Trơưk li sở tênhx qơư tỉnh laox cai, xav txos trâu nhiv no, hâur thax tsav tỉnh Laox cai tưz muôx 80 tsưr tsix, lênhx nênhs tâu têz qơưs muôz 102 đêiv ntơưr zok nriêr khor cxax tsik tâu tas hax. Chor ntơưr hêik ntơư, muôx 30 đêiv zos cxuô bộ, ngênhx Trung ương muôz, đuô li zos tỉnh muôz.

Luôs hâux lưv zok nriêr khơưz kror cxax ntơưv tỉnh laox Cai tưz cxơưz cxiz tâu 5 cxênhz lênhx muôx hâux lưv uô hâur niêx hnuz thiêz muôx phênhv sâu tâu nhiêx txiêx zos 69 triệu iz lênhx iz shông; muôx phênhv sâu tâu thêv trâu têz qơưs hâur shông 2018 zos 1.700 ntâu tỷ đêiv; tsar ndê 3 jiês pir li shông 2011.

Trơưk li luôs hâux lưv tso tơưv hâur shông 2011, txix thâuv tso chêi zok nriêr khơưz kror cxax, hur si tỉnh Laox cai muôx 40 thax tsav qơư tâu kriz uô; 14 thax tsav qơư khơưz yâuk suôz jêz./.

                                     (Tsu vưx cxêik nhênh-Hạnh-An Kiên)

Trơưk li Công an tỉnh Yên Bái thôngz sâu, txix shông 2018 txos nhiv no, hâur thax tsav muôx 16 txuz tuô nênhs. Qir tiv phênhv ntâu uô muôx têx tsi jông li heik co zos hâur chuôz zis muôx cêr siz char siz chês, siz txênhz liêx têz, yuôr nux grik ntâu.... Iz chas ntơư, cux muôx kênh txuz zos viv têx tsi jông siêz thâuv hâuk chơưr bia, iz tul heik tsi huv iz tul. Đhâu têx txuz tuô nênhs li heik sâuv tso pov, iz cxiê lênhx tsôngv box nhiv no muôx têx tsưr ziv, siêz xar uô nênhx tsi jông thiêz iz chas têx co zos tsôngv box thax tsav tox siêz đêz đrôngs tsi yuô tâu pâuz tsênhz lok têz qơưk têx chei, cui tinhv. Thượng tá, Phạm Anh Sơn, Phưv Tsar Phongx Cảnh sát Hình sự, Công an tỉnh Yên Bái heik pâuz:

“Trơưk li pêz thôngz ntâuk grê mak hur tiz si têx txuz li heik sâuv muôx yưv puôr lênhx zos nhoz thax tsav tox siêz đêz đrôngs. Pêz tsưr ziv hâur six hơưv zuôr txos, tiv iz zos sir jos đros têx ban, ngênhx, đoanx thêv chiê gra siêz luôs hâux lưv yax kriê têz qơưk têx chei, cui tinhv trâu tsôngv box. Tror sir jos uô hâux lưv seiz car, qênhz yuôx, qênhz shuôs chiê nzor qênhz pov têx tsi jông muôx ntơưv qơư, nzor muôx tsưr ziv đơưk tu, txar jav têx tsi jông yưv siv”./.

                           (Đinh Tuấn-Riê Lâux cxeik, nhênhv)

  Ntơưv cxuô luz jêx tos tox siêz xã Chiềng công, huyện Mường La, tỉnh Sơn La, tsôngv px tưz muôz têx ar hâur har xuz ntông har jôngr chiê chos hơưk, muôx phênhv sâu tâu truôx tuk. Trơưk li zơưv Lụ x Muôk, chủ tịch uỷ ban xã Chiềng Công hêik pâuz: Hur si xã muôx 7.500 ha ar har jôngr tâu tsưx phưv thiêz txix shông 2012, tsôngv px hâur xã  tưz qir chos tsoz chos txir Hơưk trâu hâur têx har xuz ntông jôngr đros trâu uô jông luôs hâux lưv tsưx phưv huôv tsar har jôngr. Đros ntơư, xã cux hêik hâu nov huyện, tỉnh yax kriê cxuô faz tsưr ziv chos, tsưx phưv thiêz sâu txir hơưk.

Chênhr zos li hêik ntơư, xav hâur shông 2018 đhâu, hur si xã tưz sâu tâu 160 tấn, grê muôs 18-22 cxênhz đêiv nhiêx iz cir./.

                                  (Tsu vưx cxêik nhênh-Hạnh-Thào Ly)

Sơn La, tror tu trôngx plâuz uô cxâuv têx chei, cui tinhv tưr thik cơưv tiêr ntơưr lớp 12 thôngz têz qơưk shông 2018. Têx lênhx nênhs tuôx tiv ndâux luk, lênhx nênhs muôx vax huôv thiêz tâu choz hâux lưv cik txos tâu nus, muôx ntâu lênhx zos uô hâux lưv ngênhx zoz zux tỉnh Sơn La.

Chor nênhs tuôx tiv ndâux luk thiêz nênhs muôx vax huôv, tâu choz uô hâux lưv cik txos têx luk têz thâuv tâu toax anr nus txos, phênhv ntâu puôr lênhx heik jông iz zav: Zos siz sưv siz pâuz, zos nênhs cxênhz jê, uô hâux lưv uô cê; thor paz seiz điểm tưr thik, taz sik tsi hnor heik li chas lok mê nhuôv têx điểm thik tâu lok tsi tâu, lơưr tsưr ziv zos xar cov pâuz uô ntêx điểm tưr thik thiêx pov kaz xeir tsêr cơưv trâu têx mê nhuôv muk cơưv.... Hok ntơưv trôngx plâuz, Trần Xuân Yến, kuz Phưv Giám đốc Sở zoz zux mak cux tror heik tiêk, tsi jông siêz thôngx ziv đros Viện Kiểm sát têx tik cêr cxâuv trâu zơưv, iz chas ntơư heik, zos viv nưk trâus cơ quan qênhz yuôx zuôv xưz./.

(VOVTB-Riê Lâux cxeiv, nhênhv)