Lớp cơưv uô luôv đêx tsik tas nhiêx txiêx trâu chor nhuôv zâu ntơưv Gốc Nhội

Tix lâus Trần Xuân Giang, Bí thư Chi đoàn jok Gốc Nhội hêik pâuz, txos chêix so sor, mnôngs pov tsir, đaix hnor hêik muôx yưv ntâu txuz txiêz nanv trâus pôngz đêx, cur xar tiêk uô chak zuk pâuz uôm luôv đêx ho tsik kriê trâu chor nhuôv zâu. Li chêk tix lâus piz kriz uô:“Txos chêix so sor, chor nhuôv nhoz hâur jok lok six xar muk đa đêx taz sik ho tsik muôx nênhs kriê uô luôv đêx. Cur chuôz zis ho muôx iz luz pak đêx viv li kriê ciês trâu chor nhuôv uô luôv đêx”.

Chuôz zis iz luz pak đêx zâu, muôx iz lênhx cuk kriê đros chor nhuôv xar cơưv uô luôv đêx tưz txâuk chiê zos yênhx iz lớp cơưv uô luôv đêx hâur têx hnuz so sor nhoz Gốc Nhội. Đros chôngz lênhx nhuôv zâu, chor jiês cơưv xuz thơưx zos iz kror lok six phiv liv, taz sik, txix sir jos, uô jông kriê, tix lâus Giang tưz paz trâu chor nhuôv pâuz tâu thiêz sir jos cơưv. Trần Hoàng Gia Bảo puz pâuz:“Xuz thơưx mak cur cux nyêi hênhr, tsik car grêk trâu hâur đêx taz sik tâu cưk kriê Giang uô tiz jông kriê. Nhiv no cur tưz pâuz uô luôv đêx lơưv, cur shir phaz hênhr. Cưk kriê Giang hêik zuôr txos no zuôr kriê nzir trâu pêz têx tsưr ziv uô luôv đêx, uô luôv nzênhr tiêx, uô luôv cov sêi hâur đêx”.

Txix muôx oz pêz lênhx mê nhuôv zâu cơưv xuz thơưx, txos nhiv no tưz muôx yênhx châuv lênhx nhuôv zâu hâur jok Gốc Nhội thiêz iz cxiê jêx jok nhoz iz ndis tuôx cơưv uô luôv đêx. Nhuôv Phạm Quốc Việt, tsênhv cơưv uô luôv đêx ntơưv no puz pâuz:“Thâuv ntêx no cur xar uô luôv đêx taz sik tsik pâuz cơưv kror tưs, nhiv no muôx cưk kriê Giang kriz lớp cơưv uô luôv đêx, ciêz tưs cur cux cơưv 2-3 jiês; cơưv ntơưv no mak shir phaz thiêz muôx chôngz lênhx fôngx zưs. Txix thâuv tâu cưk kriê Giang kriê uô luôv đêx mak cur tsik nyêi đêx lơưv”.

Tưz tsik zos kriê txux chi uô luôv đêx xưz, tix lâus Giang tsênhv kriê trâu chor nhuôv têx tsưr ziv tsuv pâuz chiê phax tar trâus pôngz đêx. Niêv tix Lạc Thị Dinh, nhoz jok Gốc Nhội muôx mê nhuôv cơưv uô luôv đêx ntơưv no puz pâuz:“Txos chêix so sor, pêz zos chor nhuôv niêv txir mak cux lok six cxơưx viv iz ndis pêz chor vax tsêr no muôx lok six ntâu pak đêx, cưx ha. Txix thâuv muôx tix lâus Giang lớp kriê uô luôv đêx, pêz cux shir phaz đuô”.

Tix lâus Trần Xuân Giang hêik, chor uô niêv uô  txir njênhs thiêz đros đrêiv zos kror cxơưz cxiz trâu tix lâus sir jos kriê uô luôv đêx trâu chor nhuôv hâur chêix so sor.

Zos iz lênhx canr bôv đoàn sir jos thiêz txơưx jênhv li co, chor nhuôv zâu chêix so sor tưz tsik zos muôx cêr shir phaz xưz mak tsuv zos ngaz tuk thiêz muôx tsiv gri jông./.

                                                                                              Đinh Tuấn-Lik Thox cxêik nhênhv