Lớp kriê cơưv  ntơưr “hâur tsêr fênhz suôz” nhoz thax tsav trâus đêx nas cuôr ngaz Sơn La

          Zuôr xar 2 ciêz no, cưk kriê thiêz shux xênhz qơư cơưv ntơưr jos Nà Trà, Tsêr cơưv cxênhx 1 Pi Poong, huyện Mường La, tỉnh Sơn La tưz shưv jux jus đros lớp kriê cơưv ntơưr hâur tsêr fênhz suôz chiê txar jav ntux nas, tox poz.

          Hâur lớp kriê cơưv no zos muôz têx shôngz ntông chox lok uô ndêx cxok thiêz ntâuz tax vor đros 2 đeiv bảng kriê ntơưr, iz đeiv kriê lớp 1; iz đeiv kriê lớp 2. Phêv liv li ntơưv, taz sik cưk kriê Vì Văn Chi thâuv tưs cux sir tas đas jos chiê kriê ntơưr trâu yênhx khối shux xênhz, paz shux xênhz tror tâu cơưv ntơưr: “Thâuv ntêx qơư cơưv ntơưr Nà Trà cux tâu cxiv uô iz lớp cơưv jông, đhâu jiês ntux nas mak tsêr cơưv pov muôx caz ar xưz poz, tsi jông sir zôngv kriê cơưv ntơưr. Shux xênhz li niêv txir muk uô hâux lưv đêz, cưk kriê thâuv 6 six sơưr nzor chiê muk yênhx ziv chuôz zis tos shux xênhz tuôx cơưv ntơưr. Lok six khưr, tsi xưk li têx cư kriê nhoz têx qơư txơưr, tsi muôx six hơưv tso uô si, viv uô si mak mê nhuôk muk tưs tas lơưv, viv li tsuv cơưv ciês tsi so”

          Nhoz buôk ciês lớp kriê cơưv ntơưr hâur tsêr fênhz suôz co zos cưk kriê Lò Thị Nhung li qar cơưv trâu chor cơưv mê nhuôk zâu đros 16 lênhx mê nhuôk txix 3 txos 5 shông. Txơưv lớp cơưv hâur tsêr fênhz suôz no tâu shôngz ntông chox lok cxok ndêx, ntâuz tax vor, lav their ntux nyar ntux nas…taz sik cưk kriê thiêz shux xênhz cux sir jos hla đhâu têx phêv liv, chiê mê nhuôk tâu cơưv ntơưr hâur niêx hnuz. Cưk kriê Lò Thị Nhung puz pâuz: “Muôx lớp cơưv trâu têx mê nhuôk shux xênhz mak shux xênhz tuôx cơưv cxix cxuô, taz sik tsênhv yuôr ntâu phêv liv, tiv zix zos lớp cơưv tsuôk zos plas ar, ntux lok nas mak lok six kiêk. Cheix ntux cuz sor, cheix ntux no lok six txiêk. Chuôz zênhx kriê ntơưr muôx tsi txâuk chiê mê nhuôk tâu zôngv cơưv ntơưr”

           Têx lớp cơưv hâur tsêr fênhz suôz lav uô no tâu huyện Mường La chox kriê, huiz tôngv têx lưx lươngv cxiv uô ciês ntơưv thax tsav qơư 20 ziv chuôz zis tsôngv box nhoz jos Nà Trà, xã Pi Toong. No zos thax tsav pov muôx yưv caz ar xưz poz sâuv trôngz tsôngv box qơư nhoz, tsêr vênhx huôv thiêz 2 tsêr cơưv mê nhuôk zâu thiêz cxênhx 1 hâur jos, đhâu têx jiês ntux lok nas txix hli 7 txos hli 9 nhiv kruôr đhâu. Lơưr zơưv Trịnh Xuân An, Hiệu trưởng Tsêr cơưv cxênhx 1 Pi Toong, huyện Mường La, đros têx qơư cơưv ntơưr nhoz tox siêz, 100% zos tsôngv box mênhx cxưx Hmôngz li Nà Trà, hâux lưv vênhv tôngv shux xênhz muk cơưv ntơưr tsênhv lok six coaz tsôngv: “Tsêr cơưv tôngv vênhx cưk kriê hla đhâu têx phêv liv, kriê ntơưr trâu shux xênhz, taz por tsaz yênhx tso tơưv. Txơưv tsênhv yuôr ntâu phêv liv, tsêr cơưv thiêz têx cưk kriê cux khưx phưx chiê taz por shux xênhz tuôx cơưv ntơưr cxix cxuô, trơưk cui tênhv”

            Txơưv tsênhv yuôr ntâu phêv liv, taz sik têx lớp cơưv hâur tsêr fênhz suôz lav uô no zuôr taz por trâu cưk kriê thiêz shux xênhz tsi trâus ntux nas uô ruôr hiêv, cux tsi uô zênhr shar txos shux xênhz cơưv ntơưr.

          Chênhr zos li hêik ntơư, UB huyện Mường La tưz thix ziv đros cấp muôx qênhx paz pênhr jos chiê uô dự án bax qơư nhoz yiêz trâu tsôngv box thax tsav trâus ntux nas uô ruôr hiêv jos Nà Trà, xã Pi Toong; muôx 48 ziv chuôz zis, 1 tsêr vênhx huôv, 1 lớp cơưv mê nhuôk zâu thiêz 1 lớp cơưv cxênhx 1 hâur jos. Dự án tưz tâu tỉnh Sơn La chox lok hâur bê têx thix ziv zuôr trâus tâu paz txưv pênhr txix pênhr dưv phax trung ương shông 2024, ciêr chênhr bax qơư nhoz yiêz trâu tsôngv box trâus ntux nas uô ruôr hiêv./.

Lê Hạnh-Txâur Vax cxeik nhênhv

Tỉnh Sơn La tsưr ziv hlôngr yiêz tênhv tênhz hur jông

        Têx cêr ar ntu 2023-2030 tỉnh Sơn La sir jos:

       -Yax kriê, cxơưz cxiz hlôngr têx yêz cheix muk lol sâuv cêr txix sir zôngv tênhv; zôngv 100% trox yêz E5.

        -Huôv tsar uô têx qơư sav tênhv trơưk li tsôngv pêx xênhv, doanh nghiệp tsưr ziv xar.

        -Cxơưz cxiz têx qơư đrêk yêz, qơư yêz đrêk so cxiv uô yiêz lơưr tsưr ziv hur jông.

         Txos shông 2040: Jux juk tsơưs zôngv txos têx yêz lox, yêz meir sir zôngv trox.

        -Txos shông 2050: 100% chor yêz muk lol sâuv cêr ar, yêz meir cxiv tsa côngz trênhx muk lol đhâu cêr hlôngr sir zôngv tênhv, têx trox yêz hur; qơư tsav yêz, qơư yêz đrêk so uô trơưk têx cui tinhv hur jông; têx meir, chuôz zênhx sav trox, hlôngr sir zôngv tênhv, têx trox hur.

        -Uô tiêr têx qơư sav tênhv, côngz tênhv tênhz hur tâu trơưk pêx xênhv, doanh nghiệp tsưr ziv xar.

         Chor cêr đêx hâur thax tsav tỉnh Sơn La tso tơưv hâux lưv li đrav kaz:

       Ntu 2023-2030: Yax kriê, cxơưz cxiz yưv pênhr đhok uô yiêz, hlôngr têx fuôx gox tsar muk lol sâuv cêr đêx txix sav trox chiê sir zôngv tênhv sav, têx tênhv tênhz hur.

        Ntu 2031-2050: Tror yax kriê, cxơưz cxiz đhok uô yiêz, hlôngr jux juk zôngv chor fuôx gox tênhv, fuôx gox hur jông; Cxơưz têx qơư tsav fuôx gox, qơư fuôx gox đrêk so hâur thax tsav tsênhv uô hâux lưv uô trơưk têx tsưr ziv hur jông.

        Txos shông 2050: 100% chor fuôx gox hlôngr sir zôngv tênhv, tênhv tênhz hur; muôx 100% têx chuôz zênhx nhoz chor qơư tsav fuôx gox, qơư fuôx gox đrêk so hlôngr sir zôngv tênhv, tênhv tênhz hur.

         Đros thiêz yêz muk lol hâur ciêz đrôngs:

       Txix shông 2025-2030: Hlôngr 100% têx yêz buýt sir zôngv tênhv, tênhv tênhz hur, cxơưz cxiz hlôngr yêz taxi sir zôngv tênhv, tênhv tênhz hur.

       Txix shông 2031: Chor yêz sir zôngv tênhv, tênhv tênhz hur tax 50%; hlôngr 100% yêz taxi sir zôngv tênhv, tênhv tênhz hur.

        Txos shông 2050: Hlôngr 100% yêz buýt, yêz taxi sir zôngv tênhv, tênhv tênhz hur.

Nhạc cắt

       Tsôngv box...! Hâur phênhv “Nôngx mênhx zuôr tsuv pâuz” ciêz zuôr txos, pêz zuôr tror xa txos tỉnh Sơn La têx tsưr ziv uô lơưr hlôngr yiêz tênhv tênhz hur jông, zâuv sơưr đơưk tok mnôngs./.

Hồng Việt-Riê Lâux cxeik, nhênhv