Phongx Cảnh sát qênhz yuôx nênhs zuôr muôs, uô luôv zax zênhz tsi trơưk chei, Công an tỉnh Yên Bái nhiv kruôr ntêk tâu 2 lênhx nênhs zuôr muôs tsi trơưk chei zax zênhz, sâu tsês tâu 3 poz zênhz đơưz, 1.500 njiêr yuôx shơư zênhz đros ntâu zav chuôz zênhx txơưr đuô cik txos.

Trơưk li Cơ quan Công an heik, thauav 8 six 30 phênhz tsâuk ntux, hnuz xiêz 8/10/2019, ntơưv jok Mạ Tun, xã Tú Lệ, huyện Văn Chấn, tổ côngz xưv Phongx Cảnh sát qênhz yuôx têx nênhs zuôr muôs zax zênhz tsi trơưk chei, Công an tỉnh Yên Bái ntêk tâu 2 lênhx nênhs zos Tuôv Xênhv Lảo (muôx iz luz bê hu txơưr zos Tộng Xênhv Lảo), xênhz zus shông 1980, thiêz Chư Xênhv Thox, xênhz zus sông 1984, puôr lênhx nhoz uô cê ntơưv xã Nậm Khắt, huyện Mù Cang Chải, tỉnh Yên Bái lok sâuv zuôr muôs zax zênhz tsi trơưk chei. Têx chuôz zênhx sâu tâu zos 3 poz zênhz đơưz, 1.500 njiêr yuôx shơư zênhz, iz tsov 250 cxênhz đeiv, 2 luz xor tôngx mê gra ntơưv têk thiêz iz luz yêz meir.

Qênhz yuôx shuôs Tuôv Xênhv Lảo qơư nhoz hâur đros hnuz co, lưv lươngv muôx vax huôv tưz sâu tâu nzir 2 poz zênhz đơưz, thiêz 19 tsov 200 cxênhz đeiv thiêz. Nhiv no, txuz plâuz co tsênhv tror tâu qênhz yuôx, uô tsênhz mênhx./.

                         (Tuấn Xuân-Riê Lâux cxeik, Lik Thox nhênhv)

Trơưk li zơưv Nguyễn Công Hoan, tsưr qơư tu zus yis ntơưv jok Khe Chom, thị trấn công nghiệp Tằng Loỏng, huyện bảo Thắng, tỉnh Lào Cai heik, txix kaz hli 6/2019 txos nhiv no, zơưv 2 niêv txir tưz tsi pov kaz uô li chas thâuv seiz pov ntâu tuk yis trâus moz, muôx têx yưv li: hnôngs, lok cuô njưs, cuz, tsi nox jâuz txơưv tuôs.

Hâur hur si têx yis muôx 104 tuk, phênhv ntâu zos chor niêv yis, txos nhiv no tưz tuôs zuôr xar tas, tsuôk yuôr muôx 20 tuk cux tsênhv moz, njôngk chuôs tsi. Txix thâuv têx yis qir muôx moz, zơưv Hoan tưz heik trâu ngênhx kho moz tsiêx cxu thị trấn, hâur huyện pâuz chiê tâu paz max taz sik cux paz tsi tâu. Lar heik, qơư tu zus yis no nhoz ciês hâur vuôs har thax tsav công nghiệp./.

(An Kiên-Riê Lâux cxeik, nhênhv)

Siz lơưr liês hâur six hơưv đhâu, iz luz tsêr muôs yuôx hâur thax tsav huyện Thuận Châu, tỉnh Sơn La tưz trâus têx nênhs fêv muôz têx vuôz tsuôz, kiêk nênhs por trâu, thiêz uô ruôr hiêv qơư muôs yuôx co. Tsi ntêr no zos thâuv hmo xiêz 3/10, qơư muôs yuôx heik sâuv tưz trâus 2 lênhx nênhs tsi pâuz tsênhz bê gra trox yêz tuôx nquôr, jêk tơưr hlơưr, uô riêz nênhs  txos têx chuôz zênhx, lênhx nênhs muôs yuôx thiêz tsôngv box nhoz jê iz ndis co.

Trơưk li Lã Thị Thu, lênhx nênhs seiz car qơư muôs yuôx no heik pâuz, co zos jiês tiv 3 hâur shông no, qơư muôs yuôx trâus têx nênhs fêv uô ruôr hiêv. Uô ntêx ntơư tưz muôx jiês trâul têx nênhs fêv muôz têx vuôz tsuôz, kiêk nênhs por trâu, uô tsi hur tsi jông txos qơư muôs yuôx. Chiê taz por zôngx ziv trâu hâux lưv muôs zuôr yuôx, iz chas ntơư chiê têx lênhx nênhs muôs yuôx tso siêz uô hâux lưv, công ty iz thành viên muôs têx yuôx-chuôz zênhx seiz njuôk shuôs, kho moz Sơn La tưz muôx ntơưr heik trâu têx cơ quan muôx vax huôv li: Công an huyện Thuận Châu, công an thị trấn Thuận Châu.

Hâux lưv nzor zok nriêr tâu têxlênhx nênhs fêv nquôr trox yêz, tso tơưk hlơưr, uô ruôr hiêv qơư muôs yuôx ntơưv huyện Thuận Châu, tỉnh Sơn la chiê muôz tik cêr cxâuv zos lok six zuôr trâul txos. Uô li ntơư thiêx zuôr truôx tuk trâu tsôngv box, têx chuôz zênhx, cux li têx tsưr tsix lênhx nênhs tso siêz uô hâux lưv, huôv tsar uô nox, uô lax luôv hâur thax tsav./.

(VOV-Riê Lâux cxeiv, Lik Thox nhênhv)