Sir jos nriêr luz nza tập thể thax tsav Pháo đài K30

          Ntơưv thax tsav Pháo đài K30, phường Lào Cai, Tuêv nriêr zok liệt sĩ têx poz cxa tỉnh Lào Cai tsênhv chêx chôngk lưx lươngv nriêr iz luz nza tập thể tsov cưv. No zos 7 chiến sĩ li qơư nza, tâu tas siv nênhx hâur jiês tơưv txênhz por vêv Têz qơưk shông 1979.

          Lơưr têx lênhx nênhs thâuv ntêx co heik kriê, shông 1984, thâuv tror kho đuô qơư kriê shâuv kuz chiê phưx vưv bộ đội kriê shâuv, taz viv nhoz no tưz pov têx chiến sĩ no li chor poz cxa, đhâu co lơưr muôz trâu hâur xaz thiêz phâus ntơưv no. Tror lok qơư tsav txênhz đhâu 40 shông ntâu, bộ đội lâuk Lê Văn Hà, kuz chiến sĩ Zênhx 206, pâuz tsênhz xor mông lok luz nza thâuv co pheiz kênh:

          “ Hâux lưv no pêz cux xar txos lok six ntâu...Cur zos iz hâur têx lênhx nênhs môngr jông tâu tror lok viv li tsuv muôx txơưx jênhv. Txos nhiv no, cur pâuz tsênhz 7 chiến sĩ co tsênhv tâu phâus ntơưv thax tsav qơư no”.

          Txix xor mông pâuz tâu, hâux lưv nriêr zok liệt sĩ li chor poz cxa tâu ciêr chênhr krêz uô. Qiv hơưv thax tsav ntus đriv têz qơưk têx hnuz no muôx ntâu txơưr txar, đhâu têx jiês ntux lok nas lox tror uô ar têz ziv siz, yar ntux cuz sor mak zuôr xar 40 tưv. Hâur têx kror ar, mê njik ho pov têx lênhx nênhs hâur tuêv hlê yo tru phưk thiêz tror khơưz ar chiê nriêr têx poz cxa liệt sĩ. Thượng tá Phạm Khắc Trường, Chính trị viên Tuêv nriêr zok poz cxa liệt sĩ, Bộ chỉ huy quân sự tỉnh Lào Cai puz pâuz:

          “ Hâur ntu khơưz ar mak ar nhav, viv li hâux lưv nriêr tsuv uô cov jông. Poz cxa đhâu ntâu shông cux zôngx ziv trâus tơưs...Nhiv no mak zôngv meir zơưv, zôngv tsi tâu hlâu chiê uô”.

          Thax tsav nriêr pâuz zos sâuv tox trôngz ar nxaz, muôx ntâu ar têz. Viv li tsuv zôngv tês max mav nriêr. Iz jiês thâuv pov têx txox hluô, flâuz muôk txưr lok sik têx chuôz zênhx shơư hâur ar, hâux lưv uô nriêr zok ziv max mav uô thiêz uô jông đuô. Truôx siêz uô jênhv vưv ntơưv qơư, Thiếu tá Tạ Hồng Đức, lênhx nênhs Tuêv nriêr zok puz pâuz, iz chuôz zênhx tâu nriêr yênhx côngz cux zos têx chuôz zis li siêz xar njôngr nriêr tâu nênhs cxênhz jê đhâu yênhx châuv shông tos njôngr:

          “ Pêz uô hâux lưv khưr li ntơưv, taz sik thâuv nriêr tâu têx liệt sĩ mak pêz lok six shir phaz, muôx têx thâuv têx liệt sĩ tsi yuôr tul tsi tsuôk yuôr têx chuôz zênhx li bình tông, vuôv txir, juôs lok sik hnaz...chiê xav tênhv têx co nriêr xor mông liệt sĩ co zos iz lênhx”.

          Chiê côngz xưv nriêr zok tax chêx cuk siêz, chính quyênx tiv phaz tsênhv sir jos uô pưs txux zos sik côngv xor mông thiêz taz por cxuô zav. Pos Trần Thị Thùy Dung, Phưv chủ tịch UB phường Lào Cai thôngz xor mông:

          “ Pêz cungz cxix cxuô têx xor mông lênhx nênhs, chuôz zênhx...thôngx cxix chox kriê têx chiz coaz, ban nganhx paz lok chuôz zênhx y tế cux xưk li têx theox chênhv txơưr chiê tuêv côngz xưv uô hâux lưv”.

          Thax tsav nriêr zok liệt sĩ têx poz cxa ntơưv Pháo đài K30 tsênhv tâu lưx lươngv muôx txơưx jênhv krêz đar muôx nhos 200 yiv ndis chiê nriêr 2 luz xaz tso liệt sĩ têx poz cxa. Đros têx sir jos tsênhv tsênhz, lơưr tsưr ziv, ntu zuôr txos, ntơưv qơư nza liệt sĩ phường Lào Cai, têx lưx lươngv zuôr tror nriêr, muôz mẫu ADN trâu 46 luz nza liệt sĩ. Chiến dịch 500 hnuz hmo tsênhv sir jos chiê nzor chox têx liệt sĩ tror tâu lok kuz têz kuz qơư, lok đros zuk têx nênhs cxênhz jê đhâu ntâu shông tos njôngr./.

(An Kiên-Txâur Vax cxeik nhênhv)

Điện Biên muôx lênhx nxêik shux xênhz thik tưr tâu điểm cơưv tiêr ntơưr cxênhx pêz shông 2026 siêz tiv zix têz qơưk

Trơưk Bôv Zoz zux hêik pâuz jiês thik cơưv tiêr ntơưr cxênhx pêz shông 2026, Đặng Quỳnh Trang thik tâu muôx 38,5 điểm. Hâur co Toán thiêz Hóa học thik tâu 10 điểm, Vật lý thik tâu 9,75 điểm thiêz Ngữ văn thik tâu 8,75 điểm. Kror điểm no paz trâu lênhx cxêik shux xênhz no zos yênhx iz hâur 2 lênhx nênhs thik tưr tâu điểm siêz tiv zix tas nro têz qơưk hâur jiês thik shông no. Đhâu pâuz điểm thik, Quỳnh Trang puz pâuz: No zos cur li sir jos cơưv ntơưr thiêz muôx chor cưk kriê ntơưr đros cur niêv sir jos paz hâur ntâu shông đhâu. Tsưr ziv cơưv ntơưr cux tsik muôx ntâu kror txơưr txix sir jos cơưv cov pâuz jông têx txux chi txix ciês pêv lớp cơưv.

Hâur chor jiês cơưv ntơưr, Quỳnh Trang tsik so mnôngs jông chor cưk kriê ntơưr hêik kriê, sik thav, nus ciês chor cưk kriê ntơưr zos pâuz tsik tâu tsênhz txos têx txux chi. Đrâuv cơưv pêv tsêr lớp, Trang tsik so đros têxfôngx zưs sơưr đơưk thav lok têx ntơưr cơưv, shâuv uô ntâu zav đề thiêz nriêr sêiz nzir têx ntâuz ntơưr chiê paz trâu zuk muôx nzir txux chi. Pêz shông cơưv cxênhx pêz, Trang puôr lênhx zos shux xênhz cơưv ntơưr txơưx. Muôx oz jiês thik tưr tâu sơưr tiv iz jiês thik shux xênhz cơưv ntơưr txơưx cấp tỉnh môn Hoa học thâuv cơưv lớp 10 thiêz lớp 12, thik tâu giải oz shông cơưv lớp 11. Txơưv tâu xêir chiê cxaz chuôz trâu đôiv tuyển shux xênhz cơưv txơưx têz qơưk, Trang cuêz tênhv tsik dưv thik chiê sir jos cơưv trâu jiês thik cơưv tiêr ntơưr cxênhx pêz thiêz xêir zuôr muk cơưv đại học.

Trơưk cưk kriê Bùi An, Hiệu trưởng Tsêr cơưv cxênhx pêz Chuyên Lê Quý Đôn, Quỳnh Trang zos lênhx shux xênhz sir jos cơưv ntơưr, paz trâu têx fôngx zưs. TSêr cơưv ntâuk gri zos nênhs thik tưr tâu điểm siêz tas nro têz qơưk zos iz kror huv đros trâu Trang têx sir jos hâur ntâu shông đhâu.

Tsơưs nênhs thiêx pâuz tiêk Trang muôx luz nênhx lok six txov nhêv. Txir trâus tuôs thâuv Trang nhiv kruôr muôx oz shông, niêv iz lênhx khưr, uô hâux lưv nriêr nhiêx tu zus oz oz vir ndâuk. Nhiv no Trang tuk niêv lâul cux tsênhv cơưv đại học viv li nhiêx txiêx tsuôk zos niêv iz lênhx txoz cxơưx xưz. Chênhr kror co tưz paz trâu Trang sir jos cơưv ntơưr đuô. Trang xar tiêk, cơưv ntơưr zos txox cêr tsênhv tsênhz chiê paz hlôngr yiêz đuô luz nênhx, đros co cux zos kror paz trâu niêv shir phaz đuô.

Đhâu jiês thik, Quỳnh Trang đăngk cir xêir zuôr muk cơưv Tsêr cơưv Đại học Sư phạm Hà Nội, Nganhx Sư phạm Hóa học. Trang puz pâuz txix thâuv zâu tưz zênhx nhiêv uô cưk kriê ntơưr thiêz vav tiêk zuôr zos yênhx lênhx cưk kriê ntơưr chiê kriê têx txux chi trâu chor shux xênhz. Iz chas siêz nhiêv, xêir tsov nganhx sự phạm cux paz txo grêk tsơưs phiv liv lok nhiêx txiêx trâu chuôz zis khov muôx têx tsênhv chêi paz trâu chos shux xênhz cơưv sư phạm.

Đặng Quỳnh Trang têx thik tưr tâu co tưz tsik zos chuôz zis, tsêr cơưv cxênhx pêz Chuyên Lê Quý Đôn li kror shir phaz xưz, mak tsênhv paz muôx shir phaz trâu nganhx Zoz zux Điện Biên hâur jiês thik cơưv tiêr ntơưr cxênhx pêz shông 2026, khav tênhv chor shux xênhz tox siêz li têx sir jos cơưv ntơưr đros tas nro têz qơưk./.

Vũ Lợi-Lik Thox cxêik nhênhv