Hnuz ntênhs txir trâuv nhux Yên Châu: Heik kriê xiv huv nto bê, sik côngv ju lix thiêz kôngz nuv Sơn La

          Hnuz ntênhs txir trâuv nhux Yên Châu shông 2026 tsưr tsix ntâu huôx tôngv jông, đros têx xã, doanh nghiệp, HTX, têx jêx jos li têx qơư piêr muôs hax huv; hội thik thuôr uô cêr lov jêv, thik đê txir trâuv nhux, thik đhiê pax vuôs, piêr kriê tsôngs yo đros njiêz luv kôngz nuv, têx tsưr ziv uô si trâur lâuk, ndis seiz vax chos txir trâuv nhux...Tsôngv kruô Đinh Thúy Hằng, tuôx txix xã Mai Sơn, tỉnh Sơn La shir phaz pheiz kênh: “ Tuôx ntênhs hội txir trâuv nhux Yên Châu cur pov lok six lov jêv, hnuz ntênhs tso pov pox nhuôk têx mênhx cxưx xã Yên Châu li têx cêr chax chês vênhx huôv jông. Thâuv ntêx zos huyện yên Châu, pêz cux tuôx no 2-3 jiês, taz sik jiês no mak tso pov vênhx huôv mênhx cxưx jông tiv zix, txix zav nox, têx zav txir ntông pox nhuôk chos tâu..”
          Yên Châu tâu pâuz txos zos thax tsav chos ntông nox txir coaz tsôngv nhoz Sơn La, nto bê đros nôngz txir trâuv nhux kaz jông. Nhiv no tiv phaz muôx 700 hecta ntâu zos txir trâuv nhux, sâu tâu zuôr xar 5 cxênhz tênhr iz shông, chox lok tsiv grê muôx nhos 55 tỷ đeiv. Têx shôngk đhâu, tsôngv px tưz cxơưz tiês zôngv KHKT lok tsêz chos, tsiv uô xiv huv. Txix tsưr ziv tsêz chos, tsiv uô mê, ntâu ziv chuôz zis tsôngv px tưz hlôngr tsiv uô yênhx hax huv lơưr ploz tsênhr tsơưr lươngv, tuôv zênhv niêv ciêz li zoz qơưx ziv hnuz ziv siêz.

          Hnuz ntênhs tâu tsưr tsix, tsi taz heik kriê xiv huv txir trâuv nhux nto bê mak tsênhv cxơưz tiês sik côngv kôngz nuv thiêz ju lix, chuôz cxaz yưv pênhr chiê huôv tsar niêv ciêz. Niêv lâuk Quàng Thu Tuyết, nênhs chos txir trâuv nhux xã Yên Châu puz pâuz: “ Thâuv tsưr tsix hnuz ntênhs txir trâuv nhux pêz lok six shir phaz, thiêz xar njôngr zuôr heik kriê đêz đar xiv huv txir trâuv nhux Yên Châu txos cxuô lênhx ntâu tul hâur tas nro têz qơưk pâuz txos pêz li chor txir kaz nto bê no”.

          Lơưr zơưv Đoàn Xuân Ngọc, chủ tịch UB xã Yên Châu, txir trâuv nhux kê zos xã li iz zav txir nto bê, tâu Cục sở hữu trí tuệ cungz ntơưr côngz jênhv đăng cir qơư chos, bê xiv huv. Txir trâuv nhux Yên Châu nhiv no pir đros ntâu shông tov ntêx, tưz hlôngr yiêz jông, jux jus tâu chôngz lênhx nênhs sir zôngv nhiêv txos: “Hnuz ntênhs txir trâuv nhux Yên Châu shông 2026 đros ntâu huôx tôngv jông, tsênhv tsênhz paz heik kriê bê xiv huv txir trâuv nhux kaz thiêz kruôk txos nênhs chos txir trâuv nhux, gôngr phênhv heik kriê đêz đar lênhx nênhs, thax tsav qơư Yên Châu txos chôngz lênhx nênhs thiêz tsôngv kruô hâur thiêz đrâuv tỉnh pâuz txos, paz cxơưz huôv tsar ju lix xã Yên Châu tsiv nhos đros xã li têx muôx tsênhv tsênhz”.

          Tas cik đros hnuz tsưr tsix ntênhs, xã Yên Châu tưz tsưr tsix jiês thâux xa 30 tênhr txir trâuv nhux Yên CHâu muk muôs thiêz muôs tơưv trâu saz đrâuv têz qơưk, no zos iz hâux lưv coaz tsôngv, tso pov trus huôv tsar yiêz jông hâur hâux lưv muôz siêz tsiv grê xiv huv kôngz nuv Yên Châu./.

Trấn Long-Txâur Vax cxeik nhênhv

Đơưk kho têx phiv liv lok tu zus nhoz tox siêz txix bax jông têx zuz nôngz

           Zuôr kêiz nôngz txix qơư kik lok zus ntơưv tox siêz tsik so uô trâu pox nhuôs lok six cxơưx. Thâux xa đêz lok uô trâu chor kêiz tsik muôx jos, zôngx ziv trâus tuôs siêz, caz moz cux txix co zôngx ziv cik tâu trâu chor kêiz ol. Kror no tưz ntâu shông uô phiv liv trâu nganhx tu zus kêiz ol ntơưv xar Bảo Thắng, tỉnh Lào Cai.

           Njiês pov tâu kror phiv liv co, tix lâus Nguyễn Vũ Toàn – nhoz jok Cố Hải, xar Bảo Thắng tưz xar tiêk tsuv bax cov tâu zuz nôngz ciês ntơưv zuk qơư nhoz mak thiêx zuôr paz tu zus tâu truôx đrênhk: “Tsênhv tsênhz thâuv ntêx thâux xa chor nôngz kêiz txix qơư kik lok tu zus ntơưv jok mak tsik truôx. Thâu v chuôz zis uô tâu ciês ntơưv qơư, chor kêiz tsik tsuv thâux xa muk đêz, cux tsik njiz ntâu phiv liv. Thâuv chox muk txos trâu nênhs tu zus, chor kêiz nôngz cux muôx jos đuô”.

             Xar chêk uô, tix lâus Toàn yưv pênhr uô iz kror qơư tu zus ntov jông đar muôx 1 héc ta, zuôr 5 luz mêix puôs kê lok puôs têx kêz kêiz. Tsik zus trơưk tsưr ziv muôz chênhz zênhv zos kror xuz thơưx, nhiv no cxuô kror puôr lênhx tâu sir zôngv kỹ thuật uô jông.

            Txix co tix lâus Toàn tưz uô tâu jông chor kêiz nôngz Đông Tảo thiêz Lương Phượng. Chor kêiz nôngz muôx jos, hloz lox sêi, ho lok six huv đros đêx ar, qiv hơưv ntơưv tox siêz. Tiv zix, 100% chor kêiz nôngz tâu cxax yuôx vắc xin uô ntêx thâuv zuôr chox muk zus, paz trâu pox nhuôs tso siêz đuô. Iz hli muôs tâu xar muôx 8 vạn tuz kêiz nôngz, paz sâu tâu liv muôx yênhx puô triệu đêiv iz shông.  Hêik lok tsưr ziv uô no, zơưv Nguyễn Văn Duy, Phưv Chủ tịch Hôiv Nôngz mênhx xar Bảo Thắng, tỉnh Lào Cai puz pâuz: “Tix lâus Toàn kror qơư tu zus nhoz jok Cố Hải zos iz tsưr ziv uô tâu jông. Hâur shông đhâu, chuôz zis tưz muôs tâu xar muôx 80 txos 90 cxênhz tuk kêiz nôngz trâu pox nhuôs hâur tỉnh. No zos iz tsưr ziv lok six zov chênhr chiê paz muôx tâu ciês têx kêiz nông jông ntơưv thax tsav qơư”.

            Tsênhv tsênhz, bax tâu têx nôngz tưz tsik zos paz trâu tix lâus Toàn ziv chuôz zis uô bluô nux, mak tsênhv paz trâu chôngz lênhx nênhs txơưr tsik cxơưx ntâu thiêz kriz đar qơư tu zus. Thâuv txo grêk tâu nhiêx txiêx thâux xa, chor kêiz ho huv đros đêx ar thiêz qiv hơưv ntơưv thax tsav qơư, nênhs tu zus li phênhv sâu zuôr tâu siêz đuô.

             Taz sik chiê têx tsưr ziv uô jông no tsik zos têx tsưr ziv zâu, hâu nov thiêz nganhx kôngz nuv tsuv muôx nzir têx tsênhv chêi paz. Paz kir txêik pênhr, choz zok kỹ thuật thiêz cêv kuôk thax tsav tu zus cov truôx jông zos têx hâux lưv tsuv tâu kriz uô ciês.

             Viv njuôk xav mak, kôngz nuv xar huôv tsar lox hênhr thiêz ngaz tuk, uô ntêx tsuv muôx tâu chor zu nôngz jông ciês ntơưv zuk thax tsav qơư nhoz./.

An Kiên-Lik Thox cxêik nhênhv