Jôngr ntông cuêv fix paz trâu pêx xênhv muôx luz nênhx tsâu sor

Jok Pắc Ma, xar Mường Tè, huyện Mường Tè, tỉnh Lai Châu, qơư muôx 100 ntâu ziv chuôz zis tsôngv box Thái thiêz La Hủ uô nênhx nhoz luz chêix no pov chor ntông cuêv fix njuôz xiêz. Chor Cuêv fix tưz tâu chos ntơưv no txix shông 2016 thiêz tưz jux juk hlôngr trâu chor ar têz đaz tuôs tsik jông thâuv ntêx no. Chor cuêv fix lox njuôz jông tưz zos yênhx tsoz chos chênhr ntơưv thax tsav qơư, paz trâu pox nhuôs txo grêk yêiz pluôs, truôx tuk luz nênhx thiêz sir jos uô bluô nux. Niêv tix Vàng Lò Pứ, mênhx cxưx La Hủ, nhoz jok Pắc Ma, xar Mường Tè hêik pâuz: ziv chuôz zis thiêz iz cxiê ziv chuôz zis hâur jok piz chos cuêv fix txix shông 2016 lơưr xar thiêz huyện hêik kriê. Đhâu chos siv pov chir cuêv fix chiê thiêz hloz lox jông, huv đros đêx ar ntơưv no. Đhâu 4 shông ntâu chos, chor cuêv fix chos siv no tưz jông txiêr chês, sâu blôngx thiêz chuôz zis muôx 1,6 héc ta, iz shông paz sâu tâu muôx 30 triệu đêiv ntâu:“Cur chuôz zis chos cuêv fix txix shông 2017 thiêz shông 2019. Txos nhiv no ziv chuôz zis trôngz cuêv fix tưz sâu tâu muôx 3 shông lơưv. Khov muôx chor cuêv fix no mak cur chuôz zis tưz muôx đuô thiêz tsik cxơưx li thâuv ntêx lơưv”.

Txix chor cuêv fix chos siv xuz thơưx huôv tsar jông, têx shông lơưr co khov muôx têz qơưk paz chor zuz ntông, qir zuôv, pêx xênhv xar Mường Tè tưz sir jos chos nzir. Chor ar têz đaz tuôs tsik jông kôngz thâuv ntêx no tưz tâu pox nhuôs hlôngr chiê chos cuêv fix. Txos nhiv no, tas nro xar muôx 200 ntâu héc ta cuêv fix thiêz pox nhuôs sâuv thax tsav tsênhv sir jos chos nzir, đros siêz xar muôz cuêv fix zos tsoz chos chênhr ntơưv thax tsav qơư. Zơưv Lý Văn Chánh, Phưv Chủ tịch Ủy ban xar Mường tè, puz pâuz:“Chor Cuêv fix piz tâu chos siv ntơưv xar txix shông 2016 thiêz xuz thơưx tsuôk chos siv muôx 10 héc ta. Têx shông lơưr co tau xar hêik pâuz pox nhuôs kriz đar nzir thax tsav chos thiêz nhiv no tưz chos tâu muôx 20 ntâu héc ta. Cuêv fix chos ntơưv xar mak huôv tsar jông, cux huv đros trâu đêx ar ntơưv no”.

Cuêv fix tưz tâu chos ntơưv 13 xar, thị trấn sâuv thax tsav huyện ntus đriv Mường Tè thiêz đhâu 7 shông chos, txos nhiv no ntơưv thax tsav qơư tưz muôx 2.300 ntâu héc ta. 50% ntâu thax tsav cuêv fix tưz chos tâu muôs 4 shông ntâu thiêz tưz tâu pêx xênhv txiêr yiz chês, sâu blôngx chiê muôs, đros phênhv sâu tâu muôx 15-20 triệu đêiv iz héc ta iz shông, paz txo grêk tsơưs chor ziv chuôz zis pluôs ntơưv thax tsav qơư muôx 5% ntâu iz shông hâur têx shông jê lok no.

Đros huôv tsar chor ntông cuêv fix, huyện Mường Tè tưz paz zôngx ziv, hêik chor nênhs yưv pênhr tuôx sêiz shuôk, sik côngv chos, sâu zuôr têx hax huv trâu pox nhuôs. Nhiv no tsêr mêir uô têx hax huv txix cuêv fix xuz thơưx ciês ntơưv Lai Châu tưz tâu yưv pênhr cxiv tsa thiêz kriz uô hâux lưv ntơưv Mường Tè. Đros uô tâu muôx 100 tấn chês, blôngx iz hnuz, tsêr mêir no tsênhv paz yênhx cxênhz ziv chuôz zis muôx phênhv sâu truôx tuk txix hâux lưv txiêr chês, sâu blôngx txix zuk ziv chuôz zis chor trôngz ntông cuêv fix. Zơưv Đào Văn Khánh, Chủ tịch Ủy ban huyện Mường Tè, tỉnh Lai Châu puz pâuz nzir:“Pêz xav jênhv cuêv fix zuôr zos tsoz chos chênhr  thiêz xêir tsov chor nênhs yưv pênhr paz trâu pox nhuôs huôv tsar tsêx trung tsoz cuêv fix sâuv thax tsav tas nro huyện”.

Chor cuêv fix chos sâuv thax tsav huyện Mường Tè, tỉnh Lai Châu tsênhv ziv hnuz ziv kriz đar thiêz zos yênhx tsoz chos chênhr ntơưv ntơưv thax tsav qơư hâur txo grêk yêiz pluôs. Pêx xênhv tưz muôx siêz njênhs njôngr trâu tsoz cuêv fix no txix phênhv sâu muôs chor chês thiêz blôngx chor cuêv fix no. No zuôr zos kror uô tâu truôx jông paz trâu cuêv fix zos yênhx tsoz chos chênhr, paz muôx tâu tsâu sor trâu tsôngv box ntơưv thax tsav qơư./.

                                                                                                      Khắc Kiên-Lik Thox cxêik nhênhv

Hluôk nênhs Điện Biên uô lơưr chor lâul thâuv ntêx têx cêr nênhx sir jos uô jông luôs hâux lưv tsưx phưv truôx qơư nhoz

Đại úy Vũ Văn Cường, xênhz shông 1993, thơưx seiz car Đội phax tar zax zênhz thiêz nênhs fêv, Zênhx Pênhz phax Pa Thơm (nhiv no zos phưv Zênhx nghiệp vụ, Zênhx Pênhz phax Si Pha Phìn, tuz lênhv pênhz phax tỉnh Điện Biên) iz txưv tâu seiz zos lênhx txơưx uô hâux lưv phax tir thêir têx nênhs zuôr muôs, uô luôv zax zênhz tsi trơưk chei hâur thax tsav tỉnh Điện Biên.

10 shông tror lok no, tix lâus Cường tưz cxaz chuôz đros têx lênhx nênhs uô hâux lưv uô cê yơưz phơưz, ruôr por tsês 290 txuz thiêz ntêk tâu 370 ntâu lênhx nênhs, sâu tsês 600 ntâu cir zax zênhz cxuô zav.... Đros thiêz ntâu luôs hâux lưv uô tâu jông, txix shông 2019 txos nhiv no, đại úy Cường tưz hmôngr jông tâu Đảng, têz qơưk thiêz hâu nov cxuô cấp muôz ntâu ntơưr kruôs. Lar heik, shông 2022, tix lâus tâu Chủ tịch têz qơưk muôz côngz mênhx uô tâu hâux lưv jông hov 3; shông 2023 tâu muôz côngz mênhx zơưv Hloz Hôx uô tâu nuv jông thiêz tâu xeir zos iz hâur 10 lênhx hluôk nênhs uô tâu cxuô luôs hâux lưv jông. Đại úy Cường heik pâuz: Sơưr tơưv txênhz, phax tar chor nênhs zuôr muôs, uô luôv zax zênhz tsi trơưk chei zos hâux lưv uô phiv liv thiêz riêz nênhs. Taz sik tix lâus thiêz chor nênhs đros tix lâus uô hâux lưv uô cê thâuv tưs tưz sir jos uô tiêr cxuô luôs hâux lưv zok muôz, tsưx phưx truôx tuk thax tsav qơư nhoz trâu tsôngv lax pêx xênhv:“Ntâu jiês pêz trâul chor nênhs fêv muôz triêv fov tuô, zos hmôngr tsi jông mak cur tưz tsi pov pox niêv, mê nhuôv, chuôz zis thiêz sơưr đơưk lơưv. Hâur jiês tir thêir, uô têx nuv riêz nênhs heik sâuv, chor đros cur uô hâux lưv uô cê tưz muôx kênh lênhx tâu tas siv nênhx, têx lênhx trâul moz tas iz siv, taz sik pêz cux sir jos uô hâux lưv”.

Sir jos uô jông cxuô luôs hâux lưv zok muôz cov tsiv nhos suôz bê Điện Biên Phủ zênhz shôngx, chor hluôk nênhs Điện Biên nhiv no tsi tiêk sir jos uô hâux lưv tsưx phưv truôx tuk thax tsav qơư trơưk li chor lâul thâuv ntêx tưz tsưx phưv têz qơưk, tsênhv sir jos cơưv shâuv, xar tơưv tsưr ziv jông lok huôv tsar kinh tế; uô trơưk têx tsưr ziv yiêz hâur uô nox uô hâuk.....

Đros thiêz 16 cxênhz tsoz Dâu tây chos hâur zuôr xar 8 cxênhz xưv phaz liêx têz, iz chiv sâu tâu 100 tsov đeiv, Lường Văn Hoàng, Phưv Bí thư Đoanx xã Nà Tấu, TP Điện Biên Phủ tưz yênhx iz hâur têx lênhx nênhs uô ntêx nyuôs huôv tsar uô nox tâu trơưk têk hâur thax tsav TP. Ntâu lênhx hluôk nênhs hâur thax tsav qơư cux tsi so tuôx ndis seiz tix lâus têx tsưr ziv huôv tsar uô nox chiê cơưv shâuv, uô trơưk:“Cur cux muôx trâur nuv muôz têx fuôk kok kriêr tsiv uô qir chiê fmông trâu têx kôngz. Txos nhiv no, chor qir co cux jông zôngv chiê fmông, chos kôngz lơưv, viv li cur zôngv têx qir no chiê chos Dâu Tây. Xuz thơưx tsoz Dâu Tây cux hloz lox jông thiêz gra lok phênhv sâu tâu siêz”.

Đros trâu car xar car uô, gruôs khưr, uô trơưk têx tsưr ziv uô nox yiêz, hluôk nênhs Điện Biên nhiv no cux zos têx lênhx uô ntêx nyuôs lok hlôngr yiêz sôr, sir jos cxiv tsa thiêz huôv tsar uô cxuô luôs hâux lưv. Tix lâus Đặng Thành Huy, Bí thư Tỉnh đoanx Điện Biên heik pâuz: Hâur luz hli hluôk nênhs hli 3/2023, côngz trênhx hluôk nênhs “hlôngr yiêz sôr lok piêr kriê ju lix-Di sản vênhx huôv” tưz tâu Tỉnh đoanx Điện Biên hux jos đros Sở Vênhx huôv, Thêv thao thiêz ju lix fuô uô ntơưv têx qơư di tích lịch sử-vênhx huôv hâur thax tsav tỉnh. Têx li muôx mã QR tơư kriê cêr tưz paz pêx xênhv thiêz tsôngv kruô ndis shuôs têz qơưk uô si pâuz tâu zôngx ziv lok têx qơư jông thiêz yiêz..... Tix lâus Huy heik:“Ban Thường vụ Tỉnh đoanx tưz cxiv tsa tsưr ziv, fuô uô têx hâux lưv hâur luz hli hluôk nênhs thiêz fuô kriê txos trâu cxuô cấp bộ đoanx chiê tsưr tsix uô trơưk. Hâur co muôx lok six ntâu tsênhv njiêz, hâux lưv chiê hluôk nênhs cxaz chuôz hlôngr yiêz sôr thiêz uô ntêx nyuôs hâur cxuô cêr nuv lok sâuv hlôngr yiêz sôr. Vav thiêz chiê siêz, đros trâu hluôk nênhs têx sir jos, uô ntêx nyuôs li heik sâuv, chor hluôk zuôr sir jos đros uô têx nuv hlôngr yiêz sôr hâur tỉnh, cux li ntơưv qơư, taz viv”.

Tix lâus Đặng Thành Huy, Bí thư Tỉnh đoanx Điện Biên cux heik pâuz, hâur shông 2024, ntâu côngz trênhx, hâux lưv uô muôx liv zuôr tror tâu fuô uô hâur tas nro tỉnh, li: Cxiv uô cêr muk lol jêx jok, têx côngz trênhx chaz xor tênhv tơưk pov cêr hâur têx cêr jêx jok, muôz huv puz trâu chor shux xênhz muôx luz nênhx txov nhêv, muôz huv puz trâu chiến sĩ Điện Biên.... Đhâu ntơư, khav tinhv hluôk nênhs Điện Biên li pưs txux, txơưx jênhv, paz cxơưz cxiz suôv qơư lịch sử Điện Biên Phủ zênhz shôngx ziv hnuz ziv huôv tsar, vav mênhx tsiv nhos luz côngz bê chor tuz lênhv, têx lâul thâuv ntêx côngz đas jos tir ntâuk zênhx tros châuz tsưx phưv truôx tuk qơư nhoz./.

                                                                                                         Vũ Lợi-Riê Lâux cxeik, nhênhv