Txix têx txux chi, vênhx huôv jông cxôngx nzor, zos qơư cxơưz cxiz huôv tsar

Têx suôz trax sưv đros cxuô hêir nênhs nhoz Sơn La luz nênhx thiêz hâur têx hnuz no, txix têx zav nox kaz thiêz suôz đhiê pax vuôs, sênhr chêr lov jêv lul cux chênhr zos côngv thôngx cxuô hêir nênhs nhoz Sơn La têx txux chi, vênhx huôv jông cxôngx nzor, cxơưz cxiz tâu chôngz lênhx kruô tuôx sêiz shuôk thiêz paz trâu tsôngv px hlôngr yiêz tsưr ziv huôv tsar uô nox, muôx phênhv sâu tâu nhiêx txiêx chox lok cxiv kho chuôz zis muôx luz nênhx truôx tuk tsâu sor. Lar hêik zos ntơưv qơư ciêz Chiềng Hặc, iz chas zuôr muôs cxuô zav hax huv, cux tsênhv muôx zav nox cxôngx nzor đros trâu tsôngv px sđ têx tsôngk tiêz tsôngk yo đros đrêiv hâur luz nênhx niêx hnuz. Zơưv Hà Văn Cường, nhoz jos Luông shir phaz lul hêik pâuz: “Pir li jiês kriz ciêz uô ntêx, jiês kriz ciêz no tsôngv px sđ muôs tâu ntâu zav hax huv, gra pês tsơưs zav hax huv tuôx cux muôs tas hur si, px shir phaz cơưs”

Nhoz phường Chiềng Cơi, hêir nênhs poz ziz têx cêr lov jêv đhiê pax vuôs cux tâu tsôngv px hâur thax tsav huôv tsar truôx tsik chiê pôngz plox. Pos Lò Mai Cương, sêiz car qơư tsês hêir nênhs poz ziz têx txux chi, vênhx huôv jông hêik pâuz. “Txơưv tsik muôx phênhv nhiêx tưs paz, taz sik tsôngv px sđ cux shir phaz lul siz chos côngv đas jos, tsưr ziv tuôr tsês zuk hêir nênhs poz ziz têx txux chi, vênhx huôv jông cxôngx nzor”

Chênhr zos tâu côngk thôngx sđ siz chos tuôr tsês têx txux chi vênhx huôv jông hêik sâu, ntâu qơư tsês chiê sđ têx txux chi, vênhx huôv tsiv grê cxôngx nzor ziv hnuz ziv huôv tsar đêz trâu cxuô jêx jos. Zơưv Hà Trung Chiến, Phưv Chủ tịch thường trực UB tỉnh Sơn La hêik pâuz: “Txix têx txux chi, vênhx huôv jông cxôngx nzor, yênhx qơư cxơưz cxiz huôv tsar uô nox, qơư ndis uô si, muôx chôngz lênhx kruô tuôx sêiz shuôk têx muôx jông ntơưv qơư”

Txix shông zuôr txos, phênhv nhiêx muôz paz trâu chor tuz nxêik hluôk nhoz cxuô jêx jos uô cêr lov jêv zos 8 triệu iz shông. Ntơư zos phênhv nhiêx cxơưz cxiz tsôngv tuz nxêik hluôk sđ zok nriêr, tuôr tsês zuk hêir nênhs têx txux chi, vênhx huôv jông cxôngx nzor tsik chiê pôngz plox. Pos Hoàng Thị Đôi, sêiz car Sở Văn hóa tỉnh Sơn La hêik pâuz: “Pêz xar njôngr cxuô chor tuz nxêik hluôk kriz nthuô uô cêr lov jêv txix cxuô luz jêx jos, cxuô côngv thôngx. Đhâu co, cxuô hêir nênhs sđ têx txux chi, vênhx huôv jông huôv tsar txuôk đros cxuô qơư ndis uô si côngv thôngx”

Nhoz tỉnh tox siêz Sơn La hâur iz jiês kriz ciêz, têx cêr lov jêv đhiê pax vuôs, sênhr chêr, cxuô zav nox cux chênhr zos côngv thôngx sđ têx txux chi, vênhx huôv jông cxôngx nzor muôx đros đrêiv hâur luz nênhx zos đrêiv Nghị quyết 80, cxơưz cxiz huôv tsar truôx côngv thôngx sđ têx txux chi, vênhx huôv jông cxôngx nzor tsik chiê pôngz plox./.

 Thanh Thuỷ-Tsu cxeik, nhênhv

Thâuv nênhs hluôk uô ju lix txix vênhx huôv zuk jêx jok

Sâuv txox cêr muk đhâu trôngz Pha Đin, têx luz yêz đrêk so. Muôx têx lênhx nriêr iz qơư jông jav chiê cxeik đuôz shav. Muôx iz cxiê lênhx mak so thiêz nox têx zav nox kaz ntơưv qơư. Cux muôx têx lênhx mak nriêr pâuz nzir lok iz thax tsav qơư reik đros lịch sử ntâuk zênhx tros châuz Điện Biên Phủ.

Pha Đin tsênhv muôx nzir têx hlôngr yiêz jông. Tsi tiêk txix têx qơư jông jav, mak txix côngv thôngx li têx txux chi vênhx huôv jông. Thiêz têx lênhx hluôk nênhs tsênhv zos iz phênhv paz uô hlôngr yiêz co. Bùi Hoài Linh, xênhz shông 1989, đros têx lênhx nênhs hâur Hợp tác xã ju lix Pha Đin qir cxiv tsa Pha Đin Top txix shông 2016 thâuv tsi tâu muôx 30 shông hnuz nhôngs.  Pêz uô ju lix ntơưv no xar kriz uô thiêz phuôx huiz tsiv gri lix xưv nhoz trôngz Pha Đin thiêz uô jông đuô trôngz jông jav nhoz no, viv li têx lênhx nênhs hâur hợp tác xã sik đros cxiv tsa qơư ju lix Pha Đin Top no.

Tsêr kuôk Pha Đin Top muôx 10 cêik cêr ntâu, Lầu Trung Anh, lênhx hluôk nênhs Hmôngz nhiv kruôr muôx 24 shông, đros cưr tix, nênhx tsa cxiv uô iz luz tsêr đar 5 qar.

Trung Anh tsi xeir tsưr ziv cxiv uô tsêr yiêz. Nưs chox tuôx ntơưv no têx kror sưv tiv zix hâur nênhs Hmôngz li luz nênhx chiê piêr muôs li: keiz đuz greix, buô Hmôngz, jâuz, mor cuôv, cuô tâuv… thiêz luz kror chok reik đros ntâu ziv chuôz zis tsôngv px Hmôngz li qơư uô jâuz mor. Cur xar tuôr tsês tâu mênhx cxưx Hmôngz têx txux chi vênhx huôv jông… Cur xar njôngr zos huôv tsar ju lix sâuv trôngz Pha Đin txix ciês zuk mênhx cxưx li vênhx huôv jông.

Lơưr niêv tix Bùi Hoài Linh, lênhx nênhs hâur Hợp tác xã ju lix Pha Đin, txix thâuv muôx têx ciêz thiêz muôx nzir qơư ndis shuôk, chor kruô tuôx Pha Đin Top chuôz ndê ntâu. Thâuv ntêx tsi tâu muôx ciêz, chor kruô thâuv kaz ciêz tuôx uô si tsuôk muôx 1.000 txos 2.000, nhiv no muôx têx hnuz ndê txos 5.000- 6.000 lênhx kruô.

Kror jông tsi tiêk zos muôx nzir kruô tuôx ndis seiz uô si. Đhâu ntâu shông chiv chir cxiv tsa iz qơư ndis uô si, chor nênhs uô ju lix nhoz Pha Đin tưz muôx nzir tsôngv px ntơưv qơư đros cxaz chuôz uô.

Ntơưv no, tsôngv px tsi taz zos lênhx nênhs tâu sơưv tsênhv chêi mak lơưr tsênhv zos lênhx nênhs tsiv uô têx xiv huv vênhx huôv thiêz tâu sơưv liv txix huôv tsar côngv thôngx li têx tsiv gri co.

Yuôr Lâus Trung Anh tsênhv xar li no:  Hâur luz ciêz no cur tsênhv tsi tâu muôx qơư ntâuk hlâu, zos tsôngv px Hmôngz li iz hâux lưv uô chax chês. Cur zuôr nriêr pâuz nzir ntơưv cxênhx lâuk lok zuk hêir nênhs têx txux chi vênhx huôv chiê krêz uô nzir trâur nuv… Thiêz cur zuôr piêr kriê lok zuk ciêz đrôngs sâuv Facebook thiêz uô Fanpage.

Pha Đin muôx têx tsênhv yuôr ntâu hâux lưv tsuv uô. Taz sik iz kro tsênhv hlôngr yiêz zos: pêx xênhv piz seiz zuk têx muôx tsiv grê txix iz tsưr ziv uô txơưr.

Têx zav nox, tsêr nhoz, tsôngk tril yo, suôz kênhx, ciêz đrôngs, tsưr ziv jov poz cưk… tsi tiêk zos têx vênhx huôv muôx txix nzor. Thâuv tâu por hưv tuôr tsês jông, tsưr tsix yênhx xiv huv thiêz txuôk đros niêv ciêz, têx tsiv gri co muôx têx zuôr paz muôx tâu hâux lưv, chuôz cxaz phênhv sâu thiêz paz trâu px muôx luz nênhx tsâu sor./.

 VOV-Tây Bắc- Txâur Vax cxeik nhênhv