Tsưr ziv car chêx qênhx shênhx muôx tsi txâuk chuôz zênhx cxiv tsa nhoz Sơn La

Lơưr Sở cxiv tsa Sơn La, tas nro tỉnh tưz tâu cungz ntơưr tso chei sir zôngv thiêz tsênhv muôx 38/162 thax tsav qơư yâu liv môngr jêz, poz jêz, ar cxiv tsa huôx tôngv, tax 23% pir đros tsưr ziv thôngz đhâu, têx qơư tâu tso chei huôx tôngv tsênhv kis. Viv li, iz cxiê thax tsav qơư muôx tsi txâuk têx chuôz zênhx phưx vưv cxiv tsa li: ar, poz jêz, môngr jêz cxiv tsa.

          Txix hâur shôngk shông txos nhiv no, grê chuôz zênhx cxiv tsa sâuv thax tsav phênhv ntâu truôx tul; taz sik iz cxiê zav chuôz zênhx nhoz iz cxiê tiv phaz muôx têx chuôz ndê mê njik txix 10-15%, chêx chôngk li: thưx chiz, môngr jêz, kuôr hlâu cxiv tsa...

          Chiê car chêx qênhx shênhx muôx tsi txâuk chuôz zênhx cxiv tsa, Sở cxiv tsa Sơn la heik UB tỉnh tso tơưv phênhv cui tênhv cungz chuôz zênhx sir zôngv môngr jêz jov trâu bê tông thiêz xi măng, môngr jêz siz shơư hlôngr trâu môngr jêz zênhx muôx.

          Xor mông txix jiês têz nus, jiês khiêz phêv tiv 11, HĐ tỉnh Sơn La nhiv kruôr đhâu, zơưv Đào Tài Tuệ, Giám đốc Sở cxiv tsa Sơn La puz pâuz: “Đhâu njuôs xav, njuôs pov zoz qơưx chuôz zênhx cxiv tsa shông 2025-2030, têx môngr jêz siz, poz jêz nhoz têx kror yâu liv nhoz Sơn La zuôr muôx tsi txâuk. Vênhv thix tso tơưv zos uô li chas zaz zâuv lênhx nênhs yưv pênhr, têx ntauz ntơưr tsuv uô sei tiv zix, chiê têx lênhx nênhs yưv pênhr tsov cưv txos yâu liv chuôz zênhx cxiv tsa sâuv thax tsav tỉnh. Tsênhz mênhx nhiv kruôr đhâu, pêz tưz sik thav, uô hâux lưv đros têx tsưr thax tsav qơư, lênhx nênhs yưv pênhr tsov cưv txos njiêz luv no, tso pov hâux lưv tso chei yâu liv khênhr pôngz muôx nhos 18 luz hlik zos sei, ntêr mak zuôr truz ntêr 2 jiês six hơưv heik sâuv thiêz”.

          Tsưr ziv uô ntêx, Sở cxiv tsa thix ziv UB tỉnh Sơn La chox kriê Sở công thương chuôz tsar qênhz yuôx, ciêr chênhr pov thiêz sik côngv yưr lir têx hâux lưv li yưv pênhr sâu zuôr, khơưk tsês, chuôz ndê grê muôs tsi trơưk cêr chei hax huv zos chuôz zênhx cxiv tsa…Sở nhiêx txiêx cxơưz tiês hâux lưv qênhz yuôx, muôz trâu UB tỉnh seiz shuôk, thôngx ziv chủ trương yưv pênhr, thôngx cxix thôngx ziv trâu lênhx nênhs yưv pênhr têx dự án yâu liv khoáng cxax uô chuôz zênhx cxiv tsa fênhx yax. Sở kôngz nuv thiêz tênhx qơư cxơuz tiês muôv muôs, tso chei seiz car, thôngz đhâu têx chuôz zênhx cxiv tsa tsênhv muôx, ntâuk grê têx uô zênhr shar txos tênhx qơư, tso chei krêz uô têx dự án nriêr zok khoáng cxax uô chuôz zênhx cxiv tsa fênhx yax…

          Zơưv Lò Minh Hùng, Phưv Bí thư thường trực Tỉnh uỷ Sơn La muôx ziv chênhv: “Qir tiv zos têx luôk hâux lưv paz doanh nghiệp chiê tâu tso chei yâu liv khoáng cxax tsênhv uô kênhz. UB tỉnh tsuv cxiv tsa tsưr ziv chiê uô 8 luôk hâux lưv, xav tênhv tsênhz mênhx yênhx sở, nganhx, tiv phaz li txơưx jênhv chiê paz doanh nghiệp uô têx dự án; taz por cungz chuôz zênhx cxiv tsa fênhx yax ntơưv qơư ntu 2025-2030; tsuv uô ciês mak ntu zuôr txos chuôz zênhx thix li tuôv zênhv tâu niêv ciêz li zoz qơưx”.

          Lok lêx ntêr, Phưv bí thư thường trực Tỉnh uỷ Sơn La thix ziv UB tỉnh chox kriê têx sở, nganhx cik txos nhênhz chơưv, qênhz yuôx têx hâux lưv uô, tsưr ziv tso chei yâu li lơưr Chei địa chất thiêz khoáng cxax hnuz 29/11/2024 thiêz Chính phuv li Nghị định số 193 hnuz xiêz 2/7/2025 cui tênhv tsênhz mênhx iz cxiê grê thiêz tsưr ziv uô Chei địa chất thiêz khoáng cxax; txu grês têx ntâuz ntơưr, hâux lưv uô muôx lênhx coaz txos tsoz chei yâu liv khoáng cxax uô chuôz zênhx cxiv tsa fênhx yax, taz por huv đros zoz qơưx huôv tsar KTXH reik đros tsưr tsix chính quyênx tiv phaz 2 cấp thiêz thax tsav têx xã, phường đhâu thâuv sik côngv./.

Lê Hạnh-Txâur Vax cxeik nhênhv

Lênhx nênhs uô hâux lưv chuyên trách lok hlôngr yiêz sôr tâu paz 5 tsov đeiv nhiêx iz hlik

Hnuz xiêz 01/7/2025, Chính phủ tso tơưv Nghị định sôr 179/2025/NĐ-CP cui tinhv lok phênhv paz max trâu lênhx nênhs lês car uô đreiv hâux lưv lok hlôngr yiêz sôr, truôx tuk têx xor mông mạng, txiv ngaz mạng.

Nghị định no cui tinhv lok têx chei paz trâu lênhx nênhs lês car uô đreiv hâux lưv hlôngr yiêz sôr, truôx tuk xor mông mạng, txiv ngaz mạng hâur Đảng cộng sản Việt Nam, têz qơưk, MTTQ Việt Nam (muôx têx tsưr tsix chính trị-xã hội) li cơ quan txix T.Ư txos cấp xã thiêz tuz lênhv, công an.....).

Trơưk li Nghị định, têx lênhx nênhs heik sâuv tâu paz 5 tsov đeiv iz hlik. Phênhv paz co tâu muôz đros têx nhiêx hli hâur yênhx hli thiêz tsi zôngv chiê xav thêv, tâu sơưv nhiêx BHXH, BHYT. Phênhv paz no tâu uô lơưr tax txos thâuv muôx hlôngr yiêz nhiêx hli trơưk li cấp muôx vax huôv tsưr ziv, cui tinhv.

Lơưr Nghị định, six hơưv, hnuz nhôngs tsi tâu sơưv têx nhiêx paz heik sâuv zos: Thâuv tưs so hâux lưv tsi tâu nhiêx hli tsi so txix iz hlik tror zar sâuv; Six hơưv, hnuz nhôngs so uô hâux lưv tâu sơưv têx chei paz BHXH lơưr chei têz qơưk cui tinhv lok BHXH; Hâur ntu trâus ntêk cxov, trâus cơư tux, tax tsi puz uô hâux lưv lok sik tsi puz lês uô têx hâux lưv; Hâur ntu tsi lês uô têx hâux lưv zok muôz cui tinhv li heik sâuv tsi so txix iz hlik tror zar muk. Nghị định no qir uô lơưr txix hnuz 15/8/2025./.

Ban Tuyên giáo&Dân vận TW-Riê Lâux cxeik, nhênhv