Truz ntêr six hơưv, hnuz nhôngs zok nriêr têx tuz lênhv tâu tas siv nênhx viv tsưx phưv têz qơưk tsênhv zok nriêr tsi tâu tâu ntơưv Điện Biên

Ntơưv thax tsav qơư nza Him Lam thiêz iz ndis thax tsav jok Him Lam, phường Điện Biên Phủ, txix têx xor mông pêx xênhv hêik pâuz, lưx lươngv muôx vax huôv tỉnh Điện Biên tưz xav jênhv, qênhz yuôx thiêz zok khơưz 10 lênhx tuz lênhv tâu tas siv nênhx viv tsưx phưx têz qơưk têx poz cxa. Hâur têx poz cxa muôx iz đeiv ntơưr sâu xor mông: “Tuz lênhv Trần Xuân Đoài; qơư nhoz: Quảng Yên, Quảng Xương, Thanh Hóa (kuz); muk uô tuz lênhv hnuz xiêz 02/7/1948 (hli ntux); tâu tas siv nênhx hnuz 19/5/1953; muôx 23 shông”. No zos xor mông chiê cơ quan muôx vax huôv tror qênhz yuôx, xav jênhv chiê pâuz tsênhz lênhx tuz lênhv tâu tas siv nênhx co. 10 lênhx tuz lênhv tâu tas siv nênhx têx poz cxa tâu nriêr pov đhâu co tưz tâu khơưz thiêz  chox lok qơư nza tuz lênhv Tông Khao. Zos lênhx nênhs heik pâuz têx xor mông chor tuz lênhv tâu tas siv nênhx, zơưv Hoàng Thanh Hưng, nhoz jok phố Đoàn Kết, phường Điện Biên Phủ puz pâuz:“Chor tuz lênhv tâu tas siv nênhx têx qơư nza co zos pêz muk uô jos, khơưz kuô tsêr pov têx poz cxa đros chor lâuk têx chuôz zênhx xưz. Pêz muôz chor lâuk têx poz cxa lok trâu qơư nza Him Lam no. Cux lok six jông siêz, shir phaz cơưk viv tưz chox tâu chor lâuk lok nhoz muôx qơư”.

Txix xor mông tâu pêx xênhv heik pâuz txos thâuv xav jênhv, qênhz yuôx thiêz zok khơưz zos tas nro iz hâux lưv tsuv max mav uô jông. Iz qơư, iz zav chuôz zênhx tâu qênhz pov puôr lênhx tâu qênhz yuôx, sâu tsês chiê xav jênhv pâuz tsênhz qơư thiêz têx xor mông cik txos. Đros thiêz pos Nguyễn Thị Lý, nhoz jok Hoa Ban, phường Điện Biên Phủ, chor  tuz lênhv tâu tas siv nênhx tâu nriêr pov thiêz chox lok đros têx fôngx zưs nhoz uô cê muôx qơưk zos lok six jông, pos heik li no:“Thâuv pov chor tuz lênhv tâu tas siv nênhx viv tsưx phưv têz qơưk tâu chox lok tso muôx qơư đros têx lênhx tuz lênhv tâu tas siv nênhx mak pêx xênhv cux lok six shir phaz. Viv chor tuz lênhv tưz tror lok đros zuk têx fôngx zưs uô hâux lưv uô cê,  thiêz zos lênhx tuz lênhv tưs hmôngr jông mak tsênhv tror tâu lok đros trâu zuk qơư nhoz, pêx xênhv  jông siêz, shir phaz hênhr”

Txix têx xor mông zos pêx xênhv thiêz nênhs seiz car heik pâuz, chor lưx lươngv muôx  vax huôv tỉnh Điện Biên tsênhv tror qênhz yuôx têx thax tsav qơư thâuv ntêx muôx tir ntâuk tros châuz Điện Biên Phủ. Uô ntêx co, ntơưv thax tsav trôngz Pha Đin thiêz ntâu thax tsav qơư txơưr đuô, têx tổ côngz xưv tưz tsưr tsix qênhz yuôx, zok khơưz chor tuz lênhv tâu tas siv nênhx viv tsưx phưv têz qơưk têx poz cxa. Trung tá Đào Xuân Trường, Trợ lý Ban Chính sách, Bộ Chỉ huy Quân sự tỉnh Điện Biên puz pâuz: têx xor mông yiêz tror tâu lênhk txeik,  muôx nzir hâu cêr, tsưr ziv zok nriêr:“Txos nhiv no, pêz tưz txeik tâu tsôngv pêx xênhv sơưr đơưk têx cêr thôngx ziv, jông siêz đhâu muôz têx xor mông. Nhiv no yuôr 20 xor mông thiêz đhâu thâuv uô luôs hâux lưv zok khơưz tâu chor tuz lênhv tâu tas siv nênhx têx poz cxa ntơưv qơư no lok trâu qơư nza mak pêz tror uô luôs hâux lưv qênhz yuôx, xav jênhv thiêz tror chox chor lâuk, têx tuz lênhv ntơư lok trâu qơư nza, lok đros chor tuz lênhv, hâur thax tsav qơư nhoz”.

Hâur ntu têx  tuz lênhv tror qênhz yuôx, zok nriêr saz đrâuv thax tsav qơư, luôs hâux lưv khơưz kho đuô têx qơư nza đhâu thâuv khơưz zok nriêr tâu cux tâu fuô uô. Txos hnuz 27/8, tỉnh Điện Biên tưz zok khơưz tâu tas nro 4.607 lênhx tuz lênhv tâu tas siv nênhx viv tsưx phưv têz qơưk têx poz cxa. Hâur co, 4 cxênhz ntâu têx mông txâuk chiê phưx vưv njuôk shuôs ADN tưz tâu choz zok trâu Viện Pháp y Quân đội. Đại tá Dương Quốc Long, Phưv Chính ủy Bôv Chỉ huy Quân sự tỉnh Điện Biên puz pâuz: Uô tiêr luôs hâux lưv muôz têx xor mông ntơưv chor qơư nza tsi tiêk tưz uô tiêr cxuô luôs hâux lưv zok muôz mak tsênhv muôx têx hâux lưv phiv liv đuô tâu tso tơưv, co zos zok nriêr têx lênhx tsênhv yuôr ntơưv têx qơư tir ntâuk tros châuz thâuv ntêx:“Trơưk li tsưr ziv uô mak nhiv no sâuv thax tsav tỉnh Điện Biên tsênhv yuôr 1.000 lênhx tuz lênhv tâu tas siv nênhx viv tsưx phưv têz qơưk nhoz cxuô nro trâu chor qơư tir ntâuk tsav thâuv ntêx ntơưv Điện Biên Phủ zok nriêr tsi tâu tâu. Viv li iz chas  hâux lưv kho đuô qơư nza ntơưv têx qơư nza mak pêz tưz cxiv tsa tsưr ziv, tso têx tuz lênhv muk qênhz yuôx, zok nriêr, khov lok  têx lênhx nênhs pâuz tsênhz qơư, chor thax tsav tir ntâuk tros châuz thâuv ntêx. Pêz tsênhv chiê sơưr đơưk muk xav jênhv, zok khơưz chiê nzor nriêr tâu chor tuz lênhv tâu tas siv nênhx nhoz têx qơư tir ntâuk tros châuz Điện Biên Phủ thâuv ntêx”.

Xor mông tâu pâuz tsênhz, têx poz cxa tâu nriêr pov zos cxaz nzir iz tsưr ziv, hâu cêr paz tok tâu chor tuz lênhv tâu tas siv nênhx viv tsưx phưv têz qơưk tror lok. Hâur thax tsav tưz muôx jiês zos qơư cuz nxor tir ntâuk tros châuz thâuv ntêx, têx luôs hâux lưv qênhz yuôx, zok  nriêr  chor tuz lênhv tâu tas siv nênhx viv tsưx phưv têz qơưk tsi tâu pâuz tsênhz bê tsênhv tâu fuô uô, viv co tsi tiêk zos hâux lưv, mak zos cxênhx nhiv no cêr uô nênhx  jông "hâuk  đêx tsuv ndo njôngr txos hâur đêx", ndo txiêx njis txos chor lâul, têx tuz lênhv tưz tâu tas siv nênhx viv têz qơưk côngz đas jos lox./.

                                                                                                                        Vũ Lợi-Riê Lâux cxeik, nhênhv

Sơn La: Luz hli huôx tôngv viv nênhs lâuk muôx hnuz nhôngs siêz 2026- "Côngv thôngx sik côngv tês tsoz phưz nênhs lâuk hâur ntu jênh số ziv hnuz ziv muôx ntâu nênhs lâuk"

Đros njiêz luv "Côngv thôngx sik côngv tês tsoz phưz nênhs lâuk hâur ntu jênh số ziv hnuz ziv muôx ntâu nênhs lâuk ", Hli huôx tôngv shông 2026 ndar txos tsưr ziv uô hlôngr yiêz jông  cxuô cấp, cxuô nganhx, côngv thôngx thiêz yênhx chuôz zis li jênhv pâuz thiêz huôx tôngv đros côngz xưv tsoz phưz, por vêv thiêz phuôx huiz nênhs hnuz nhôngs siêz li pưk txux; paz phênhv uô muôx chêx cuk têx tsênhv chei txiv ngaz xar hôiv, tsoz phưz đas jos thiêz huv đros đros ntu jênh số ziv hnuz ziv muôx ntâu nênhs lâuk.

Lơưr co, têx huôx tôngv hâur hli huôx tôngv viv nênhs lâuk zuôr tâu kriz uô cxix cxuô sâuv tas nro tỉnh đros ntâu njiêz luv tsênhv tsênhz. Hâur co, cxơưz tiês yax mông lok hli huôx tôngv viv nênhs hnuz nhôngs siêz Việt Nam li ziz njiêz; heik kriê Đảng, têz qơưk li chủ trương, cêr chêi lok nênhs hnuz nhôngs siêz; yax mông txux chi chiv chir tsoz phưz đas jos, phax, tar têx zav moz ntơưv nênhs lâuk khênhr njiz trâus thiêz têx tsưr ziv uô huv đros ntu jênh số ziv hnuz ziv muôx ntâu nênhs lâuk.

Hâur hâux lưv tsoz phưz đas jos, cxuô thax tsav qơư thiêz qơư y tế zuôr tsưr tsix njuôk shuôk đas jos tsik tas nhiêx txiêx, njuôk shuôk lơưr six hơưv trâu nênhs lâuk hnuz nhôngs siêz; heik kriê tsưr ziv nox hâuk, shâuv thiv thao thiêz phax, tar moz gênhk; uô, seiz car ntâuz ntơưr njuôk shuôk đas jos xuz thơưx trâu nênhs lâuk hnuz nhôngs siêz ntơưv qơư y tế xã, phường lơưr cui tênhv. Iz chas ntơư, chuôz tsar sik côngv đros têx qơư y tế lox tsưr tsix seiz njuôk shuôs, pov nzor thiêz  kho têx zav moz nênhs lâuk khênhr njiz trâus; kriz uô tsaz yênhx seiz njuôk shuôs kror muôs, hlôngr thủy tinh thể trâu nênhs lâuk pluôs, nênhs lâuk muôx luz nênhx txov nhêv; seiz njuôk shuôs, kho têx zav moz tsi siz cik li tăng huyết áp, moz tso jik thax, moz plơưr ciês ntơưv qơư y tế tiv phaz.

Hâur hli huôx tôngv viv nênhs lâuk hnuz nhôngs siêz, tỉnh kriz uô jiês seiz nus, tôngv vênhx, khơưk muôz huv trâu nênhs lâuk pluôs, tsi muôx qơư khov vav, nênhs lâuk muôx luz nênhx txov nhêv tiv zix; thôngx cxix huiz tôngv cxuô tsưr tsix, doanh nghiệp, nênhs siêz jông thiêz côngv thôngx sik đros uô hâux lưv paz tsoz phưz, hlôngr yiêz luz nênhx trâu nênhs lâuk hnuz nhôngs siêz. Đrâuv co, tỉnh tror tuôr truôx, kho đuô thiêz muôz siêz tsơưr lươngv huôx tôngv têx câu lạc bộ nênhs lâuk; kriz uô đêz đar trâur nuv Câu lạc bộ ntâu cxênhx nênhs siz paz, gôngr phênhv muôz siêz đas jos, luz nênhx chinhz yênhx thiêz paz huôv tsar uô nox trâu hội viên. Cxơưz cxiz huôv tsar têx trâur nuv tsoz phưz nênhs lâuk muôx hnuz nhôngs siêz ntơưv chuôz zis thiêz côngv thôngx huv đros yênhx thax tsav qơư; phuôx huiz Hội nênhs lâuk muôx hnuz nhôngs siêz thiêz têx tsưr tsix đoanx thêv li pưs txux hâur cxiv tsa, sêiz car thiêz huôv tsar têx trâur nuv tsoz phưz nênhs lâuk muôx hnuz nhôngs siêz.

Têx huôx tôngv vênhx huôv, vênhx nghệ, thiv thao cux zuôr tâu tsưr tsix đros ntâu zav, huv đros nênhs lâuk li đas jos. Thôngx cxix sik uô đros phongz yaox "Tas nro tsôngv px sik côngv siêz cxiv tsa luz nênhx vênhx huôv", têx phongz yaox sik tưr nhiêv têz nhiêv qơư thiêz tror phuôx huiz nênhs lâuk li pưs txux uô ntêx nyuôs hâur phongz yaox "Nênhs muôx hnuz nhôngs siêz –zos đeiv iêr chi cax lul ", paz phênhv zaoz zux cêr chax chês thiêz cxiv tsa luz nênhx vênhx huôv nhoz tiv phaz.

Hli huôx tôngv li têx hâux lưv uô tâu tỉnh Sơn La kriz uô hâur shông 2026, hâur co tiv zix zos tâu tsưr tsix trâu Quý 4. Thôngz đhâu hâux lưv kriz uô, tỉnh Sơn La tror khav tênhv tsov cưv txos côngz xưv tsoz phưz, por vêv thiêz phuôx huiz nênhs lâuk li pưk txux; cxiv tsa tênhx qơư nhoz uô nênhx jông, taz por chiê nênhs lâuk tâu nhoz uô nênhx shir phaz, muôx liv trâu xã hội, tror phuôx huiz chênhz zênhv, txux chi, gôngr côngv jông trâu chuôz zis, côngv thôngx thiêz xã hội li huôv tsar./.

                                                                                                                     Bích Thủy-Txâur Vax cxeik, nhênhv