Nhiv no, yuôx zêx Lai Châu tưz thiêz tsênhv tâu ntâu tuk chôngz lênhx pâuz txos ntâu hâur têx ciêz đrôngs têz qơưk thiêz đrâuv luôs 2 chas têz qơưk, tsơưr lươngv jông, tâu têx công ty, doanh nghiệp, HTX muôs muk trâu ciêz đrôngs Nhật Bản, Hàn Quốc, Đài Loan (trung Quốc), Châu Âu, Trung Đông. Giám đốc Sở Kôngz nuv thiêz Huôv tsar tox siêz Lai Châu Hà Văn Um heik pâuz, tas nro tỉnh muôx 7 cxênhz ha ntâu têz yuôx zêx, hâur co muôx 3.500 ntâu ha yuôx zêx sâu đê muôs; 10 ntâu doanh nghiệp, HTX, qơư tsiv uô yuôx zêx tsênhv sir jos jiêz kra, uô têx yuôx zêx. Chiê khav tinhv têx yuôx zêx zos tsoz chos chênhr, doanh nghiệp thiêz tsôngv box tsuv sik côngv tês cxiv tsa, tuôr truôx thax tsav yuôx zêx hur jông trơưk cui tinhv, paz txo grêk tsơưs cêr pluôs, muôz hâux lưv uô, phênhv sâu tâu truôx trâu tsôngv box. Niêv lâuk Phê Thị Sổ, nhoz xã Nậm Loỏng, huyện Tam Đường, tỉnh Lai Châu heik:

“Thâuv ntêx, tsuôs yuôx mak tsi pâuz shor thâuv tưs thiêx jông tsuôs, taz sik txix thâuv công ty yuôx zêx Lai Châu, lơưr tuôx kriê, thâuv tưs muk ndis seiz têx yuôx zêx zos pov caz nox lok sik uô chas mak lơưr kriê pêz tsưr ziv tsuôs yuôx tuô, lov caz hmoz hur si”./.

                             (VOV4-Riê Lâux cxeik, nhênhv)

Zos iz tỉnh muôx 54% zos hêir nênhs tsơưs thiêz hâur ntu đhâu, Yên Bái tưz tso tơưv ntâu luôs hâux lưv uô, kriê cơưv txux chi… muôx liv trâu cxuô lênhx mê nhuôv zâu. Chênhr zos li hêik ntơư, chor mê nhuôv zâu tâu muk cơưv trâu cxuô luz tsêr cơưv kriê mê nhuôv zâu ziv hnuz ziv tsar ndê siêz tax tâu 100% thiêz hâur têx tsêr cơưv puôr lênhx muôx cxuô chuôz zênhx uô si tsês trâu mê nhuôv. Tsênhz đuô zos choz kriê cov cxuô lênhx mê nhuôv cơưv shâuv hêik luk choz tsiz …paz phênhv trâu ngênhx zoz zux Yên Bái uô tâu truôx luôs hâux lưv kriê cơưv cxaz nzir txux chi./.

                                     (Tsu vưx cxêik nhênh-Hạnh-DTMN)

Mông txix Sở Zoz zux tỉnh Lào Cai heik pâuz, txos iz jiês no, 100% têx tsêr cơưv cxênhx 2 hâur tas nro tỉnh tưz qir uô lơưr tso shux xênhz so hnuz thưr 7, hlôngr viv tsuv muk cơưv li thâuv ntêx.

TP Lào Cai thiêz 2 huyện tox siêz Sa Pa, Bắc Hà fuô uô xuz thơưx hlo, tso tas nro têx shux xênhz cxênhx 2 so tsi cơưv hnuz thưr 7, xav txix hnuz 30/9. Chor huyện tsênhv yuôr fuô uô txix hnuz xiêz 7/10. Luôs hâux lưv uô lơưr tso shux xênhz so tsi cơưv hnuz thưr 7 chiê uô trơưk tsưr ziv yiêz kriê txux chi, paz gra siêz tsơưr lươngv kriê thiêz cơưv ntơưr; uô tâu trơưk chuôz zis thiêz XH tsưr ziv, siêz xar hâur seiz car, kriê txux chi trâu shux xênhz; txo grêk tsơưs kriê nzir thiêz cơưv nzir tsi trơưk cui tinhv; cxaz nzir kriê têx tsưr ziv, cêr uô nênhx jông trâu shux xênhz./.

(An Kiên-Riê Lâux cxeik, nhênhv)

Toà án tỉnh Sơn La tưz kriz tu txuz plâuz, sir zôngv li zuk vax huôv sêiz car, uô cxâuv txos chêi tưr thi cơưv tas ntơưr lớp 12 thôngz têz qơưs shông 2018 đhâu. Ntơư zos kho đuô điểm tưr thi trâu 44 lênhx tuz nxêik shuv xênhz hâur thax tsav tỉnh Sơn La. Chor nênhs uô cxâuv ntơư zos Trần Xuân Yến, kuz phó Giám đốc sở zoz zux tỉnh Sơn La;  Lò Văn Huynh, Cầm Thị Bun Sọn Nguyễn Thị Hồng Nga kuz trưởng, phó phôngx thiêz chuyên viên  khảo khí-phôngx chính trị sở zoz zux tỉnh Sơn La; Đặng Văn Thuỷ, kuz phó hiệu trưởng tsêr cơưv Tô Hiệu; Đinh Hải Sơn-kuz công an tỉnh Sơn La puôr lênhx uô cxâuv chêi tưr thi ntơưr trơưk li ntu 2, grê 356 chêi têz qơưs, tsuv trâus tik cêr cxâuv nhoz 5-10 tsêr cơư nênhs. Hà Duy Thành, nhoz phươngx Chiềng An, đrôngl Sơn la hêik pâuz:

 “Trơưk li cur xar zos tưr thi muôz nhiêx zuôr điểm cux zuôr uô tsik jông txos trâu lênhx shuv xênhz tưr thi ntơưr co thiêz uô tsik jông txos trâu ngênhx zoz zux luz côngz bê. Chênhr zos li hêik ntơư, Toà án tsuv tu txuz plâuz no cov huv đros”./.

                                  (Tsu vưx cxêik nhênh-Khắc Kiên)