Qênhz yuôx, chiê 4 luz tsêr cơưv Phổ thông nội trú 2 cấp ntus đriv Lào Cai uô hâux lưv

Luôs hâux lưv chiê 4 luz tsêr cơưv nội trú 2 cấp lox đar muôx 5 txos 10 ha đros trâu 4.000 ntâu lênhx shux xênhz ntơưv têx xã ntus đriv Mường Khương, Pha Long, Y Tý thiêz A Mú Sung lok uô hâux lưv uô cê, tsuv muôx cêr sik côngv truôx jông txix ciês hâur têx ciêz xuz thơưx. Jiês qênhz yuôx cxuô ngênhx zos Sở Zoz zux seiz car, hux jos đros têx Sở Nội vụ, nhiêx txiêx thiêz Y tế tâu pheiz uô yênhx paz lês uô hâux lưv, qênhz yuôx cxuô nro txix têx lênhx nênhs, tsưr ziv uô hâux lưv, zuôr têx chuôz zênhx txos trâu taz por vêv xênhz zav nox.

Khav tênhv tsênhv njiêz qênhz yuôx chiê muôx cêr thôngx ziv trâu têx luôs hâux lưv, zơưv Đào Anh Tuấn, Phưv Giám đốc Sở Zoz zux tỉnh Lào Cai puz pâuz: “Pêz sir jos qênhz yuôx têx hâux lưv, sir zôngv chuôz zênhx chiê fuô uô tâu truôx jông cxuô luôs hâux lưv txix ciês thâuv xuz thơưx; tiv 2 zos seiz shuôsfuô uô têx hâux lưv zoz zux, lar heik zos lok sâuv têx hâux lưv zov chênhr. Txix co heik tơưv têx phiv liv, uô tsi tâu tsi tiêr chiê nhênhz chơưv trâu tỉnh muôx tsưr ziv chox kriê, paz tsêr cơưv nội trú ntus đriv uô tâu truôx jông cxuô luôs hâux lưv zok muôz, gra siêz tsơưr lươngv zoz zux, cxơưz thax tsav ntus đriv huôv tsar xưk 2 chas thax tsav qơư”.

Đhâu seiz shuôs tsênhv tsênhz, iz chas hâux lưv kriê txux chi, têx tsêr cơưv nội trú ntus đriv tsênhv uô iz cxiê hâux lưv txơưr. Viv moz siêz txos xeir zuôr têx lênhx shux xênhz muôx luz nênhx txov nhêv, ntâu tsêr cơưv tsênhv tu zus, kriê cơưv txux chi, tsưr ziv uô nênhx jông, xênhz huôx trâu yênhx châuv lênhx shux xênhz trâus sêv khiz luz chêr, têx lênhx mê nhuôv tsi muôx niêv tsi muôx txir, trâus uô njuôs. Hâux lưv cưk kriê cê kriê txux chi, cê lênhk seiz car shux xênhz hâur tsêr cơưv yênhx hnuz hmo thiêz fuô uô têx tsaz yênhx choz kriê chor nhuôv shux xênhz uô nênhx jông, tsiv txiêx tsênhv lok six phiv liv, zos uô lơưr tsêr cơưv phổ thôngz tsưr ziv, cui tinhv.

Chiê fuô uô tâu truôx têx luôs hâux lưv li heik sâuv, cưk kriê ntơưr Nguyễn Quốc Việt, thơưx seiz car Tsêr cơưv Phổ thông nội trú Cxênhx iz thiêz Cxênhx oz Pha Long hêik: “Viv zos tsêr cơưv shux xênhz nox nhoz hâur tsêr cơưv, cơưv txux chi tsi yuô thôngx li lưv luz tsêr cơưv txơưr đuô, pêz xar cov cxaz nzir iz lênhx canr bôv sêiz car trâu tsêr cơưv chiê muôx lênhx nênhs đros paz nhênhz chơưv chox kriê uô hâux lưv txoz cxơưx thiêz choz kriê têx nhuôs cêr uô nênhx, xênhz huôx, nox nhoz muk lol. Iz chas ntơư, tsêr cơưv cux xar cov muôx Thông tư kho txo grêk tsơưs hâux lưv kriê txux chi trâu cưk kriê tsêr cơưv nội trú ntus đriv chiê cưk kriê muôx six hơưv ntâu đuô lês uô têx hâux lưv zok muôz, tsoz phưz, kriê cxaz nzir têx txux chi, tsưr ziv txơưr đuô trâu shux xênhz. Lok sâuv chor nênhs uô hâux lưv por hưv,uô jâuz mor nox mak xar tiêk, zuôr muôx chei, cui tinhv cir hux thôngx ntêr shông chiê lơưr tso siêz uô hâux lưv zok muôz”.

Đros trâu tsưr ziv kriê txux chi, tsơưr lươngv thiêz uô tiêr cxuô luôs hâux lưv cux lok six zov chênhr chiê tsêr cơưv truôx tuk. Cik txos uô tiêr têx hâux lưv txơưr đuô nhoz ntu 1 (ntơưv Pha Long thiêz Y Tý), đros tsưr ziv fuô uô têx dưv anr txuôk nzir, zơưv Đinh Văn Đăng, Giám đốc Ban sêiz car dưv anr yưv pênhr cxiv tsa tỉnh Lào Cai puz pâuz: “Đhâu 5/9, Ban tưz sir jos heik têx tsưr yưv pênhr thiêz lơưr tưz sir jos  tso lênhx nênhs, têx meir, chuôz zênhx cxiz uô cov tiêr sei têx hâux lưv zok muôz trơưk tsưr ziv. Iz chas ntơư, đros thiêz têx dự án ntu 2 tưz muôx cxix cxuô ntâuz ntơưr, pâuz tsênhz txos têx tsưr ziv, hâux lưv uô hâur ntu 1, Ban tưz đros têx tsưr yưv pênhr fuô uô tsênhz mênhx tsưr ziv, hâux lưv txos 30/8/2027, zuôr choz zok ndar trâu  shông cơưv yiêz”.

Jiês qênhz yuôx tsênhv tsênhz ntơưv 4 tsêr cơưv nội trú ntus đriv xuz thơưx tsi tiêk paz tỉnh Lào Cai zênhx max đơưk tâu têx phiv liv ntơưv qơư, mak tsênhv muôz têx xor mông jông chiê cxuô bộ, ngênhx Trung ương tror uô tiêr têx chei, cui tinhv. No lok six zov chênhr chiê tsêr cơưv nội trú 2 cấp ntus đriv uô tâu truôx jông cxuô luôs hâux lưv zok muôz, yênhx qơư zoz zux truôx khor nhoz ntus đriv têz qơưk./.

An Kiên – Riê Lâux cxêik nhênhv

Tôv công nghệ sôr côngv thôngx paz cxơưz cxiz kinh têr sôr jêx jok

Tsưr ziv thiêz cxuô kror

 Chor nênhs uô chênhr: Tổ tsar khênhr zos Bí thư chi bộ lok sik Tsar jok; Tổ phưv thiêz thành viên zos Đoanx hluôk nênhs, Hội pox niêv, Công an xã/sêiz car thax tsav qơư thiêz nhân viên viễn thông ntơưv qơư. Tsưr ziv uô: "Muk yênhx jêx jok, yênhx ziv chuôz zis, kriê trâu yênhx lênhx nênhs" đros tsưr ziv uô zos "tuôr têl kriê ciês uô hâux lưv", kriê huv zos lơưr luk hêik thiêz phongx cxưx ntơưv qơư.

Têx hâux lưv zov chênhr ntơưv thax tsav Tây Bắc

 Uô cov sơưr đơưk pâuz jông đuô: Hlôngr yiêz tsôngv box thax tsav jêx jok li xênhz huôx thiêz uô nox lơưr saz vav mênhx, yiêz jông thiêz truôx đrênhs.

Huôv tsar cxuô kror thiêz lênhx nênhs sôr ntơưv qơư: Yênhx châuv cxênhz tổ công nghệ sôr côngv thôngx tâu yênhx lix txos ciês têx jêx jok, huiz tôngv yênhx puô cxênhz lênhx nênhs "muk yênhx ziv chuôz zis" chiê kriê trâu pêx xênhv.

Paz chính quyênx sôr thiêz dịch vụ công:

Kriê trâu sơưr đơưk kriz tài khoản thiêz xa ntâuz ntơưr sâuv Cổng dịch vụ công têz qơưk.

Cài đặt thiêz sir zôngv ứng dụng định danh điện tử VNeID, uô têx ntâuz ntơưr hành chính điện tử.

Cxơưz cxiz kinh tế số jêx jok:

 Heik kriê têx ziv chuôz zis, hợp tác xã muôz têx hax huv kôngz nuv jông, hax huv OCOP muôs sâuv têx qơư muôs điện tử.

Sir zôngv mã QR thêv nhiêx thiêz nriêr pâuz qơư uô hax huv.

Cơưv shâuv tsưr ziv livestream muôs hax huv, piêr kriê ju lix côngv thôngx (homestay) sâuv têx nền tảng mạng xã hội li Facebook, Zalo, TikTok.

Kriê txux chi sôr thiêz truôx tuk mạng:

Krêz uô têx hâux lưv lơưr tsưr ziv "sơưr đơưk cơưv txux chi sôr" chiê paz trâu pêx xênhv tox siêz pâuz tâu txos têx công nghệ.

Heik kriê pox nhuôs jênhv pâuz thiêz phax tar têx tsưr ziv nziêk đas sâuv mạng, por vêv têx xor mông.

Tổ công nghệ số côngv thôngx zos têx lênhx nênhs paz trâu chính quyênx ntơưv qơư, kriê nền tảng số, dịch vụ công trực tuyến thiêz thêv nhiêx txiêx tsi zôngv ciês nhiêx txiêx txos yênhx ziv chuôz zis pâuz, paz uô tiêr têx tsưr ziv lok thôngz xor mông, hành chính công thiêz kinh têr jêx jok yiêz./.

Bích Thủy-Lik Thox cxeik, nhênhv