Cheix ntux yiêz nhoz ntus đriv Dào San

          Krêz tơưv têx huox tôngv cheix ntux yiêz nzor zos tsaz yênhx thuôr uô cêr lov jêv jông zos tuêv vênhx ziv xã Dào San thiêz cán bộ, chiến sĩ Zênhx pênhz phax Dào San piêr kriê. Txơưv zos tsôngv box chiv chir xar tơưv thiêz piêr đhiê, taz sik tsaz yênhx tưz zaz zâuv chôngz tsôngv box tuôx seiz thiêz cxaz chuôz, tôngv vênhx.Tiv zix, pox nhuôk tưz đros têx bộ đội pênhz phax krưr nduôr txâuv puôz chiê khơưk muôz trâu têx ziv chuôz zis pluôk, sik đros cxaz chuôz têx tsưr ziv uô si trâur lâuk mênhx cxưx li truz hluô, lâuz pak txos têx “qơư piêr muôs hax huv tsi pôngz nhiêx txiêx” chiê xeir têx hax huv, tris yo bax trâu hnuz Tsiêz… Tix lâuk Lâux A Sùng, tsôngv box jos Hợp I, xã Dào San, huyện Phong Thổ (Lai Châu) pheiz kênh:“Tâu ndis seiz têx cán bộ, chiến sĩ Zênhx pênhz phax Dào San li têx qar muôs hax huv tsi pôngz nhiêx txiêx cur pov lok six jông. Têx phênhv huv mak têx bộ đội pênhz phax gra tuôx trâu pox nhuôk lok six muôx ziz njiêz, paz tsôngv box muôx pav sor hâur cheix ntux no. 2 zos iz cxiê zav nox li trox nox, thax nduôr thiêz mix chênhr, súp tưz paz pox nhuôk muôx tâu pluôk nox taz por đuô”

          Xã ntus đriv Dào San muôx 13 jêx jos đros 1 cxênhz 700 ziv chuôz zis đros 4 mênhx cxưx Cho, Hà Nhì, Choz Tsiz, Hmôngz sik đros nhoz uô nênhs, hâur co tsôngv box Hmôngz tsav 68% ntâu. Xav txos tas shông 2024, ziv chuôz zis pluôk hâur xã yuôr 30% ntâu, tsôngv box luz nênhx tsênhv yuôr ntâu phêv liv: Zơưv Vương Biên Thuỳ, Chủ tịch UB xã Dào San, huyện Phong Thổ puz pâuz:“No zos tsaz yênhx muôx ziz njiêz chính trị lox, cxơưz tiês chinhz yênhx sik côngv siêz, pox nhuôk li siêz njênhs txos chính quyênx tiv phaz cux xưk li lưx lươngv pênhz phax. Hâur ntu zuôr txos, pêz xar njôngr Bộ chỉ huy Bộ đội pênhz phax cux xưk li têx lưx lươngv muôx txơưx jênhv tsov cưv đuô txos pox nhuôk; tsi taz muôx tsaz yênhx “Cheix ntux yiêz pênhz phax sor siêz tsôngv box jêx jos” mak pox nhuôk tsênhv sơưv liv đros têx tsaz yênhx txơưr, thôngz đhâu têx huôx tôngv sik côngv chiê paz txưv pox nhuôk”

          Tsaz yênhx “Cheix ntux yiêz sor siêz tsôngv box jêx jos” tâu tsưr tsix uô ntơưv jos Hợp I, xã Dào San zos iz hâur 44 qơư zuôr tâu tsưr tsix txix nhiv no txos tsiêz têz qơưk 2025 ntơưv 22 xã ntus đriv sâuv thax tsav tỉnh Lai Châu. Tsaz yênhx muôx ziz njiêz coaz tsôngv thâuv ndar txos hâux lưv tsoz phưz têx ziv chuôz zis tâu sơưv tsênhv chei têz qơưs, ziv chuôz zis pluôk shir phaz nox tsiêz, tox tsiêz yiêz sor si, shir phaz; thôngx cxix; tso pov cán bộ, chiến sĩ pênhz phax li chinhz yênhx, txơưx jênhv đros tsôngv box nhoz ntus đriv. Đại tá Lê Công Thành, Phưv chính uỷ Bộ chỉ huy Bộ đội pênhz phax tỉnh Lai Châu puz pâuz: Têx shông đhâu, đrâuv côngz xưv chuyên môn, bộ đội pênhz phax Lai Châu tưz uô ntâu tsaz yênhx paz tsôngv box huôv tsar kinh têr, yênhx trus cxuôv yeiz pluôk truôx tul; cxuôv por tsês têx cêr uô nênhx pôngz kaz, cxiv tsa luz nênhx vênhx huôv yiêz. Hâur co, tsaz yênhx “Cheix ntux yiêz sor siêz tsôngv box jêx jos” zos huôx tôngv chuôz tsar cêr sik côngv siêz bộ đội thiêz tsôngv box jông:“No zos hâux lưv uô muôx ziz njiêz lok six coaz tsôngv chiê hlôngr yiêz cxiv tsa tsôngv box li siêz njênhs txos Đangv, đros têz qơưk. Thiêz tiv zix nhoz thax tsav ntus đriv mak zos tul qox txuôk đros tsôngv box nhuôk, chiê tsôngv pox nhuôk sik đros truôx siêz cxiv kho jêx jos đros bộ đội pênhz phax tuôr truôx tsưr qênhx têz qơưk. Pêz njênhs njôngr tiêk Bộ chỉ huy Bộ dội pênhz phax tsaz yênhx “Cheix ntux yiêz sor siêz tsôngv box jêx jos” zuôr tâu krêz uô đêz đar txos tas nro côngv thôngx, txos tsôngv box pluôk nhoz ntus đriv”.

          Têx chês pax txir đuôx tưz qir pov tơưs yiêz. Cheix ntux yiêz tưz txos thax tsav ntus đriv Dào San. Hâur khôngz qiv co, bộ đội thiêz tsôngv pox nhuôk sik côngv siêz shir phaz tsưr tsix tsaz yênhx “Cheix ntux yiêz sor siêz tsôngv box jêx jos” ndar txos iz cheix ntux yiêz luz nênhx muôx cxix cxuô, shir phaz thiêz truôx tul đuô./.

                                                                                                      Khắc Kiên- Txâur Vax cxeik nhênhv