Đhâu 10 shông kriz uô phongz yaox cxiv tsa jêx jok yiêz, txos nhiv no, Lai Châu tưz muôx 36 xar uô tiêr cxiv tsa jêx jok yiêz, iz taz viv cấp huyện uô tiêr thiêz phênhv sâu lênhx nênhs muôx 37 triệu đêiv iz lênhx nênhs iz shông, chor chuôz zis pluôs tâu txo grêk txos yuôr muôx 22% ntâu. Hâur tas nro tỉnh tưz kho đuô 2 cxênhz ntâu cêik cêr zoz thôngz jêx jok thiêz kho đuô 959 côngz trinhx đêx liv. Pêx xênhv tưz sik côngv, chiv chir muôz muôx 108 ha ar, 412 cxênhz ntâu hnuz côngz lox tôngv. Zơưv Hà Văn Um, Phưv Giám đốc Sở Kôngz nuv, Phưv Ban chox kriê tsaz yênhx tsưr ziv têz qơưk cxiv tsa jêx jok yiêz tỉnh Lai Châu puz pâuz:

“Chiê tror kriz uô cxiv tsa jêx jok yiêz ntu 2, tỉnh Lai Châu zuôr sir jos uô jông têx luôx hâux lưv tỉnh tưz uô tâu, kriz đar uô nhoz iz cxiê xar zuôr uô tâu tiêr. Tsênhv yuôr mak tsêx trung cxuô pênhr jos chiê cxiv tsa jêx jok yiêz, tiv zix zos cêr cxuô zav paz trâu huôv tsar kinh têr, xar hôiv. Chuôz cxaz uô côngz xưv yax kriê chiê uô trâu pêx xênhv xav jênhv tsênhz mênhx đuô huôv tsar jêx jok yiêz mak pêx xênhv zos nênhs uô tsưr, chiê sir jos cxuôv yêiz thiv pluôs thiêz gra siêz phênhv sâu”./.

(Khắc Kiên-Lik Thox cxêik nhênhv)

Txos nhiv no, tas nro tỉnh SƠn La tưz muôx 2 cxênhz 550 ntâu doanh nghiệp gôngr 3 cxênhz tỷ đeiv ntâu, muôz hâux lưv uô trâu muôx nhos 80 cxênhz nênhs lox tôngv. Hiệp hội doanh nghiệp tỉnh Sơn La tưz sâu jênhv zuôr xar 700 hội viên. Chiê tror cxiv tsa thiêz phuôx huiz têx doanh nhân, doanh nghiệp tỉnh Sơn La li pưs txux hâur six hơưv zuôr txos, zơưv Hoàng Quốc Khánh, Chủ tịch UB tỉnh Sơn La heik:

“ Hiệp hội doanh nghiệp tỉnh tror hlôngr yiêz njiêz luv, tsưr ziv huôx tôngv; uô jông txơưx jênhv, jênhv vưv tsưr tsix hlôngr njêx muôs zos tul qox txuôk doanh nghiệp thiêz têx chiz coaz têz qơưk; chuôz tsar cêr niêv côngv siêz, sik paz max hâur têx doanh nghiệp; tror cxơưz cxiz, tôngv vênhx cxôngx hâux lưv yênhx lix têx câu lạc bộ uô nox uô hâuk ntơưv têx huyện, thành phố....”./.

(Tuyết Lan- Txâur Vax cxeik nhênhv)

Sở Ngoại vụ tỉnh Điện Biên nhiv kruôr sik côngv đros Công an huyện Mường Chà, tsênhv qơư bảo trợ xar hôiv 2 tỉnh: Điện Biên thiêz Khánh Hòa tsưr tsix txêik tok iz lênhx pox niêv Hmôngz trâus nziêk đas muk zuôr txir Trung Quốc. Lênhx pox niêv no zos Shôngx Xênhv Zax, zus shông 2004, nhoz ntơưv jok Phi 2 xar Sá Tổng, huyện Mường Chà, tỉnh Điện Biên. Hnuz 4/9/2019, lênhx pox niêv no txir tưz hêik trâu Công an huyện Mường Chà pâuz lok zuk tuk nxêik tsik pov txix hli 6/2018 thiêz nhiv no tsênhv trâus Công an Trung Quốc cơư tsês. Đhâu qênhz yuôx mak pâuz tâu tiêk trâus nziêk đas muk zuôr txir trâu iz chuôz zis nênhs Trung Quốc. Tiv tsik tâu muôx 18 shông viv li saz Trung Quốc tsik tâu txâuk qênhx chiê cxov tsês mak tsuôk nriêr qơư trâu nox nhoz thiêz hêk Tổng lãnh sự quán Việt Nam sêiz đrơưv uô ntâuz ntơưr chiê chox lênhx pox niêv no tror lok têz qơưk. Đhâu thâuv uô tiêr têx ntâuz ntơưr, Shôngx Xênhv Zax tưz tâu chox lok têz qơưk đhâu cêr yêz za ntơưv Cam Ranh tỉnh Khánh Hòa hnuz 29/9. Đhâu co tỉnh Khánh hòa cux tưz choz zok lênhx nênhs co trâu tỉnh Điện Biên./.

(Vũ Lợi-Lik Thox cxêik nhênhv)

Công an huyện Mộc Châu, tỉnh SƠn La nhiv kruôr ntês tâu 1 lênhx nênhs thâux gra tsi trơưk chei 6 đeiv zênhz đơưz. Co zos Trần Đình Tuấn, xênhz shông 1989, nhoz tiểu khu Chè Đen 2, thị trấn nông trường Mộc Châu, huyện Mộc Châu, tỉnh Sơn La.

Trần Đình Tuấn trâus ntês ntơưv niêv cêr 43, nhoz tiểu khu 66, thị trấn nông trường Mộc Châu, sâu tâu 6 đeiv zênhz đơưz, 1 luz yêz meir. Thâuv pov lưx lươngv uô côngz xưv, Tuấn tưz tsar đrâu ndax ciês tuêv côngz xưv chiê khiêr. Taz sik tuêv côngz xưv tưz bax uô ntêx tsưr ziv nghiệp vụ thiêz ntês tâu Tuấn. Nhiv no CÔng an huyện Mộc Châu tsênhv krêz đar qênhz yuôx, Muôv muôs, thâux gra zax zênhz zos iz hâux lưv uô cxâuv cêr chei, tsôngv box tsuv jav đêz./.

(Trấn Long-Txâur Vax cxeik nhênhv)