Mường Tè zos huyện Vân Hồ, tỉnh Sơn La xã tox siêz, xã muôx 9 jok, zuôr xar 980 chuôz zis, hâur co 87% ntâu zos tsôngv box heir nênhs Poz Ziz. Zơưv Lường Văn Quang, Phưv Chủ tịch Ủy ban xã, heik pâuz: Txos tas shông 2018, xã cux tsênhv yuôr 50% ntâu chuôz zis pluôs. Chiê paz tsôngv box huôv tsar uô nox, xã tưz sir jos yax kriê, heik tsôngv box sđ uô lơưr têx tsưr ziv yiêz, muôz têx zuz nôngz kôngz jông lok tsêz chos. Iz chas ntơư, chox kriê têx tsưr tsix đoanx thêv sơưr bê đros tsêr nhiêx tsênhv chei XH, muôz six hơưv trâu têx chuôz zis pluôs, zuôr xar pluôs kêr txeik pênhr chiê huôv tsar uô nox. Nhiv no, xã tưz cxiv tsa thiêz jux juk nthuôr uô đar têx tsưr ziv uô nox tâu trơưk têl, siêz xar li: Tsưr ziv xor thêir qơư tu zus njêl nhoz jok Hinh, Pơ Tào; tsưr ziv chos ntông nox txir nhoz jok Hà, Hua Pù, Mường Tè;....../.

                         (KT-Riê Lâux cxeik, nhênhv)

Njuôk xav hnuz thiêz hmo 9/10, cxuô thax tsav hâur tỉnh Yên Bái tror muôx ntux nas, muôx qơư lok nas lox thiêz muôx chuôz. Phax tar tsav muôx yưv chuô lox, xoz tuô, ar poz ntơưv iz cxiê tiv phaz hâur tỉnh. Lok côngz xưv tir tar ntux nas chuô ntơưv huyện tox siêz Mù Cang Chải, zơưv Lê Trọng Khang, Phưv chủ tịch UBND huyện Mù Cang Chải, tỉnh Yên Bái puz pâuz:

“Huyện Mù Cang Chải tưz chox kriê cxuô nganhx, cxuô cấp cux xưk li têx xar kriz uô jông côngz xưv phax tar ntux nas chuô ruôr hiêv. Hâur co muôx xav jênhv, cxaz nzir têx qơư phiv liv sâuv thax tsav huyện, txix co kriz uô jông tsưr ziv 4 ntơưv qơư, tiv zix zos hâur huiz tôngv lưx lươngv, xav jênhv chor tổ, đôiv uô ntêx hlo. Huyện cux chox kriê chuôz cxaz qênhz yuôx nriêr pov têx chuôz zis nhoz hâur têx qơư phiv liv chiê txar qơư nhoz”./.

(Thừa Xuân-Lik Thox cxêik nhênhv)

Trơưk li zơưv Tòng Văn Sâm, tsar jok Bó, xã Chiềng Khương, huyện Sông Mã, tỉnh Sơn La heik pâuz, ntơưv qơư tưz pâuz tâu mông txuz yêz đrâu lênhx nênhs sâuv txox cêr muk chênhr Hà Nội-Bắc Giang nhiv kruôr đhâu thiêz xã muôx 2 lênhx công nhân trâul tuôs, trâus saz, hâur co Tòng Thị Trang, xênhz zus shông 2001 nhoz jok Bó tưz trâul tuôs. Trang chuôz zis lok six txov nhêv, muôx 5 lênhx nênhs, luz nênhx phênhv ntâu khov lok 2 cxênhz ntâu xưv phaz têz chos poz cưk, kok ntông. Tiv chuôz zis txov nhêv, ho zos lênhx nhuôv hloz viv li Trang muk uô jos chiê paz niêv thiêz txir. Muk uô hâux lưv txos nhiv no zos hli tiv 4 mak txơưv trâus yêz đrâu li no:

“Lênhx nhuôv no hâur đoanx hluôk nênhs mak cux gruôs, sir jos đros cxaz chuôz uô têx hâux lưv uz no thiêz cux mnôngs luk. Lok sâuv têx hâux lưv hâur jêx jok cux uô lơưr jông têx chei, cui tinhv, tsi uô cxâuv đaz tsi. Nhoz hâur jok, têx chuôz zis zuôr muk shuôk, muk đros chuôz zis uô đaz uô kruô trâu tuk nhuôv co”./.

(Trấn Long-Riê Lâux cxeik, nhênhv)