Buô tuôs tas chôngz, ntâu chuôz zis tu zus nhoz tox siêz Lào Cai cxơưx

Zơưv Hoàng Văn Giang nhoz jok Tân thịnh, xã Quy Mông chuôz zis nhiv kruôr yưv tas 200 tsov đeiv ntâu cxiv uô qơư truôx khor chiê tu zus buô grêix đros thiêz zus 100 tus iz fâuv.

Thâuv pâuz tiêk hâur thax tsav muôx moz ơưk buô châu Phi huôv xênhz, zơưv Giang chuôz zis tưz sir jos phax tir thêir moz, hnuz tưs cux tsuôs yuôx tuô lov caz moz, fmông hmôngr jêz siz hur si, taz sik cux phax tar tsi tâu moz ơưk hlo. Chor buô tsênhv hloz lox, jông gâux, xav kror đruôz iz tus muôx 30 cir ntơư qir trâus moz, njôngk thiêz tuôs jux juk, muôx têx zuôr trâus tuôs tas, pôngz pênhr lox: “Jiês no cur chuôz zis pôngz pênhr tas muôx 200 tsov đeiv zuôr nôngz buô zus, 300 ntâu tsov đeiv zuôr krâur puz. Chuôz zis vav chiê siêz, cxuô cấp hâu nov zuôr muôx tsưr ziv paz mê njik trâu pêz tsôngv pêx xênhv”.

Pos Nguyễn Thị Quỳnh, nhoz jê zơưv Giang chuôz zis zos ziv chuôz zis tu zus tâu ntêr shông lok, cux njiz trâus têx tsi jông li heik co. Moz ơưk buô châu Phi huôv xênhz tưz uô ruôr hiêv lox txos paz buô, 13 tus buô grêix, iz tus ntơư muôx nhos iz puôk cir tsênhv taz tov jông muôs txơưv trâus moz, tsi nox krâur thiêz tuôs tas. 3 tus niêv buô hnhar muôx 3 puôk cir iz tus cux trâus tuôs hur si: “Cur chuôz zis tưz heik trâu hâu nov ntơưv qơư pâuz, chor nênhs uô hâux lưv kho moz tsiêx cxu hâur xã cux tuôx qênhz yuôx, shuôs chor buô trâus tuôs. Đhâu co lơưr muôz lux, thâux muk hlơưr por tsês xar muôx 2 tênhr buô”.

Trơưk li Sở Kôngz nuv thiêz tênhx qơư tỉnh Lào Cai heik pâuz, moz ơưk buô châu Phi tsênhv huôv xênhz lok six phiv liv. Tas nro tỉnh tưz muôx moz ơưk buô huôv xênhz nhoz 340 ntâu chuôz zis, siz cik tâu đêz đar trâu 108 jok nhoz 26 xã, phường. Txos nhiv no, lưv lươngv muôx vax huôv tưz hlơưr por tsês zuôr xar 1.600 tus buô trâus moz ơưk, xav hur si muôx nhos 92 tênhr ntâu. Zơưv Ninh Trần Phương, Phưv Chi cục tsar, Chi cục tsêz chos kôngz, por hưv đrox tsuôs thiêz tu zus, kho moz tsiêx cxu, shuôz njêl tỉnh Lào Cai heik pâuz: “Nhiv no, cxuô thax tsav qơư tsênhv sir jos fuô uô luôs hâux lưv phax tar moz ơưk. Đros thiêz thax tsav tsênhv muôx moz huôv xênhz mak chor buô trâus moz muôz hlơưr por tsês trơưk cui tinhv; vênhv tôngv pêx xênhv heik zênhx max trâu hâu nov ntơưv qơư pâuz thâuv tưs muôx moz ơưk huôv xênhz, chiê muôx tsưr ziv phax tir thêir tsi chiê moz ơưk siz cik tâu trâu ntâu qơư. Iz chas ntơư, heik trâu pêx xênhv pâuz lok têx qơư muôx moz ơưk huôv xênhz chiê muôx tsưr ziv phax tar. Đros thiêz chor chuôz zis tsênhv tu zus mak kriê sơưr đơưk tu zus taz por truôx tuk....”.

Nhiv no, cxuô ngênhx muôx vax huôv nhoz Lào Cai tsênhv tror hux jos đros cxuô thax tsav qơư zênhx max kuôk cêv thax tsav trâus muôx moz huôv xênhz; hu zâuv sơưr đơưk đros seiz kaz, yax kriê, phax tir thêir tsi khênhr fax thâux muk lol, tuô tsênhr, zuôr muôs têx buô trâus moz chiê txo grêk tsơưs moz siz cik đêz đar trâu ntâu qơư./.

Đinh Tuấn-Riê Lâux cxeik, nhênhv