Chôngz lênhx canr bôv, đảng viên nhoz Yên Bái tưz jông siêz so hâux lưv thâuv kho đuô ntov jông bôv mêir

Lơưr Bôv Chinhr triv, Ban Bí Thư li Kết luận “lok kriz uô nhênhz chơưv, hêik pâuz tror kho đuô cxiv luôs chinhr triv li tsưr tsix bôv mêir”. Hâur co, tsik tsưr tsix cấp huyện thiêz chiê iz cxiê taz viv cấp xar lok uô cê; đros co zos txar iz cxiê tỉnh lok uô cê. Tsưr ziv no tưz tâu piêr txos trâu canr bôv thiêz côngz chức tsênhv uô hâux lưv ntơưv cxuô thax tsav qơư, tiv zix zos chor xar, phường sâuv thax tsav tỉnh Yên Bái pâuz.

Zơưv Lại Văn Đông, Bí thư Đảng ủy, Chủ tịch Hôiv đôngx xar Chấn Thịnh, huyện Văn Chấn - nênhs tưz muôx zuôr xar 40 shông uô côngz xưv puz pâuz, txix thâuv pâuz muôx tsưr ziv chiê lok uô cê, zơưv thiêz iz cxiê canr bôv công chức xã zos chor nênhs tsuv tâu chiê so hâux lưv puôr lênhx jông siêz thiêz thôngx ziv đros: “Cur lok six thôngx ziv đros Đảng thiêz Têz qơưk li kror chủ trương lox zos kho đuô ntov jông bôv mêir chiê bôv mêir uô tâu hâux lưv jông đuô hâur ntu hlôngr yiêz thiêz huôv tsar”.

Đhâu chor tsưr ziv lok txo grêk tsơưs chor nênhs uô hâux lưv, cux li hnuz nhôngs so lâul trơưk Trung ương hêik kriê, zơưv Đặng Văn Vụ - công chức tư pháp xar Chấn Thịnh, huyện Văn Chấn pov tâu tiêk tsưr ziv no zos kror huv đros, viv li tưz đăngk cir chiê thor so hâux lưv ciês jiês xuz thơưx, paz zôngx ziv trâu hâux lưv kho đuô tsưr tsix bôv mêir yiêz: “Trung ương li tsưr ziv zos zuôr txos no txar chor thax tsav qơư, têx tỉnh thành lok uô cê. Tsưr ziv no mak pêz puôr lênhx pâuz hur si thiêz Đảng ủy, Ủy ban xar cux tưz hêik txos trâu tas nro chor canr bôv, công chức xar pâuz. Cur mak zos chor nênhs tsuv so hâux lưv mak cur cux thôngx ziv đros xưz thiêz zuôr uô trơưk Đảng, Têz qơưk têx tsưr ziv”.

Zos nênhs sơưr thơưx cấp ủy, muôx 29 shông uô côngz xưv, uô đhâu ntâu kror hâux lưv, zơưv Hoàng Ngọc Út, Bí thư Đảng ủy xar Bình Thuận, huyện Văn Chấn pov tâu tiêk hnuz nhôngs cux tưz zuôr txâuk chiê so lâul trơưk cui tênhv lơưv, viv li zênhx bax trơưr zuôr thor so hâux lưv uô ntêx hnuz nhôngs trơưk Nghị định 178: “Six hơưv uô côngz xưv, thêv nhiêx zuôr bảo hiểm mak cux ntâu lơưv, đuô thiêz hnuz nhôngs uô hâux lưv lok cux tưz zuôr txâuk six hơưv so lâul trơưk cui tênhv lơưv. Cur cux lok six thôngx ziv đros Đảng thiêz Têz qơưk têx chủ trương, zos cur tâu chiê so hâux lưv hâur jiês no chiê tsưr tsix kho đuô côngz xưv canr bôv mak cur cux zuôr sâu ntơưr chiê thor so ciês hâur jiês no”.

Txix chor nênhs bax chie so lâul uô ntêx hnuz nhôngs txos chor canr bôv, công chức, viên chức tsik tâu zos chor nênhs tsuv so hâux lưv nhoz Yên Bái ntu no puôr lênhx sir jos uô cov tiêr tâu jông zuk têx hâux lưv tâu choz uô ntêx thâuv Trung ương muôx kruôz kriê tsênhz mênhx lok hâux lưv kho đuô ntov jông bôv mêir. Cxuô thax tsav qơư hâur tỉnh cux sir jos nriêr pâuz txos chor canr bôv, đảng viên siêz xar chiê muôx chox kriê cov sêi, huv zos paz trâu têx hâux lưv ntơưv chor cơ quan, taz viv tâu uô jông, tsik uô phiv liv tuôr thênhv têx hâux lưv.

Zơưv Hoàng Việt, Phưv Bí thư Thường trực Huyện ủy Văn Chấn puz pâuz: “Uô lơưr Trung ương chor chủ trướng, Kết luận thiêz Tỉnh ủy Yên Bái li chox kriê, đros Đảng bôv huyện Văn Chấn mak pêz sir jos uô cov jông txos trâu chor tsưr tsix đảng thiêz đảng bôv cơ quan hâur Đảng bôv huyện pâuz. Yênhx lênhx cán bôv, đảng viên li txơưx jênhv nhoz yênhx kror hâux lưv uô nhiv no zos sơưr đơưk sir jos paz trâu pêx xênhv, thax tsav qơư, paz trâu têz qơưk, sơưr đơưk tsuv sir jos uô têx hâux lưv tax txos thâuv muôx Trung ương, tỉnh li cuêz tênhv, tsưr ziv tsênhv tsênhz”.

Txos nhiv no, ntơưv Yên Bái tưz muôx yênhx puô lênhx canr bôv, côngz chức, viên chức sâu ntơưr thor so hâux lưv uô ntêx hnuz nhôngs, hâur co, chôngz lênhx nênhs tưz tâu đơưk tu lơưr chế độ, tsênhv chêi. No zos kror paz trâu cấp ủy, chinhr quyền thax tsav qơư cxuô cấp kriz uô tâu jông, zôngx ziv hâux lưv kho đuô ntov jông bôv mêir hâur ntu zuôr txos./.

Đinh Tuấn-Lik Thox cxêik nhênhv

Đoanx chơưv paz Bộ côx phax uô tiêr jênhv vưv tror lok têz qơưk

Tos đoanx ntơưv qar yêz za ntiêx têz Nội Bài, Thượng tướng Vũ Hải Sản, Thứ trưởng Bộ côx phax sâu jênhv thiêz kruôk txos lưx lươngv chơưv paz Quân đội nhân dân VN li chêx cuk uô jênhv vưv paz tsôngv box Myanmar khưx phưx têx trâus ruôr hiêv; khav tênhv no zos jênhv vưv ntiêx têz gôngr phênhv chuôz tsar cêr coaz siv sik hux jos VN thiêz Myanmar. Ntơưv qar yêz za, Thiếu tướng Phạm Văn Tỵ, phưv chánh văn phongx Thường trực UB têz qơưk phax tar ntux nas thiêz nriêr chơưv nanv, Phưv cục tsar Cục chơưv paz (Bộ Tổng tham mưu Quân đội nhân dân Việt Nam), tsar đoanx puz pâuz txơưv njiz ntâu phêv liv lok thax tsav qơư, đoanx tsuv muk ntâu qơư  tsi muôx tênhv tênhz, tsi muôx sóng điện thoại nhoz thax tsav chơưv paz, taz sik đoanx tưz jênhv tâu têx paz txưv txix Đại sứ quán, Chiz coaz tùy viên côx phax VN ntơưv Myanmar, Mytel- sik côngv đros Tập đoàn công nghiệp-viễn thông Quân đội (Viettel)...li paz txưv, tiv zix đoanx tưz jênhv tâu Bộ trưởng Bộ côx phax li ntơưr kruôk, paz cxơưz chiê đoanx sir jos đuô uô tiêr jênhv vưv tâu choz: “Hâur iz tsêr kho moz tư nhân lơử thôngz pov muôx 17 lênhx nênhs trâus plox mông, pêz tưz hla đhâu cxuô phêv liv, sir jos nriêr thiêz chox tâu 17 lênhx nênhs no lok. No cux zos iz luôk hâux lưv jông paz nriêr tâu lênhx nênhs trâus vôngz hâur côngz tsinhx trâus poz vâu, viv pêz nriêr tâu lơưr ntơưv qơư iz cxiê đoanx chơưv paz txơưr tưz muk đhâu viv nriêz nênhs tsi nriêr, mak pêz ho tâu tâu, ziv khav tênhv tâu pêz li qơư sơưr, txơưx jênhv thiêz pênhr xưv”.

          Quân đội VN li lưx lươngv muk Myanmar cxaz chuôz chơưv paz, khưx phưx têx trâus ruôr hiêv đhâu jiês ntux kênhs muôx 80 lênhx cán bộ, chiến sĩ, quân nhân chuyên nghiệp, sơưr cêr muk txix hnuz 30/3, uô hâux lưv nriêr chơưv lênhx nênhs nhoz niêv đrôngs Mya-pi-tô, Myanmar. Đoanx tưz zôngv đêr nghiệp vụ đros têx chuôz zênhx chuyên dụng pov 32 qơư muôx lênhx nênhs trâus đeis hâur têx tsêr trâus poz vâu, nriêr tâu 21 lênhx nênhs. Tiv zix, đoanx tưz sik côngv đros têx lưx lươngv chơưv tâu iz lênhx hluôk nênhs muôx 26 shông trâus đeis hâur luz tsể trâus poz vâu tsênhv chiêx. Đoanx nriêr tâu ntâu chuôz zênhx chuôz tas, chuôz zênhx muôx tsiv grê ndê txos yênhx puôk cxênhz USD choz trâu Tsêr kho moz Ottara Thiri thiêz tsôngv box. Đoanx tưz tsưr tsix seiz njuôs thiêz muôz yuôx tsi zuôr nhiêx txiêx trâu 200 jiês tsôngv box tiv phaz. Zos lênhx nênhs uô jênhv vưv thôngz xor mông yiêz tiv zix txix têx qơư chơưv paz, Đại úy quân nhân chuyên nghiệp Vũ Hồng Tú, nênhs sâu xor xưv Tsênhv qơư nta suôz, xa đuôz Côx phax pheiz kênh: “Đros pêz quân đội cur zos nênhs sâu xor xưv, txơưv phêv liv li chas cux zuôr uô jông jênhv vưv, taz sik chiê uô hâux lưv hâur qênhx shênhx muôx ntux kênhs thiêz têx qơư muôx têx luz tsêr 5 yôngx, 8 yôngx trâus poz vâu tas yôngx 1 yuôr têx yôngx nhoz sauv xưz mak lok six riêz nênhs, no zos jiês xuz thơưx cur cxaz chuôz côngz xưv chơưv paz riêz nênhs li no”./.

VOV1-Txâur Vax cxeik nhênhv