Đảng li Nghị quyết 14 yênhx đas jos huôv tsar truôx tul

           Ciês đhâu Đảng li Đại hội teiv plor tas nro têz qơưk jiês tiv 14 suôv câuv, tỉnh Lào Cai tưz xav tênhv hâux lưv heik kriê, krêz uô Nghị quyết zos jênhv vưv tsênhv uô hâur tas nro cxix luôk chính trị. Txix tỉnh txos cơ sở, têx nghị quyết, tsaz yênhx huôx tôngv tâu tsưr tsix cơưv shâuv, yax mông đros tsưr ziv uô huv đros yênhx thax tsav chiê cxuô cán bộ, đảng viên thiêz tsôngv px puôr lênhx “pâuz trơưk- uô trơưk- uô muôx chêx cuk”.

          Ntơưv xã Tân hợp, hâux lưv chox Đảng li Nghị quyết tuôx txos tsôngv px tâu krêz uô thôngz đhâu xênhz huôx chi bộ, khiêz phêv jêx jos, reik jông đros têx vênhv thix huv đros hâur luz nênhx, tsiv uô xênhz yar kôngz nuv. Zơưv Dương Văn Minh, Bí thư chi bộ jos Đoàn Kết pheiz kênh:

          “Ciês đhâu TƯ li nghị quyết txos xã krêz uô, jos zuôr krêz uô đêz đar txos tsôngv pox nhuôk. Pêz njênhs njôngr đảng li lênhs tov chox Đảng li nghị quyết lok hâur luz nênhx tsênhv tsênhz txos pox nhuôk thax tsav tsôngv box mênhx cxưx”.

          Zơưv Hà Trung Kiên, Chủ tịch UB xã Tân Hợp, tỉnh Lào Cai puz pâuz: “ Đros têx jênhv vưv tsênhv tưz xav tênhv, đảng bộ xã Tân Hợp zuôr cxiv tsa tsưr ziv, truôx siêz đros TƯ, tỉnh li têx chỉ thị Nghị quyết reik đros uô tsênhv tsênhz hâur luz nênhx, paz pox nhuôk cxuôv yeiz thiv pluôk”.

          Tsi taz nhoz tiv phaz, ntơưv têx sở, nganhx tsênhv ciêr chênhr cxiv tsa tsaz yênhx huôx tôngv reik đros Nghị quyết đại hội 14 thiêz Nghị quyết Đại hội đảng bộ tỉnh nhoz ntâu vênhv thix.

          Uô jông lơưr njiêz luv muôx hâur Nghị quyết thiêz Tổng bí thư Tô Lâm li chinhz yênhx chox kriê, Ban seiz car thax tsav kinh têr tỉnh Lào Cai tsênhv heik kriê têx tsưr ziv jông chiê hlôngr yiêz trâur nuv huôv tsar hâur vênhv thix muôs tơưv saz đrâuv têz qơưk, 1 hâur 4 nganhx kinh têr tsênhv nhoz tiv phaz. Zơưv Vương Trinh Quốc, Tsar ban seiz car thax tsav kinh tế tỉnh Lào Cai heik: “Heik trâu Ub tỉnh krêz uô njuôs xav thax tsav kinh têr trôngx đriv txos shông 2045 tưz tâu thủ tướng thôngz đhâu, tiv zix zos cxiv tsa trâur nuv trôngx đriv yiêz jông. No zos tsưr ziv chiê chuôz tsar hâux lưv muk lok, txu grês nhiêx txiêx thiêz six hơưv trâu doanh nghiệp thiêz tsôngv px huôx tôngv muôv muôs đhâu truôx đriv ntiêx têz Lào Cai”.

          Zơưv Dương Đức Huy, Tsar Ban tuyên giáo thiêz dân vận tỉnh ủy Lào Cai puz pâuz, tiv phaz truôx siêz tsi taz nhoz yênhx nganhx, yênhx cấp mak zos iz tsaz yênhx huôx tôngv tas nro, thôngx ziv sâuv tas nro tỉnh txix kinh têr, vênhx huôv xã hội txos txiv ngaz côx phax: “Têx nghị quyết no pêz zuôr krêz uô đêz đar txix têx tsưr ziv txơưr cov tas nro cán bộ, đảng viên thiêz tsôngv px puôr lênhx to tâuz. Txix tsaz yênhx no, cxuô lênhx nênhs zuôr uô tsênhz mênhx tsaz yênhx huôx tôngv”.

          Txix Nghị quyết txos huôx tôngv tsênhv tsênhz, Lào Cai tsênhv tso pov siêz chính trị truôx bo thiêz tsưr ziv uô jông hâur chox nghị quyết đại hội 14 lok hâur luz nênhx. Co tsi taz zos thôngx ziv lok jênhv pâuz, mak tsênhv zos cam kết huôx tôngv vi qơư tsov txos zos huôv tsar sei, truôx tul, cxiv tsa Lào Cai yênhx qơư huôv tsar jông hâur thax tsav hâur ntu yiêz./.

Trung Kiên, Xuân Anh-Txâur Vax cxeik nhênhv

Têx hnuz zuôr txos tsiêz têz qơưk-bax tok shông yiêz

           Hâur têx hnuz zuôr txos tsiêz têz qơưs, txix iz vax txir đuôx nhoz xã Bình Lư, tỉnh Lai Châu, tưz pov têx pax tơưs yiêz đros trâu cxuô tsar zav jông jav nhoz Tây Bắc hâur têx jiês tso đuôz nhoz cxuô qơư hâur têz qơưk. Têx hnuz zuôr txos tsiêz li no, nhoz thax tsav, suôv qơư tưs hâur tas nro têz qơưk cux pov sơưr đơưk shir phaz lus bax têx hâux lưv,  zuôr muôs hax huv lov jêv ntưk. Hâur vax txir đuôx, têx pax tsênhv taz tov tơưs yiêz, seiz njiê kror tưs cux pov sơưr đơưk cxeik đuôz uô chuôs tsi, hu zâuv tsôngv kruô đros seiz têx chês txir đuôx, zuôr cuz thaz kok kriêr, seiz cxuô tsar zav muôx jông đhâu sâuv mạng xã hội. Niêv lâul Nguyễn Phương Thùy Dương, lênhx nênhs muôs hax huv nhoz Hà Nội, buôk ti cxaz chuôz tso đuôz ciês ntơưv vax pax txir đuôx trâu sơưr đơưk seiz heik: “Trơưk li cur mak nhoz no têx pax txir đuôx nhiv kruôr tơưs jov jơưk xưz, chênhr viv li zuôr iz chês txir đuôx muôx têx zuôr tơưs pax jông trâu têx hnuz tsiêz ntơư. Pêz đros tso đuôz li no chiê piêr kriê têx muôx jông ntơưv xã Bình lư, iz zav li pax txir đuôx, cuz thaz kok kriêr...trâu sơưr đơưk pâuz txos. Đhâu co muôx têx cxơưz cxiz Tây Bắc huôv tsar têx xiv huv jông”.

           Xor xưv “tsiêz têz qơưk-tok shông yiêz” zos Sở Công thương tỉnh Lai Châu đros hâu nov xã Bình Lư fuô uô, chiê pz doanh nghiệp, HTX, têx chuôz zis huôv tsar uô lax luôv buôk ti txos chei têz qơưk têx cui tinhv lok muôv muôs điện tử, gra siêz txux chi zuôr muôs hax huv sâuv nền tảng số, lar heik zos TikTok shop. Zơưv Nguyễn Bá Kiện, Phưv Chủ tịch HĐND xã Bình Lư vav chiê siêz, xor xưv tsi tiêk zuôr muôs hax huv hâur têx hnuz zuôr txos tsiêz, tsênhv krêz tsưr ziv yiêz trâu pêx xênhv zuôr muôs hax huv hâur thax tsav. “Pêz tsi tiêk moz siêz txos têx hax huv zuôr muôs. Zov chênhr zos six hơưv chiê têx lênhx nênhs huôv tsar uô nox, lax luôv xar tơưv tsưr ziv jông, tsiv uô têx hax huv zuôr muôs huv hâur thax tsav, zuôr muôs sâuv điện tử thiêz shâuv cơưv tsưr ziv uô lax luôv, huôv tsar uô nox đhâu sâuv mạng xã hội”.

          Fuô uô tsaz yênhx, 34 TikTok Shop thiêz chor nênhs xar tơưv tsưr ziv jông nhoz ntâu thax tsav qơư zuôr piêr kriê txos trâu tsôngv kruô pâuz thiêz pov têx đuôz vax pax  tơưs jông hâur thax tsav. Lênhx nênhs sir zôngv zuôr tâu zok nriêr thiêz pâuz txos pêx xênhv ntơưv qơư txux chi huôv tsar chos, tu têx pax  tơưs jông jav uô si tsiêz 30 co. Chiê tso tâu đuôz trâu chôngz lênhx ntâu tus seiz, luôs hâux lưv bax uô têx li heik ntơư tưz tâu bax lok six jông. Zơưv Trần Minh Cường, Tsar phongx seiz car zuôr muôs hax huv, Sở Công thương tỉnh Lai Châu heik pâuz: “Hâu nov ntơưv qơư tưz bax cxix cxuô zav, lênhx nênhs cux li têx hax huv. Tas nro puôr lênhx bax tâu jông trâu jiês muôs huv tso đuôz hnuz 27 no cov yênhx côngz”.

          Tsi tiêk muôs xiv huv, tsaz yênhx “tsiêz têz qơưk-tok shông yiêz” tsênhv paz piêr kriê đuôz shav, lênhx nênhs, txux chi vênhx huôv, hax huv kôngz nuv, chor hax huv uô tâu truôx jông OCOP thiêz têx muôx jông huôv tsar ju lix hâur xã Bình Lư. Txix vax pax txir đuôx tox siêz tơưs jông, cheix ntux yiêz Tây Bắc tsênhv txos jêx jux juk trâu cxuô ziv chuôz zis nhoz cxuô thax tsav qơư. Vav chiê siêz, cxuô chuôz zis nênhs Việt Nam zuôr puôr lênhx muôx tsiêz nox sor si, shir phaz, truôx tuk./.

Khắc Kiên-Riê Lâux cxeik, nhênhv