Sir jos uô cov tiêr chor tsêr cơưv nhoz ntus đriv Sơn La

Tror sir jos uô ciês đhâu muôx ntux nas chuô, txơưv thâuv jêx tưv đrâuv jôngr ndê siêz đuô 40 tưv, chor suôz mêir cux tsênhv đror chuôs tsi sâuv côngz trường cxiv tsa Tsêr cơưv Phôv thông Cxênhx iz thiêz Cxênhx oz Mường Lạn. Yênhx puô kỹ sư, công nhân đros ntâu chuôz zênhx cux tsênhv sir jos uô hâux lưv, sir jos uô nzir six hơưv trâu thâuv hmo ntux chiê uô cov tiêr tâu li tsưr ziv tso tơưv.

Zos nênhs uô ciês hâux lưv sêiz kaz ntơưv côngz trinhx, zơưv Nguyễn Đức Hưng, Công ty Cổ phần hêik pâuz yưv pênhr thiêz cxiv tsa Mai Lâm, Sơn La puz pâuz:

“Cxuô tos tsênhv sik côngv phêiz chor nênhs uô lơưr têx hâux lưv, chiê uô cov tiêr yênhx kror jênhv vưv lơưr Đảng thiêz Têz qơưk choz zok; sir jos cov uô ntêx hnuz 30/7 zuôr uô cov tiêr têx hâux lưv chênhr chiê chor mê nhuôv piz cơưv tâu shông cơưv yiêz li: muôx tsêr lớp cơưv ntơưr, muôx tsêr nhoz trâu chor nhuôv thiêz tsêr uô jâuz mor nox trâu chor nhuôv”.

Đros tas nro pênhr yưv uô xar muôx 280 tiv đêiv txix nhiêx txiêx têz qơưk trung ương, côngz trinhx tsêr cơưv oz cấp Mường Laạn tâu kriz uô txix hnuz 24/1/2026. Nhiv no đhâu xar muôx 6 hli, tưz uô tiêr tâu têx kror chênhr thiêz côngz trinhx txơưr; nhiv no tsênhv txos ntu uô cov tiêr, lôngx đhok têx chuôz zênhx, chos ntông njuôz… tưz uô tâu tiêr xar muôx 70% têx hâux lưv hâur côngz trinhx.

Trơưk zơưv Đỗ Văn Mạnh, Giám đốc Ban Sêiz car dưv anr dân dụng công nghiệp thiêz huôv tsar đô thị tỉnh Sơn La – tsưr yưv pênhr dưv anr, côngz xưv 100 hnuz hmo zos Thủ tướng Chinhr phuv thiêz Ủy ban tỉnh Sơn La tso tơưv tưz txos trâu ntu sir jos uô cov tiêr, viv li, têx taz viv tsênhv sik côngv sir jos uô cov uô tâu tiêr uô ntêx hnuz 30/8, tax tâu cxuô kror phưx vưv trâu shông cơưv yiêz:

“Hâu nov Ban tsik so qênhz yuôx ntơưv qơư uô chiê hêik sơưr đơưk sir jos uô cov sêi; ban chiê trâu ntơưv côngz trường  iz lênhx hâu nov phòng thiê ziz lênhx viên chưc sêiz car dưv anr yênhx hnuz hmo ntơưv công trường chiê chox kriê uô têx hâux lưv. Pêz cux hêik chor nênhs thầu kho đuô têx phiv liv li gri trox yêz ndê siêz thiêz qiv hơưv txơưr txar… huiz tôngv tas nro pênhr jos, chuôz zênhx tsưr tsix uô nzir six hơưv, khov trâu muôx ntux paz chiê sir jos uô cov tâu sêi”.

Têx phiv liv tiv thax tsav ntus đriv kuôk đêz tsênhv qơư tỉnh, nhiêx txiêx thâux xa chuôz lov tsar ndê siêz, muôx tsik txâuk chor nênhs uô lox tôngv, njiz phiv liv lok qơư uô… cux tưz tâu têx cơ quan, taz viv thiêz thax tsav qơư sik côngv đros đơưk kho txix têx tsưr ziv uô tsênhv tsênhz, sir jos uô. Zơưv Lò Văn Quan, Chủ tịch Ủy ban xar Mường Lạn hêik pâuz:

“Xar tưz yax kriê hêik pox nhuôs cxaz chuôz muôz qơư uô, phêiz kênh đros taz viv uô, chiê kriz uô uô ntêx thiêz pâux nzir txar qơư nhoz tov kaz. Xar cux tưz yax kriê chiê pêx xênhv hâur hnuz nhôngs lox tôngv đros uô cxiv tsa tsêr cơưv nội trú sâuv thax tsav chiê paz đơưk kho têx pênhr jos thâuv tsuv sir jos uô sêi”.

Tưz tsik zos tâu njuôk xav txix têx sôr, hêik pâuz txix ntâuz ntơưr… chor luôs hâux lưv, tsơưr lươngv côngz trinhx cxiv tsa ntơưv 13 tsêr cơưv nội trú thax tsav ntus đriv Sơn La tsênhv tâu hêik pâuz yênhx hnuz, trơưk six hơưv, txix têx đuôz tsênhv tsênhz txix qơư uô mak chor canr bôv, kỹ sư xa lok. Ủy ban tỉnh Sơn La cux tsưr tsix cơưv hêik uô cov sêi, qênhz yuôx kriz uô hâur yênhx ciêz chiê nzor đơưk kho tâu têx phiv liv, sir jos uô cov tiêr chor tsêr cơưv nội trú oz cấp cov huv zos li tsưr ziv tưz tso tơưv./.

Lê Hạnh-Lik Thox cxêik nhênhv