Luôs hâux lưv muôz cêr shir phaz trâu têx nhuôs zâu tox siêz Sơn La

Txơưv lok nas tsi tu hlo, taz sik txix tas cik sơưr nzor, lok six chôngz lênhx nhuôs zâu trâus sêv khiz luz chêr nhoz cxuô thax tsav qơư hâur tỉnh tưz tuôx ntơưv Tsêr kho Đa khoa tỉnh Sơn La chiê tok txos tâu seiz njuôk shuôs đas jos thiêz fêis moz. Iz chuôz zis nhiêk muôx nhiêk iz cêr txov nhêv txơưr tsi siz thôngx, iz lênhx nhuôs nhiêk ho muôx nhiêk iz zav moz txơưr, taz sik puôr lênhx xar njôngr thiêz chiê siêz zuôr nzor tâu kho jông moz, muôx đas jos truôx tuk đros luôs lưv muk lol uô si, cơưv txux chi...

Chox lênhx nhuôv nxeik xênhz nzưr 10 shông trâus sêv khiz luz chêr tuôx seiz njuôk shuôs moz, zơưv Lừ Văn Dẫn, nhoz xã Chiềng Mung, tỉnh Sơn La heik:

“Cur tuz nhuôv xênhz nzưr no tưz muk tsi tâuk cêr iz txưv thâuv zâu lok, uô hâux lưv uz no cux phiv liv thiêz tsi yuô mênhx pêv; lênhx nhuôs no muk cơưv tsi tâu ntơưr, cux tu tsi tâu zuk tus khênhx li. Nưk niêv thiêz txir mak muk uô jos tas, viv li đros ưz 2 tus lâul nhoz xưz, pêz cux tsi pâuz uô đaz tsi, tsuôk khov trâu têx liêx têz, lok six txov nhêv cơưk. Vav thiêz xar njôngr, no zuôr zos iz kro jông  chiê lênhx nhuôv nxeik xênhz nzưr tâu seiz njuôk shuôs, kho moz huv đros, muôx đas jos truôx tuk đuô”.

Zơưv Lù Văn Dẫn lênhx nhuôv nxeik xênhz nzưr zos iz hâur zuôr xar 100 lênhx nhuôs zâu trâus sêv khiz luz chêr muôx luz nênhx txov nhêv tâu seiz njuôk shuôs đas jos jông thiêz fêis kho moz gênhk tsi tas nhiêx txiêx hâur jiês “muôz cêr shir phaz trâu têx nhuôs zâu trâu sêv khiz luz chêr” jâuv no. Uô ntêx co, ngênhx Y tế Sơn La tưz qênhz shuôs, seiz njuôk đas jos uô ntêx ntơưv qơư; iz chas ntơư bax têx zuôr trâus txos lok lênhx nênhs, chuôz zênhx phưx vưv uô hâux lưv chiê tsưr tsix fêis kho moz, tsoz phưz đas jos đhâu fêis kho, taz por truôx tuk trâu lênhx nênhs moz.

Thạc sĩ, bác sĩ mai Lan Hương, Phưv Giám đốc Tsêr kho moz đa khoa tỉnh Sơn La heik pâuz:

“Tsêr kho moz tưz bax uô têx hâux lưv li heik sâuv txix ntâu luz hlik lok no, txix kriê cxaz nzir têx txux chi tsưr ziv uô hâux lưv trâu canr bôv qơư y tế xã, phường seiz njuôk shuôs moz gênhk, têx tsêr kho moz đa khoa thax tsav hâur tas nro tỉnh. Txix ntơư, pêz tưz bax têx chuôz zênhx phưx vưv uô hâux lưv, lênhx nênhs, bác sĩ, cưk yuôx, hux jos đros chor nênhs nhênhz chơưv nhoz têx tsêr kho moz T.Ư tuôx, taz por muôx txâuk chuôz zênhx phưx vưv uô hâux lưv seiz njuôk shuôs, fêis kho moz, qơư trâu nênhs moz tuôx nhoz pư chơưv kho moz gênhk...”.

Buôk ti đros seiz njuôk shuôs thiêz fêis kho moz trâu têx nhuôs zâu jiês no, muôx chor canr bôv, bác sĩ, nênhs nhênhz chơưv nhoz ntâu luz tsêr kho moz lox T.Ư tuôx. Thạc sĩ, bác sĩ Lê Hữu Điền-iz hâur têx lênhx bác sĩ uô hâux lưv fêis kho moz tsêr cơưv Đại học Y Hà Nội, heik:

“Pêz tưz uô lok six ntâu tsaz yênhx fêis kho moz jông siêz trâu têx nhuôs zâu nhoz ntâu tỉnh, TP. Hnuz no tuôx Sơn La, cux pov ntâu lênhx mê nhuôv trâus moz cơưk, nhiêk muôx nhiêk iz kro moz txơưr tsi siz thôngx, txix têx njêx muôs, kror ndâux txos trâu trâus cuz hnhiêz.... Pêz tsưr ziv xar njôngr zos uô li chas chiê paz max tâu têx mê nhuôv zâu muôx luz đros chêr, njêx muôs, têk tơư jông xưk luôs lưv tus. Ntơư tsi tiêk zos hâux lưv, tsênhv zos cêr shir phaz thiêz jông siêz thâuv tâu paz côngz đas jos seiz njuôk shuôs, kho moz gênhk trâu têx nhuôs zâu chiê chor nhuôs muôx luz nênhx jông đuô”.

Nhạc nền trẻ em đến trường vùng cao....

Trơưk li hâu nov Sở Y tế tỉnh Sơn La, ntơưv têx thax tsav tox siêz đêz đrôngs, thax tsav tsôngv box heir nênhs tsơưs hâur thax tsav qơư, tsênhv yuôr lok six ntâu lênhx nhuôs zâu muôx luz nênhx txov nhêv, trâus moz têx moz thâuv tsênhv nhoz hâur đruôz thiêz, trâus moz têk tơư, kror muôs, poz njês....tsuv tâu fêis kho, taz sik tsi muôx nhiêx txiêx chox têx nhuôs muk seiz njuôk shuôs, fêis kho moz gênhk.

Chênhr viv li, hâur ntâu shông đhâu, ngênhx y tế tỉnh Sơn La tưz hux jos đros cxuô tsưr tsix T.Ư fuô uô luôs hâux lưv seiz njuôk shuôs đas jos thiêz fêis kho moz tsi zuôr nhiêx txiêx trâu chor nhuôs zâu trâus sêv khiz luz chêr, paz têx mê nhuôv heik ntơư tâu seiz njuôk shuôs, kho moz gênhk, muôx luz nênhx truôx tuk xưk luôs lưv tus./.

Lê Hạnh-Riê Lâux cxeik, nhênhv

Bộ chinhr trị li Nghị quyết số 66-NQ/TW li têx njiêz luv tsênhv lok hlôngr yiêz côngz xưv cxiv tsa thiêz uô pháp luật

          Nghị quyết 66-NQ/TW  tâu tso tơưv thâuv VN tsênhv sik côngv đros ntiêx têz cov đêz đar thiêz txix têx zoz qơưx zuôr trâus tsuv huôv tsar têz qơưk seiz thiêz truôx vênhs. Nghị quyết tâu tso tơưv chiê khưx phưx têx tsi tâu uô tâu, tsi tâu huv đros hâur côngz xưv cxiv tsa thiêz uô pháp luật ntu đhâu, thôngx cxix muôx pháp lý truôx tul chiê huiz tôngv cxuô pênhr jos, cxơưz tiês hlôngr yiêz xar tơưv thiêz taz por qênhx lênhx nênhs, qênhx tsôngv px hâur têz qơưk pháp quyền XHCN Việt Nam.

          Têx njiêz luv tsênhr muôx hâur Nghị quyết:

          Ntâuk grê tas nro qênhx shênhx: Nghị quyết heik tơưv tsênhz mênhx têx yênhx tix coaz tsôngv tưz tax tâu hâur côngz xưv cxiv tsa thiêz uô pháp luật, gôngr phênhv lok têz qơưk li huôv tsar cxuô. Taz sik, Nghị quyết cux heik tơưv têx hâux lưv tsi tâu uô tâu, tsi tâu huv đros li tsưr ziv cxiv tsa pháp luật tsênhv tsov cưv lok seiz car, tsơưr lươngv PL tsi tâu tuôv zênhv tâu zoz qơưx tsênhv tsênhz, siz yôngx, ntâuz ntơưr hành chính ntâu thiêz cơ chế chính sách tsi tâu huv đros.

          Xav tênhv qênhx shênhx yiêz: Nghị quyết jênhv tênhv tsênhz ntiêx têz li têx hlôngr yiêz, KHCN li huôv tsar, hlôngr yiêz xar tơưv, hlôngr yiêz số thiêz ntu sik côngv ntiêx têz đêz đar, tso tơưv zoz qơưx tsuv muôx hâur côngz xưv pháp luật chiê paz cxơưz huôv tsar.

          Tsưr ziv chox kriê: Nghị quyết heik mênhx Đảng li pus txux lênhs tov tas nro hâur côngz xưv cxiv tsa thiêz uô pháp luật. Thôngx cxix, chuôz tsar seiz car qênhx liv hâur vênhv thix no, phax tar thaz huôz, têx hâux lưv tsi jông muôx yưv.

          Qơư tsov txos tsênhv tsênhz, lêx ntêr: Nghị quyết tso tơưv qơư tsov txos tsênhz mênhx txos shông 2030 zos uô tiêr cxix luôk pháp luật jênh chuv, côngz fênhx, thôngx ziv, tsênhz mênhx thiêz muôz siêz txux zôngv, chêx cuk uô trơưk pháp luật, gôngr phênhv chox VN yênhx têz qơưk huôv tsar muôx phênhv sâu siêz. Ndar txos shông 2045 zos cxiv tsa cxix luôk pháp luật tax tsơưr lươngv siêz, hlôngr yiêz, huv đros ntiêx têz thiêz huv đros tsênhv tsênhz Việt Nam.

          Jênhv vưv thiêz tsưr ziv uô jông: Nghị quyết tso tơưv ntâu jênhv vưv thiêz tsưr ziv uô jông, muôx:

          Taz por Đảng li lênhs tov jông

          Hlôngr yiêz siêz xar, tsưr ziv cxiv tsa pháp luật lơưr saz huôv tsar...

          Uô muôx têx hlôngr yiêz jông hâur côngz xưv uô trơưk pháp luật,t az por uô jông, côngz fênhx thiêz muôx chêx cuk.

          Muôz siêz chêx cuk sik hux jos ntiêx têz lok pháp luật.

          Chuôz tsar zôngv Công nghệ số, trí tuệ nhân tạo hâur côngz xưv pháp luật.

          Uô cơ chế nhiêx txiêx tsov cưv trâu côngz xưv cxiv tsa thiêz uô trơưk pháp luật.

          Tsôngv...yuô! Nghị quyết 66-NQ/TW uô Đảng li siêz xar chính trị siêz chiê paz muôx iz pháp lý yiêz jông, muôx chêx cuk, phưx vưv jông trâu hâux lưv cxiv tsa thiêz por vêv têz qơưk hâur ntu yiêz. Hâux lưv seiz car thiêz krêz uô yênhx côngz Nghị quyết no zuôr zos kror paz chiê VN huôv tsar truôx tul, muôz siêz qơư sơưr sâuv ntiêx têz thiêz chox lok luz nênhx jông đuô rtâu tsôngv px sđ./.

(Bích Thủy- Txâur Vax cxeik nhênhv)