“Sik côngv ziv chuôz zis”-tsưr ziv uô tâu jông nhoz ntus đriv Bắc Tây Nguyên

Tâu kriz uô txix shông 2006 ntơưv Công ty 74 đros muôx 30 gơưv ziv chuôz zis, txos nhiv no tsưr ziv no tưz tâu kriz uô hâur tas nro Binh đoàn 15 đros muôx 4.269 gơưv ziv chuôz zis nhoz 271 jêx jok trơưk 251 cêik cêr ntus đriv thax tsav Bắc Tây Nguyên. Đhâu co, kriz uô tâu jông Đảng ủy Binh đoàn 15 li tsưr ziv “Binh đoàn đros đrêiv tỉnh, huyện; Công ty đros đrêiv huyện, xar; Đôiv uô nox đros đrêiv chor jêx jok”, tax tâu tsưr ziv cxiv tsa cxiv luôs chinhr triv hênhr thiêz uô tâu jông sik côngv nhoz chor chuôz zis nênhs Tsoz tsiz thiêz tsôngv box mênhx cxưx tsơưs nênhs.

20 shông kriz uô, tsưr ziv no tưz paz uô tâu jông Đảng têx chủ trương txos trâu pêx xênhv thôngz đhâu têx hâux lưv uô tsênhv tsênhz li “nênhs muôx paz trâu nênhs pluôs”, paz uô tâu jông hâux lưv tir tar chor nênhs fêv têx tsưr ziv nziêk đas, ruôr hiêv txos thôngx niêv côngv siêz mênhx cxưx. Đhâu co, uô tâu truôx jông côx phax tas nro pêx xênhv thiêz ngaz tuk pêx xênhv nhoz thax tsav ntus đriv. Đros tsưr ziv uô no, ntâu ziv chuôz zis tưz muôx tâu phênhv sâu txix 200-300 triệu đêiv iz shông, paz txo grêk tsơưs yêiz pluôs, txo grêk tsơưs têx phongx cxưx pôngz kaz, tso ntơưr tsês, nhiês muk lok đhâu ntus đriv tsik zos chêi. Zơưv Rah Lan Đin-xar Ia Krai, huyện Ia Grai, tỉnh Gia Lai puz pâuz: “Pêz sik côngv uô cê, tsik so siz nus, siz yav. Muôx kror tưs phiv liv mak hêik trâu cưr Duy  zos chuôz zis nênhs Tsoz tsiz sik côngv đros zơưv Đinh chuôz zis, chiê Duy paz trâu zuk, li trâu qir, tu chor tsoz chos, lok sik txiêr chês cà phê. Zuk pâuz tsik tsênhz mak cưr Duy ho paz kriê trâu zuk, zuôr txos no tsuv sik côngv đuô chiê sik đros huôv tsar kinh têr”.

Ntơưv jiês cơưv, chor đại biểu txix chor taz viv nhoz Binh đoàn 15 sik đros hêik têx ziv chênhv uô cov tsênhz mênhx: Tsưr ziv no tưz paz trâu tsôngv box muôx siêz njênhs đuô trâu Đảng, Têz qơưk thiêz Quân đôiv; tsôngv box nhoz truôx qơư, sir jos khưr uô nox, sir jos tir tar chor nênhs fêv têx tsưr ziv nziêk đas, hâuz zâuv. Chor đại biểu cux pâuz nzir ntâu chênhz zênhv lok cấp ủy li hâux lưv lênhx tov, sik côngv truôx jông đros chinhr quyền, phuôx huiz chor lâul jok, tsar jok, nênhs muôx côngz bê li pưk txux, uô jông tsưr ziv “paz trâu pêx xênhv cux zos paz trâu zuk”. Tsênhv tsênhz 20 shông kriz uô tsưr ziv “Sik côngv chor ziv chuôz zis” puz pov têx taz viv quân đôiv li chor tsưr ziv txơưx xar tơưv uô tâu jông hâur côngz xưv dân vận, paz cxiv tsa thax tsav ntus đriv ngaz tuk, huôv tsar cxix cxuô. Thiếu tướng Hoàng Văn Sỹ-Tư lệnh, Bí thư đảng ủy Binh đoàn 15 khav tênhv: “Thôngz đhâu sik côngv li co mak nênhs Tsoz tsiz thiêz tsôngv box mênhx cxưx tsơưs nênhs jông xưk li cưr tix niêv txir zus, xưk li tsoz ntông côngv iz luz hâur pâuk, xưk li têx tuz nhuôs nhoz uô cê hâur iz chuôz zis; yax kriê chiê sik pâuz tâu têx vênhx huôv, pâuz lok têz qơưk têx cêr chêi, pâuz tâu txos têx vênhx huôv yiêz jông thiêz pâuz uô nox cov muôx tâu tsơưr lươngv siêz đuô, jông đuô; pâuz uô hâux lưv, uô nox đuô, txix co paz hlôngr yiêz luz nênhx cov jông thiêz truôx đuô”./.

TTTN-Lik Thox cxêik nhênhv

Đros đơưk phiv liv, taz por fuô uô tâu têz qơưk têx tsaz yênhx zov chênhr

Têz qơưk têx tsaz yênhx lok huôv tsar kinh tế, xã hội thax tsav tsôngv box heir nênhs tsơưs thiêz tox siêz, txo grêk cêr pluôs truôx, cxiv tsa jêx jok yiêz tưz paz hlôngr yiêz tsôngv pêx xênhv tox siêz Sơn La luz nênhx xênhz huôx, cêr huôv tsar uô nox uô hâuk; jux juk lơưr chuôs 2 chas qơư kis, têx thax tsav, lưv heir nênhs txơưr đuô....

Txos tas shông 2024, chor chuôz zis pluôs trơưk cui tinhv pluôs ntu 2021-2025 hâur tỉnh Sơn La yuôr zuôr xar 11%. Tas nro têx lênhx pêx xênhv zos chuôz zis pluôs, chuôz zis zuôr xar pluôs, heir nênhs tsơưs nhoz thax tsav txov nhêv tâu têz qơưk paz zuôr ntơưr seiz njuôk shuôs moz gênhk; 98% ntâu xã muôx cêr yêz lox muk txos tsênhv qơư xã; phênhv ntâu cxuô luz tsêr cơưv muôx qơư nox nhoz, côngz trênhx vêv xênhz phưx vưv shux xênhz nox nhoz hâur tsêr cơưv, cơưv ntơưr niêv txir zus mor ntơưv thax tsav txov nhêv, ntus đriv. Zơưv Lù Văn Cường, Chủ tịch Ủy ban huyện Yên Châu, Sơn La heik pâuz: “Pêz chiê qênhz shuôs tas nro têx xã, thị trấn muôx lênhx nênhs txov nhêv chiê tâu paz; heik tas nro cxix luôs chính trị sik đros uô, choz trâu yênhx tổ, lênhx nênhs seiz car, fuô uô têx hâux lưv heik co. Đros thiêz chor pêx xênhv tâu paz, pêz heik lơưr, thâuv tâu choz côngz trênhx mak tsuv tsưx phưv jông, tsi chiê trâus puôk tsuôx”.

Ntu 2021-2025, têz qơưk tsaz yênhx txo grêk cêr pluôs truôx hâur thax tsav tỉnh Sơn La xav hur si pênhr yưv uô tas zuôr xar 1.237 tyv đeiv, txos nhiv no tưz muôz tâu nhos 52% chor pênhr co trâu uô têx luôs hâux lưv heik sâuv. Yuôr têz qơưk tsaz yênhx cxiv tsa jêx jok yiêz mak pênhr muôx 214 tyv đeiv, muôz tâu tax zuôr xar 35%.

Trơưk li hâu nov Chi cục huôv tsar tox siêz, Sở Kôngz nuv thiêz Tênhx qơư tỉnh Sơn La, têz qơưk têx tsaz yênhx txo grêk cêr pluôs truôx thiêz cxiv tsa jêx jok yiêz tâu cir, phênhz muôz pênhr cxiv uô lis; ntâu tsênhv chei, hâux lưv, lênhx nênhs tsi tâu cui tinhv cxix cxuô, tsênhz mênhx; T.Ư iz cxiê cui tinhv, tsênhv chei nhiv kruôr tso tơưv tưz kho đuô, cxaz nzir, hlôngr đuô uô cxuô cấp tsuv kho đuô, cxaz nzir huv đros, uô tuôr thênhv txos six hơưv fuô uô chor tsaz yênhx, hâux lưv co hâur niêx shông..... Zơưv Dương Gia Định, Phưv Chi cục tsar Chi cục huôv tsar tox siêz tỉnh Sơn La heik pâuz: “Pênhr têz qơưk tsaz yênhx txo grêk cêr pluôs truôx tâu T.Ư choz ntâu hâux lưv uô trâu tỉnh bax tsi zênhx, phiv liv lok sâuv phênhz, xeir tsov têx tsênhv njiêz hâux lưv zov chênhr fuô uô huv đros tsênhv tsênhz hâur thax tsav qơư; Pênhr têz qơưk tsaz yênhx cxiv tsa jêx jok yiêz cui tinhv đrux ntov thiêz siêz, uô phiv liv trâu tỉnh phênhz pênhr nhiêx ntơưv qơư fuô uô têx hâux lưv uz no....”.

Đros thiêz têz qơưk tsaz yênhx huôv tsar kinh tế, xã hội thax tsav tsôngv box heir nênhs tsơưs thiêz tox siêz, pênhr choz fuô uô hâur ntu 2022-2025 ntơưv Sơn La zos zuôr xar 5 cxênhz tyv đeiv; txos nhiv no tưz muôz tâu 62% ntâu tsưr ziv choz. Taz sik, co zos tsaz yênhx lox, zov chênhr, ntâu lênhx nênhs tâu sơưv, tâu paz, đros thiêz ntâu dưv anr, hâux lưv tsênhv njiz trâus phiv liv.

Chiê đơưk têx phiv liv co, cxiz sei muôz nhiêx fuô uô thiêz taz por tsaz yênhx tâu uô truôx jông, lơưr zơưv Nguyễn Duy Dũng, Phưv Giám đốc Sở Mênhx cxưx thiêz Tôn giáo Sơn La, tsuv cxiv kho têx cui tinhv, tsênhv chei txix T.Ư thiêz cxuô bộ, ngênhx: “Pêz heik nzor cxiv kho đuô tsênhv chei paz max huôv tsar uô nox trâu têx chuôz zis heir nênhs tsơưs tsênhv txov nhêv trơưk li Thủ tướng Chính phủ cui tinhv thiêz têx uô tsi tâu tsi tiêr txơưr đuô hâur fuô uô lơưr tsênhv chei paz chor chuôz zis heir nênhs tsơưs txov nhêv.

“Iz chas ntơư, tsuv cui tinhv tsênhz mênhx HTX, tổ hợp tác, têx chuôz zis, taz viv tâu choz hâux lưv li txơưx jênhv lok sâuv taz por pênhr fuô uô, sir zôngv côngz trênhx, hax huv....hâur uô têx dưv anr paz huôv tsar uô nox trơưk Chính phủ Nghị định cui tinhv chei seiz car, fuô uô têz qơưk têx tsaz yênhx”.

Cxuô sở, ngênhx, ntơưv qơư hâur Sơn La cux tsênhv sir jos cxơưz uô sei têx luôs hâux lưv tâu zok muôz chiê cxơưz cxiz muôz sei pênhr têx tsaz yênhx; sir jos qênhz shuôs, heik cxiv kho đuô, cxaz nzir têx taz viv hành chính njuôk xav zuôr phênhz thiêz muôz iz cxiê cơ quan lok uô cê têx tsênhv njiêz, hâux lưv tsuv fuô uô trơưk Chính phủ Nghị quyết 18./.

Lê Hạnh-Riê Lâux cxeik, nhênhv