Txo grêk yêiz pluôs truôx txix chos pax nyuô blêiv Sa Pa, Lào Cai

         Thax tsav đar muôx 3 héc ta nhoz ciês ntơưv iz saz ntus cêr 4D ntơưv tôv dân phố Ô Quý Hồ 2, phường Sa Pa, tỉnh Lào Cai, luz “Vax pax nyuô blêiv Mộng Mơ” muôx 2.000 ntâu tsoz pax nyuô blêiv lâul tsiv gri ntơưv qơư. Hlôngr trâu chor blêx, poz cưk sâu tâu kik, xar muôx 30 shông đhâu, zơưv Đỗ Phú Chính tưz sir jos nhênhz chơưv, uô zuz thiêz hlôngr trâu uô tsưr ziv kôngz nuv sinh thái đros du lịch nriêr pâuz: “Piz txix muôx siêz nhiêv txos chor nôngz pax nyuô blêiv lâul Sa Pa, cur nhênhz chơưv uô nzir zuz nôngz, cê tuôr tsês, cê hlôngr yênhxx hax huv muôs trâu chor  kruô nhoz cxuô qơư hâur têz qơưk”.

         Tsik zos muôs chor zuz thiêz kriz trôngx tok kruô tuôx ndis sêiz xưz, zơưv Chính muôx tsưr ziv uô yiêz jông thâuv sâu đê chor pax nhôngk chox lok kra hâur 12 six hơưv chiê uô yuôx zêx pax nyuô blêiv, paz gra siêz tsiv gri trâu têx hax huv. Kror uô tâu muôx tsiv gri no tưz paz sâu tâu xar muôx 4 tiv đêiv iz shông, xav tas têx côngz đas jos uô, sâu tâu liv muôx 2 tiv đêiv ntâu.

           Tsuv hêik, kror no tưz paz uô tâu jông tsưr ziv “Chuôz zis bluô nux paz kriê trâu chuôz zis pluôs”, paz muôx hâux lưv uô tsik so trâu 15 lênhx nênhs ntơưv thax tsav qơư, hâur co phênhv ntâu zos tsôngv box mênhx cxưx tsơưs nênhs, phênhv sâu txix 8 txos 15 triệu đêiv iz hli. Tix lâus Chảo Láo Lở, mênhx cxưx Cho nhoz xar Ngũ Chỉ Sơn, tỉnh Lào Cai, shir phaz hêik pâuz: “Nhoz tsêr tsuôk chos poz cưk, chos blêx xưz, khưr hênhr taz sik phênhv sâu tsik truôx tuk. Tuôx ntơưv no uô hâux lưv trâu tix lâus Chính luz vax pax nyuô blêiv, hâux lưv uô truôx tuk, muôx phênhv sâu txâuk trâu chuôz zis sir zôngv”.

           Tsưr ziv uô tâu jông ntơưv phường Sa Pa puz pov tsưr ziv no tâu uô huv đros txix muôz têx di sản ntơưv qơư uô cov paz trâu huôv tsar uô tâu nox truôx. Khav tênhv lok kror uô tâu tsênhv tsênhz no, zơưv Nguyễn Phước Toàn, Phưv Chủ tịch Ủy ban phường Sa Pa, ntâuk gri: “Zơưv Đỗ Phú Chính tsưr ziv uô nox puz pov thâuv phuôx huiz tsiv gri têx hax huv ntơưv qơư đros uô du lịch mak iz kror hax huv kôngz nuv zuôr paz muôx nzir ntâu kror tsiv gri đuô. Phường Sa Pa zuôr tror paz lok kỹ thuật, tsênhv chêi thiêz txuôk đros ciêz đrôngs chiê kriz uô nzir têx tsưr ziv uô nox huv đros”.

          Côngz bê “Nênhs Việt Nam txơưx uô nox hâur 40 shông hlôngr yiêz” shông 2026 tâu kruôk trâu zơưv Đỗ Phú Chính tưz tsik zos kruôk txos iz lênhx nênhs car xar car uô, mak tsênhv cxơưz cxiz trâu têx tsưr ziv paz txo grêk yêiz pluôs: Sir jos, xar tơưv thiêz uô bluô nux ciês ntơưv thax tsav qơư nhoz./.

VOVTB-Lik Thox cxêik nhênhv

Muôx ar têz, tsôngv px tox siêz muôx luz nênhx truôx tuk

           Yênhx châuv shông đhâu, nhoz tsik truôx qơư, ntor ntông, luôx têz uô iz ntuk ho muôz tso tsês uô têz phaz tưz uô ruôr hiêv txos têx ar hâur thax ntus đriv. Qir tiv chênhr zos viv tsôngv pêx xênhv tsi muôx ntơưr côngk nhav sir zôngv ar truôx tuk, tsi muôx tsưr ziv huôv tsar uô nox chiê luz nênhx tsâu sor, nhoz truôx têz qơưk.

          Nghị quyết 21 tso tơưv hnuz 28/7/2026 tưz gra lok iz tsưr ziv hlôngr yiêz: Tsưx phưv têx ar zos por hưv tsôngv pêx xênhv, tsưx phưv ntus đriv truôx tuk. Tsưr ziv kho đuô chei têz qơưk jiês no zos moz siêz txos six hơưv choz ar têz, ar jôngr nuv trâu tsôngv box heir nênhs tsơưs muôx tsi txâuk ar uô nox. Thâuv muôx têx ntơưr côngk nhav sir zôngv ar tuôr hâur têk truôx tuk, ar têz zuôr tsi zos têx liêx têz đaz tuôs, thâuv co ar tưz yênhx zav chuôz zênhx, chuôz tav muôx grik trâu chuôz zis huôv tsar uô nox truôx ntêr.

         "Ar muôx grik" zos thâuv têx por tox muôx tsoz chos nox txir li: Txir lưv tsiz sôngz, mo môngk, yuôx đrox njuôz, txir suôz câur, ciêv fix, txir tuôz ziz jông njuôz xiêz yênhx trôngz yênhx har.

          Khov tsưr ziv muôz têx liêx têz hlôngr uô lưv zav kôngz, tsoz chos trơưk cui tinhv yiêz, thax tsav tox siêz tsênhv yênhx lix têx tổ hợp tác, hợp tác xã yiêz. Nhoz no, pêx xênhv tuôx pênhr txix muôz zuk liêx têz, sik đros doanh nghiệp cxiv tsa tsưr ziv uô txix huôv tsar chos kôngz txos trâu sâu zuôr muôs. Txix co pêx xênhv yênhx têx lênhx nênhs muôx txux chi tsưr ziv uô kôngz, muôx phênhv sâu truôx, muôx bảo hiểm thiêz zov chênhr zos: Huôv tsar uô bluô nux tâu txix zuk têx liêx têz.

           Tsi tiêk uô kôngz, tsưr ziv uô ntâu zav hâux lưv hâur têx liêx têz tsênhv krêz hâu cêr trâu huôv tsar ju lix côngv thôngx, ju lix ndis shuôs tox trôngz câuv har. Têx liêx tơư ntêir, têx jêx jok nhoz tox siêz nhiv no cê zos qơư uô kôngz, cê zos qơư trâu tsôngv kruô ndis seiz têz qơưk uô si. Tsôngv pêx xênhv cêr uô nox tâu hlôngr yiêz, txo grêk tsơưs têx phiv liv tsi yuô trâus ntux nas, caz moz uô ruôr hiêv.

          Tsôngv box thiêz fôngx zưs sơưr đơưk hmor yuô, uô trâu "têx ar têz muôx grik" chiê muôz "hâu cêr uô nox truôx" chênhr zos têx zov chênhr chiê txo grêk yêiz pluôs ntơưv têx thax tsav txov nhêv hâur tas nro têz qơưk. Thâuv têx ar, ntus liêx ntus têz, thax tsav ntus đriv puôr lênhx tâu tsôngv pêx xênhv tu, luôx đu lus, xar tsưr ziv chos kôngz, huôv tsar uô lưv zav hâux lưv  huv đros zuôr muôx tâu phênhv sâu truôx,  co cux zos thâuv pêx xênhv muôx luz nênhx tsâu sor, vav mênhx, ntus đriv tâu tsưx phưv jông thiêz tâu tuôr tsês têx txux chi vênhx huôv tsi chiê pôngz plox./.

Đức Anh-Riê Lâux cxeik, nhênhv