Muôz pêx xênhv thiêz doanh nghiệp uô qơư chênhr chiê phưx vưv

Txos hnuz muôz nhiêx hli so lâul, nhiêx paz BHXH, ntơưv têx jêx jok nhoz TP Lai Châu hâur hnuz xuz thơưx hâur hli têx lênhx canr bôv BHXH, nênhs uô hâux lưv hâur tsêr nhiêx, bưu điện ho tror tuôx cxix cxuô. Thâuv muôz têx nhiêx li heik sâuv, chor nênhs tâu sơưv nhiêx hli so lâul thiêz nhiêx paz BHXH, nhiêx paz trâul pôngz hâux lưv tâu yax kriê lok uô têx ntâuz ntơưr chiê tâu sơưv têx chei paz, muôx liv. Niêv lâul Nguyễn Thị Huế, canr bôv Bưu điện TP Lai Châu heik pâuz: Canr bôv, viên chức lês uô hâux lưv lênhk txeik, seiz car têx ntâuz ntơưr thâuv lênhk nhav luôs lưv tus têx ntâuz ntơưr uô chiê tâu sơưv nhiêx paz BHXH puôr lênhx sik đros yax kriê, vênhv tôngv sơưr đơưk xeir gra nhiêx đhâu thẻ gra nhiêx. Lok sâuv muôz têx nhiêx hli so lâu, nhiêx paz BHXH puôr lênhx yax kriê uô têx zôngx ziv thiêz truôx tuk trâu lênhx nênhs gra nhiêx:

“Chor lâul lơưr tuôx gra nhiêx phênhv ntâu zos chor lâul nênhs hnuz nhôngs siêz, tsi yuô tâu pâuz txos têx tsưr ziv gra nhiêx li heik sâuv. Chênhr zos li co, thâuv chor lâul tuôx gra nhiêx hli so lâul mak lơưr tsi xar gra li heik ntơư. Hâur six hơưv muôz têx nhiêx bảo hiểm, cur pov chor lâul lok six shir phaz, jông siêz viv iz hlik thiêx tâu siz njiz iz jiês”.

Cux xưk li ntâu lênhx lâul nênhs hnuz nhôngs siêz txơưr đuô hâur thax tsav, chiê siêz thiêz tok njôngr txos hnuz tâu gra nhiêx hli so lâul, pos Bùi Thị Diệu, nhoz jok 7, phường Đoàn Kết tuôx lok six nzor ntơưv qơưv gra nhiêx. Đhâu thâuv tâu canr bôv yax kriê lok quyết định thiêz đêx anr BHXH muôz nhiêx đhâu thẻ gra nhiêx, pos Diệu tưz pâuz tâu têx zôngx ziv uô li heik co thiêz jông siêz, thôngx ziv krêz uô thẻ gra nhiêx chiê gra chor nhiêx hli so lâul hâur niêx hli.

“Thâuv ntêx txos hnuz gra nhiêx hli so lâul mak cur muk gra lok zôngv xưz, zôngv tsi tas tsês nưk nhoz nưk ntơư. Nhiv no tâu canr bôv bảo hiểm, bưu điện heik kriê thiêx pâuz nhiêx tsês nhoz hâur thẻ gra nhiêx cux muôx liv jông. Nhiv no muôx nênhs fuô kriê, pêz chor lâul thiêx pâuz tâu têx jông ntơư. Muôz tso hâur co, thâuv tưs zuk zuôr li chas mak gra li ntơư, tuôr nhiêx, gra nhiêx ntâu đros cux tsi jông”.

Uô lơưr Tổng Giám đốc BHXH Việt Nam Quyết định lok choz hâux lưv vênhv tôngv, cxơưz cxiz lênhx nênhs tâu sơưv BHXH têx chei paz, nhiêx paz trâul pôngz hâux lưv uô đhâu thẻ gra nhiêx thax tsav hâur đrôngs shông 2024, BHXH tỉnh Lai Châu tưz tso tơưv tsưr ziv sôr 488 chiê fuô kriê uô trơưk, shông 2024, BHXH tỉnh Lai Châu tâu choz hâux lưv cov muôz têx nhiêx hli so lâul, nhiêx paz BHXH niêx hli, nhiêx paz BHXH iz jiês thiêz nhiêx paz trâul pôngz hâux lưv uô hâur thax tsav đrôngs zos 50%, 90% thiêz 95%. Taz sik, txos tas hli 6/2024, taz viv nhiv kruôr muôz tâu 49%, 70% thiêz 91% xưz.

Đhâu ntâu jiês uô luôs hâux lưv yax kriê ntơưv qơư, niêv lâul Trần Bình Hưng, uô hâux lưv hâur BHXH tỉnh Lai Châu heik pâuz: Qir tiv zos phênhv ntâu têx lênhx nênhs tâu sơưv nhiêx hli so lâul ntơư hnuz nhôngs tưz siêz. Tsi tas li chôngz lênhx ntâu tus lâul lơưr cux xar siz zâuv tuôx gra nhiêx li no chiê tâu siz chuôs njiz, sik thav pêv đhâu iz ntuk siz ndêiv ntêr hnuz. Iz chas co, muôx kênh lênhx lâul hnuz nhôngs cux siêz, muk lol phiv liv, tsi pâuz zôngv thẻ gra nhiêx lok sik nênhs lâul uô têv tôngz, tsi yuô ndo jông txos mật khâur thẻ gra nhiêx.

“Hâur ntu đhâu pêz tưz sir jos uô luôs hâux lưv yax kriê txos trâu cxuô taz viv sir zôngv lox tôngv, lênhx nênhs tâu sơưv nhiêx hli so lâul, têx nhiêx paz BHXH đhâu mạng xã hội, ti vi, ntơưr pov tsir….Tsênhv njiêz yax kriê phênhv ntâu cik txos uô têx ntâuz ntơưr, têx muôx liv thâuv zôngv thẻ gra nhiêx. Pêz hux jos đros tsêr nhiêx muôx têx chei paz chor nênhs tâu sơưv thâuv lơưr krêz uô thẻ gra nhiêx ntơưv tsêr nhiêx”.

BHXH tỉnh Lai Châu heik pâuz nzir, chiê uô tâu têx luôs hâux lưv BHXH Việt Nam zok muôz, taz viv zuôr sir jos đros cxuô cơ quan yax kriê đêz đar lok têx muôx liv thiêz jông thâuv gra nhiêx đhâu thẻ gra nhiêx. Txix ntơư, gra siêz canr bôv, đảng viên thiêz cxuô lênhx pêx xênhv hâur thax tsav tsưr ziv jênhv pâuz lok gra nhiêx li heik sâuv têx muôx liv thiêz zov chênhr.

Chiê uô tâu hâux lưv co, lok six zuôr trâul txos hâu nov ntơưv qơư, cxuô cấp cêr thôngx ziv, đros paz yax kriê đêz đar txos tsôngv pêx xênhv thiêz lênhx nênhs tâu sơưv nhiêx hli so lâul, nhiêx paz BHXH, nhiêx paz trâul pôngz hâux lưv./.

Khắc Kiên-Riê Lâux cxeik, nhênhv