Đhâu 3 hnuz muôx ntâu zav lov jêv tâu nthuôr uô, hmo 20/10, ntơưv Quảng Trưởng 7/5, thành phố Điện Biên Phủ, tỉnh Điện Biên tưz suôv câuv hnuz hôiv vênhx huôv mênhx cxưx Thái jiês tiv 2 shông 2019. Ntơưv jiês suôv câuv, Bôv vênhx huôv, thể thao thiêz du lịch tưz khơưk muôz ntơưr kruôk trâu 5 tỉnh cxaz chuôz hnuz hôiv, khơưk muôz qix sơưr tsưr tsix Hnuz hôiv vênhx huôv mênhx cxưx Thái jiês tiv 3 shông 2024 trâu tỉnh Sơn La.

Hâur kriz uô hnuz hôiv, đros tsưr tsix ntâu huôx tôngv li: piêr pâuz têx hax huv du lịch; uô ntâuz trâur lâus, uô thiêz xơưk fuôv txiêx; piêr pâuz lok mênhx cxưx Thái têx zav nox kaz, sik tưr têx môn thể thao cxôngx nzor…tưz paz trâu chor nênhs sêiz pâuz tâu ntâu đuô txos tsôngv box mênhx cxưx Thái têx vênhx huôv jông nhoz têx thax tsav qơư hâur têz qơưk. Txix co paz muôx tâu sik côngv siêz đuô nhoz cxuô mênhx cxưx, sik paz chiê huôv tsar lok kinh têr thiêz tuôr chiê têx tsiv gri cxôngx nzor hâur ntu nhiv no. Hnuz hôiv vênhx huôv mênhx cxưx Thái jiês tiv 2 shông 2019 ntơưv Điện Biên tsênhv zos jiês chiê paz cxơưz cxiz du lịch trâu thax tsav Tây Bắc hêik cxuô, tỉnh Điện Biên hêik taz. Zơưv Đoàn Văn Chì, Phưv Giám đốc Sở vênhx huôv, thể thao thiêz du lịch tỉnh Điện Biên, Phưv trưởng Ban tsưr tsix hnuz hôiv vênhx huôv mênhx cxưx Thái jiês tiv 2 shông 2019 puz pâuz:

“Pêz ntâuk gri hnuz hôiv tưz tax tâu chêx cur li siêz xar, chor kruô tuôx trâu hnuz hôiv chuôz ndê ntâu pir li jiês uô ntêx, tsôngv box mênhx cxưx Thái cux tưz muôx têx sir jos đuô chiê piêr pâuz lok zuk têx vênhx huôv, tiv zix zos paz hênhr kruôk, tuôr chiê têx tsiv gri vênhx huôv cxôngx nzor. Thiêz pêz tsov cưv txos tsôngv kruô du lịch li siêz xar mak lơưr cux shir phaz, xar cov muôx ntâu hnuz hôiv jông li no, tưz tsik zos mênhx cxưx Thái xưz mak tas nro têx mênhx cxưx txơưr đuô sâuv thax tsav tỉnh Điện Biên cux xưk li thôngz têz qơưk chiê tsôngv kruô muôx tsar tov nriêr pauz cxuô mênhx cxưx têx vênhx huôv jông”./.

(VOVTB-Luk Thox cxêik nhênhv)

  Ntơưv Lai Châu, cxôngx hnuz 18 txos hnuz 22/10, ntơưv huyện Tam Đường tsưr tsix Ciêz vênhx huôv, ju lix đros njiêz luv “Tam Đường qơư sik côngv têx vênhx huôv jông”.

Ciêz vênhx huôv, ju lix huyện Tam Đường shông 2019, tsôngv kruô tưz tâu sik côngv đros vênhx huôv tox siêz, đros têx huôx tôngv jông. Ciêz vênhx huôv, ju lix Tam Đường muôx ntâu huôx tôngv li: tsưr tsix heik tơưv tsôngv box cêr uô nênhx xênhz huôx, tsưr ziv uô kôngz lôngk, uô si, têx zav nox mênhx cxưx Hmôngz, Cho, Lào, Lự, Thái....tsaz yênhx ntênhs phêv mul tâus cêr thiêz tsaz yênhx Festival cheix câuk za cux zuôr tâu tsưr tsix....Chủ tịch UB huyện Tam Đường Từ Hữu Hà puz pâuz: “Ciêz vênhx huôv, ju lix huyện Tam Đường shông 2019 zos jiês chiê huyện heik kriê têx vênhx huôv, qơư ju lix jông txos tsôngv kruô hâur thiêz đrâuv tỉnh. Huôx tôngv no cux gôngr phênhv jông chiê cxơưz cxiz tưr thik, tôngv vênhx tsôngv box li chinhz yênhx phuôx huiz cêr chax chês jông, cxơưz tiês huôv tsar kinh têr xã hội ntơưv qơư./.

(Khắc Kiên-Txâur Vax cxeik nhênhv)

Lok jiês xết xử txuz uô cxâuv thik tưr ntơưv Sơn La, HĐXX tưz cuêz tênhv tror muôz ntâuz ntơưr txuz án chiê qênhz yuôx nzir uô tsênhz mênhx txêik zuôr thiêz muôz nhiêx hâur txuz án no.

Khov trâu qênhx shênhx nus, têz ntơưv tòa, viện kiểm sát thiêz Luật sư thôngx ziv hêik, Hội đôngx xết xử pov muôx tsik tâu txâuk ntâuz ntơưr, cxuô zav cik txos iz cxiê kror hâux lưv mak zuôr cxaz nzir tsik tâu ntâuz ntơưr ntơưv tòa. Lơưr co, HĐXX hêik tiêk haur txuz án no muôx nênhs uô cxâuv tsênhv tsik tâu pênhr txos. Hôiv đôngx xết xử hêik cov tror uô tsênhz mênhx tsưr ziv, qir tiv chor nhiêx muôz thiêz jênhv txêik têx nhiêx co nhoz chor nênhs uô cxâuv thiêz chor nênhs cik txos chiê thor cov paz kho, ndê điểm trâu 44 lênhx shux xênhz. Uô tsênhz mênhx kror cxâuv “Muôz nhiêx njơưk”, “txêik zuôr nhiêx” nhoz chor nênhs no.

Đuô li, HĐXX hêik cov nus cơ quan muôx qênhx li ziv chênhv chiê uô tsênhz mênhx hâux lưv kruôz kriê têx chêi thik tưr, lo chiv têx jax thik…chiê uô tsênhz mênhx chor nênhs cik txos li txơưx jênhv. Uô tsênhz mênhx chor nênhs txơưr đuô li têx hâux lưv uô lok muôz jax thik, hnaz ntơưr thik, qar trâu têx jax thik lo chiv./.

(VOVTB-Lik Thox cxêik nhênhv)