Cxơưx txos chor hluôk nênhs nhoz Lai Châu uô cxâuv cêr chêi têz qơưs

Phường Đông Phong, thành phố Lai Châu zos thax tsav phiv liv lok ngaz tuk, muôx ntâu qơư kriz internet, ciêz muôs hax huv, qơư tsar đrêk yêz thâux xa kruô, tsêr kho moz… Chor txuz uô cxâuv chêi têz qơưs, phênhv ntâu zos uô phiv liv txos ngaz tuk công côngv, tuz saz tuz nhiês, tưr txiêx… Thiêz nhiv kruôr no, sâuv thax tsav tưz pov muôx oz txuz tuz saz tuz nhiêx zos chor hluôk nênhs nhiês. Hlôngr njêx muôs Công an phường Đông Phong puz pâuz, chor txuz hluôk nênhs uô cxâuv chêi têz qơưk sâuv thax tsav phênhv ntâu zos chor nhuôs nhoz têx qơưk txơưr tuôx uô cxâuv chêi hâur thax tsav xưz. Đại úy Đặng Duy Hưng, Phưv trưởng Công an Phường Đông Phong, thành phố Lai Châu puz pâuz:

“Hâur ntu nhiv no xưv lik chor hluôk nênhs uô cxâuv cux tsênhv tâu chêi têz qơưk paz ntâu, viv li chor txuz tuz saz tuz nhiês txơưv tiêk txâuk cxuô kror chiê muôz tik cêr cxâuv lok chor nênhs no cux tsik tâu tik cêr cxâuv trơưk cêr chêi têz qơưk mak tsuôk zos xưv bluô nhiêx txiêx xưz. Đros chor nênhs no mak phênhv ntâu chuôz zis cux tsik sêiz car cov ntov jông”.

Tsik sêiz car ntov jông lok sik tsik pâuz uô li chak hâur kruôz kriê têx tuz nhuôs zos qir tiv muôx yưv qênhx shênhx chor nhuôs zâu uô cxâuv cêr chêi têz qơưk ziv hnuz ziv chuôz ndê. Công an thành phố Lai Châu li thôngz sâu, hâur 6 luz hli hâur shôngk shông 2024, sâuv thax tsav tưz muôx yưv 86 txuz chor nhuôs zâu uô cxâuv chêi têz qơưk, đros muôx 74 lênhx nênhs, ndê 28 txuz pir li shông 2023. Tiv zix, hnuz 27/5 nhiv kruôr đhâu lưx lươngv Công an thành phố Lai Châu tưz côngv đros chor phòng uô hâux lưv, Công an tỉnh Lai Châu cxov tâu chor nênhs tsưr tsix muôs pax muôs chêr chiê livestream, hâur co muôx 2 lênhx nhuôs nxêik tsik tâu muôx 16 shông. Thượng tá Phạm Văn Duyệt, Phưv trưởng Công an thành phố Lai Châu puz pâuz:

“Công an thành phố tsênhv sir jos chox kriê chuôz cxaz sik côngv đros têx cơ quan, sir jos uô côngz xưv yax kriê zoz zux chêi têz qơưk, tiv zix zos chêi  phax tar zax zênhz, chêi zoz thôngz cux li têx ntâuz ntơưr lok chêi nhiv no, chiê paz trâu chor hluôk nênhs pâuz tsênhz đuô”.

Chor nênhs uô cxâuv chêi têz qơưk zos chor hluôk nênhs sâuv thax tsav tỉnh Lai Châu hâur 6 luz hli hâur shôngk shông muôx nhoz ntâu hov hnuz nhôngs thiêz ntâu zav nênhs. Têx kror uô cxâuv phênhv ntâu zos cik txos tuz saz tuz nhiês, cxoz txưv uô trâus saz, zax zênhz, muôs pax muôs chêr. Trung tá Nguyễn Mỹ Đồng, Phưv trưởng phòng Cahr sát Hình sự, Công an tỉnh Lai Châu puz pâuz:

“Chiê côngz xưv phax, tar chor hluôk nênhs uô cxâuv chêi, Phòng Cảnh sát hình sự zuôr tsik so qênhz shuôk thiêz uô bê ntơưr chiê sêiz car. Tiv zix zos chor nênhs tsik tâu muôx 18 shông njuôk xav zuôr uô cxâuv chêi, chor nênhs cxaz chuôz trâu tsês chiê têx triêv fov thiêz cxuô zav zax zênhz”.

Chor hluôk nênhs uô cxâuv chêi têz qơưk sâuv thax tsav tỉnh Lai Châu tsênhv zos chuôz zis thiêz xar hôiv cêr cxơưx, tsuv muôx chor ban, nganhx, đoanx thêv  ntơưv qơư thiêz tas nro xar hôiv sir jos đros uô. Chiê tir tar txiêz nanv no, đros muôx cơ quan muôx vax huôv xưv bluô txos qơư trâu chor txuz uô muôx yưv têx tsik jông, nênhs uô cxâuv lơưr chêi têz qơưk têx cui tênhv, hâux lưv phax tir tar, zoz zux cêr uô nênhx jông, txoz cxơưx liz nênhx cxuô kror trâu chor nhuôs zos kror hâux lưuv tsuv tâu sir jos uô thiêz tsuv tâu uô huv zos txix tsêr cơưv ntơưr thiêz chuôz zis./.

Khắc Kiên-Lik Thox cxêik nhênhv

Têx chế độ BHXH ntơưv Việt Nam shông 2024

Têx chế độ BHXH ntơưv Việt Nam nhiv no tsênhv uô lơưr Chei BHXH tso tơưv shông 2014.

          Tsênhz mênhx, ntơưv Grê 4, Chei BHXH 2014 cui tênhv têx chêr độ BHXH li đrav kaz:

BHXH zuôr trâus muôx têx chế độ li đrav kaz:

- Moz gênhs;

- Xênhz zus nhuôk;

- Txiêz nanv lox tôngv, moz tiv hâux lưv uô;

- So lâuk;

- Paz nhiêx txiêx cxoz cxơưx mê njik trâu nênhs lox tôngv li nênhs cxênhz jê thâuv nênhs lox tôngv môngr tsi jông tâu tas siv nênhx.

          (2) BHXH txưv zênhv muôx têx chế độ li đrav kaz no:

          - So lâuk;

          - Paz nhiêx txiêx cxoz cxơưx mê njik trâu nênhs lox tôngv li nênhs cxênhz jê thâuv nênhs lox tôngv môngr tsi jông tâu tas siv nênhx

          (3) BH so lâuk cxaz nzir zos Chính phuv cui tênhv.

          Tsov cưv: Phênhv sơưv BHXH tâu xav lơưr phênhv gôngr, six hơưv gôngr BHXH thiêz muôx pheiz kênh hâur têx lênhx nênhs cxaz chuôz BHXH.

          Nênhs lox tôngv li vax huôv thiêz txơưx jênhv hâur BHXH.

(1)Nênhs lox tôngv li vax huôv

- Tâu cxaz chuôz thiêz sơưv têx chế độ BHXH lơưr cui tênhv.

- Tâu cungz thiêz seiz car ntơưr BHXH.

- Jênhv nhiêx so lâuk thiêz phênhv paz BHXH cxix cxuô; trơưk six hơưv.

- Sơưv BHYT hâur têx lênhx nênhs đrav kaz:

+ Tsênhv qơư nhiêx so lâuk;

+ Hâur ntu so hâux lưv sơưv phênhv paz xênhz zus nhuôk thâuv xênhz zus nhuôk lok sik jênhv tsoz phưz mê nhuôk puôs;

+ So hâux lưv sơưv phênhv paz txưv txiêz nanv lox tôngv, moz tiv hâux lưv uô yênhx hli;

+ Tsênhv sơưv phênhv paz moz gênhs đros nênhs lox tôngv trâus moz têx zav moz muôx bê hâur têx zav moz zuôr trâus kho moz ntêr hnuz zos Bộ y tế tso tơưv.

- Tâu chuv tôngv muk seiz njuôs đas jos zos lênhx nênhs tâu cui tênhv ntơưv điểm b khoản 1 Grê 45 Chei BHXH 2014 thiêz tsênhv taz tso tsês gôngr BHXH; tâu thêv nhiêx phí seiz njuôs shuôk y khoa zos muôx txâuk theox chênhv chiê sơưv BHXH.

- Choz vax huôv trâu lênhx nênhs txơưr paz jênhv nhiêx so lâuk, phênhv paz BHXH.

- 6 luz hlik tâu nênhs sir zôngv lox tôngv cungz xor mông lok gôngr BHXH; yênhx shông tâu chiz coaz BHXH xav jênhv lok hâux lưv gôngr BHXH; tâu heik nênhs sir zôngv lox tôngv thiêz chiz coaz BHXH cungz xor mông lok hâux lưv gôngr, sơưv BHXH.

- Khiếu nại, pênhr cov lok BHXH lơưr pháp luật li cui tênhv.

(2) Nênhs lox tôngv li txơưx jênhv

- Gôngr BHXH lơưr cui tênhv.

- Uô cui tênhv lok hâux lưv uô ntâuz ntơưr BHXH.

- Khơưk tsês jông ntơưr BHXH./.

                             (Thu Thùy- Txâur Vax cxeik nhênhv)