Sở Vênhx huôv, Thể thao thiêz Du lịch tỉnh Lào Cai sik côngv đros Sở Zoz zux thiêz Thox cxov tỉnh, kriz uô hâux lưv yêz ô tô thư viện, paz gra têx txuz chi txos trâu tox siêz, thox tsav nhoz đêz chiê huôv tsar vênhx huôv nhênhv sêiz ntơưr hâur côngv thôngx, tiv zix zos thax tsav mênhx cxưx tsơưs nênhs.

Yêz ô tô thư viên tsiv gri muôx iz tiv đêiv ntâu tâu bax muôx 4.500 ntâu fâu ntơưr, 6 luz mêir tính, iz luz mêir chủ đros phần mềm, mêir kriz pov chiê sêiz, ti vi, chuôz lov điện tử, mêir tso tênhv thiêz 100 luz trôngx jâuv phưx vưv nhênhv ntơưr thiêz sêiz ti vi. Đros têx mêir tính muôx internet thiêz têx chuôz zênhx txơưr đuô, pêx xênhv muôx ntâu đuô tsar tov buôs ti tâu công nghệ thôngz mông, nriêr pâuz cxuô zav phưx vưv trâu uô lox tôngv xênhz yar, paz gra siêz phênhv sâu, txơưx jênhv hâur uô truôx jông lơưr têz qơưk têx cêr chêi./.

(KT-Lik Thox cxêik nhênhv)

  Ntênhs hội Ciêv fix Văn Yên, tỉnh Yên Bái jiês tiv III shông 2019 tưz tsưr tsix uô ntâu zav txux chi jông ntơưv têx xã, thị trấn hâur thax tsav.

Hâur thax tsav muôx têx qơư muôs thiêz piêr kriê têx xiv huv  ciêv fix, trox ciêv fix, têx trôngx tos jông tâu muôz ntông ciêv fix uô tưz hu zâuv yênhx cxênhz lênhx tsôngv box thiêz tsôngv kruô tuôx ndis seiz, zuôr têx huv. Ndax six hơưv no, huyện Văn Yên cux piêr kriê têx đuôz jông lok suôv qơư thiêz lênhx nênhs Văn Yên; tsưr tsix têx jiês muk ndis seiz têz qơưk; sik tưr thik têx txux chi; uô nênhs Cho ntênhs hội txi têx liêx têz, heik cưr cxiêx, sik tưr têx lênhx nxeik jông gâux..... co zos six hơưv chiê huyện Văn Yên piêr kriê trâu tsôngv kruô sđ pâuz txos ntơưv qơư têx txux chi vênhx huôv jông. Pos Đặng Thị Thanh, iz lênhx kruô tuôx ndis seiz têx txux chi sâuv heik:

“Ntênhs hội ciêv fix Văn Yên tsưr tsix mak pov lok six jông thiêz lov jêv, têx qơư muôs huv muôx cxix cxuô têx heir nênhs tsơưs têx zav nox thâuv nzor. Têx chêr tsôngk tril yo nhoz chor qơư muôs huv hâur têx xã cux jông đuô”./.

                         (Tuấn Xuân-Riê Lâux cxeik, nhênhv)

Trêr kho moz nhuôs zâu Lào Cai nhiv kruôr txêik kho iz lênhx mê nhuôs muôx 3 shông tuôx chơưv kho thâuv trâus saz hnhar tsuv xuôk mêir paz chiê uô pa, tir tar tưx. Tuk nhuôs co trâus mur plêr xar muôx 30 jiês, phênhv ntâu zos sâuv tâuz hâu. Lênhx mê nhuôs co zos Mênhx cxưx Hmôngz, nhoz ntơưv xar Thải Giàng Phố, huyện Bắc Hà, tỉnh Lào Cai. Uô ntêx co, thâuv tuk mê nhuôs muk cơưv ntơưr lok txos tos cêr chêk trâus chor mur co za sâuv ntông tuôx plêr.

Tiv têx chuôz zênhx thiêz lênhx nênhs muôx tsik tâu txâuk chiê tax tâu zoz qơưx liv nyar-trâuv trâu mê nhuôs tsik tâu muôx 8 shông, chor bác sĩ ntơưv tsêr kho moz tưz hêik cov chuôz zis chox ciês mê nhuôs tuôx trâu tsêr kho moz Trung ương chiê chơưv kho, zos tsik li mak zuôr chơưv paz tsik tâu./.

(An Kiên-Lik Thox cxêik nhênhv)

Đhâu iz hlik tax nduô tsês, thâuv 8 six tas cik hnuz 15/10, Toax anr tỉnh Sơn La tror tu txuz plâuz tsar ndê điểm thik trâu iz cxiê lênhx shux xênhz tưr thik cơưv tiêr ntơưr lớp 12 thôngz têz qơưk 2018 ntơưv thax tsav no. 8 lênhx nênhs uô cxâuv tsuv tuôx trâu ntơưv Toax anr viv tưz muôz 44 lênhx shux xênhz têx jax thik trắc nghiệm chiê kho đuô điểm thik. Co zos txuz plâuz tâu ntâu tuk chôngz lênhx tsôngv box Sơn La thiêz hâur tas nro têz qơưk moz siêz txos, lar heik zos đhâu thâuv iz hlik uô ntêx ntơư tưz tsuv nduô tsês viv ntâu lênhx nênhs cik txos tsi muôx njêx muôs, tuôx tsi cxix. Chor cơ quan, taz viv....hâur tỉnh tưz muôz jông six hơưv chiê trâu têx lênhx nênhs uô cxâuv chei, cui tinhv tâu hu tuôx đros dưv jiês tu trôngx plâuz no./.

(Thanh Thủy-Riê Lâux cxeiv, nhênhv)