Taz por uô jông cêr tênhv tênhz 500kV đhâu Lào Cai

3 ca, 4 kíp uô hâux lưv, cxok têx tul ndêx tênhv siêz đuô 80 yiv, hnhar yênhx puôk tênhr, hâur ntu qiv hơưv tsi so muôx ntux yar ntux nas. Tas nro cux tsi uô têx công nhân tưz ndeiv chuôz zis muk ntâu hnuz tso tsês zuk hâux lưv uô sâuv côngz trường thax tsav Tây Bắc li tix lâuk Hà Văn Bình pheiz kênh: “Đei muk sâuv ndêx tênhv lok six riêz nênhs, lok six lax uô hâux lưv taz sik pêz cux tsuv sir jos uô”.

          Hâur ntu uô hâux lưv sâuv têx thax tsav tox siêz ar nxaz, tas nro têx hâux lưv thâux gra ndêx tênhv, truz xor tênhv, cxok ndêx tênhv....tsuv lok six tsưv ziv uô cov taz por. Tix lâuk Phạm Văn Tân, Công ty cổ phần cxiv tsa thiêz jix vuv Sông Đà heik: “Pêz tưz chêx chôngk tas nro cxuô zav meir, chuôz zênhx, lênhx nênhs chiê uô tiêr. Nhiv no tsênhv tâu uô trơưk tsưr ziv”

          Txos nhiv no, poz thâux số 1 tưz tsưr tsix truz xor tênhv xuz thơưx txux VT9 txos VT16. No cux zos poz thâux tâu ntâuk grê uô sei tiv zix sâuv tas nro tuyến.

          Đros tsưr yưv pênhr thiêz tsưr thâux li siêz sir jos đros tas nro cxix luôk chính trị li sik côngv uô chiê car chêx têx phêv liv hâur ntu uô côngz tsinhx zos lok six coaz tsôngv. Tiv zix, ntu hlôngr yiêz, sik côngv bộ meir lơưr trâur nuv chính quyênx tiv phaz 2 cấp cux pov muôx yưv têx phêv liv, taz sik têx tiv phaz puôr lênhx truôx siêz uô. Li nhoz xã Thác Bà muôx 92 ziv chuôz zis trâus zênhr shar, taz sik txos nhiv no, xã tưz choz 35/35 qơư cxok ndêx tênhv trâu taz viv uô. Zơưv Nguyễn Hoàng Anh- Tsar phongx kinh têr, xã Thác Bà, tỉnh Lào Cai puz pâuz: “Pêz tưz muôz uô ntêx 80% nhiêx txiêx pâux nzir ar trâu têx ziv chuôz zis uô ntêx thâuv cxiv uô ndêx tênhv. Txos nhiv no, tsưr ziv tưz tâu thôngz đhâu chiê cuiz tênhv sâu. Ntu zuôr txos, pêz zuôr tror thêv chor tsênhv yuôr trâu têx ziv chuôz zis co”.

          Dự án cêr tênhv 500kV Lào Cai-Vĩnh Yên ntêr zuôr xar 300 cei cêr đros muôx 468 ndêx tênhv, muk đhâu 2 tỉnh Lào Cai thiêz Phú Thọ. Ntơưv tỉnh Lào Cai, 259/273 qơư tưz khơưz tâu kror cxok ndêx, 99 qơư uô tiêr hâux lưv cxok ndêx. Tas nro cxix luôk chính trị hâur tỉnh tsênhv sik côngv đas jos đros tsưr yưv pênhr, tsưr thâux sir jos uô tiêr dự án uô ntêx hnuz 19/8 lơưr Thủ tướng chính phuv li chox kriê./.

An Kiên-Txâur Vax cxeik nhênhv

Tuz lênhv pênhz phax yax kriê hlôngr yiêz sôr trâu têx jêx jok

Nhoz thax tsav tox siêz no nziês, jiês yax mông, kriê pêx xênhv sir zôngv xor tôngx uô lưv zav hâux lưv zos chor canr bôv, chiến sĩ Zênhx Pênhz phax Vàng Ma Chải, tuz lênhv Pênhz phax tỉnh Lai Châu fuô uô ntơưv jok ntus đriv Sì Choang, xã Vàng Ma Chải (nhiv no zos xã Sì Lở Lầu, tỉnh Lai Châu) tưz hu zâuv yênhx châuv lênhx pêx xênhv cxaz chuôz. Hâur xor tôngx, puôr lênhx tâu chor tuz lênhv pênhz phax kriê iz kro jux juk. Niêv lâul Chẻo Thị Hoa, nhoz jok Sì Choang heik pâuz: Cux viv tsi yuô muôx txux chi, tsi pâuz cor têx xor tôngx ntâu, mak tsi tsơưs lênhx tưz trâus nênhs fêv nziêk đas thâuv zuôr hax huv đhâu sâuv mạng xã hội, lok sik hâuz zâuv uô lưv zav hâux lưv tsi trơưk chei đros têx luk chos li “hâux lưv siz, tâu nhiêx siêz”:“Tsaz yênhx hnuz no tưz uô trâu tsôngv pêx xênhv pâuz tâu ntâu zav lok hlôngr yiêz sôr, lok mạng xã hội, cux li paz pêx xênhv phax txar tâu têx tsi jông chor nênhs fêv nziêk đas đhâu mạng xã hội. Cur cux kriê đuô trâu chor nênhs hâur tsêr, cxênhz jê thiêz tsôngv cưr tix nênhx tsa nhoz iz ndis pâuz nzir mạng xã hội. Txix ntơư zuôr paz pêx xênhv sơưr đơưk chênhr phax, pâuz tsênhz thiêz uô trơưk hâur chuôz zis cêr huôv tsar uô nox uô hâuk”.

Thiếu tá Nguyễn Duy Khánh, Chính trị viên Phưv Zênhx Pênhz phax Vàng Ma Chải, Ban chỉ huy Pênhz phax tỉnh Lai Châu heik pâuz: Tsuôk đhâu iz ntuk tsi ntêr fuô kriê, “qơư lênhk txeik sơưr đơưk têx ntơưr heik lok chor nênhs fêv” tưz txeik tâu 32 mông heik pâuz, hâur co muôx 14 mông, xor xưv muôx liv jông: “Taz viv xav tinhv no zos tsưr ziv chênhr chiê gra siêz tsưr ziv jênhv pâuz lok chei têz qơưk thiêz uô trơưk têz qơưk chei fuô kriê, cux li tsôngv pêx xênhv hâur thax tsav tsưr ziv sir zôngv, uô trơưk công nghệ thôngz xor mông. Taz viv tưz fuô uô tâu truôx jông luôs hâux lưv kriê hlôngr yiêz sôr, tsưr tsix 17 jiês kriê li heik sâuv trâu 850 ntâu lênhx pêx xênhv lok tsưr ziv uô lơưr công nghệ sôr. Yênhx lix 17 mã QR fuô kriê chei têz qơưk trâu tsôngv lax pêx xênhv. Đhâu ntơư, sơưr đơưk tưz pâuz tsênhz, pâuz mênhx đuô lok chei têz qơưk thiêz uô jông trơưk têz qơưk chei fuô kriê; 100% canr bôv, xã, bí thư chi bộ, tsar jok tưz pâuz sir zôngv công nghệ thôngz xor mông, chiê fuô kriê chei têz qơưk txos trâu tsôngv niêv txir lax pêx xênhv”.

Txix luôs hâux lưv uô siv li heik sâuv ntơưv Vàng Ma Chải, txos nhiv no, tas nro 13 Zênhx Pênhz phax nhoz ntus đriv Lai Châu tưz iz luôs fuô uô hâux lưv yax mông, kriê tsưr ziv hlôngr yiêz sôr trâu pêx xênhv. 40 ntâu lớp cơưv tưz tâu tsưr tsix ciês hâur cxuô jêx jok nhoz tox siêz, muôx chôngz lênhx ntâu tus pêx xênhv heir nênhs Hmôngz, Cho, Hà Nhì, Poz Ziz....cxaz chuôz.

Đại tá Nguyễn Văn Hưng, Chính ủy ban Chỉ huy tuz lênhv Pênhz phax tỉnh Lai Châu heik pâuz: Phôngz yaox “pêx xênhv sơưr đơưk sik đros cơưv hlôngr yiêz sôr” tưz tâu Đảng ủy Ban Chỉ huy tuz lênhv Pênhz phax Lai Châu cxiv tsa yênhx Nghị quyết chuyên đề thiêz phuôx tôngv hâur tas lưv lươngv. Tsi tiêk kriê sir xor tôngx, chor tuz lênhv pênhz phax tsênhv paz yênhx châuv luz xor tôngx jông trâu têx chuôz zis lok six txov nhêv, chiê lơưr krêz seiz tâu têx mông thiêz cơưv shâuv, uô trơưk luôs lưv tus cêr huôv tsar uô nox jông: “Pêz tưz yênhx lix iz Zênhx Pênhz phax muôx iz tổ kriê pêx xênhv li heik sâuv, txix 3-5 lênhx, muk trâu cxuô jêx jok chiê paz max, kriê pêx xênhv pâuz lok hlôngr yiêz sôr; iz chas ntơư kriê sơưr đơưk tsưr ziv sir zôngv xor tôngx. Chiê txix co, tsôngv pêx xênhv muôx têx tâu siz chuôs njiz chor nênhs cxênhz jê đhâu hu xor tôngx, siz kriê cêr uô nox. Lar heik, đhâu ntơư pêx xênhv zuôr pâuz tsưr ziv muôz têx mông jông, kriê chor nênhs uô cxâuv chei têz qơưk trâu tuz lênhv pênhz phax”.

Nhoz tox siêz Lai Châu, thax tsav ntâu qơư tsi yuô muôx sóng xor tôngx thiêz mạng internet, taz sik tsôngv pêx xênhv thiêz chor tuz lênhv pênhz phax thâuv tưs tưz sik thôngx siêz jông. Iz jiês pêx xênhv xa xor mông trâu tuz lênhv zos iz jiês pêx xênhv muôx cêr njênhs njôngr đuô. Uô tâu têx li heik co zos khov chor tuz lênhv Pênhz phax têx sir jos, moz siêz paz tsôngv pêx xênhv hla đhâu phiv liv, muôx luz nênhx truôx tuk, tsâu sor./. 

Khắc Kiên-Riê Lâux cxeik, nhênhv