Lai Châu sir jos uô nox txix kôngz nuv hax huv, yuôx đrox njuôz

Jiês cơưv huôv tsar kôngz nuv hax huv, yuôx đrox njuôz lơưr saz kinh têr hur jông zos Thứ trưởng Nguyễn Quốc Trị thiêz Chủ tịch Ủy ban tỉnh Lai Châu Hà Quang Trung sêiz car, muôx chôngz lênhx nênhs nhênhz chơưv, sêiz car thiêz doanh nghiệp hâur têz qơưk đros cơưv. No tưz tsik zos iz diễn đàn sik thav, sêiz lax mak tsênhv zos qơư paz muôx têx tsưr ziv yiêz trâu iz jiês uô kôngz nuv hur jông, truôx đrênhk ntơưv thax tsav qơư.

Đros đar muôx 9.000 ntâu cêik cêr ndis, thax tsav phênhv ntâu zos tox trôngz siêz shơư đros vuôk har toz, lax yênhx shông, Lai Châu tâu ntux paz ntâu kror liv, txix yuôx đrox njuôz tsiv gri, yuôx zêx Shan tuyết lâul, blêx cxur kaz…

Têx shông jê lok no, kôngz nuv tror zos kror paz trâu kinh têr ntơưv thax tsav qơư. Shông 2025, tỉnh li tsar ndê GDP muôx 8% ntâu; phênhv sâu xav lênhx nênhs tâu muôx 65 triệu đêiv ntâu. Tiv zix, uô kôngz nuv tsênhv hlôngr sêi trâu saz hax huv, sir zôngv khoa học công nghệ, đros kriz uô jông thiêz nriêr pâuz qơư uô.

Iz hâur têx kror chênhr ntơưv jiês cơưv zos thav txos sâm Lai Châu – zav hax huv muôx tsiv gri ntơưv thax tsav qơư no. Zav sâm no tâu nriêr pov shông 2013, muôx tsơưr saponin siêz, muôx ntâu zav tsơưr tsiv gri. Tỉnh sir jos txos shông 2030 huôv tsar 3.000 héc ta sâm, paz trâu zav tsoz chos no zos yênhx nganhx hax huv chênhr. Zơưv Đinh Văn Đô, Tổng Giám đốc Công ty Cổ phần Sâm PuSiLung Lai Châu puz pâuz: “Pêz tưz tâu tỉnh muôz chủ trương yưv pênhr dưv anr thiêz tâu tỉnh paz cxuô kror chiê cxaz chuôz cxơưz cxiz yưv pênhr chiê huôv tsar nganhx sâm Việt Nam, tsênhv tsênhz zos sâm Lai Châu. Tsuv muôx cêv kuôk thax tsav chos tsênhv tsênhz, tsuv muôz chor sâm Lai Châu uô yênhx ploz tsênhr têz qơưk”.

Đros sâm, yuôx zêx Lai Châu cux tsênhv kriz tơưv ntâu kror liv lox. Đros muôx 10.000 ntâu héc ta yuôx zêx, hâur co muôx yênhx cxênhz tsoz Shan tuyết lâul, tỉnh chor hax huv yuôx zêx tưz tâu muôs muk trâu ntâu luz têz qơưk. Zơưv Hoàng Vĩnh Long, Chủ tịch Hiệp hôiv Yuôx zêx Việt Nam hêik mênhx: “Chiê chor doanh nghiệp yưv pênhr trâu Lai Châu cov jông thiêz tso siêz yưv pênhr trâu Lai Châu mak tỉnh Lai Châu cux tsuv muôx cêv kuôk tsênhz mênhx. Thax tsav yuôx zêx tưs trâu doanh nghiệp thiêz doanh nghiệp tsuv muôx txơưx jênhv li chak chiê đros pox nhuôs cxiv tsa thax tsav yuôx zêx truôx đrênhk, ngaz tuk thiêz txâuk cxuô kror chiê uô nox, tax tâu tsơưr lươngv siêz chiê muôs tơưv saz đrâuv têz qơưk”.

Txix têx doanh nghiệp hêik pâuz thiêz tsênhv tsênhz huôv tsar, hâu nov tỉnh Lai Châu khav tênhv zuôr sir jos đros chor nênhs yưv pênhr. Zơưv Hà Trọng Hải, Phưv Chủ tịch Ủy ban tỉnh Lai Châu puz pâuz: “Lai Châu muôx lok six ntâu kror liv, lok six zov chênhr lok côx phax, ngaz tuk. Pêz vav tiêk chor nênhs yưv pênhr zuôr paz trâu Lai Châu. Pêz jênhv tiêk Lai Châu zuôr paz ndax ndênhk thiêz sir jos hlôngr yiêz ntâuz ntơưr hành chính, paz zôngx ziv tiv zix trâu chor nênhs yưv pênhr thâuv tuôx trâu Lai Châu thiêz sik côngv truôx jông đros thax tsav qơư”.

Txix têx kror liv zênhx muôx, đros sir jos hlôngr yiêz tsưr ziv uô nox, Lai Châu tsênhv jux juk sir jos uô kôngz nuv hax huv, yuôx đrox njuôz trơưk saz hur jông, hlôngr yiêz thiêz truôx đrênhk. Thâuv têx kror liv no tâu uô jông txix cêv kuôk huv đros, khoa học công nghệ thiêz muôx doanh nghiệp đros đrêiv, Lai Châu tưz tsik zos huôv tsar tâu jông xưz, mak tsênhv truôx đrênhk thiêz.

Têx hlôngr yiêz nhiv no, đros muôx chinhr quyền sik côngv têk, pêx xênhv thiêz côngv thôngx doanh nghiệp zuôr zos yênhx pênhr jos paz trâu Lai Châu huôv tsar cov hênhr đuô hâur têx shông zuôr txos./.

Khắc Kiên-Lik Thox cxêik nhênhv