Lào Cai: Vav chiê siêz tror zok nriêr tâu bê têx lênhx tuz lênhv tâu tas siv nênhx viv tsưx phưv têz qơưk txix seiz njuôk shuôs ADN đêz đar

Txix ciês tas cik sơưr nzor,  ntơưv hội trường Ban Chỉ huy Quân sự phường Lào Cai tưz muôx chor tuz lênhv tâu tas siv nênhx viv tsưx phưv têz qơưk têx nênhs hâur tsêr tuôx lok six chôngz uô ntâuz ntơưr. Hâur co, ntâu lênhx hnuz nhôngs tưz siêz, muk lol phiv liv tsuv muôx têx tuz nhuôs lok sik lưv lươngv uô hâux lưv paz tuôr, paz phưx.

Tuôx muôx njêx muôs chiê tso nyar seiz njuôk shuôs seiz pok zos chor tuz lênhv heik sâuv nênhs cxênhz jê, pos Nguyễn Thị Tiệp nhoz jok 2 Cốc Lếu heik lok chuôz zis siêz xar njôngr hâur 74 shông đhâu, xav txix hnuz pos Tiệp tus nuk tâu tas siv nênhx ntơưv qơư tsav tros Quang Kim ntu tir ntâuk tros châuz Pháp li no:

“Cur tus nuk thâuv tâu tas siv nênhx ntơư tưz muôx iz tus nhuôs, taz sik nưk tsi tâu pâuz txos nưk mê nhuôv jông li chas. Nhiv no lênhx nhuôv co tưz muôx 3 tus mê nhuôv thiêz muôx hur si xênhz nzưr lơưv, chuôz zis lok six xar cov Đảng, têz qơưk paz đros zok nriêr sêz pok tâu cur tus nuk têx poz cxa, zos zok nriêr tâu mak pêz jông siêz thiêz shir phaz hênhr, uô tsâus ntâu”.

Đros trâu têx tsưr ziv, siêz xar co, zơưv Đặng Ngọc Kiêm, nhoz jok 44 Bản Phiệt tưz uô cuô muôs pôngz nthar thâuv heik txos lênhx tix lâus tâu tas siv nênhx viv tsưx phưv têz qơưk shông 1972. Đeiv ntơưr heik pâuz lênhx tix lâus tâu tas siv nênhx tsuôk sâu tiêk “qơư tsav tros faz Nam”. Tưz 2 jiês zơưv muk trâu tỉnh Bình Dương zok nriêr, taz sik puôr lênhx nriêr tsi tâu, tsi pâuz xor mông.

“Cur tưz muk thax tsav qơư co 2 jiês lơưv, zok nriêr 2 qơư nda taz sik puôr lênhx tsi pov, nus lênhx tưs cux tiêk tsi pâuz, viv tas nro puôr lênhx zos tuz lênhv tsi pâuz tsênhz bê xưz. Cur chuôz zis xar njôngr cov zok nriêr tâu lênhx tix lâus co. Nzaz nzơưv muôx meir, chuôz zênhx jông zok nriêr, cur chuôz zis thiêz cxuô lênhx sơưr đơưk nhoz no puôr lênhx xar cov paz đros zok nriêr tâu zuk têx nênhs cxênhz jê”.

Tsi tiêk phưx vưv chor tuz lênhv tâu tas siv nênhx viv tsưx phưv têz qơưk têx nênhs hâur tsêr muôx ntâuz ntơưr nhoz hâur thax tsav qơư, hội trường Ban Chỉ huy Quân sự phường Lào Cai tsênhv zos qơư lênhk txeik chor tuz lênhv tâu tas siv nênhx viv tsưx phưv têz qơưk têx poz cxa thiêz lơưr chor nênhs hâur tsêr têx nyar đhâu seiz njuôk shuôs ADN trâu 25 xã nhoz jê iz ndis. Zos taz viv uô tsưr, Thượng tá Nguyễn Văn Hoan-Tsar Công an phường Lào Cai heik pâuz, taz viv tsuv pheiz uô ntâu paz, bax tsưr ziv sir jos đros paz max chiê fuô uô tâu têx hâux lưv tso tơưv. 

“Pêz hux jos đros hâu nov hâur thax tsav phênhz qơư, tso lênhx nênhs uô hâux lưv txeik tok pêx xênhv, kriê chor tuz lênhv tâu tas siv nênhx viv tsưx phưv têz qơưk têx nênhs hâur tsêr uô ntâuz ntơưr. Zos têx lênhx lâul nênhs, hnuz nhôngs siêz mak pêz đros đoanx hluôk nênhs tso yêz muk tok ciês ntơưv qơư chiê tso tâu nyar nzor phưx vưv luôs hâux lưv njuôk shuôs trơưk cui tinhv”.

Iz chas phường Lào Cai, hâur jiês sir jos uô hâux lưv zok nriêr chor tuz lênhv tâu tas siv nênhx viv tsưx phưv têz qơưk tsi tâu pâuz tsênhz bê, tas nro tỉnh tsênhv muôx 6 qơư lênhk uô têx hâux lưv heik sâuv ntơưv phường Yên Bái, Nghĩa Lộ đros trâu chor xã Văn Bàn, Khánh Hòa, Bảo Yên thiêz Đông Cuông.

Trơưk li Thượng tá Lê Tiến Mạnh, Phưv Tsar phongx Cảnh sát seiz car ntâuz ntơưr hành chính lok truôx tuk xã hội, Công an tỉnh Lào Cai, luôs hâux lưv lênhk txeik têx nyar chiê njuôk shuôs ADN phênhv ntâu zos tsov cưv trâu lênhx tuz lênhv ntơư têx lênhx nênhs cxênhz jê tos niêv têik zơưv txir. Chênhr viv li, qênhz shuôs têx sôr laov tsuv tiz jông uô, tsênhz mênhx, nzaz nzơưv sôr laov têz qơưk lok pêx xênhv chiê txo grêk tsơưs six hơưv, hnuz nhôngs pêx xênhv nhoz tok.

“Taz por têx sôr laov tsuv huv đros thiêx lênhk nhav tâu. Iz chas ntơư, pêz cxiv tsa yênhx cui tinhv truôx jông, chor tuz lênhv iz lênhx nênhs cxênhz jê xav kror đruôz đraz txix thâuv tuôx trâu hội trường txos thâuv suôx câuv tso nyar njuôk shuôs ntơư pôngz 10 phênhz”.

10 phênhz uô hâux lưv sei đrơưv, truôx jông đros cêr vav thiêz xar njôngr, zuôr muôx tâu têx xor mông tsênhz tưz trâus nduô tâu ntâu niêx ntêr shông đhâu tsi pâuz mênhx. Chor tuz lênhv tâu tas siv nênhx viv tsưx phưv têz qơưk li nênhs hâur tsêr têx nyar tso njuôk shuôs zuôr zos qơư zov chênhr, iz kro jông trâu tỉnh Lào Cai uô “luôs hâux lưv 500 hnuz hmo sir jos zok nriêr chor tuz lênhv tâu tas siv nênhx viv tsưx phưv têz qơưk tsi tâu pâuz tsênhz bê têx poz cxa”./.

An Kiên-Riê Lâux cxeik, nhênhv  

Bộ chính trị li têx njiêz luv tsênhv hâur Nghị quyết 59-NQ/TW shông 2025 lok sik côngv ntiêx têz hâur qênhx shênhx yiêz

           Qơư tsov txos cxuô

          - Muôz siêz tsơưr lươngv, chêx cuk, đêz đar, tas nro, sik côngv ntiêx têz, truôx tul tênhx qơư hôx fênhx, gôngr phênhv uô tsênhv tsênhz hâux lưv cxiv tsa, huôv tsar thiêz por vêv têz qơưk.

          - Ndaz ndơưv têx pênhr jos thiêz têx theox chênhv jông chiê cxiv tsa kinh têr, huôv tsar seiz thiêz truôx tul; cxiv tsa têz qơưk pháp quyền VN XHCN zos tsôngv px li, viv tsôngv px; tsi so hlôngr yiêz tsôngv px luz nênhx, viv tsôngv px li cêr shir phaz, tuôr truôx thiêz phuôx huiz tsiv grê vênhx huôv, đas jos lênhx nênhs VN, chuôz tsar đas jos têz qơưk, muôz siêz têz qơưk li qơư sơưr, pưs txux sâuv ntiêx têz. Sir jos txos đraz thế kỷ 21, pêz têz qơưk yênhx têz qơưk huôv tsar, phênhv sâu siêz lơưr saz XHCN.

          Qơư tsov txos tsênhz mênhx

         - Sik côngv kinh têr ntiêx têz

          - Sik côngv ntiêx têz lok chính trị, côx phax, txiv ngaz.

          - Sik côngv ntiêx têz lok KHCN thiêz hlôngr yiêz xar tơưv, vênhx huôv, xã hội, ju lix, tênhx qơư, zaoz zux thox cxov, y tế thiêz têx vênhv thix txơưr

          - Muôz siêz pênhr xưv chính trị sik côngv ntiêx têz

          Tsưr ziv, jênhv vưv lox:

          1) Chuôz tsar Đảng li lênhs tov, hlôngr yiêz siêz xar, jênhv pâuz thiêz huôx tôngv hâur sik côngv ntiêx têz hâur qênhx shênhx yiêz.

          2) Muôz siêz chêx cuk sik côngv kinh têr ntiêx têz phưx vưv cxiv tsa kinh têr tsi khov txos ntiêx têz, cxơưz tiês hlôngr yiêz kinh têr, trâur nuv chuôz tsar thiêz cxơưz tiês hlôngr yiêz số.

          3) Sik côngv ntiêx têz lok chính trị, côx phax, txiv ngaz đêz đar, tas nro thiêz muôx chêx cuk đuô, gôngr phênhv tuôr truôx tênhx qơư hôx fênhx, cxơưz tiês huôv tsar KTXH, por vêv têz qơưk txix nzor, txix đêz, muôz siêz têz qơưk li qơư sơưr.

          4) Cxơưz tiês sik côngv ntiêx têz lok KHCN thiêz hlôngr yiêz xar tơưv, gôngr phênhv muôz siêz pênhr xưv tơưv txênhz, krêz đar thax tsav huôv tsar truôx tul thiêz yiêz jông.

          5) Cxơưz tiês sik côngv đros ntiêx têz lok vênhx huôv, xã hội, ju lix, tênhx qơư, zaoz zux, y tế thiêz têx vênhv thix txơưr.

          6) Muôz siêz pênhr xưv uô têx cam kết, thôngx ziv ntiêx têz reik đros chuôz tsar côngz xưv qênhz yuôx, seiz car hâux lưv uô thiêz cxơưz tiês uô tiêr thể chế, chính sách, pháp luật hâur têz qơưk.

          7) Muôz siêz chêx cuk chox kriê, seiz car côngz xưv sik côngv ntiêx têz; phuôx huiz têx tiv phaz li pưs txux sir jos thiêz chuv tôngv./.

(Bích Thủy-Txâur Vax cxeik nhênhv)