Uô chinhr quyền 2 cấp: chôngz lênhx canr bôv xưk li tsik muôx hnuz tâu so hlo

Niêv tix Mạc Thị Loan, Tsar phòng Vênhx huôv – Xar hôiv xar Sông Mã, tỉnh Sơn La puz pâuz: Phòng Vênhx huôv – Xar hôiv cấp xar nhiv no uô hâux lưv hêik pâuz, paz trâu Ủy ban cấp xar uô hâux lưv sêiz car Têz qơưk lok têx hâux lưv: Vênhx huôv; zoz zux; y têr; thể dục, thể thao; du lịch; quảng cáo; nta suôz xa đuôz; pov tsir; thôngz xor mông; thôngz mông đối ngoại… Chor nênhs uô hâux lưv muôx tsơưs, têx hâux lưv uô mak ntâu, cik txos 6-7 sở nganhx li têx hâux lưv, viv li txix ciês thâuv piz uô lơưr bôv mêir txix hnuz 1/7/2025, yênhx canr bôv, viên chức hâur taz viv lênhx tưs cux sir jos uô hâux lưv, nriêr pâuz cơưv shâuv txos têx txux chi uô hâux lưv zuk tsik tâu pâuz chiê uô cov tâu jông têx hâux lưv tâu choz. Chinhr viv liv, hâur 1 shông đhâu, sơưr đơưk chuôs li tsik muôx hnuz tâu so hlo:

“Pêz tsik so uô nzir six hơưv uô hâux lưv. Ntu xuz thơưx nhiv kruôr kriz uô lơưr chinhr quyền 2 cấp mak chuôs li hnuz tưs cux tsuv uô hâux lưv txos 10 six, 11 six iz tas hmoz, xav tas nro hnuz thưr 7, hnuz ciêz. Hok nhiv no cux tsik tâu car hêik txos kaz ciêz zuôr tâu so lok tsik tâu, txos thâuv co thiêz pâuz xưz. Tsar phòng, phưv phòng tsik zos choz trâu canr bôv hâur phòng uô xưz, zuk cux tsuv uô hâux lưv, txix uô têx ntâuz ntơưr txos qênhz shuôk têx tsênhv njiêz côngz xưv hâur cơ quan. Li cur nhiv no tsênhv uô kror hâux lưv zoz zux, chox car, uô li chak zos ntơưv cur, cux tsik muôx lênhx tưs paz tâu trâu cur, viv hâur phòng tsik muôx lênhx tưs muôx txux chi uô kror hâux lưv no”.

Ntơưv xar Thuận Châu, đhâu tsưr ziv chinhr quyền 2 cấp tâu kriz uô, tsưr tsix bôv mêir chinhr quyền cấp xar cux tưz truôx tuk; chor cơ quan chuyên môn thiêz taz viv sự nghiệp jux juk uô tâu jông têx hâux lưv. Ủy ban xar tưz muôx Quyết định phêiz hâux lưv uô trâu chủ tịch, chor phưv chủ tịch thiêz chor ủy viên Ủy ban xar; đros co têx cơ quan taz viv tưz phêiz jênhv vưv tsênhv tsênhz trâu yênhx canr bôv, công chức trơưk 6 kror tsênhv tsênhz: tsênhz hâux lưv uô, tsênhz txơưx jênhv, tsênhz six hơưv, tsênhz têx hâux lưv uô tâu. Chênhr viv li, đhâu 1 shông kriz uô, têx jênhv vưv huôv tsar kinh têr, vênhx huôv – xar hôiv, côx phax – ngaz tuk sâuv thax tsav puôr lênhx uô tâu jông.

Taz sik, cux tsênhv yuôr iz cxiê kror phiv liv tsuv tâu chor cấp muôx vax huôv kho đuô hâur ntu zuôr txos. Pos Nguyễn Thị Thành, Chủ tịch Ủy ban xar puz pâuz:

“Phòng chuyên môn têx hâux lưv mak lok six ntâu; tsuv sir jos uô, phênhv ntâu zos tsuv uô cov tiêr sêi, hok chor nênhs uô hâux lưv mak muôx tsik txâuk, tsuv uô ntâu kror hâux lưv sik txơưr. Tiv 2 zos muôx tsik txâuk chor nênhs uô hâux lưv muôx txux chi siêz chiê uô cov tâu têx hâux lưv, li khoa học công nghệ, hlôngr yiêz sôr, công nghệ thôngz mông, sêiz car ar têz, tôn giáo, hlôngr yiêz ntâuz ntơưr hành chính…”.

Zơưv Nguyễn Thanh Tịnh, Phưv Giám đốc Sở Nội vụ tỉnh Sơn La puz pâuz: hâur shông xuz thơưx kriz uô, chinhr quyền 2 cấp huôx tôngv truôx tuk tưz paz cxơưz cxiz kinh têr-xar hôiv thax tsav qơư huôv tsar. Pêz luz hli hâur shôngk shông 2026, Sơn La li GRDP ndê 9,76% pir li shông uô ntêx, sơưr thơưx thax tsav Trung du thiêz tox siêz faz Bắc, sơưr tiv 8 hâur 34 tỉnh, thành phố tas nro têz qơưk. Uô công nghiệp tsar ndê 45% ntâu; tsiv gri hax huv muôs tơưv saz đrâuv têz qơưk tâu muôx 98 triệu ntâu USD; tas nro tỉnh tok muôx 2 triệu ntâu lênhx kruô du lịch, phênhv sâu tâu xar muôx 2.500 tiv đêiv…

Taz sik, iz chas têx kror uô tâu, uô lơưr chinhr quyền 2 cấp cux tsênhv yuôr ntâu kror phiv liv tsuv tâu Trung ương paz thiêz muôx têx kho đuô cov huv đros:

“Sơn La hêik trâu Trung ương trơưk têx cui tênhv mak tsuv bax cov txâuk chor nênhs uô hâux lưv hâur ntu 2025-2030, têx thâuv tsênhv zuôr ntêr đuô. Lơưr têx hâux lưv uô mak tỉnh zuôr chiê chor công chức uô hâux lưv cov huv đros chiê paz truôx tuk tâu muk ntêr. Tiv 2 lok nhiêx txiêx, Sơn La zos tỉnh tsênhv yuôr ntâu txov nhêv, vav tiêk Trung ương zuôr sir jos paz lok nhiêx txiêx chiê Sơn La yưv pênhr huôv tsar, tiv zix zos hạ tầng zoz thôngz, li ntu cêr muk chênhr Hòa Bình - Mộc Châu - Điện Biên thiêz cêr muk chênhr txix Sơn La trâu Lào Cai, Yên Bái… nzor uô tâu chor cêr chiê muk lok, paz tâu trâu huôv tsar”.

Nhiv kruôr no, tỉnh Sơn La muôx 27 hâur tas nro 75 xar, phường tâu choz ntâu tiv zix muôx 3 lênhx Phưv chủ tịch Ủy ban xar, tsar ndê nzir 1 lênhx Phưv Chủ tịch pir li ntu piz kriz uô tsưr ziv chinhr quyền 2 cấp; chor phòng chuyên môn ntơưv chor xar cux tsênhv tâu sêiz shuôk cxaz nzir nênhs chiê uô hâux lưv…/.

Thu Thùy-Lik Thox cxêik nhênhv

Cxiv tsa chuôz zis shir phaz nhoz tỉnh Lào Cai

          Tix lâuk Trần Anh Tuấn shông no muôx 42 shông hnuz nhôngs, huôx tôngv txưv zơưx hâur vênhv thix cxiv tsa, cơ khí. Nhiv no tix lâuk zos tsưr iz qơư cơ khí thiêz muôx 10 lênhx nênhs lox tôngv. Lơưr tix lâuk, chiê cxiv tsa iz chuôz zis shir phaz, uô ntêx tsuv cxiv tsa kinh têr truôx tul:

          “ Cxiv tsa kinh têr truôx tul, chiê pox niêv thiêz mê nhuôk njênhs njôngr. Kinh têr truôx tul, sik seiz lax lok têx njiêz luv seiz car trâur nuv”

          Txơưv khưr uô hâux lưv taz sik tix lâuk cux tsês six hơưv trâu chuôz zis, muôx têx thâuv tsênhv đros pox niêv uô jâuz mor..

          “ Cux zôngx ziv xưz, shir phaz mak lênhx tưs cux uô tâu. Nhoz hâur iz chuôz zis mak tsuôk pâuz siz hluz txơưv tâu. Siz hluz, siz pheiz kênh, txix co mak chuôz zis zuôr truôx tul”.

          Niêv lâuk Trần Thị Hường- tix lâuk Tuấn pox niêv uô cưk kriê nhoz hâur xã Thác Bà, tỉnh Lào Cai, thâuv tưs cux uô tiêr jông cxuô jênhv vưv nhoz chiz coaz. Lok tsêr, niêv lâuk cux zos iz lênhx niêv tsoz phưz jông têx mê nhuôk cơưv ntơưr. Chuôz zis muôx 2 tul mê nhuôk, tul hloz tror tax têx giải thik shux xênhz cơưv txơưx cấp xã, cấp tỉnh, nhiv kruổ đhâu tưz thik tâu cơưv chuyên Nguyễn Tất Thành nto bê; iz lênhx qir lok cơưv lớp 3 cux tsênhv tâu chuôz zis xav tênhv tsưr ziv cơưv ntơưr.

          “Thâuv têx mê nhuôk mak zuk cux sik côngv đros, cơưv lok shưz xar uô ntêx mav cơưv lok yênhx tưv. Cur zuôr kriê trâu mê nhuôk cơưv shâuv, kriê mê nhuôk paz chuôz zis mê nhuôk thiêx seiz tsiv grê đas jos lox tôngv, seiz jông tsiv grê nhiêx txiêx, txix co pâuz hluz niêv txir, chiv chir tsoz phưz tâu trâu zuk. Cur cux heik kriê têx lênhx nênhs jông chiê chiê mê nhuôk seiz thiêz cơưv shâuv uô lơưr”.

          Trần Quang Minh- tix lâuk Tuấn, niêv lâuk Hường tul tuz puz pâuz: Đrâuv hâux lưv cơưv ntơưr, Minh cux lok six nhiêv uô hâux lưv hâur tsêr, paz max cxuô lênhx nênhs hâur chuôz zis:

          “ Cur chêx chôngk cơưv ntơưr, sâuv lớp cơưv mak tsâu siêz cơưv ntơưr, lok tsêr cux gruôs cơưv ntơưr. Nhoz tsêr gruôs cơưv ntơưr, paz niêv txir uô hâux lưv, pheiz kênh têx hâux lưv hâur tsêr”.

          Zơưv Nguyễn Văn Thống, Bí thư Chi bộ jos 6, xã Yên Bình puz pâuz: Tix lâuk Tuấn, niêv lâuk Hường li chuôz zis zos chuôz zis vênhx huôv hâur xã 5 shông tsi so, thâuv tưs cux cxaz chuôz cxix cxuô jos, xã li têx huôx tôngv, sir jos viv côngv thôngx li chơưv paz thâuv muôx ntux nas sâuv thax tsav…

          “ Chuôz zis pos Hường zơưv Tuấn hâur têx shôngk đhâu uô jông Đảng, têz qơưk li chủ trương chính sách, cux xưk li jêx jos li têx quy ước, zos chuôz zis uô ntêx nyuôk hâur cxuô vênhv thix: txix kinh doanh, uô kinh têr, chuôz cxaz phênhv sâu luz nênhx truôx tul đuô, sik pheiz kênh, siz hluz”

          Pos Vũ Thị Xuân Thuỷ, Phưv Chủ tịch thường trực UBMTTQ, Chủ tịch Hội liên hiệp pox niêv xã Yên Bình heik: Chuôz zis tix lâuk Tuấn thiêz niêv lâuk Hường zos đeiv iêr chi cax luk viv chuôz zis pâuz siz hluz, sik côngv siêz huôv tsar kinh têr, tsoz phưz mê nhuôk thiêz thâuv tưs cux tsov cưv paz max côngv thôngx:

          “ Hâur ntu zuôr txos, Hội pox niêv zuôr tror yax mông, vênhv tôngv têx chuôz zis uô jông cxiv vênhv tôngv cxiv tsa chuôz zis tsâu sor, shir phaz; heik kriê têx chuôz zis jông li chuôz zis tix lâuk Tuấn Hường chiê têx chuôz zis txơưr uô lơưr. Thôngx cxix cux zuôr sik côngv đros UB xã, Ban viv pox niêv li têx hlôngr yiêz, muôx têx tsaz yênhx yax mông, heik kriê chiê muôz siêz pênhr xưv hâur hâux lưv cxuôv por tsês têx siêz xar phênhz pêx txir nênhx pox niêv thâuv ntêx”.

          Đhâu 2 six cxiv Đại hội, Đảng bộ tỉnh Yên Bái thâuv ntêx thiêz nhiv no tỉnh Lào Cai đhâu thâuv sik côngv puôr lênhx tso tơưv têx tsưr ziv muôz siêz tsôngv px li chỉ số shir phaz, đhâu co cxiv tsa tỉnh yênhx “tỉnh shir phaz” hâur ntu huôv tsar yiêz. Hâur shông 2026, tỉnh Lào Cai shir jos chuôz tsar tsôngv px li chỉ số shir phaz tax 69%./.

(Đinh Tuấn-Txâur Vax cxeik nhênhv)