Têx tỉnh Tây Bắc sir jos trâu shông yiêz zênhx liv yiêz

Txơưr đuô kuôk no 2 shông tiv muôx caz moz Covid-19, têx hnuz hâur shôngk shông yiêz no ntơưv thành phố Sơn La (tỉnh Sơn La), pêx xênhv cxuô mênhx cxưx nhoz têx tôv dân phố, jêx jok, phường sir jos kriz uô nox, uô hâux lưv txix ntâu huôx tôngv tsênhz tsênhz, vav tiêk zuôr sâu tâu kôngz lôngk ntâu, sir jos cov iz shông tax ntâu ntâu yênhx côngz. Iz cxiê qơư sâuv thax tsav tỉnh tưz kriz uô chos ntông thâuv hâur shôngk shông yiêz, pêx xênhv mak cux tưz piz muk uô têx liêx têz… Cxuô lênhx nênhs puôr lênhx piz kriz uô nox hâur shông yiêz đros siêz xar shông 2023 no zuôr zos iz shông muôx tâu hmôngr jông thiêz yênhx công jông.

Niêv tix Cà Thị Lê nhoz jok Giảng Lắc, phường Quyết Thắng, thành phố Sơn La puz pâuz: Chor hnuz hâur shôngk shông yiêz no, cxuô lênhx nênhs hâur chuôz zis sik đros sâu têx kix đros siêz xar tiêk zuôr muôx tâu iz shông ntux yar ntux nas huv đros, cxuô kror hâux lưv uô tâu trơưk li siêz xar, tiv zix zos muôx tâu ntâu hax huv chiê paz muôx nzir phênhv sâu trâu chuôz zis:“Kriz uô nox hâur shôngk shông yiêz no mak cur xar cov iz shông sâu tâu kông ntâu, muôx nzir phênhv sâu trâu chuôz zis chiê txoz cxơưx trâu luz nênhx cov jông đuô”.

Hok ntơưv têx tỉnh Lào Cai, Yên Bái, chor huôx tôngv chos ntông njuôz tror tâu kriz uô chiê uô lơưr Đề án “Chos 1 tiv tsoz ntông njuô ntu 2021-2025” zos Thủ tướng Chinhr phuv tso tơưv kriz uô cux tâu sơưr đơưk sir jos uô ntơưv tas nro cxuô thax tsav qơư.

Ciês tỉnh Yên Bái, shông 2022 tưz chos yiêz tâu muôx 15.800 ntâu héc ta jôngr, paz trâu thax tsav muôx jôngr vor truôx tuk zos 63%, sơưr tiv 6 tas nro têz qơưk. Khov huôv tsar chos jôngr, txos nhiv no, Yên Bái tưz muôx thax tsav jôngr ntông zos 200.000 ntâu héc ta, zos yênhx tỉnh huôv tsar lok jôngr uô ntông, paz muôx jôngr ntông trâu công nghiệp uô ntông. Hâur shông 2023, tỉnh Yên Bái sir jos chos yiêz muôx 15.500 ntâu héc ta jôngr. Hoàng Linh, lênhx nênhs cxaz chuôz Tsiêz chos ntông shir phaz puz pâuz:“No zos jiês tiv pêz cur cxaz chuôz tsiêz chos ntông thâuv hâur shôngk shông yiêz thiêz cur lok six shir phaz. Têis cik no pêz tuôx lok six nzor, chos ntông ntơưv thax tsav qơư tâu phêiz côngz. Pêz vav tiêk chor trôngz jôngr ntông pêz chos no zuôr huôv tsar jông, paz muôx tâu tênhv qơư njuôz, hur jông trâu zuk thax tsav qơư”.

Đros thiêz tỉnh Điện Biên, hla đhâu têx phiv liv tiv muôx caz moz Covid-19 uô hiêv txos, tsêiz no thax tsav qơư no tưz txêik tok muôx 810.000 ntâu lênhx kruô txix huôx tôngv du lịch tax tâu xar muôx 1.400 tiv đêiv. Đros têx kror shir phaz txix huôx tôngv du lịch, hâur shông no, tỉnh Điện Biên sir jos cov txêik tok tâu muôx 930.000 ntâu lênhx kruô du lịch, phênhv sâu txix hâux lưv du lịch tax tâu muôx 1.600 tiv đêiv ntâu. Đros tsưr ziv co, txix ciês chor hnuz xuz thơưx thâuv hâur shôngk shông yiêz, cxuô thax tsav qơư hâur tỉnh tưz tsưr tsix ntâu huôx tôngv vênhx huôv, thể thao xưk li: Ntênhk hôiv chêix fuôx tư lur siz tưr thiêz Giải vô địch chor Câu lạc bộ Dù lượn Têz qơưk jiês tiv 3 ntơưv thị xar Mường Lay; Hôiv tso nhux siz đrâuk nhoz huyện Điện Biên Đông; hnuz hôiv vênhx huôv cxuô mênhx cxưx jiês tiv iz ntơưv huyện Nậm Pồ…. đros kriz ntâu qơư du lịch hâur chor hnuz tsiêz chiê txêik tok tsôngv kruô tuôx ndis shuôk, uô si. Pos Thùng Thị Lâm, jok vênhx huôv Nà Sự, xar Chà Nưa, huyện Nậm Pồ hêik:“Chiê phuôx huiz tâu chax chês thiêz zaz zâuv tâu chôngz lênhx kruô du lịch, pêz tưz sik đros cơưv đhiê têx jax pax vuôs chiê tsôngv kruô tuôx sêiz shuôk nriêr pâuz. Đuô li cux sir jos uô têx zav nox kaz, chos nzir pax, têx ntông cov thax tsav qơư jông gâux đuô chiê paz zaz zâuv tâu chôngz tsôngv kruô tuôx trâu pêz luz jok Nà Sự”./.

                                                            (TTTB-Lik Thox cxêik nhênhv)

             Bảo hiểm y têr paz trâu chor chuôz zis pluôs nhoz tox siêz Điện Biên

Zos qơư y têr sơưr thơưx tỉnh Điện Biên, yênhx hnuz Tsêr kho moz Đa khoa tỉnh Điện Biên txêik kho trâu yênhx puô lênhx nênhs trâus moz hnhar, nênhs moz trâus moz têx zav moz phiv liv txix cxuô thax tsav qơư hâur tỉnh yêv tuôx. Chôngz lênhx nênhs moz muôx luz nênhx lok six txov nhêv.Zơưv Lường Văn Yên, 82 shông, nhoz xar Chiềng Đông, huyện Tuần Giáo trâus saz hnhar; đros trâu hnuz nhôngs siêz, tsik muôx jos viv li nhiêx txiêx chiê chơưv kho njuôk xav tas muôx 80 triệu đêiv ntâu. No zos kror nhiêx lok six ntâu, chuôz zis cux txoz xơưx tsik tâu. Lok six hmôngr jông, phênhv ntâu chor nhiêx no zuôr tâu cuiv BHYT thêv. Niêv tix Lường Thị Chiến, zơưv Yên tuk nhuôv nxêik hêik pâuz:“Cur txir trâus ntos ntơưv tsêr, lor puz cxa ndêx puôz, tsêr kho moz huyện hêik cov yêv tuôx trâu tsêr kho moz tỉnh. Chuôz zis mak txov nhêv, cur txir cux lâul lơưv tsik pâuz nriêr nhiêx kror tưs hlo. Khov muôx ntơưr BHYT mak tưz paz txo grêk tsơưs nhiêx txiêx chơưv kho moz trâu cur txir”.

Iz zav li zos nênhs muôx moz gênhs Bùi Thị Vừng, 83 shông tsênhv kho moz ntơưv tsêr kho moz, đros chor nhiêx chơưv kho tas muôx nhos 50 triệu đêiv. Hmôngr jông muôx ntơưr BHYT, chuôz zis tsuôk tsuv thêv muôx 8 triệu đêiv xưz; chor nhiêx tsênhv yuôr mak tâu BHYT thêv. Niêv tix Nguyễn Thị Liên, pos Vừng tuk nhuôv nxêik puz pâuz:“Khov muôx cur niêv đêiv ntơưr BHYT mak chuôz zis cux tas tsik ntâu nhiêx txiêx. Thâuv cxaz chuôz BHYT, cur pov lok six muôx liv trâu pêx xênhv, thâuv muôx moz gênhs mak BHYT paz thêv xưk li zuôr luôs tas cur niêv chor nhiêx kho moz. Chuôz zis lok six tso siêz chiê chơưv kho trâu cur niêv”.

Zơưv Yên, pos Vừng nhiv kruôr zos oz lênhx nênhs hâur yênhx cxênhz lênhx nênhs tâu cuiv BHYT tỉnh Điện Biên thêv têx nhiêx txiêx njuôk , kho moz txix hâur shôngk shông txos nhiv no. Tsênhv tsênhz, tsênhv yuôr lok six chôngz lênhx nênhs trâus moz hnhar tâu BHYT paz thêv nhiêx txos muôx yênhx puô triệu đêiv; co tưz tsik tâu hêik txos chôngz lênhx nênhs moz liv trâuv, liv nyar tâu cuiv BHYT paz thêv nhiêx txiêx kho moz hâur yênhx châuv shông.

Pos Phạm Thị Thanh Nga, Phưv Trưởng phòng Giám định BHYT, BHXH tỉnh Điện Biên puz pâuz: 11 hliz ntâu shông 2022, taz viv tưz njuôk shuôk, thêv têx nhiêx txiêx njuôk kho moz BHYT trâu zuôr xar 400.000 lênhx nênhs, đros chor nhiêx tas muôx 200 tiv đêiv ntâu. Hâur co, ciês 6 luz hli hâur shôngk shông, cơ quan BHXH tưz paz thêv nhiêx txiêx muôx 28 tiv đêiv ntâu trâu xar muôx 1.400 lênhx nênhs moz tas ntâu nhiêx txiêx kho moz lơưr BHYT. Chiê taz por qênhx liv trâu nênhs moz cxaz chuôz BHYT, BHXH tỉnh Điện Biên tưz cir hux thôngzz njuôk kho moz đros thiêz 143 qơư njuôk, kho moz sâuv thax tsav; hâur co muôx 2 qơư njuôk kho moz tư nhân. Taz viv cux sik côngv truôx jông đros Sở Y têr hâur hâux lưv sir zôngv sik côngv uô cê hâur njuôk kho moz thiêz thêv nhiêx BHYT, paz trâu pêx xênhv li njuôk, kho moz tâu sêi thiêz txo grêk tsơưs têx phiv liv:“Ntơưv chor qơư njuôk, kho moz mak muôx qơư hêik pâuz tsênhz gri dịch vụ, nênhs moz li qênhx liv tâu sơưv thâuv njuôk kho moz lơưr BHYT. Chor nênhs muk njuôk kho moz tsik tâu sơưv liv ntơưv qơư njuôk kho moz mak khov lơưr ntâuz ntơưr nênhs moz muôx, cơ quan BHXH zuôr thêv ciês nhiêx txiêx njuôk kho moz trâu muôx moz gênhs lơưr cui tênhv”.

Txix kror liv no, ntu zuôr txos, BHXH tỉnh Điện Biên zuôr tror sir jos uô jông côngz xưv huôv tsar nzir chor nênhs cxaz chuôz BHYT. Đros co zos sik côngv truôx jông đros chor qơư y têr uô côngz xưv njuôk shuôk thêv nhiêx txiêx njuôk kho moz cov ndar six hơưv, huv cui tênhv, taz por jông tiv zix qênhx liv trâu nênhs cxaz chuôz BHYT./.

                                               (Vũ Lợi-Lik Thox cxêik nhênhv)