Nziês đas sâuv không gian mạng: Tsôngv px li tsưv ziv zos “tsưr ziv” uô muôx chêx cuk tiv zix

           “Lơưr heik tiêk muk txos ntus đriv mak lơưr zuôr nriêr tul txir jông đrâus nhoz saz Trung Quốc trâu cur, viv li cur thôngx ziv đros muk. Đhâu co lơưr muôz nhiêx trâu cur niêv chiê cur niêv zuôr cxur thiêz cxuô zav txơưr chiê nox, viv li cur thiêx li thôngx ziv đros lơưr muk”.

          Tul nhuôv nxeik muôx 14 shông hnuz nhôngs Zax Thị L nhoz xã Pắc Ta, tỉnh Lai Châu nhiv kruôr tâu Công an chơưv paz yênhx côngz đhâu têx lênhx nênhs muôv muôs lênhx nênhs đhâu ntus đriv heik kriê, tsuôk đhâu mê njik têx lul hâuz zâuv, têx đêiv đuôz shav xa đhâu điện thoại, têx lênhx nênhs fêv nziês đas lênhx nênhs tưz uô trâu L njênhs thiêz thôngx ziv đros lơưr muk. L zuôr tror tsi tâu lok tsêr zos tsi muôx lưx lươngv Công an tỉnh Lai Châu sik côngv đros Công an tỉnh Lào Cai chơưv paz yênhx côngz.

          Yuôr ntơưv jos……, xã Phình Hồ, tỉnh Lào Cai, tix lâuk Zax A H thâuv uô lơưr têx nênhs fêv li heik kriê, tix lâuk H li tas nro chor nhiêx txiêx zuk muôx txơưv trâus pôngz lơưv tas hur si:

          Nhiv no, tsôngv px nhoz tox siêz khênhr zuôr hax huv đhâu têx sàn muôv muos điện tưv, no cux zos qơư mak têx lênhx nênhs fêv khênhr liv zôngv chiê nziês đas huôz nox nhiêx txiêx. Niêv lâuk Hà Thị Thu, nhoz xã Chấn Thịnh, tỉnh Lào Cai heik, nênhs fêv co muôx niêv lâuk li luz số điện thoại, nưs heik tiêk muôx jiês niêv lâuk xa cxâuv nhiêx zuôr hax huv trâu số tài khoản công ty đăng cir hâux lưv uô, nhiv no uô lơưr nưs li heik kriê chiê cxuôv por tsês đăng cir co. Txơưv tưz mnôngs canhv pov ntâu lok têx txuz nziês đas, taz sik tsi pâuz viv li chas mak niêv lâuk ho uô lơưr, môngr jông tâu lênhx nênhs cxênhz jê pâuz thiêz ciêr chênhr phax tar niêv lâuk viv li tsi trâus pôngz nhiêx txiêx: “ Đhâu co cur tsi uô lơưr nưs li heik kriê thiêz, têx hnuz tov kaz mak tsi so muôx têx jiês hu xor tôngx tuôx trâu cur thiêz cux zos heik txos hâux lưv li co. Taz sik cur jênhv pâuz tâu co zos têx số xor tôngx nziês đas viv li cur tsi uô lơưr thiêz”.

          Txix qênhx shênhx nziês đas đhâu không gian mạng muôx ntâu txơưr txar, lưx lươngv muôx txơưx jênhv tưz krêz uô ntâu tsưr ziv nghiệp vụ chiê phax tar. Công an têx tiv phaz tsêhv tror krêz uô ntâu trâur nuv yax kriê thôngz đhâu facebook, zalo, loa nta suôz…Tiv zix ntơưv têx xã tox siêz, lưx lươngv công an tiv phaz tưz muk txos ciês têx jêx jos chiê heik lul mênhx cxưx kriê trâu tsôngv px pâuz lok nênhs fêv li têx tsưr ziv nziês đas, chiê tsôngv pox nhuôk chuv tôngv phax tar. Trung tá Lưu Đức Hưng, Phưv tsar phongx cảnh sát hình sự- Công an tỉnh Lào Cai pheiz kênh: “ Đrâuv côngz xưv phax tar, tơưv txênhz, pêz xav tênhv côngz xưv yax mông, muôz siêz tsôngv px li jênhv pâuz zos jênhv vưv tsênhv thiêz tsuv uô lêx ntêr. Đros côngz xưv no, pêz zuôr sik côngv đros chính quyênx tiv phaz, têx tsưr tsix chính trị xã hội chiê yax mông tsôngv px uô cov muôx chêx cuk, txix co tsôngv px jênhv pâuz tâu nzor têx hâux lưv nziês đas thiêz muôx tsưr ziv phax tar têx zav nênhs phamv cxâuv no”.

          Đros chiz coaz công an li sir jos uô, chính quyênx têx tiv phaz thiêz têx ban nganhx, đoanx thêv cux tsuv chuôz tsar yax kriê tsôngv px.

          Tsênhv tsênhz tso pov, zos tsi bax cxix cxuô têx yênhx tưv thiêz pênhr xưv yưr lir đros nênhs fêv li têx luk hâuz zâuv, nziês đas, pox nhuôk zuôr trâus pôngz lơưv nhiêx txiêx, trâus nziês đas chox muk muôs đhâu ntus đriv. Tul nhuôv Lù Thị Dụ, nhiv kruổ muôx 15 shông hnuz nhôngs, nhoz jos Tà Xùa, xã Hạnh Phúc, tỉnh Lào Cai puz pâuz: Cur pov têx cưk kriê thiêz nênhs hloz heik ntâu viv li txơưv nênhs fêv hu tênhv tuôx nziês đas taz sik cur cux pâuz thiêz chuv tôngv txar jav tâu:

          Jênhv pâuz têx kror chênhr lok nziêk đas sâuv không gian mạng

          Tsôngv fôngx zưs sơưr đơưk hmor yuô, chor nênhs fêv têx tsưr ziv nziêk đas sâuv không gian mạng muôx 3 kror zov chênhr mak pox nhuôs sơưr đơưk pâuz txos, co zos:

           Tsik so đas tiêk zor công an, tòa anr, zênhx hangx, chor nênhs cxênhz jê.

          Hu tsik so hev tiêk zuôr trâus bluô nhiêx, khóa sim lok sik đas muôz hax huv puz, muôx hâux lưv uô siz nhiêx hli siêz.

          Hêik cov xa nhiêx uô ntêx, hêik cov kriê mã OTP trâu lơưr, tải têx link pâuz tsik tsênhz lok sik cài têx app tsik jông.

           Tsôngv fôngx zưs sơưr đơưk tsuv ndo njôngr 3 kror tsik tsuv uô chiê phax tar trâus nziêk đas đhâu sâuv không gian mạng, tsênhv tsênhz li đrav kaz:

           Xav jênhv cov tsênhz mênhx thâuv muôx chor nênhs zuk tsik pâuz tsênhz hu tênhv tuôx.

           Tsik kriz trâu chor link pâuz tsik tsênhz lok sik tsik cài têx phần mềm pâuz tsik tsênhz.

           Tsik hêik kriê têx mật khẩu, mã OTP thiêz ntơưr căn cước trâu têx nênhs txơưr pâuz./.