Txix “yuôx zêx tsi hur” hlôngr chos yuôx zêx hur, pêx xênhv Hưng Khánh tâu lênhx nênhs sir zôngv njênhs

Xã Hưng Khánh (huyện Trấn Yên, Yên Bái kuz) têx yuôx zêx tâu chos txix têx shông 70 đrav ntêx, thâuv pêx xênhv chor tỉnh tiêx đras tuôx trâu thax tsav no huôv tsar uô nox. Têx thax tsav tox trôngz lax nziês, jông krêz phaz uô nox thiêz huôv tsar chos tsoz chos co.

Thâuv ntu 2010-2012, viv têx muôx liv uô ntêx thiêz mnôngs trơưk chor tuz luôv heik, pêx xênhv thax tsav yuôx zêx Hưng Khánh tưz zôngv qir fmông, tsuôs yuôx tuô đrox tsi trơưk cui tinhv trâu têx liêx têz yuôx zêx cov hlar njik sei, đê tâu nju đuô. Yuôx zêx nhôngk, yuôx zêx kruôr mak jiêz chuôs tsi ntơưv têx ntus cêr muk lol, muôx têx tâu đo shơư hur si hmôngr poz jêz, hmôngr poz cưk chiê jông gâux, hnhar cir.

Đhâu thâuv têx uô tsi hur, tsi jông co tâu tuz sâu xor xưv thiêz ngênhx muôx vax huôv qênhz pov, xưv bluô, tas nro thax tsav yuôx zêx njiz trâus phiv liv, viv têx yuôx zêx tsi muôx lênhx tưs zuôr txos, muôs gri fênhx zis cux tsi yuô muôx tưs zuôr, ntâu chuôz zis pêx xênhv tưz xav txos zuôr muôz têx yuôx zêx ntor por tsês, hlôngr uô đuô lưv zav tsoz chos txơưr đuô. Muôx nhos zuôr xar 10 tơưv shông tror lok no, tưz muôx iz tsưr ziv yiêz krêz hâu cêr  trâu thax tsav Hưng Khánh huôv tsar uô yuôx zêx truôx tuk lơưr VietGAP, hur jông, paz thax tsav no hlôngr yiêz. Zơưv Vũ Văn Hồng, Giám đốc HTX yuôx zêx Khe Năm, xã Hưng Khánh, tỉnh Lào Cai heik: “Đhâu thâuv pov tâu têx yuôx uô tsi hur mak canr bôv thiêz pêx xênhv hâur jok cux pâuz mênhx, pâuz tsênhz txos têx tsi jông; tas nro chor chuôz zis uô yuôx zêx hâur jok tưz hlôngr yiêz siêz xar, tsưr ziv uô chiê tsiv uô tâu yuôx zêx truôx tuk. Lar heik zos hâur ntu jê lok no cux tưz tâu Viện yuôx zêx paz kriê tsưr ziv sir zôngv qir huv đros, pêx xênhv sơưr đơưk lok six shir phaz”.

Pos Đoàn Thị Thu nhoz jok Khe Năm chuôz zis muôx 4 cxênhz ntâu xưv phaz têz chos yuôx zêx, hâur co 2 cxênhz ntâu xưv phaz chos yuôx zêx Bát Tiên txix shông 2014 hlôngr trâu chor yuôx zêx tưz lâul, tsi jông tas ntơư. Tâu canr bôv cxiz kôngz kriê tsưr ziv chos thiêz tu, pos chuôz zis thiêz iz cxiê ziv chuôz zis tưz uô trơưk li heik kriê: “Tu thiêz nthuô đoz đrox mak pêz uô trơưk li thâuv ntêx, hok trâu qir mak pêz fmông têx qir đrox tsuôs; tsuôs yuôx cux tsuôs chor yuôx truôx tuk, uô trơưk đreiv li cui tinhv tsiv uô xiv huv OCOP....”.

Zơưv Vũ Văn Hồng, Giám đốc HTX yuôx zêx Khe Năm, xã Hưng Khánh, tỉnh Lào Cai heik pâuz nzir: Shông 2020, xã tưz vênhv tôngv cxuô chuôz zis pêx xênhv yênhx lix HTX yuôx zêx Khe Năm, muôx 30 ntâu lênhx nênhs. Txos nhiv no, HTX muôx yuôx zêx Bát Tiên tax xiv huv OCOP hur jông, tâu ntâu lênhx nênhs sir zôngv hâur thiêz đrâuv 2 chas tỉnh nhiêv zuôr txos. Xav kror đruôz đraz iz ha đê sâu tâu txix 9-10 tênhr njik yuôx zêx nhôngk, tâu muôx 200 tsov đeiv ntâu nhiêx, txix ntơư ntâu chuôz zis pêx xênhv tưz muôz têx liêx têz uô tsi jông kôngz, chos shôngz ntông tsi hloz co hlôngr chos yuôx zêx: “Txos nhiv no, cux tưz huôv tsar uô tâu têx yuôx zêx jông, truôx tuk, tsôngv pêx xênhv sơưr đơưk tso siêz huôv tsar uô nox uô hâuk. Zov chênhr zos têx lênhx kruô zuôr yuôx zêx, lơưr tưz njênhs thiêz zuôr txos ntâu, viv li pêz cux jông siêz lok six ntâu”.

Thax tsav yuôx zêx Hưng Khánh têx hlôngr yiêz heik sâuv zos iz kro uô trâu sơưr đơưk pov tâu têx xiv huv hur jông, tsi tiêk muôs tâu gri, tsênhv zos chiê tsưx phưv đas jos trâu sơưr đơưk, cxiv tsa suôz bê xiv huv thiêz paz pêx xênhv huôv tsar uô nox truôx tuk, muôx luz nênhx tsâu sor./.

Đinh Tuấn-Riê Lâux cxeik, nhênhv

Sei đrơưv hla đhâu phêv liv thâuv uô trâur nuv chính quyênx 2 cấp nhoz Lai Châu

Tsênhv qơư hành chính côngz xã Sin Suối Hồ, tỉnh Lai Châu- gơưv hluôk tuz hluôk nxeik nênhs Cho- Tẩn Láo Tả thiêz Tẩn Tả Mẩy nhiv kruôr muk 20 cei cêr har jôngr txix jos Chí Sáng tuôx chiê uô ntâuz ntơưr siz zuôr uô txix gơưv. Muôx njik txax muôs thâuv jiês xuz thơưx tuôx ntơưv no uô hâux lưv, taz sik thâuv tâu têx cán bộ tos jênhv ntâuz ntơưr, heik kriê uô gơưv tsi nyei njiz phêv liv thâuv uô ntâuz ntơưr thiêz, đhâu iz ntu tos, gơưv niêv txir hluôk tưz jênhv tâu ntơưr côngz jênhv zos niêv txir: “Cur 2 niêv txir tuôx uô ntâuz ntơưr đăng cir siz zuôr uô txix gơưv thiêz tâu têx cán bộ jông siêz heik kriê uô têx ntâuz ntơưr. Cur tâu têx cán bộ heik uô uô ntâuz ntơưr lok six sei. Cur 2 niêv txir tsuôk pôngz muôx nhos 1 six hơưv tưz jênhv tâu ntơưr đăng cir siz zuôr uô txix gơưv lơưv”

          Xã Sin Suối Hồ, tỉnh Lai Châu zos xã yiêz nhiv kruôr tâu sik côngv txix 3 xã zos Sin suối Hồ, Nậm Xe thiêz Thèn Sin, nhoz (huyện Phong Thổ, tỉnh Lai Châu kuz) đros muox 16 cxênhz lênhx nênhs sik đros nhoz uô nênhx. Tsênhv qơư phưx vưv hành chính côngz xã Sin Suối Hồ nhiv no txix thâuv qir huôx tôngv hnuz xiêz 1/7 thâuv tưs cux muôx chôngz lênhx nênhs tuôx uô têx zav ntâuz ntơưr hành chính. Đros 8 cán bộ muôx nhiv no, hâur co muôx 6 lênhx muôx yênhx tưv đại học ndê muk tsênhv uô lok six ntâu hâux lưv car chêx 400 ntâu têx zav ntâuz ntơưr hành chính trâu tsôngv box sâuv thax tsav. Ciês hâur hlik hli huôx tôngv, tsênhv qơư tưz tos jênhv thiêz car chêx zuôr xar 200 ntâuz ntơưr hành chính, phênhv ntâu muôx lênhx coaz txos BHXH, ar têz, hộ tịch thiêz côngz jênhv ntâuz ntơưr cxuô zav.

          Zơưv Nguyễn Minh Chiều, Phưv giám đốc Tsênhv qơư phưx vưv hành chính côngz xã Sin Suối Hồ puz pâuz, thax tsav xa đar, têx jêx jos nhoz đêz tsênhv qơư xã viv li pox nhuôk thâuv muk lok njiz ntâu phêv liv, tiv zix zos hâur cheix ntux lok nas. Tiv zix, iz cxiê pưv phênhv tsôngv box yênhx tưv kis, viv li hâux lưv khiêz ntâuz ntơưr hồ sơ trực tuyến tsênhv kis: “Chiê ntu zuôr txos uô jông đuô hâux lưv no, pêz tsuv yênhx lix têx tuêv paz khiêz hồ sơ trực tuyến nhoz têx jêx jos, tsêr cơưv ntơưr. Njiêz luv no tsuv tâu seiz shuôk, têx tsar jos tưz tuôv zênhv zoz qơưx lok công nghệ thôngz xor mông mak pêz tsưr tsix kriê cxaz, paz txưv thiêz cungz chuôz zênhx chiê lơưr paz tsôngv box khiêz hồ sơ ntâu ntơưr trực tuyến. Hâux lưv no zôngx ziv đuô lok six ntâu trâu tsôngv pox nhuôk hâur ntu uô hâux lưv thiêz pêz cux tuôv zênhv zoz qơưx jê tsôngv box, tas nro viv tsôngv box li qênhx liv”

          Lơưr Chủ tịch UB xã Sin Suối Hồ Nguyễn Mạnh Cường, nhiv no tiv phaz muôx 35 jêx jos, phênhv ntâu zos tsôngv box Thái Hmôngz thiêz Cho thiêz phênhv ntâu nhoz đêz tsênhv qơư xã txix 10 txos 40 cei cêr, ntâu jêx jos cêr lok six lax muk lok, xã li Cơ sở cxuô zav, qơư uô hâux lưv zos ntơưv xã Thèn Sin kuz li qơư uô hâux lưv, tsuôk tuôv zênhv tâu qơư uô hâux lưv trâu 20 lênhx cán bộ thâuv ntêx, nhiv no muôx 70 lênhx nênhs mak tsi tâu tuôv zênhv tâu zoz qơưx. Phêv liv lok cơ sở cxuô zav tưz thiêz tsênhv tâu lav khưx phưx chiê truôx tul uô hâux lưv; taz sik xã li siêz xar njôngr nhiv no zos tsơưr lươngv cán bộ. Zơưv Nguyễn Mạnh Cường heik: “Pêz li phêv liv tiv zix zos côngz xưv cán bộ. Cán bộ mak phênhv ntâu txix têx cán bộ xã kuz, trâur nuv yiêz taz sik siêz xar kuz, tsưr ziv uô hâux lưv kuz. Uô ntêx pêz tưz njiz têx phêv liv thâuv uô hâux lưv, cán bộ li tsưr ziv uô hâux lưv tsi tâu tuôv zênhv tâu zoz qơưx. Nhiv no hâux lưv pheiz cấp ntâu, taz sik cán bộ tos jênhv uô jênh vưv mak tsi tâu shưv, car chêx hâux lưv tsênhv njiz ntâu phêv liv”.

          Hâux lưv tsưr tsix bộ meir yiêz, txơưv tsênhv yuôr ntâu phêv liv, taz sik đros têx cán bộ li siêz sir jos, đros tsôngv box li sik côngv siêz uô, trâur nuv chính quyênx tiv phaz 2 cấp nhoz Lai Châu tưz thiêz tsênhv jux jus huôx tôngv truôx, muôx chêx cuk. Phêv liv tsênhv yuôr, taz sik tsưr ziv chiê hla đhâu têx phêv liv co cux jux jus tâu uô txix têx hâux lưv uô tsênhv tsênhz. Hâux lưv hlôngr yiêz bộ meir cov huôx tôngv muôx chêx cuk đuô nhoz Lai Châu tsênhv tror tâu krêz uô, đros siêz njênhs njôngr chính quyênx zuôr jê thiêz sik côngv jông đuô đros tsôngv box./.

Khắc Kiên-Txâur Vax cxeik nhênhv