Truôx tul cêr sik côngv jông txix têx tsêr cơưv nhoz ntus đriv

          Têx hnuz no, sâuv qơư cxiv uô Tsêr cơưv Phổ thôngz mênhx cxưx nội trú têx cấp, xã Hua Bum, tỉnh Lai Châu tsênhv ciêr chênhr tâu cxiv uô chiê cxiv uô tiêr uô ntêx shông cơưv 2026-2027. Mênhv chêx cxiv tsa đar zuôr xar 6 hecta, zuôr xar 30 lớp cơưv đros ntâu côngz tsinhx yiêz jông, thâuv cxiv uô tiêr thiêz chox lok sir zôngv zuôr muôx tâu iz tsêr cơưv ntơưr jông đuô trâu yênhx cxênhz lênhx shux xênhz têx mênhx cxưx nhoz tiv phaz. Cưk kriê Quách Văn Lừng, Phưv hiệu trưởng tsêr cơưv phổ thôngz mênhx cxưx niêv txir zus mor cxênhx 1 thiêz cxênhx 2 Hua Bum, tỉnh Lai Châu shir phaz pheiz kênh:

          “ Cưk kriê thiêz shux xênhz lok six jông siêz tos njôngr tâu txar lok tsêr cơưv yiêz. Thâuv lok tsêr cơưv yiêz, đros têx chuôz zênhx yiêz thiêz cxix cxuô đuô, cưk kriê thiêz shux xênhz zuôr sir jos kriê thiêz cơưv ntơưr cov jông đuô, tsiv nhos đros têx lênhs tov Đảng, têz qơưk li siêz xar thiêz tsov cưv txos”

          Tsi taz zos cưk kriê thiêz shux xênhz li siêz xar njôngr, tsêr cơưv yiêz tsênhv zos cấp uỷ, chính quyênx thiêz tsôngv px tiv phaz li siêz xar njôngr. Zơưv Nguyễn Đức Hiền, Chủ tịch UB xã Hua Bum, tỉnh Lai Châu heik:

          “ Tsêr cơưv no huôx tôngv mak têx mê nhuôk shux ênhz zuôr tror tâu sơưv, tâu muôz siêz yênhx tưv. Tiv zix zos thâuv tsêr cơưv no huôx tôngv zuôr paz jông trâu zaoz zux, paz shux xênhz muôx chế độ nox hâuk jông đuô. No zos tsôngv px cux xưk li cấp uỷ, chính quyênx tiv phaz li siêz xar njôngr”.

          Chiê cxơưz tiês hâux lưv krêz uô têx dự án tsêr cơưv nhoz thax tsav ntus đriv, hnuz 17/6 nhiv kruôr đhâu, Công an tỉnh Lai Châu tưz phuôx tôngv chiến dịch “100 hnuz hmo” paz uô têx côngz tsinhx zaoz zux sâuv thax tsav. Yênhx puôk lênhx cán bộ, chiến sĩ tưz muk công trường, đros têx tsưr thâux car chêx thax tsav qơư, thâux gra chuôz zênhx, kho đuô tsêr cơưv cov jông. Thượng tá Lý Văn Hà, Phưv tsar phongx cảnh sát cơ động, Công an tỉnh Lai Châu pheiz kênh:

          “ Cán bộ, chiến sĩ zuôr sir jos uô trơưk tsưr ziv zos sik côngv đros tsêr cơưv, đros tsưr thâux uô cov sei. Cov tsêr cơưv hur jông chiê choz trâu shux xênhz lok nhoz thiêz tso siêz cơưv ntơưr”.

          Đros têx taz viv cxiv uô, têx hnuz no cux tsênhv chuv tôngv chuôz tsar huiz tôngv cxuô zav meir, chuôz zênhx, lênhx nênhs chiê krêz uô; ntâu công trường tsênhv tsưr tsix uô yênhx hnuz hmo. Zơưv Nguyễn Văn Đoán, Phưv Ban seiz car têx dự án tsêr cơưv nội trú têx cấp, hlôngr njêx muôk tập đoàn Amaccao ntơưv tỉnh Lai Châu puz pâuz:

          “ Nhiv no tas nro têx dự án tsưr thâux tsênhv đhok meir nquôr bê tông ntơưv công trường, iz dự án tsưr thâux cux đhok 2 meir chiê taz por uô cov sei đuô”.

          Pos Hoàng Thu Phương, Phưv GĐ Sở zaoz zux thiêz thox cxov tỉnh Lai Châu puz pâuz cxaz:

          “ No zos tsov cưv lox tsês trâu nganhx zaoz ux thiêz tiv zix zos đros têx mê nhuôk shux xênhz nhoz têx xã ntus đriv, thax tsav tsôngv px mênhx cxưx tsơưs nênhs, thax tsav txov nhêv. Cơ sở cxuô zav zuôr tâu yưv pênhr cxix cxuô đuô, yiêz jông đuô. No zos têx phưx vưv trâu hâux lưv muôz siêz chêx cuk tsơưr lươngv zaoz zux thiêz têx mê nhuôk shux xênhz nhoz têx xã ntus đriv, chiê têx mê nhuôk tâu huôv tsar jông đuô”.

          “ Luôk hâux lưv 100 hnuz hmo sir jos uô” thâuv chor tsêr cơưv phổ thôngz nội trú têx cấp tâu cxiv uô tiêr nhoz têx xã ntus đriv tỉnh Lai Châu, zuôr gôngr phênhv muôz siêz yênhx tưv trâu chor mê nhuôk shux xênhz zos nênhs mênhx cxưx tsơưs nênhs nhoz tox siêz ntus đriv./.

(Khắc Kiên-Txâur Vax cxeik nhênhv)