Sik côngv txix trâur nuv “Hnuz kaz ciêz đros tsôngv box” nhoz huyện

 Mù Cang Chải

          Bí thư huyện ủy Mù Cang Chải- zơưv Nông Việt Yên puz pâuz: Txix hli 6/2019, Huyện ủy Mù Cang Chải phuôx tôngv thiêz krêz uô trâur nuv “Kaz ciêz đros tsôngv box” chiê chuôz tsar cêr coaz siv sik côngv hâur cán bộ, đảng viên đros tsôngv box, phax  tar thiêz txu grês têx luôk hâux lưv tsi jông hâur cán bộ, đảng viên thiêz tsôngv box, uô tsưr ziv “Truôx siêz, chuv tôngv đros tsôngv box thav, mnôngs tsôngv box, iz siêz sir tas đas jos phưx vưv tsôngv box”. Lơưr co, iz cán bộ, đảng viên đrâuv jênhv vưv muk cơ sở lơưr chuyên môn mak iz luz hlik tsênhv chiv chir bax six hơưv, côngz xưv chiê tsês tsơưs tiv zix 2 hnuz kaz ciêz muk njiz tsôngv box ntơưv têx jêx jos tâu pheiz côngz phưv txơưx chiê yax mông lok Đảng, têz qơưk li chủ trương, cêr chei; paz txưv tsôngv box huôv tsar uô nox uô hâuk, cxuôv yeiz thiv pluôk; chuôz tsar tsưv ziv đros têx luk heik tsi jông lok Đảng, têz qơưk txos tsôngv box; pâuz tâu tsôngv box li siêz xar, sik đros tsôngv box car chêx têx phêv liv, tsi jông siêz hâur luz nênhx, muôz siêz chinhz yênhx lox tôngv xênhz yar…

          “Đros tsưr ziv txos shông 2030 Mù Cang Chải tsi taz hla đhâu huyện pluôk, pêz xav tênhv “Hnuz kaz ciêz đros tsôngv box” cê zos jênhv vưv, cê zos tsưr ziv uô jông. Đrâuv co, zos tênhx qơư chiê Ban thường vụ, Ban chấp hành Đảng bộ huyện seiz shuôk ntâuk grê cán bộ. Tiv 3 zos seiz co zos tsưr ziv chiê ntâuk grê cán bộ li hâux lưv uô ntêx nyuôk, uô li chas chiê chuôz tsar sik côngv hâur cán bộ, đảng viên thiêz tsôngv box”.

          Đhâu 5 shông krêz uô trâur nuv “Hnuz kaz ciêz đros tsôngv box” zuôr xar 30 cxênhz jiês cán bộ, đảng viên, công chức, viên chức, nênhs lox tôngv; 90 cxênhz jiês tsôngv box tưz cxaz chuôz têx côngz tsinhx, hâux lưv uô tsênhz mênhx nhoz têx jêx jos, tuêv jênh phố. Chêx cuk zos uô tâu 300 cei cêr zaoz thôngz nôngx cxênhz thiêz krêz yiêz tâu 62 cei cêr ntâu cêr ar; tsưr tsix 25 cxênhz 500 ntâu jiês yax mông lok Đảng, têz qơưk li chủ trương, cêr chei; huôv tsar KTXH, phax tar moz huôv xênhz; phax tar nênhs phamv cxâuv…

          Têx huôx tôngv no tưz gôngr phênhv uô trâu nôngx cxênhz nhoz Mù Cang Chải ziv hnuz ziv hlôngr yiêz jông, tsôngv box li phênhv sâu shông 2023 tax 34 tsov đeiv iz lênhx nênhs, chuôz ndê 70% pir đros hâur six cxiv. Fênhx pheiz txix hâur six cxiv txos nhiv no, iz shông huyện puôr lênhx txu grês 9% chor ziv chuôz zis pluôk, chor ziv chuôz zis pluôk hâur tas nro huyện yuôr tsơưs đuô 38% ntâu. Pos Kruô Xênhv Zax, tsôngv box xã Hồ Bốn, huyện Mù Cang Chải shir phaz heik:

          “Cxuô lênhx nênhs lok six jông siêz viv muôx chôngz lênhx nênhs uô mak jông đuô tsuôk muôx iz lênhx uô; tiv zix zos uô cêr muk txos zuk chuôz zis cux tâu têx cán bộ tuôx paz uô. Pox nhuôk thiêz cán bộ sik côngv uô mak zuôr pov cxênhz jê đuô lok six ntâu”.

          Muk ciês ntơưv jêx jos đros tsôngv box uô, Bí thư tỉnh ủy Yên Bái- zơưv Đỗ Đức Duy pheiz kênh: têx luz hlik hâur shôngk shông 2019, thâuv Ban thường vụ Huyện ủy Mù Cang Chải pov cov lok tsưr ziv qir thơưx hâur tsưr tsix trâur nuv “Hnuz kaz ciêz đros tsôngv box”; jênhv pov no zos trâur nuv dân vận chính quyênx jông, muôx chêx cuk, huv đros tsênhv tsênhz, Ban thường vụ Tỉnh ủy Yên Bái tưz thôngx ziv xeir huyện Mù Cang Chải zos taz viv uô ntêx nyuôk uô thiêz zuôr chênhz zênhv chiê krêz uô đêz đar trâur nuv no hâur tas nro đảng bộ tỉnh.

          “No zos hâux lưv uô yax six, tsi so, cux zos đảng bộ tỉnh li iz hâur têx tsưr ziv lênhs tov, thôngx cxix zos iz hâur têx tsưr ziv chiê uô cán bộ, đảng viên li txơưx jênhv uô ntêx nyuôk hâur hâux lưv seiz car tiv phaz, sik côngv jông đros tsôngv box”

          Chêx cuk trâur nuv “Hnuz kaz ciêz đros tsôngv box” tưz thiêz tsênhv gôngr phênhv jông chiê Mù Cang Chải nzor uô tiêr têx tsưr ziv mak Nghị quyết Đại hội Đảng bộ tỉnh thiêz Nghị quyết Đại hội Đảng bộ huyện, six cxiv 2020-2025 tưz tso tơưv, chox tiv phaz nzor yênhx huyện ju lix, qơư muôx cêr vênhx huôv jông, taz por, shưv jê hâur tỉnh thiêz tas nro têz qơưk; txos shông 2025 hla đhâu bê têx huyện pluôk thiêz yênhx trus hlôngr yiêz, sik côngv thiêz huôv tsar./.

(Đinh Tuấn-Txâur Vax cxeik nhênhv)

Kriê sir zôngv yuôx tsuôs đrox, tuô caz hmoz

Sir zôngv yuôx tsuôs đrox, tuô caz hmoz huv zos

1.1. Sir zôngv yuôx tsuôs đrox, tuô caz hmoz trơưk cui tinhv “4 zos”:

Sir zôngv zos yuôx:

+Zôngv têx yuôx tuô zos zav caz hmoz tho nox uô ruôr hiêv kôngz ntơư.

+Tsơưs uô tsi jông txos lênhx nênhs đas jos, tênhx qơư.

+Tsi tâu zôngv têx yuôx tsi pâuz tsênhz qơư tsiv uô, tsi muôx bê nhoz hâur bê chor yuôx tâu chei sir zôngv, yuôx tưz trâul txưr sir zôngv.

-Sir zôngv yuôx por hưv đrox tsuôs huv đros: Thâuv muôx ntâu caz hmoz huôv xênhz, thâuv têx caz ntơư tsênhv mok.

-Sir zôngv trơưk li heik kriê, trơưk yuôx:

+Sir zôngv trơưk li heik kriê sâu ntơưv têx ntơưr lo chiv.

+Tsi tâu sir zôngv ntâu lok sik tsơưs đuô pir li tưz kriê, tsi tâu chiv chir tor shơư lưv zav yuôx txơưr đuô.

-Sir zôngv huv zos: Têx yuôx thiêz caz hmoz mak nhiêk tsuôs nhiêk txơưr tsi siz thôngx.

1.2. Iz cxiê tsưr ziv kriê thâuv sir zôngv yuôx tsuôs tuô đrox tsuôs, tuô lov caz hmoz

-Tsi tsuôs yuôx thâuv: Yar tsênhv cuz hênhr; muôx chuô lox, zuôr lok nas; thâuv têx blêx tsênhv cxơưr, jiêz pas yơưs; sơưr đơưk tsuv tsuôs thâuv lax nziês lok sik tas cik sơưr nzor tsi muôx lưs ntơư xưz.

-Tsơưs muôz têx yuôx lok tor siz shơưk tsuôs: Muôz 2 zav yuôx nhiêk txơưr nhiêk lok tor siz shơưk tsuôs mak jông đuô, taz sik cux muôx yưv têx tsi jông, chênhr viv li tsuv seiz shuôs thâuv sir zôngv chor yuôx li heik co.

-Tsi so hlôngr yuôx tsuôs thâuv tsuôs tuô lov iz zav caz hmoz tho nox uô ruôr hiêv kôngz chiê caz tuôs jông.

-Đros trâu têx phax tuô caz li heik sâuv cux uô đros iz cxiê tsưr ziv txơưr đuô:

+Tsêz chos têx zav nôngz kôngz tsi yuô trâul caz hmoz tho nox uô ruôr hiêv.

+Fmông qir thiêz tso đêx huv đros.

+Nzaz nzơưv têx tsưr ziv phax tuô lov caz  txơưr đuô.

+Por hưv têx caz hmoz muôx liv thiêz jông thâuv tsuôs yuôx tuô lov.

+Chuôz tsar sir zôngv chor yuôx tsuôs tuô caz sinh học.

2. Sir zôngv yuôx tsuôs tuô đrox, tuô caz hmoz

-Thâuv sir zôngv têx yuôx li heik sâuv tsuv uô jông lơưr heik kriê sâu ntơưv luz hnaz lok sik hưx yuôx.

-Bax cxix cxuô têx tsôngk tril yo por hưv lox tôngv iz zav li: Trik yo ntêr, câuk mov, ntâuz bos kror ndâux, tsov kror muôs , lôngx têk,....

3. Têx yuôx tsuôs tuô đrox, tuô caz hmoz thiêz tsưv ziv sir zôngv

-Yuôx njiêr lok sik yuôx hmôngr (thâuv zôngv tsi tor shơư đêx):

-Yuôx njiêr lok sik yuôx hmôngr (thâuv zôngv tsuv muôz tor đêx):

-Têx yuôx uô cuô:

-Têx tsuv tsưv ziv thâuv sir zôngv ntâu zav yuôx: Yuôx Hmôngr uô ntêx, yuôx đêx tov kaz....../.

Thanh Thủy-Riê Lâux cxeik, nhênhv