Điện Biên njênhs njôngr trâu Đại hôiv Đảng XIV

         Đaiv hôiv đại biểu Đảng tas nro têz qơưk jiês tiv XIV tâu cơưv tiêr jông, ntâuk chiv têz qơưk iz kror chinhr triv zov chênhr. Têx tsênhv chêi lox tâu Đaiv hôiv thôngz đhâu tưz tsik zos paz trâu têz qơưk huôv tsar sêi thiêz truôx đrênhk xưz, mak tsênhv paz trâu yênhx lênhx canr bôv, đảng viên thiê Pêx xênhv muôx siêz njênhs njôngr, sir jos uô têx hâux lưv, huôv tsar uô nox.

        Ntơưv tỉnh Điện Biên, zos thax tsav chax chês cách mạng jông, đhâu ciês Đaiv hôiv tâu cơưv tiêr, cês shir phaz tưz muôx nhoz cxuô jêx jok. Pêx xênhv sơưr đơưk njênhs thiêz vav njôngr trâu iz six cxiv yiêz zuôr paz trâu kinh têr xar hôiv huôv tsar đuô, cxơưz cxiz luz nênhx thiêz paz tâu jông đuô trâu chor thax tsav tsênhv txov nhêv. Zơưv Hà Minh Lợi, nhoz tôv 11, phường Điện Biên Phủ puz pâuz: “Cur xar mak Ban Chấp hành khoar yiêz zos chor nênhs muôx txux chi tiv zix, zos chor nênhs tâu xêir tsov, tâu đaiv hôiv bâux xêir tâu, bâux zơưv Tổng Bí thư, chor nênhs hâur Bôv Chinhr triv, Ban Bí thư thiêz Ban Chấp hành Trung ương. Cur njênhs tiêk lơưr zuôr uô tau jông têx tsênhv chêi, têx tsưr ziv mak Đaiv hôiv Đảng tas nro têz qơưk jiês tiv XIV tưz tso tơưv”.

          Tưz tsik zos njênhs njôngr trâu Đảng chox car, pêx xênhv Điện Biên tsênhv vav njôngr trâu têz qơưk iz ntu huôv tsar yiêz, ntu tsar ndê kinh têr tâu sir jos uô, paz trâu pêx xênhv luz nênhx ziv hnuz ziv hlôngr yiêz jông đuô. Zơưv Trần Duy Khiến, nhoz tôv dân phố 1, phường Điện Biên Phủ puz pâuz: “Vav tiêk hâur ntu zuôr txos, chor nênhs yiêz hâur Ban Chấp hành Trung ương Đảng zuôr zos chor nênhs sir jos, muôz zuk têx txux chi lok uô jông têx hâux lưv phưx vưv trâu Đảng, trâu pêx xênhv”.

         Txix canr bôv ntơưv cxuô qơư thiêz pêx xênhv njiê pov, Đaiv hôiv XIV têx tsênhv chêi tsênhv tâu vav njôngr zuôr tror paz uô hlôngr yiêz jông hâur yưv pênhr trâu hạ tầng, zoz zux, y têr, tiv zix zos têx tỉnh tox siêz, ntus đriv li Điện Biên. Pos Lò Thị Yến, nhoz tôv dân phố 1, phường Điện Biên Phủ puz pâuz: “Pêz vav tiêk hâur six cxiv yiêz, Ban Chấp hành Trung ương Đảng zuôr muôx ntâu tsênhv chêi yiêz jông đuô txoz cxơưx txos paz trâu têx thax tsav nhoz đêz, tox siêz li pêz ntơưv Điện Biên, têx qơư tsênhv yuôr ntâu txov nhêv”.

         Đaiv hôiv đại biểu Đảng tas nro têz qơưk jiês tiv XIV tâu cơưv tiêr jông tưz tsik zos kror ntâuk chiv txos têz qơưk iz kror chinhr triv zov chênhr, mak tsênhv zos kror piz trâu iz ntu huôv tsar yiêz muôx Đảng chox car, đros têx sir jos, Điện Biên đros tas nro têz qơưk zuôr hla trâu iz ntu huôv tsar yiêz, viv pêx xênhv bluô nux, têz qơưk hênhr, dân chủ, vax huôv siz bâus thiêz vav mênhx./.

Vũ Lợi-Lik Thox cxêik nhênhv

Bộ y tế heik sơưr đơưk chênhr phax tir thêir caz moz Nipah

         Chiê bax phax tir thêir caz moz Nipah, Bộ Y tế heik tsôngv pêx xênhv sơưr đơưk tsuv uô jông trơưk têx tsưr ziv li đrav kaz:

         Tsơưs muk lol trâu têx thax tsav muôx caz moz Nipah huôv xênhz zos tsi muôx hâux lưv zov chênhr.

        Chiv chir sox seiz đas jos, hâur 14 hnuz xav txix thâuv muk trâu thax tsav muôx moz huôv xênhz lok, zos pov muôx têx li: Moz tâuz hâu, moz têx grêix, ntuôr, moz chax đaz, tsâuk muôs, tsi yuô phênhz mênhx....mak tsuv muk chuôs cưk yuôx zênhx max, tsơưs nhoz jê đros luôs lưv tus, heik tsênhz mênhx têx moz trâu cưk yuôx pâuz.

         Taz por vêv xênhz zav nox: Nox siêr hâuk bâu, têx txir ntông tsuv nzuôr hur thiêz qêik tơưr hur si uô ntêx thâuv zuôr nox, thiêz sơưr đơưk tsi tâu nox têx txir ntông tưz muôx nak, nôngk, caz uz no tho nox; tsi hâuk têx cuô mik, cuô đêx ntông têx.

         Tsi nhoz jê têx tsiêx zôngx ziv cik tâu caz moz li: Puôr nox txir; tsi so muôz xaz phôngx lok sik têx cuô đêx yuôx nzuôr têk đhâu tuô tsênhr, nhoz jê tsiêx cxu.

         Tsơưs nhoz jê đros têx lênhx nênhs moz, tsơưs cor txos nênhs moz têx chuôz zênhx, têx zav tsi hur; tsuv sir zôngv ntâuz bos kror ndâux, lôngx têk thiêz chuôz zênhx, tsôngk tril yo por hưv thâuv tsoz phưz, chơưv kho moz trâu têx lênhx nênhs tâu xav tiêk trâus moz, đhâu co muôz xaz phôngx lok sik cuô đêx yuôx nzuôr têk hur si./.

 Vừ Chu-Riê Lâux cxeik, nhênhv