Lai Châu sir jos kriê cxaz têx txux chi trâu shux xênhz tưr thik cơưv tiêr ntơưr lớp 12 sông 2026

Ntơưv tsêr cơưv cxênhx 3 chuyên Lê Quý Đôn, chor cưk kriê ntơưr tsênhv sir jos kriê cxaz nzir têx txux chi trâu shux xênhz chiê bax tưr thik cơưv tiêr ntơưr lớp 12. Tsi yuôr têx six hơưv cơưv li cxiê hnuz, nhiv no têx jiês cơưv tâu tsưr tsix kriê cxaz nzir têx txux chi, tsưr ziv trâu shux xênhz shâuv uô jax thik trơưk li Bộ zoz zux têx đề thik. Cưk kriê phênhz shux xênhz uô têx paz cơưv chor cơưv tâu nưk uô nưk iz paz, têx lênhx cơưv tsi yuô tâu mak uô iz paz chiê zôngx ziv kriê têx txux chi huv đros, paz chor shux xênhz pâuz tsênhz thiêz cơưv tâu jux juk ntâuz ntơưr đhâu yênhx hnuz. Nguyễn Thanh Hằng, shux xênhz lớp 12 chuyên Hóa heik:“Nhoz pêv lớp cưk kriê ntơưr cux muôz iz cxiê jax thik chiê pêz uô siv. Pêv lớp cơưv cur phênh ntâu tiz jông mnôngs sêz cưk kriê, kriê pêz uô li chas, đhâu co lok tsêr cur tror seiz đuô têx jax thik mak chor cưk kriê muôz trâu pêz shâuv uô siv ntơư, uô tâu kror tưs uô tsi tâu kror tưs. Iz chas ntơư cur cux seiz nzir 2 chas tỉnh txơưr đuô têx jax thik hâur mạng xã hội chiê shâuv uô, cơưv cxaz nzir”.

Bax cơưv txux chi, chiv chir qênhz pov thiêz pâuz txos têx cơưv tsi yuô tâu, zok nriêr tsưr ziv cơưv cxaz nzir zos iz kro tâu ntâu lênhx shux xênhz uô trơưk hâur ntu tsi yuô ntâu six hơưv, hnuz nhôngs li nhiv no. Iz chas cơưv pêv lớp, chor shux xênhz cux tsês nzir ntâu six hơưv zuk cơưv zuk hâur tsêr, shâuv uô têx jax thik đhâu sâuv mạng xã hội, tsi tas li co, chor shux xênhz cux tsưx phưv truôx tuk đas jos thiêz bax jông txux chi trâu jiês tưr thik cơưv tiêr ntơưr. Đinh Thùy Linh, shux xênhz lớp 12 chuyên Toán heik:“Cur tưz lok six sir jos cơưv cxaz nzir têx txux chi yuôr trâus thiêz bax jông tsưr ziv chiê muôx têx tưr thik tâu jông ntơưr lớp 12”.

Trơưk li cưk kriê Đặng Trần Hiệu, Phưv thơưx seiz car tsêr cơưv cxênhx 3 chuyên Lê Quý Đôn, tỉnh Lai Châu, chiê bax tâu jông têx txux chi thiêz truôx siêz li ntơư, tsêr cơưv tưz cxiv tsa tsưr ziv kriê, cơưv cxaz nzir txux chi txix ciês hâur shôngk shông cơưv. Đros trâu kriê, cơưv tas têx ntơưr cơưv, têx lớp kriê, cơưv cxaz nzir tâu tsưr tsix huv đros yênhx ntu, thiêz tưr thik siv chiê ntâuk grê txux chi, pênhr xưv, cxiv kho tsưr ziv kriê, cơưv cxaz zênhx max:“Niêx shông chor shux xênhz hâur tsêr cơưv 100% puôr lênhx tưr thik tâu ntơưr lớp 12, têx lênhx tâu xeir zuôr muk cơưv Đại học muôx kênh shông tax 99% ntâu thiêz truôx tuk 98% ntâu. Txix têx li ntơư, niêx shông tsêr cơưv puôr lênhx cxiv tsa têx tsưr ziv kriê thiêz cơưv hâur tsêr cơưv trơưk cui tinhv”.

Cux xưk li tsêr cơưv cxênhx 3 chuyên Lê Quý Đôn, ntu no, cxuô luz tsêr cơưv cxênhx 3 txơưr đuô hâur thax tsav tỉnh Lai Châu cux tsênhv sir jos fuô uô têx hâux lưv li heik sâuv. Lok phênhz shux xênhz uô têx paz chiê zôngx ziv kriê cxaz nzir huv đros, tso shux xênhz uô siv têx jax thik thiêz tưr thik siv tâu fuô uô đêz đar. Pos Hoàng Thu Phương, Phưv Giám đốc Sở Zoz zux tỉnh Lai Châu heik pâuz:“Sở Zoz zux tso tơưv hâux lưv trâu jiês tưr thik cơưv tiêr ntơưr lớp 12 shông 2026 zos tsưx phưv tâu truôx chor shux xênhz tưr thik tâu ntơưr chôngz li cxiê shông thiêz tsar ndê siêz shux xênhz têx điểm thik. Chiê uô tâu hâux lưv co, cxuô luz tsêr cơưv tsuv tsưr tsix kriê, cơưv cxaz nzir huv đros trâu tsênhv tsênhz thiêz yênhx lênhx shux xênhz”.

Tas nro tỉnh Lai Châu zuôr muôx 4.400 ntâu lênhx shux xênhz cxaz chuôz dưv tưr thik cơưv tiêr ntơưr lớp 12 shông no. Đros trâu têx tsêr cơưv bax jông cxuô luôs hâux lưv, ngênhx zoz zux sik côngv têk thiêz chor shux xênhz têx sir jos, tỉnh Lai Châu tsênhv bax tok zuôr tưr thik tâu ntơưr jông trơưk tsưr ziv./.

                                                                                                            Khắc Kiên-Riê Lâux cxeik, nhênhv

Phênhv “Nôngx mênhx zuôr tsuv pâuz”

Taz por tênhv tênhz cheix ntux cuz sor

Chiê taz por trâu cxuô ziv chuôz zis thiêz côngv thôngx li txox siê, chuôz zênhx chuôz tas, nganhx tênhv tênhz heik tsôngv px tsuv uô jông têx tsưr ziv sir zôngv tênhv taz por li đrav kaz:

          - Tiv 1, tsi zôngv uô cê ntâu chuôz zênhx tênhv muôx công suất lox li điều hòa, bình nóng lạnh, kror chuz tênhv...uô trâu tênhv tênhz zôngx ziv trâus cuz tơưs.

          - Tiv 2, yax six qênhz yuôx cxix luôk tênhv tênhz li công tơ, tiv zix zos xor tênhv, qơư đhok tênhv, chuôz zênhx txiêr tênhv, hlôngr têx chuôz zênhx tênhv tưz kuz, tưz liêv, tsi taz por ploz tsênhr.

          - Tiv 3, tsi chiv chir kho đuô tênhv tênhz thâuv tsi muôx chuyên môn. Thâuv muôx tênhv tênhz cuz tơưs, lok sik trâus liêv tsuv hu ciês trâu taz viv tênhv jos tiv phaz lok sik hu trâu tổng đài tsoz phưz tsôngv kruô Tổng công ty tênhv jos faz Bắc 19006769 chiê tâu paz txưv.

Nhạc cắt

          - Tiv 4, sir zôngv meir tso tênhv trơưk tsưr ziv, tso meir trâu ntơưv qơư kruôr krơưr, tsi chiê jê ntơưv thax tsav qơư xênhz huôx chiê phax tar cuz tơưs thiêz trâus tưx pa.

          - Tiv 5, tsi uô yâuv, tsi tso zux, tsi cxok ntông, tsi uô côngz tsinhx jê ndêx tênhv, xor tênhv, tsi ndê ndêx tênhv, trạm biến áp...

- Tiv 6, zos yar ntux cuz sor, têx chuôz zênhx tênhv zôngx ziv trâus cuz, viv li tsuv tuô têx chuôz zênhx tsi zôngv txos, tsi chiê chuôz zênhx tênhv huôx tôngv tsi so hâur iz ntu ntêr mak tsi muôx lênhx nênhs seiz jor.

Lơưr nganhx tênhv tênhz li canhv pov: ntâu txuz cuz tơưs tưz muôx yưv hâur cheix ntux sor qir tiv zos viv cuz tênhv tênhz, zôngv tênhv ntâu uô cuz tơưs lok sik chuôz zênhx tênhv tsi txâuk tsơưr lươngv. Viv li, cxuô lênhx nênhs tsuv muôz siêz siêz xar, chuv tôngv phax tar, tsưv ziv thâuv sir zôngv tênhv.

Thâuv pov xor tênhv tu, ndêx tênhv keix, chuôz zênhx tênhv cuz sor đuô fênhx yax, tsôngv px tsuv ciêr chênhr thôngz pov trâu nganhx tênhv tênhz lok sik chính quyênx tiv phaz chiê ciêr chênhr tâu yưr lir.

Taz por tênhv tsi zos nganhx tênhv tênhz li txơưx jênhv xưz mak tsênhv zos cxuô lênhx nênhs li txơưx jênhv. Iz hâux lưv uô jông hnuz no zuôr gôngr phênhv por vêv trâu zuk, chuôz zis thiêz côngv thôngx sđ./.

                                                                                                           Hồng Việt-Txâur Vax cxeik nhênhv