Lai Châu têx luk heik. Tix lâus Tư thiêz tix lâus Chừ gơưk zos 2 hâur yênhx châuv chuôz zis tâu canr bôv, chiến sĩ Công an Lai Châu paz uô tsêr nhoz.

Uô trơưk Bộ Công an đêx anr 245 thiêz 645 têx luôs hâux lưv uô tâu  paz uô zuôr xar 1.700 luz tsêr nhoz trâu tsôngv pêx xênhv huyện Mường Tè thiêz Phong Thổ ntu 2021-2024; uô trơưk Chính phủ tsưr ziv paz uô tsêr nhoz trâu têx chuôz zis pluôs, chuôz zis txov nhêv, nhiv kruôr đhâu Bộ Công an tror paz Lai Châu 66 tyv đeiv chiê uô iz cxênhz ntâu luz tsêr nhoz trâu tsôngv pêx xênhv. Txix co, iz chas paz mê njik nhiêx hli thiêz buôk ti paz uô 110 luz tsêr, công an Lai Châu tsênhv sir jos siz paz uô cov tiêr 500 ntâu luz tsêr uô ntêx hnuz 25/6 shông no. Đại tá Suôr Xênhv Shôngx, Phưv Giám đốc Công an tỉnh Lai Châu heik pâuz: Công an Lai Châu tưz sir jos hla đhâu têx phiv liv chiê đros hâu nov ntơưv qơư thiêz tsôngv pêx xênhv paz uô tsêr nhoz trâu têx chuôz zis pluôs, chuôz zis zuôr xar pluôs. Txơưv tsi zos têx lênhx txơưx uô, taz sik têx luz tsêr uô tâu tiêr zos tas nro chor canr bôv, chiến sĩtêx tsưr ziv, côngz đas jos. Lưv lươngv công an Lai Châu puôr lênhx pâuz tsênhz, tsi tiêk tsưx phưv truôx tuk luz nênhx, lơưr tsênhv sir jos gra cêr shir phaz, tsâu sor trâu tsôngv pêx xênhv thiêz:“Chiê uô tâu têx hâux lưv tso tơưv trơưk tsưr ziv, công an Lai Châu tưz buôk ti đros fax thâux têx chuôz laov cxiv tsa, ruôr tsêr txos trâu seiz kaz cxiv tsa. Iz luz tsêr tâu cxiv uô tsuv truôx khor, tsơưs tsơưs đar muôx 30 ntâu xưv phaz. Pêz vav thiêz xar njôngr, zuôr nthuôr đêz đar công an têx luôs hâux lưv uô jông co chiê chôngz lênhx ntâu tus pâuz txos, tsi tiêk tsưx phưv truôx tuk thax tsav qơư, tsênhv sir jos đros paz, đros pêx xênhv uô cxuô luôs hâux lưv”.

Uô trơưk Thủ tướng Chính phủ thiêz mặt trận cxuô cấp luk hu lơưk lok paz uô tsêr nhoz trâu têx chuôz zis pluôs, chuôz zis txov nhêv, đhâu qênhz shuôs, tỉnh Lai Châu muôx 7 cxênhz ntâu chuôz zis zuôr trâus tâu paz; hâur co muôx zuôr xar 6 cxênhz luz tsêr tsuv cxiv uô yiêz thiêz iz cxênhz ntâu luz tsuv kho đuô. Txix têx tsưr tsix, lênhx nênhs, chor nênhs siêz jông têx cêr paz, hâu nov ntơưv qơư tưz hu zâuv tas nro cxix luôs chính trị sik đros paz, sir jos uô têx luôs hâux lưv heik sâuv uô ntêx hnuz 25/6 zuôr txos. Lơưr pos Mai Thị Hồng Sim, Phưv Chủ tịch Ủy ban huyện Phong Thổ, tỉnh Lai Châu, iz luz tsêr uô tiêr thiêz tâu choz zok trâu pêx xênhv tsi tiêk paz tsôngv box truôx tuk luz nênhx, tsênhv muôz đas jos cxơưz paz pêx xênhv sir jos hla đhâu phiv liv, cxuz cêr yeiz pluôs truôx:“Đros trâu têx tsưr tsix, lênhx nênhs siz chos paz, chor chuôz zis pluôs thâuv muôx vax tsêr nhoz, truôx tuk luz nênhx lơưv, lơưr cux tưz sir jos hla đhâu cêr txov, txo grêk jux juk yeiz pluôs. Lar heik zos hâur shông 2024 nhiv kruôr đhâu, huyện Phong Thổ tưz muôx iz cxênhz ntâu chuôz zis hla đhâu chuôz zis pluôs, txo grêk têx chuôz zis pluôs 6% ntâu, uô tâu trơưk hâux lưv tso tơưv”.

Lưv lươngv Công an tỉnh Lai Châu paz uô tsêr nhoz trâu têx chuôz zis pluôs, chuôz zis txov nhêv tsi tiêk zos hâux lưv tsuv uô, tsênhv zos chiến sĩ công an iz hâux lưv uô jông, sik thôngx siêz, siz hluz siz paz thiêz./.

                                                                                             Khắc Kiên-Riê Lâux cxeik, nhênhv