Tsuv muôx chei, cui tinhv kruôs thiêz bluô ntov jông lênhx nênhs sơưr thơưx hâur sơưr tơưv txênhz phax tar nox nhiêx têz qơưk.

Đảng Đại hôiv 12 khav tinhv “Cxiv tsa thiêz uô jông lơưr têx cui tinhv chiê phuôx huiz canr bôv, đảng viên, lar heik zos têx lênhx canr bôv hâu nov lox cxuô cấp, lênhx nênhs sơưr thơưx têx cơ quan, taz viv li pưs txux uô ntêx nyuôs hâur cơưv shâuv cêr uô nênhx jông, tsiv txiêx, tsưr ziv lês uô cxuô luôs hâux lưv”. Txix têx tsênhz tiês hâu nov ntơưv qơư, Bí thư Tỉnh ủy Hà Tĩnh Lê Đình Sơn heik: Hâux lưv phax tar nox nhiêx têz qơưk hâur six hơưv đhâu tsênhv uô tsi yuô tâu jông, muôx ntâu qir tiv, taz sik zov chênhr đuô zos tsi tâu muôx chei, cui tinhv mênhx lok txơưx jênhv trâu lênhx nênhs sơưr thơưx taz viv, tsưr tsix. Zơưv Lê Đình Sơn heik: Thâuv lênhx nênhs sơưr thơưx tsi xar uô tsênhz mênhx, jênh tsuv; thâuv lênhx hloz co xar trâu zuk iz lênhs tiz nênhs, xar zôngv, xar thor txos têx nênhs cxênhz jê, siz sưv, siz pâuz mak lơưr zuôr muôx tsưr ziv li uz li no chiê tso cov tâu lênhx nênhs cxênhz jê co lok lês uô têx hâux lưv zov chênhr trơưk li siêz xar. Chênhr viv li thiêx muôx kror nuv tso ntơưr bo mak 100% hur si, taz sik tsênhz tiês ho tsi tâu 100%, uô trâu uô hâux lưv co trơưk cui tinhv taz sik ho xeir tsi tâu lênhx nênhs trơưk siêz xar:

“Tsuv uô jông lơưr têx Nghị quyết T.Ư 4 khóa 11, T.Ư 4 khóa 12; uô lơưr Chỉ thị 05 lok cơưv shâuv thiêz uô trơưk Lâul Hôx cêr nênhx jông, iz lênhx tsuv zos nênhs tsiv txiêx, tsuv zos nênhs siêz jông”.

Canr bôv, đảng viên tsưr ziv, siêz, xar, hâur ntơư lar heik zos lênhx nênhs sơưr thơưx muôx pưs txux zov chênhr, quyết tinhv cxuô tsưr ziv, cêr nuv uô tâu thiêz tsi tâu cux li cxiv tsa, chuôz tsar tsôngv box cêr chiê siêz, njênhs njôngr trâu đảng, muôz đas jos thiêz cêr truôx tuk, huôv tsar đảng. Hâur sơưr tơưv txênhz, phax tar têx tsi jông lênhx nênhs sơưr thơưx tsuv zos lênhx uô ntêx nyuôs, tưz lênhk nhav thiêz taz txơưx jênhv thâuv tsưr tsix, cơ quan, taz viv zos zuk car seiz muôx yưv têx tsi jông. Uô jông trơưk têx tsưr ziv, cêr uô nênhx jông chiê zuk yênhx iz lênhx tiz nênhs tsiv txiêx; sir jos sơưr tơưv txênhz phax tir thêir têx tsi jông; tsi chiê chor nênhs cxênhz jê lok sik canr bôv liv zôngv hâux lưv, vax huôv uô têx nuv tsi trơưk chei.

Iz hâur têx tsưr ziv tâu Nghị quyết T.Ư 7, khóa 12 nhiv kruôr tso tơưv zos uô lơưr hâux lưv, Bí thư Tỉnh ủy tsuv tsi zos lênhx nênhs ntơưv qơư. Hâur jiês heik suôx câuv phêv ziv T.Ư 7, Tổng Bí thư Nguyễn Phú Trọng cux heik, tsuv fuô uô ciês tsênhv njiêz no. Phưv Giáo sư, Tiến sỹ Vũ Văn Phúc, kuz Tổng Biên tập ntơưr pov tsir Cộng sản heik: Tsưr ziv no lok six zov chênhr. Zos Bí thư tsi zos nênhs ntơưv qơư zuôr tsi trâus uô li chak viv têx cêr nênhx cêr tsar cxênhz jê, siz pâuz siz sưv. Thâuv ntơư, bí thư tsi viv têx cêr nênhx cêr tsar cxênhz jê li heik sâuv uô tuôr thênhv txos. Lơưr iz siêz uô hâux lưv, sir jos trâu cêr huôv tsar ntơưv qơư, têx hâux lưv lês uô, chox car ntơưv qơư zuôr uô tâu trơưk tsưr ziv, côngz fênhx đuô. Taz sik, iz chas ntơư đros thiêz tsưr ziv no tsuv muôx ntâu faz tsưr ziv uô uô cê đuô chiê txar jav têx xưk li zơưv Trịnh Xuân Thanh thâuv hlôngr lok uô hâux lưv nhoz Hậu Giang, taz sik cux njiz trâus têx tsi jông li heik sâuv, uô cxâuv chei têz qơưk:

“Tsưr ziv jông thiêz zov chênhr đuô, zos têx canr bôv đảng viên, hâu nov tsuv chiv chir cơưv shâuv, sir jos chiê hla đhâu têx phiv liv, tsi jông hâur XH. Zos lênhx hâu nov hla tsi đhâu têx li heik co, tsi sir jos tiês mak zuôr tsi tsiv nhos zos lênhx hâu nov uô tâu hâux lưv, siêz jông, txơưv tiêk cox zos nênhs ntơưv thax tsav qơư co”.

Nox nhiêx têz qơưk, uô têx nuv tsi trơưk chei tsênhv jux juk uô trâu tsôngv box sđ tas cêr chiê siêz, njênhs lok Đảng, têz qơưk. Iz cxiê lênhx canr bôv, đảng viên muôx tsưr ziv siêz xar tsi ndax tưz yênhx lênhx nênhs tsi jông, nox nhiêx têz qơưk, uô tuôr xuôv têx nhiêx txiêx. Chênhr viv li, tsuôk thâuv tưz cxiv tsa tâu têx lênhx canr bôv, nênhs sơưr thơưx uô tâu hâux lưv, siêz jông, moz siêz trâu cxuô luôs hâux lưv, sir jos lês uô tiêr têx hâux lưv zok muôz; iz chas co muôx chei, cui tinhv kruôs txos thiêz xưv bluô ntov jông têx lênhx sơưr thơưx uô tsi tâu hâux lưv, siêz tsi jông.....mak Đảng thiêz pêz têz qơưk thiêx tâu tsôngv px sđ njênhs njôngr, cxơưz paz đas jos trâu phax tar nox nhiêx têz qơưk,  tir thêir têx tsi jông./.

(Lại Hoa-Riê Lâux cxeik, nhênhv)