Cêr hôx fênhx sâuv têz qơưk Điện Biên lix xưv

Tuôx txos têz qơưk Điện Biên lix xưv, lênhx tưs cux uô cuô muôs pôngz nthar thâuv xar txos yênhx vav lênhx nênhs Việt Nam tưz sir tas đas jos txox siê tir ntâuk tros châuz chiê têz qơưk tâu tiêx tul li nhiv no. Chiến sĩ Điện Biên Dương Chí Kỳ tuôx txix TP HCM heik: “Tror tuôx qơư tsav txênhz Điện Biên Phủ, cur muk hlơưr shaz ndo txos têx đồng đội, đồng chí tưz tâu tas siv nênhx ntơưv no, cur tsi pâuz heik li chas viv lok six ndo txos têx lênhx đồng đội muôx ntu sik đros nox, đros pư hâur kror ar tir ntâuk tros châuz”.

          Pos Vũ Thị Tuyết Nga, Giám đốc Bảo tàng ntâuk zênhx Điện Biên Phuv puz pâuz: Bảo tàng zos qơư tuôr tsês mênhx cxưx li têx chuôz zênhx, têx ntu lix xưv tov ntêx chiê paz cxênhx nênhs nhiv no thiêz tov kaz no pâuz tsênhz đuô lok cxênhx nênhs tov ntêx li têx côngz lox, sir tas đas jos trox nya por vêv têz qơưk. Viv li đrâuv tuôr tsês cov jông têx chuôz zênhx, taz viv cux sir jos zôngv têx công nghệ yiêz chiê paz tsôngv kruô tâu pâuz têx xor mông lok jiês tsav txênhz Điện Biên Phuv zôngx ziv đuô. Hâux lưv zôngv mã QR, hlôngr yiêz số hâur côngz xưv seiz car, huôx tôngv thiêz heik kriê têx cxeix laov paz tsôngv kruô zôngx ziv pâuz tâu muôx nhos 7 cxênhz chuôz zênhx đros ntâu cxeix laov coaz tsôngv txơưr tsênhv qơư piêr kriê ntơưv bào tàng. Hâux lưv zôngv ứng dụng AI cux paz tsôngv kruô tâu pâuz txos têx ntu lix xưv co đhâu đuôz shav thiêz video 3D: “Tsi taz piêr kriê têx cxeix laov, chuôz zênhx lơưr bảo tàng học, bảo tàng tưz cxơưz tiês sir zôngv công nghệ thôngz xor mông đros tas nro têx cxeix laov, chuôz zênhx piêr kriê tưz tâu số hóa. Tsôngv kruô tuôx ndis seiz tâu quét mã QR chiê nriêr pâuz thiêz nhênhz chơưv jông đuô têx cxeix laov, chuôz zênhx co. Đrâuv co, tsênhv muôx công nghệ AR, VR chuôz tsar chiê têx hluôk nênhs tâu nriêr pâuz, seiz têx cxeix laov chuôz zênhx jông đuô”.

          Shông 2024, tỉnh Điện Biên seiz ju lix zos tsưr ziv huôv tsar kinh têr tsênhv tưz tos 1,85 tsov jiês kruô tuôx ndis seiz đros tas nro phênhv sâu tax 3 cxênhz 300 tỷ đeiv, khav tênhv ju lix lix xưv li kror jông đros tsôngv box hâur thiêz saz đrâuv têz qơưk. Đros co zos chuôz tsar phênhv sâu lênhx nênhs tax 8% ntâu- phênhv siêz tiv zix hâur yênhx châuv shông đhâu. Zaoz thôngz muk lok tsi so huôv tsar, chor ziv chuôz zis pluôk txu grês yuôr tsơưs đuô 30%, tsôngv box luz nênhx tâu muôz siêz. Tas nro têx co tưz khav tênhv tsênhz têz qơưk Điện Biên li têx hlôngr yiêz jông đhâu 71 shông ntâuk zênhx lix xưv Điện Biên Phuv.

          Hâur ntu hlôngr yiêz thiêz huôv tsar, cxênhx hluôk nênhs Điện Biên nhiv no tsênhv yênhx lưx lươngv uô ntêx nyuôk sik côngv đas jos huôv tsar, cxiv tsa tiv phaz txix têx yênhx tưv, siêz txưv haox thiêz sir jos, yênhx trus khav tênhv pưs txux uô ntêx nyuôk hâur cxuô vênhv thix txix cơưv ntơưr txos uô lox tôngv, cxiv tsa thiêz por vêv têz qơưk.

          Niêv lâuk Nguyễn Thị Nga, đoàn viên Tsêr cơưv Cao đẳng hâux lưv uô tỉnh Điện biên pheiz kênh: “Tror uô lơưr cxênhx nênhs tov ntêx li chinhz yênhx hâur ntu cxiv tsa thiêz por vêv têz qơưk nhiv no, cxênhx hluôk nênhs pêz cux zuôr sir jos ntâu đuô thiêz chiê cơưv shâuv, kruôz kriê. Đros cur li hâux lưv mak tsuv uô li chas paz thox cxov tâu têx lênhx nênhs jông trâu têz qơưk”.

          Têx tsênhv yuôr đhâu jiês tsav txênhz jux jus tâu hlôngr yênhx têx côngz tsinhx yiêz nhoz Điện Biên nhiv no. Cxênhx hluôk nênhs nhiv no tror sir jos cxiv tsa đros siêz xar njôngr Điện Biên zuôr ziv hnuz ziv muôx ntâu hlôngr yiêz, zos qơư chuôz cxaz đas jos, chinhz yênhx tuôr truôx hôx fênhx trâu cxuô lênhx nênhs thâuv tuôs txos têz qơưk no./.

Vũ Lợi-Txâur Vax cxeik nhênhv

Pênhz phax chor mê nhuôv puôs cux zos chor tuz lênhx pênhz phax

Học viện Bôv đôiv Pênhz phax-zos Lìa Xuân Ngọc, lênhx shux xênhz pluôs xênhz zus shông 2006, nhoz xar ntus đriv Chiềng Tương, huyện Yên Châu, tỉnh Sơn La li siêz xar njôngr tâu tuôx cơưv hâur xar muôx 10 shông đhâu, xav txix thâuv tâu zos chor pênhx phax lênhx mê nhuôv puôs.

Nhiv no, lênhx shux xênhz cơưv shông tiv iz Lìa Xuân Ngọc tsênhv zos Tiểu đôiv tsar đôiv 9, Trung đôiv 3, Đại đôiv 1, Tiểu đoàn 1, Học viện Bôv đôiv Pênhz phax. Tror xar txos chor hnuz nhôngs tâu xênhz huôx, cơưv ntơưr đros chor canr bôv, chiến sĩ Zênhx Pênhz phax Chiềng Tương, Bôv đôiv Pênhz phax Sơn La, mak têx co zos kror paz cxơưz cxiz Ngọc muôx siêz nhiêv, sir jos cov zos yênhx iz lênhx tuz lênhv pênhz phax: “Nhoz ntơưv Zênhx Pênhz phax cur tâu sơưr đơưk paz thiêz kruôz kriê trâu cur thik tuôx cơưv hâur Học Viện Bôv đôiv Pênhz phax. Cux zos piz txix cur siêz nhiêv txos chor Bôv đôiv Pênhz phax thiêz. Cur zuôr sir jos cơưv shâuv cov tâu jông chiê zuôr txos no thâuv cơưv tiêr mak gôngr côngv zuk têx txux chi, đas jos lok paz trâu thax tsav ntus đriv, têz qơưk, chor Bôv đôiv Pênhz phax tỉnh Sơn La thiêz chor lưx lươngv Bôv đôiv Pênhz phax”.

Lìa Xuân Ngọc zos iz hâur Bôv đôiv Pênhz phax chor mê nhuôv puôs xuz thơưx ciês txix thâuv tsaz yênhx no tâu kriz uô sâuv thax tsav ntus đriv tỉnh Sơn La. Xar muôx 10 shông đhâu, Bôv đôiv Pênhz phax tỉnh Sơn La tưz paz trâu 300 lênhx shux xênhz hâur tsaz yênhx paz trâu chor shux xênhz tâu tuôx cơưv ntơưr thiêz tuz nhuôs puôs zênhx pênhz phax.

Đại tá Vũ Đức Tú, Phưv Chính ủy Bôv đôiv Pênhz phax tỉnh Sơn La hêik pâuz: “Pêz xav jênhv kriz uô tsaz yênhx paz trâu chor shux xênhz tâu tuôx cơưv ntơưr thiêz tuz nhuôs puôs zênhx Pênhz phax cê zos hâux lưv siêz jông, cê zos txơưx jênhv, no cux zos kror shir phaz tâu côngv đros cxuô nganhx, cxuô cấp thiêz pêx xênhv thax tsav ntus đriv, zos canr bôv, chiến sĩ Bôv đôiv Pênhz phax têx kror uô tsâus txos pêx xênhv tưz đros bôv đôiv pênhz phax por vêv thiêz cxiv tsa thax tsav ntus đriv têz qơưk, cxiv tsa pênhz phax chor pênhr jos ziv hnuz ziv truôx hênhr đuô”.

Hâur oz pêz shông đhâu, tưz muôx oz tuk nhuôv zos tuz nhuôv puôs chor zênhx pênhz phax sâuv thax tsav tỉnh Sơn La thik tưr tâu thiêz tsênhv cơưv ntơưv Học viện Bôv đôiv Pênhz phax thiêz chôngz lênhx nhuôv txơưr tsênhv cơưv ntơưv têx tsêr cơưv txơưr. Tsuv hêik tiêk no zos têx kror uô tâu txix chor nhuôv co li sir jos, txix tsêr cơưv ntơưr, chuôz zis thiêz canr bôv, chiến sĩ Bôv đôiv Pênhz phax li têx paz hâur ntu đhâu.

Chor Bôv đôiv Pênhz phax têx hâux lưv uô nhoz thax tsav ntus đriv, txix têx tsưr ziv uô jông, têx hâux lưv uô tsênhv tsênhz zuôr zos têx kror paz trâu chor tuz nhuôs muôx luz nênhx txov nhêv sâuv thax tsav ntus đriv muôx tâu luz nênhx jông thiêz shir phaz đuô, chiê ntu zuôr txos zos yênhx chor nênhs paz đros cxiv tsa thiêz por vêv truôx jông ntus đriv têz qơưk./.

Lê Hạnh-Lik Thox cxêik nhênhv