Njuôk siv ADN chiê ndo njôngr txos chor tuz lênhv đrav ntêx tir ntâuk tros châuz tâu tas siv nênhx

        Kriz uô luôs hâux lưv “500 hnuz hmo sir jos zok nriêr thiêz xav jênhv chor liệt sĩ”, Ban Chox kriê tỉnh Sơn la tsênhv kriz uô zuôr mẫu sinh phẩm ntơưv chor qơư nza liệt sĩ sâuv thax tsav. Đros chor canr bôv, chiến sĩ Bôv Chỉ huy Quân sự tỉnh zos muôx chor lưx lươngv dân quân tự vệ thiêz pêx xênhv ntơưv thax tsav qơư têx paz.

Đhâu uô tiêr jênhv vưv ntơưv Qơư nza Liệt sĩ xar Thuận Châu, zơưv Vì Văn Lán đros qo ntâu lênhx pêx xênhv nhoz xar Quỳnh Nhai ho tror muôx njêx muôs ntơưv qơư nza Liệt sĩ xar Mai Sơn chiê paz zok nriêr, khơưz chor nza. Txơưv yar ntux cuz sor, sơưr đơưk cux sir jos uô hâux lưv lơưr siêz njênhs tiêk, têx hâux lưv uô hnuz zuôr paz trâu chor ziv chuôz zis liệt sĩ nzor nriêr tâu zuk chor nênhs cxênhz jê:

“Têx thâuv yar ntux têx thâuv lok nas, hâux lưv lax uô, taz sik pêz cux sir jos uô cov nzor uô tâu tiêr têx côngz xưv no. Tâu đros sơưr đơưk uô kror hâux lưv no mak pêz lok six jông siêz”.

Tưz tsik zos pêx xênhv, lưx lươngv dân quân ntơưv qơư cux sêiz no zos iz kror jênhv vưv lox. Iz tsưv shaz tâu hlơưr cxok, iz kror hâux lưv tâu uô tiêr puôr lênhx hêik tơưv sơưr đơưk siêz ndo njôngr txos chor nênhs tưz tâu tas siv nênhx trâu têz qơưk. Tix lâus Lò Văn Lan, chiến sĩ dân quân xar Mai Sơn hêik pâuz:

“Sêiz shuôk đhâu xaz đuôz cur pov lok six ntâu thax tsav qơư, taz viv tas nro têz qơưk puôr lênhx sir jos thiêz zok nriêr chor liệt sĩ. Cur cux xar gôngr côngv zuk đas jos chiê nzor nriêr pov, xav jênhv tâu chor liệt sĩ chiê chox tâu lơưr tror lok đros chuôz zis”.

Nghĩa trang Liệt sĩ xar Mai Sơn muôx 168 luz nza tsênhv tsik tâu pâuz bê. Hâux lưv zuôr mẫu sinh phẩm tâu bax jông, uô huv zos chiê paz njuôk xav tâu ADN. No zos kror zov chênhr chiê paz xav jênhv, nriêr pâuz tâu chor liệt sĩ xênhv bê thiêz qơư nhoz, tax tâu trơưk chor nênhs cxênhz jê li ntâu shông vav tok njôngr. Trung tá Đặng Đình Hùng, Chỉ huy tsar Ban Chỉ huy Quân sự xar Mai Sơn puz pâuz:

“Ban Chỉ huy Quân sự xar tsênhv côngv đros Ban Chox kriê chiê uô ntâuz ntơưr cux li xav jênhv, qênhz shuô tas nro chor nza tsênhv pâuz tsik tâu tsênhz xênhv bê. Côngv đros Tsênhv qơư dịch vụ tổng hợp tsưr tsix yax kriê, hêik pêx xênhv paz hêik pâuz têx xor mông muôx liv chiê khov lơưr co pêz nzor uô tâu tiêr côngz xưv xav jênhv, nriêr pâuz chir liệt sĩ xênhv bê thiêz qơư nhoz”.

Đhâu qênhz shuôk, tas nro tỉnh Sơn La nhiv no muôx 587 luz nza tsênhv pâuz tsik tâu tsênhz têx xor mông thiêz 419 luz nza muôx iz phênhv cor mông tsuv tâu zuôr mẫu njuôk shuôk ADN. Txos hnuz 5/7, tỉnh Sơn La tưz uô tiêr hâux lưv zuôr mẫu njuôk shuôk ADN trâu tas nro 579 luz nza, chor nza muôz tâu mẫu zos 346 hâur 579 luz, chor nza muôz tsik tâu mẫu zos 233 luz. Têx co tưz tsik zos cấp ủy, chinhr quyền thiêz Ban Chox kriê tỉnh Sơn La li têx sir jos hâur kriz uô côngz xưv “Ndo txiêx pâux njis”, mak tsênhv zos ciês chor canr bôv, chiến sĩ uô kror hâux lưv no li têx sir jos. Trung tá Lò Văn Hưng, Trợ lý Ban tsênhv chêi, Phòng Chinhr triv, Bôv Chỉ huy quân sự tỉnh Sơn La puz pâuz:

“Thâuv uô hâux lưv shir phaz zos cxuô thax tsav qơư cux thôngx ziv thiêz sir jos đros paz, bax nênhs, chuôz zênhx paz trâu pêz uô têx hâux lưv. Pêz tsưr ziv zos uô cov huv zos muôz chor mẫu, tsik chiê uô zuôv nhoz chor nza”.

Sơn La tưz uô tiêr nzir jênhv vưv muôz mẫu njuôk xav ADN trâu 579 luz nza liệt sĩ. No tưz tsik zos jênhv vưv chinhr triv, mak tsênhv zos kror hâux lưv tsuv uô, zos ndo njôngr xos chor nênhs tưz tâu tas siv nênhx trâu têz qơưk./.

Thanh Thủy-Lik Thox cxêik nhênhv

         Tsôngv box…! Ntux cux tsênhv txơưr txar phiv liv, ntơưv têx tỉnh tox siêz zôngx ziv muôx đêx nas cuôr yôngz, tox xưz poz, tsôngv px sđ tsuv bax cxuô faz tsưr ziv phax txar, chiê txo grêk tsơưs têx tsi jông, riêz nênhs. Lar heik, tsuv pâuz tsênhz txos iz cxiê tsưr ziv phax txar đêx nas hloz, tox xưz poz li đrav kaz:

Ntux nas lox, uô têx cưx đês cưx ha nhoz tox siêz đêx huôv hloz zôngx ziv muôx tox poz, ar lơưk, shôngz ntông vâu lor. Thâuv đêx huôv hloz, grik sei zuôr khênhr muôx tox xưz poz.

-Têx tsôngv pêx xênhv sơưr đơưk zuôr tsuv pâuz zos: Lok nas lox ntâu hnuz, lar heik zos đrav kaz đês, đêx zuôr đro, đax, tsi nyiêz, cuôr yôngz têx shôngz ntông, tos tơưk, khâuz nhaz đros trâu poz jêz, ar uz no.

-Thâuv muôx têx heik li ntơư, sđ tsuv chênhr phax lok đêx nas cuôr yôngz, tiv zix zos thâuv muôx nas lox lok ntêr. Tsi so sox seiz njôngr têx mông heik pâuz lok nas chuô, đêx cuôr yôngz sâuv tivi, loa nta suôz, đeix, hâur ntơưr pov tsir.... Heik trâu hâu nov ntơưv qơư thiêz tsôngv cưr tix nênhx tsa nhoz jê iz ndis pâuz chiê đros phax txar jav têx tsi jông. Tsi nhoz jê thax tsav riêz nênhs, zôngx ziv trâus đêx cuôr yôngz, thâuv đêx huôv hloz tsi hla, tsi muk đhâu têx đêx lox, cưx đês cưx ha , tsas đêx. Bax yêik txar qơư nhoz trơưk hâu nov ntơưv qơư fuô kriê chiê truôx tuk trâu sđ, lar heik zos lênhx nênhs.

-Thâuv zuôr muôx tox xưz poz zos: Lok nas ntêr hnuz, lok nas lox: Uô têx foz nja tsêr, tox trôngz hâur pêk tu, shôngz ntông kêix, đêx đro tsi nyiêz, ar tơưs xưz, đror têx têk tsi thôngx li cxiê hnuz.

-Thâuv co sđ tsuv sox seiz njôngr têx mông heik pâuz lok đêx nas cuôr yôngz, tox xưz poz. Heik trâu hâu nov ntơưv qơư thiêz chor nênhs nhoz jê iz ndis pâuz thâuv muôx têx li heik sâuv. Bax yêik txar muk nhoz têx qơư truôx tuk lơưr hâu nov ntơuv qơư kriê chiê truôx tuk trâu cxuô lênhx sđ. Thiêz thâuv ntơư sđ tsuv zênhx max zok nriêr qơư gâuv, tsi nhoz jê, muk lol hâur thax tsav riêz nênhs muôx tox xưz poz.

Sơưr đơưk nhiv kruôr mnôngs tas têx mông, tsưr ziv kriê lok phax txar jav đêx nas cuôr yôngz, tox xưz poz hâur cheix ntux nas chuô. Cxuô lênhx cxuô tus tsôngv niêv txir cưr tix nênhx tsa sơưr đơưk tsuv ndo njôngr uô trơưk chiê tsưx phưv truôx tuk trâu zuk thiêz chuôz zis tsi trâus uô ruôr hiêv.

Tsôngv cưr tix nênhx tsa sơưr đơưk ndo njôngr krêz vov4.vov.vn, lok sik trang fanpage “nghe tiếng Mông cùng VOV Tây Bắc” chiê pâuz tâu sei têx mông, xor xưv uz no hâur luz nênhx niêx hnuz muôx liv thiêz truôx tuk trâu sơưr đơưk./.

Bích Thủy-Riê Lâux cxeik, nhênhv