12 dưv anr zov chênhr nhoz Điện Biên zuôr uô tsik tâu trơưk tsưr ziv tso tơưv tiv tsik muôx qơư kriz uô

Dưv anr sêiz car ntux têz ruôr hiêv thax tsav đêx Nậm Rốm, tâu Thủ tướng Chinhr phuv cir tso tơưv shông 2021 đros tas nro pênhr nhiêx yưv uô zos 981 tiv đêiv ntâu, zos iz hâur tỉnh Điện Biên chor dưv anr zov chênhr. Dưv anr tâu vav tiêk zuôr paz uô hlôngr yiêz jông đuô trâu thax tsav tuk đêx Nậm Rốm, đros co zos kho đuô cưx trâu đêx ntưk muk, por vêv têx đros tsuôs, chiv xênhz, huv đros trâu qiv hơưv txơưr txar thiêz paz trâu huôv tsar kinh têr-xar hôiv. Taz sik txos nhiv no, thâuv tsuôk yuôr 9 luz hli xưz tsuv uô cov tiêr thiêz choz zok côngz trinhx (six hơưv uô tiêr txos 31/12/2025), mak nhiv kruôr kriz uô tâu muôx 35% têx hâux lưv.

Kror phiv liv tiv zix hâur uô dưv anr zos nhoz côngz xưv pâux nzir, txar cxuô kror chiê muôx qơư uô. Hâur tas nro xar muôx 94 héc ta thax tsav uô dưv anr sâuv thax tsav thành phố Điện Biên Phủ thiêz huyện Điện Biên, tsưr yưv pênhr nhiv kruôr txêik tâu xar muôx 39 héc ta, tax tâu muôx 40% ntâu. Ciês ntơưv thành phố Điện Biên Phủ, tsuôk tâu muôx 2 héc ta ntâu hâur tas nro 56 héc ta thax tsav tâu choz zok, tax tâu muôx 4%. Zơưv Nguyễn Hữu Hiệp, Giám đốc Ban Sêiz car dưv anr chor côngz trinhx kôngz nuv tỉnh Điện Biên, puz pâuz: “Nhiv no, tsưr yưv pênhr cux sik côngv đros chor nênhs thầu cux lok chor taz viv uô côngz xưv pâux nzir thiêz chor phường, thành phố chiê kriz uô sêi hâux lưv nyêis yêv cxuô kror chiê zuôr qơư kriz uô. Taz sik, txos nhiv no chor phường li hâux lưv choz zok thax tsav trâu tsưr yưv pênhr uô tsênhv lok six kênhz”.

Hâur dưv anr li 7 kror thầu, 4 kror thầu (sôr 1, 2, 3, 4) tsênhv njiz ntâu phiv liv tiv tsik muôx qơư kriz uô. Tiv zix, kror thầu sôr 4 tsênhv kriz uô tsik tâu tâu, hok kror thầu sôr 1 (cxiv tsa thêir ntus đêx Nậm Rốm) nhiv kruôr txêik tâu muôx 20% thax tsav chiê kriz uô kuôk no muôx 1 ciêz ntâu. Zơưv Trần Quang Tuấn, nênhs sêiz car kror thầu sôr 1, Dưv anr Sêiz car ntux têz ruôr hiêv đêx Nậm Rốm hêik: “Chiê uô tâu têx hâux lưv txix nhiv no txos kaz shông uô cov tiêr mak zos muôx thax tsav chiê uô, pêz zuôr cxaz nzir nênhs thiê zuô uô nzir six hơưv chiê uô cov tiêr trơưk tsưr ziv tưz tso tơưv”.

Hâur tỉnh Điện Biên li 12 dưv anr zov chênhr, muôx 7 dưv anr sir zôngv pênhr nhiêx têz qơưk thiêz 5 dưv anr sir zôngv pênhr tsik zos nhiêx têz qơưk. Nhiv no tsuôk muôx dưv anr ciêz thiêz zuôr muôs dịch vuv Mường Thanh tsik njiz têx phiv liv lok thax tsav kriz uô. Chor dưv anr tsênhv yuôr puôr lênhx kriz uô kênhz tiv njiz phiv liv hâur thax tsav chiê kriz uô, uô trâu chor hâux lưv tâu uô kênhz lo sik tsik tâu kriz uô.

Dưv anr txox cêr muk đhâu huyện Điện Biê chor xar nhiv no cux tsênhv uô tsik tâu tâu thâuv xar muôx 5 héc ta thax tsav chiê uô cêr nhoz chor xar: Thanh Luông, Thanh Chăn, Thanh Hưng, Thanh Yên, Noong Luống thiêz Thanh Xương tsik tâu choz zok, tiv pêx xênhv tsik thôngx ziv đros gri pâux nzir thiêz hêik cov nriêr qơư trâu pêx xênhv nhoz ciês ntơưv qơư. Zơưv Lường Văn Mạnh, pêx xênhv nhoz jok Co Mỵ, xar Thanh Chăn hêik: “Đros chuôz zis, uô dưv anr mak chuôz zis cux thôngx ziv xưz, taz sik chor côngz trinhx phưv li: tsêr mor, bể đêx, kror đêx… zos nyêis yêv vax tsêr mak cux tsuv pâux nzir tas hur si têx co. Thâuv tưs têz qơưk nriêr tâu qơư nhoz yiêz mak pêz thiêx txar muk”.

Đros qênhx shênhx no, chinhr quyền thax tsav qơư thiêz chor cơ quan muôx vax huôv cux tsênhv sir jos đros đơưk kho têx phiv liv no. Zơưv Nguyễn Thế Vinh, Phưv Bí thư Đảng ủy, Chủ tịch Ủy ban xar Thanh Xương, puz pâuz: “Uô lơưr chor ntâuz ntơưr chox kriê, cux li tỉnh, huyện li têx chox kriê, pêz tưz sir jos uô xav jênhv tsưr ziv sir zôngv ar, qênhz shuôk têx kror phiv liv hâur ntu kriz uô dưv anr chiê hêik trâu cấp muôx vax huôv sêiz shuôk, muôx tsưr ziv đơưk kho”.

Đros tsưr ziv uô zos txos kaz shông 2025 tsuv uô cov tiêr thiêz choz zok côngz trinhx, chor tsưr ziv li cxaz nzir pênhr jos, chuôz zênhx, paz txar qơư nhoz thiêz xav jênhv tsưr ziv sir zôngv ar tưz tâu têx taz viv sir jos kriz uô. Taz sik, zos thax tsav uô tsik tâu choz zok sêi, mak tỉnh Điện Biên chor dưv anr zov chênhr zuôr lax uô tâu tiêr li tsưr ziv tưz tso tơưv. Chor dưv anr no uô tâu thiêz tsik tâu zos tsuv khov trâu sik côngv jông, thôngx ziv uô nhoz chinhr quyền, tsưr yưv pênhr thiêz pêx xênhv hâur ntu zuôr txos./.

Vũ Lợi-Lik Thox cxêik nhênhv

Yên Bái cxơưz tiês hlôngr yiêz số thiêz zôngv công nghệ uô hâur luz nênhx

Ciês thâuv Bộ chính trị li Nghị quyết 57 lok sir jos huôv tsar khoa học, công nghệ, xar tơưv thiêz hlôngr yiêz số têz qơưk tâu tso tơưv, tỉnh Yên Bái tưz yênhx lix Ban chox kriê lok huôv tsar KHCN, xar tơưv thiêz hlôngr yiêz tỉnh Yên Bái, zos Bí thư tỉnh ủy uô Tsar ban.

          Ban chox kriê cux tso tơưv cui chế huôx tôngv đros 4 yôngx, 12 grê, chêx chôngk lok lênhs tov, chox kriê, pheiz côngz jênhv vưv, krêz uô muôx chêx cuk têx tsưr ziv jênhv vưv, tsaz yênhx côngz xưv shông 2025 thiêz tsưr ziv krêz uô Nghị quyết 57. UB tỉnh Yên Bái cux tso tơưv tsưr ziv uô đros 27 qơư tsov txos hâur ntu 2025-2030, ndar txos shông 2045 li: txos shông 2030, đas jos, yênhx tưv KHCN thiêz xar tơưv hlôngr yiêz hâur tỉnh tax phênhv jông; tsôngv box thiêz doanh nghiệp sir zôngv jix vuv công trực tuyến tax 80% ntâu; 85% ziv chuôz zis sir zôngv jix vuv Internet; 100% xã, phường muôx mạng di động 5G. Zơưv Nguyễn Thúc Mạnh, Phưv giám đốc Sở KHCN tỉnh Yên Bái puz pâuz: “Tỉnh zuôr tsưr tsix krêz uô phongz yaox cơưv shâuv số trâu ntâu lênhx nênhs hâur xã hội, đros co zos cungz têx cxeix laov tsi zuôr nhiêx txiêx sâuv nền tảng số chiê tsôngv box chiv chir đăng nhập cơưv shâuv, yênhx trus muôz siêz yênhx tưv, pênhr xưv trâu zuk”.

          Têx shôngk đhâu, jênhv vưv tsênhz hâux lưv zôngv KHCN thiêz xar tơưv hlôngr yiêz số li kror coaz tsôngv hâur tsiv uô kinh doanh, ntâu công ty, doanh nghiệp nhoz Yên Bái tưz chuv tôngv, yênhx trus zôngv KHCN lok tsiv uô, paz muôz siêz năng suất lox tôngv, txu grês têx nhiêx phí cxênhx txuôk...Tiv zix hâur vênhv thix ju lix, têx doanh nghiệp mê ntơưv Yên Bái cux xưk li sir zôngv jông KHCN thiêz hlôngr yiêz số chiê muôz siêz tsơưr lươngv jix vuv thiêz zaz zâuv kruô ju lix. Zơưv Nguyễn Việt Hưng, Giám đốc CÔng ty TNHH muôv muôs thiêz ju lix Hưng Việt pheiz kênh: “Uô ntêx zos xav tênhv siêz xar xar zôngv KHCN lok huôx tôngv viv li chiv chir cơưv shâuv; tiv 2 zos trơưk ntu têz qơưk lok six tsov cưv txos chiê paz txưv huôv tsar jix vuv, công nghệ thôngz xor mông viv li pêz tâu cxaz chuôz têx lớp kriê cxaz thiêz tâu paz sir zôngv têx phần mềm chox lok chêx cuk côngz xưv”.

          Hâur vênhv thix tsiv uô khoáng cxax, công nghệ yiêz cux tâu têx taz viv huôx tôngv sâuv thax tsav Yên bái zôngv chiê muôz siêz tsơưr lươngv, cxênhx txuôk nhiêx txiêx thiêz taz por lox tôngv. Zơưv Nguyễn Văn Toản, Giám đốc Chi nhánh Công ty CP luyện kim thiêz tsiv uô khoáng cxax Việt Đức ntơưv Lục Yên pheiz kênh: “Sir zôngv KHCN mak cxênhx txuôk tâu lok six ntâu nhiêx txiêx. Tsênhz mênhx hâur tsiv uô cux tưz zôngv têx zav meir, chuôz zênhx tự động, paz txu grês đas jos uô hâux lưv trâu lênhx nênhs, tsơưr lươngv tâu muôz siêz”.

          Sâuv chinhz yênhx Nghị quyết 57, ntu zuôr txos, tỉnh Yên Bái zuôr tror cxơưz tiês nhênhz chơưv, zôngv Công nghệ thiêz nền tảng số lok uô tsênhv tsênhz. Zơưv Nguyễn Thúc Mạnh, Phưv giám đốc Sở KHCN tỉnh Yên Bái puz pâuz: “Tỉnh zuôr chêx chôngk uô jông, cập nhật tỉnh li têx dữ liệu zôngv cxuô, dữ liệu chuyên nganhx côngv đros dữ liệu têz qơưk chiê uô jông têx ntâuz ntơưr hành chính sâuv jix vuv côngz trực tuyến”.

          Rxơưv tsênhv yuôr ntâu phêv liv li pênhr jos muôx tsơưs, lênhx nênhs txơưx tsi tâu muôx ntâu, taz sik đros chox kriê txix cấp ủy đảng, chính quyênx thiêz tsôngv box, doanh nghiệp li chuv tôngv, Yên bái njênhs njôngr zuôr uô tâu têx trus hlôngr yiêz jông hâur hlôngr yiêz số, gôngr phênhv lok têz qơưk li huôv tsar cxuô hâur ntu hlôngr yiêz./.

Thừa Xuân-Txâur Vax cxeik nhênhv