Tsêr cơưv oz cấp Si Pa Phìn-Luz tsêr cơưv jông nhoz thax tsav ntus đriv

Txix têis cik sơưr nzor, txơưv tsênhv muôz huôz tsâuk cxiê qơư taz sik yênhx puô lênhx nênhs tưz tuôx trâu kror qơư kriz uô cxiv tsa tsêr cơưv oz cấp Cxênhx iz-Cxênhx oz xar Si Pa Phìn. Chor nhuôv zâu txos chor nênhs lâul mak puôr lênhx shir phaz hur si. Tưz tsik zos kriz uô cxiv tsa iz luz tsêr cơưv ntơưr xưz mak no tsênhv zos piz đuô iz ntu yiêz-ntu piz kriê têx ntâuz ntơưr, txux chi txix ntâu kror cêr txov, phiv liv.

Tsêr cơưv oz cấp Si Pa Phìn tâu cxiv uô muôx 31 lớp cơưv, txâuk trâu 1.000 ntâu lênhx shux xênhz cxênhx iz thiêz cxênhx oz ntơưv thax tsav xar Si Pa Phìn thiêz chor thax tsav iz ndis tuôx cơưv ntơưr. Đrâuv chor qar cơưv truôx jông, tsêr cơưv tsênhv muôx qơư nhoz nội trú, thư viện, phòng bôv môn, yar tiêx ndơưk poz, pak đêx đa-zos iz qơư zoz zux jông nhoz thax tsav ntus đriv.

Côngz trinhx muôx pênhr yưv uô zos 220 tiv đêiv, txix thành phố Hà Nội thiêz pênhr nhiêx xar hôiv paz, zos Sở Zoz zux tỉnh Điện Biên uô tsưr yưv pênhr. No zos luz tsêr cơưv xuz thơưx ciês hâur 100 luz tsêr cơưv njuôk xav zuôr tâu cxiv tsa uô ciês hâur shông 2025, kriz tơưv iz ntu huôv tsar zoz zux cov tâu jông đuô, tiv zix zos ntơưv chor thax tsav ntus đriv li Si Pa Phìn. Lò Thị Bảo Ngọc, nhoz jok Tân Lập, xar Si Pa Phìn shir phaz puz pâuz:

“Zuôr txos mak cur zuôr  tâu cơưv ntơưr hâur iz tênhv qơư jông đuô. Cur lok six shir phaz thâuv tâu đros chor fôngx zưs sơưr đơưk cơưv ntơưr hâur iz luz tsêr cơưv yiêz lox jông mak cur zuôr sir jos cơưv ntơưr đuô”.

Ntơưv jiês kriz uô hnuz 27/7, Tổng Bí thư Tô Lâm tưz chox kriê ciês, vav njôngr râu luz tsêr cơưv nhoz ntơưv thax tsav ntus đriv no. Tsêr cơưv ntơưr tsuv tâu cxiv uô cxix cxuô, huv tsưr ziv, tsik chiê uô kênhz, muôx yưv têx phiv liv:

“Đros dưv anr no lơưr tsưr ziv mak uô trâu shông cơưv 2025-2026, taz sik cur hêik tỉnh, chor cơ quan, chor nênhs yưv pênhr, chor taz viv sik côngv cov uô tâu sêi tiv zix hâur chêix ntux no no. Sir jos cov txos kaz shông, uô ntêx mak thâuv chor nhuôv cơưv tiêr kỳ iz shông no, kỳ oz zuôr tâu cơưv hâur luz tsêr cơưv yiêz no. No zuôr zos luz tsêr cơưv jông thiêz ngaz tuk”.

Têx sir jos co cux tâu tỉnh Điện Biên sir jos uô txix têx hâux lưv tsênhv tsênhz. Bí thư Tỉnh uy Điện Biên Trần Quốc Cường hêik pâuz:

“Hlôngr njêx muôs Tỉnh ủy Điện Biên, cur thor khơưk jông tsês Tổng Bí thư têx luk chox kriê thiêz zuôr uô yênhx têx huôx tôngv tsênhv tsênhz, truôx jông. Tỉnh Điện Biên zuôr sik côngv truôx jông đros chor cơ quan, taz viv cik txos chiê côngz trinhx tâu uô huv zos lơưr tsưr ziv tso tơưv, tsơưr lươngv, ngaz tuk thiê nzor muôz lok sir zôngv”.

Dưv anr tsêr cơưv oz cấp Si Pa Phìn tưz tsik zos paz muôx tâu qơư cơưv ntơưr jông trâu yênhx cxênhz lênhx shux xênhz nhoz tox siêz, mak tsênhv paz uô tâu jông lơưr Đảng, Têz qơưk li têx sir jos hâur txoz cxơưx trâu zoz zux nhoz thax tsav ntus đriv thiêz thax tsav txov nhêv tiv zix. Txix luz tsêr cơưv xuz thơưx no, tsưr ziv cxiv tsa 248 luz tsêr cơưv nội trú muôx ntâu cấp ntơưv chor xar ntus đriv tsênhv tâu kriz uô txix têx huôx tôngv tsênhv tsênhz, txơưx jênhv thiêz truôx siêz njênhs njôngr. Iz côngz trinhx tâu piz uô, cxơưz cxiz trâu sơưr đơưk sir jos đros uô txix ciês thax tsav ntus đriv Si Pa Phìn, Điện Biên./.

Vũ Lợi-Lik Thox cxêik nhênhv

Ntâuz ntơưr Đại hội Đảng bộ tỉnh Sơn La: Uô trơưk tỉnh tox siêz têx hlôngr yiêz thiêz jông

Ban thường vụ Tỉnh ủy Sơn La jiês cơưv hâur hnuz 31/7, têx lênhx hlôngr njêx muôs cxiv uô ntâuz ntơưr heik pâuz, sâu jênhv Bí thư T.Ư Đảng, Chánh Văn phongx T.Ư Đảng li ziv chênhv ntơưv jiês cơưv đros Ban thường vụ Tỉnh ủy Sơn La nhiv kruôr đhâu, Tiểu ban cxiv uô ntâuz ntơưr heik cov cxaz nzir iz cxiê tsênhv njiêz hâur dự thảo pov cov chính trị trâu hâux lưv, tsưr ziv zov chênhr six cxiv 2025-2030.

Hâur co, muôx uô tiêr luôs hâux lưv cxiv tsa thax tsav kôngz nuv lơưr công nghệ siêz hâur ngênhx kôngz nuv; sir jos huôv tsar tênhv tênhz kruôr, krêz uô jông têx tênhv yar ntux, tênhv đêx....reik đros trâu por hưv tênhx qơư thiêz huv đros ntux têx txơưr txar hâur ngênhx công nghiệp.

Hâur cxiv tsa têx côngz trênhx cxuô zav, hu zâuv thiêz moz siêz txos pênhr jos yưv uô dưv anr cêr muk chênhr Hòa Bình-Mộc Châu, yưv pênhr cxiv uô cêr muk chênhr Mộc Châu-TP Sơn La (kuz) thiêz TP Sơn La (kuz) trâu Điện Biên.

Lok sâuv ngênhx ju lix, tror yưv pênhr cxiv tsa, huôv tsar têz qơưk thax tsav ju lix Mộc Châu, gra siêz tsơưr lươngv têx thax tsav, qơư trâu tsôngv kruô ndis shuôs uô si hâur tas nro tỉnh (Tà Xùa, Ngọc Chiến, pak đêx tênhv Sơn La....), jux juk cxơưz Sơn La yênhx thax tsav Tây Bắc tsênhv qơư ju lix.

Lok têx tsưr ziv, hâux lưv zov chênhr, cxuô ban, bộ, ngênhx T.Ư heik tỉnh Sơn La cxaz nzir tsưr ziv lok huôv tsar kinh tế lênhx nênhs hâur thax tsav; cxiv kho tsưr ziv “chuôz tsar hur si phênhv sâu tâu xav kror đruôz đraz ntu 2026-2030” cov huv đros T.Ư hâux lưv choz trâu tỉnh Sơn La; heik tơưv tsưr ziv fuô uô txos shông 2030, cxuô luôs hâux lưv huôv tsar ciêz đrôngs uô tâu truôx jông, tsôngv pêx xênhv sơưr đơưk hâur thax tsav đrôngs muôx txâuk đêx hur sir zôngv, tsar ndê chôngz lênhx ntâu tus kruô ndis shuôs têz qơưk uô si, tsar ndê têx shôngz ntông njuôz vor tox trôngz câuv har....

Heik ntơưv jiês cơưv, zơưv Hoàng Quốc Khánh, Bí thư Tỉnh ủy Sơn La heik Tiểu ban cxiv uô ntâuz ntơưr tror sâu jênhv têx lênhx Ủy viên Ban Thường vụ Tỉnh ủy li ziv chênhv, qênhz shuôs, cxiv kho, uô đuô cov tiêr dự thảo têx ntâuz ntơưr đại hội; Tiểu ban nhân sự hux jos đros Ban tsưr tsix Tỉnh ủy uô tiêr ntâuz ntơưr xeir zuôr lênhx nênhs trâu Đại hội đại biểu Đảng bộ tỉnh jiês tiv 16, six cxiv 2025-2030, thôngz đhâu Thường trực Tỉnh ủy cir, tso tơưv chiê heik trâu Tổ côngz xưv sôr 02 trơưk li Bộ Chính trị suô luk sôr 175-KL/TW hnuz xiêz 04/7/2025 cov tâu trơưk six hơưv, cui tinhv./.

Lê Hạnh-Riê Lâux cxeik, nhênhv