Lào Cai: Muôz jông cxuô six hơưv cxơưz cxiz muôs tâu têx kôngz đhâu đrôngx đriv

2 cxênhz ntâu tênhr sầu riêng muôs trâu Trung Quốc iz hnuz zos ntâu đuô hur si hâur 2 shông tror lok no. Ciês 6 luz hlik hâur shôngk shông no, têx txir co tưz tsav iz đraz xav hur si têx hax huv muôs tâu đhâu trôngx đriv Lào Cai. Ntơưv Công ty zuôr muôs hax huv trâu 2 chas têz qơưk Trung Đông, iz hnuz tsuv uô ntâuz ntơưr muôs txix 400-600 tênhr sầu riêng nhôngk. Tix lâus Đoàn Đức Việt, hlôngr njêx muôs doanh nghiệp heik pâuz, luôs hâux lưv muôs hax huv cux tsênhv tâu fuô uô truôx jông:

“Hải quan, tuz lênhv pênhz phax, qênhz shuôs têx hax huv puôr lênhx muôz jông six hơưv trâu cxuô doanh nghiệp. Têx hax huv uz no puôr lênhx muôs tâu đhâu hâur hnuz, paz cxiz muôs tâu sei thiêz txo grêk tsơưs têx tsi jông”.

Chiê têx kôngz nuv muôs tâu đhâu zôngx ziv, tsi trâus tuôr thênhv ntơưv trôngx đriv, lưv lươngv muôx vax huôv 2 têz qơưk tưz cơưv seiz lax, zok nriêr cxuô faz tsưr ziv đros paz. Lok sâuv têx hlôngr pâur fuô uô huv đros, pos Nguyễn Thị Thanh Bình, Phưv đội trưởng đội Hải quan Trôngx đriv Ntiêx têz Lào Cai heik pâuz:

“90% ntâu têx ntâuz ntơưr đhâu trôngx đriv tâu uô zôngx ziv, đhâu ntơư truz lur six hơưv, hnuz nhôngs muôs têx hax huv, muôz jông six hơưv trâu doanh nghiệp. Iz chas co, pêz cux sir jos yax kriê trâu cxuô doanh nghiệp pâuz tsênhz lok têx cui tinhv, lar heik zos saz Trung Quốc cui tinhv 280”.

Muôs têx kôngz nuv tâu truôx jông zos iz kro shir phaz cơưk. Taz sik, đros thiêz hâux lưv tso tơưv xav hur si muôs cov tâu 4 tỷ đô la Mỹ mak Hôiv đôngx tỉnh choz hâur shông no zos iz hâux lưv lok six phiv liv trâu cơ quan seiz car. Ntơưv jiês cơưv Hôiv đôngx tỉnh nhiv kruôr đhâu, zơưv Nguyễn Tuấn Anh, Chủ tịch Ủy ban tỉnh Lào Cai tưz heik mênhx txos têx phiv liv thiêz tsưr ziv fuô uô hâur ntu zuôr txos:

“Shông no txơưv pêz luôs hâux lưv txix phênhv sâu tâu muôs têx hax huv trâu 2 chas têz qơưk tsar ndê 30% pir li shông uô ntêx, taz sik pir li hâux lưv tso tơưv 4 tỷ đô la mak no zos iz kro phiv liv. Chiê uô tâu têx li heik co, pêz tsuv muôz jông six hơưv, uô zôngx ziv thiêz tâu sei têx ntâuz ntơưr đhâu trôngx đriv trâu cxuô doanh nghiệp zuôr muôs hax huv; iz chas ntơư, thôngz đhâu trâu Chính phủ cir nzor Thax tsav Kinh tế ntus đriv. Txos nhiv no, Thủ tướng tưz cir ntơưr, xeir tsov nênhs yưv pênhr uô, sir jos txos 3 luz hlik txix hli 1-3/2027 zuôr muôx Trôngx đriv lês uô tâu sei têx luôs hâux lưv, ntâuz ntơưr li heik sâuv ntơưv trôngx đriv Kim Thành”.

Tưz zuôr txos têx luz hlik kaz shôngk shông-ntu ziv muôx ntâu cxuô zav hax huv zuôr muôs trâu 2 chas têz qơưk đhâu tsôngx đriv Lào Cai. Tsi thôngx li cxiê jiês, trôngx đriv zuôr sir zôngv công nghệ sôr thiêz cxix luôs yêz jông chiê fax thâux têx hax huv, paz muk lol tâu đhâu trôngx đriv zôngx ziv hâur yênhx hnuz hmo tsi tas buôk ti uô ntâuz ntơưr./.

An Kiên-Riê  Lâux cxeik, nhênhv

Tu zus thiêz sêiz car chor njêl zus hâur tơưz hâur têx đêx thiêz pak đêx chêix ntux nas chuô

        Tsôngv fôngx zưs sơưr đơưk mor yuô! Chiê txo grêk tsơưs têx phiv liv, uô ntêx chêix ntux nas chuô yênhx shông nênhs tu zus chor njêl hâur têx tơưz hâur têx đêx thiêz pak đêx lox tsuv tsik so qênhz yuôx chor tơưz zus njêl, kho đuô têx kror tsik yuô khor, tsik jông, vêv xênhz têx tơưz zus hur si cov chor đêx ntưk tâu muk sêi thiêz tênhv qơư hur jông; kho đuô chor hluô khi…

Chiê txo grêk tsơưs têx phiv liv, uô ntêx txos chêix ntux nas chuô yênhx shông nênhs tu zus njêl hâur tơưz hâur têx đêx thiêz chor pak đêx lox tsuv uô têx tsưr ziv li đrav kaz:

- Thêir nzir trâu chor tơưz zus njêl cov chor njêl đhiê tsik tâu trâu saz đrâuv tơưz.

- Txar chor tơưz zus njêl trâu ntơưv têx qơư tsik yuô trâus chuô, đêx ntưk tsik yuô chênhr chiê tsik trâus têx chuô lox uô ruôr hiêv txos têx tơưz zus njêl. Tiv zix tsuv phax tar jông tsi chiê đêx huôv lox lok sik chuô lox uô ruôr hiêv, puôk tsuôx chor tơưz, cuôr yôngz uô trâus pôngz plox chor njêl.

- Chor tơưz zus njêl hâur têx đêx mak tsuv uô nzir têx nzêik thêir zar hâur đêx cov đêx tsik ntưk lok ntâuk trâus trâu chor tơưz zus njêl, đêx cuôr tâu têx khâuz, shôngz ntông lok trâus chor tơưz zus njêl.

- Tsik zus ntâu chor njêl hâur iz luz tơưz, tsik so sêiz shuôk jông chor đêx, chiê nzor muôx tsưr ziv kho đuô, txar qơư zus cov huv đros.

- Sêiz shuôk jông ntux nas chuô, tiv zix zos chor hli hlôngr chêix thiêz chor hnuz ntux txơưr txar chiê muôz zav nox cov huv đros, tsik uô tuôr xuôv thiêz uô tsik hur txos tênhv qơư.

- Têx hnuz muôx lok nas chuô tsik muôz trâu njêl nox lok sik muôz trâu nox tsơưs đuô 50%. Đros co zos cxaz nzir chor vitamin C, têx zav yuôx paz trâu njêl muôx đas jos.

- Qênhz shuôk tsik so têx đêx zus njêl thiêz phax tar caz moz trâu njêl.

Tsôngv fôngx zưs sơưr đơưk nhiv kruôr mnôngs tas iz cxiê tsưr ziv paz tu zus thiêz sêiz car tâu jông chor njêl zus hâur tơưz hâur têx đêx thiêz têx pak đêx lox chêix ntux nas chuô. Phênhv no muôx Tsênhv qơư cxơưz cxiz uô kôngz thiêz hlôngr yiêz sôr, Sở Kôngz nuv thiêz Tênhv qơư tỉnh Sơn La sik côngv đros uô.

Uô tsâus tsôngv fôngx zưs sơưr đơưk tưz đros mnôngs!

Thanh Thủy-Lik Thox cxêik nhênhv-Lưu, in, link