Tas cik hnuz xiêz9/12, HĐND tỉnh Yên Bái khóa 19, six cxiv 2021-2026 tưz cơưv jiês tiv 21 chiê quyết định têx tsênhv njiêz zos zuk hâux lưv trơưk cui tinhv. Ntơưv jiês cơưv, HĐND tỉnh Yên Bái tưz tso zơưv Trần Huy Tuấn, Chủ tịch Ủy ban tỉnh Yên Bái so tsi uô Chủ tịch Ủy ban tỉnh viv zơưv Tuấn nhiv kruôr tâu bâux xeir uô Bí thư Tỉnh ủy. Iz chas ntơư, chor đại biểu cux tso ntơưr bâux xeir zơưv Nguyễn Tuấn Anh-Phưv Bí thư Tỉnh ủy uô Chủ tịch Ủy ban tỉnh Yên Bái, six cxiv 2021-2026. Đros trâu 100% lênhx đại biểu jông siêz, thôngx ziv, zơưv Nguyễn Tuấn Anh tưz tâu xeir uô Chủ tịch Ủy ban tỉnh Yên Bái six cxiv 2021-2026. Zơưv Nguyễn Tuấn Anh, xênhz shông 1975, kuz qơư nhoz Hà Nội, cơưv tas ntơưr Tiến sĩ kinh tế, cao cấp lý luận chính trị. Uô ntêx thâuv zuôr uô Phưv Bí thư Tỉnh ủy Yên Bái, zơưv Nguyễn Tuấn Anh tưz lês uô đhâu ntâu hâux lưv ntơưv tsêr nhiêx Kôngz nuv; tsêr nhiêx têz qơưk Việt Nam; Phưv Tsar ban Côngz xưv Đại biểu ntơưv Ủy ban Thường vụ Côx hội./.

Đinh Tuấn-Riê Lâux cxeik, nhênhv

Hâur 3 hnuz (7-9/12), jiês cơưv Hôiv đôngx tỉnh Lai Châu tưz phuôx huiz txơưx jênhv siêz, ntâuk gri cxix cxuô qênhx shênhx kriz uô tsưr ziv huôv tsar kinh têr-xar hôiv, côx phax-ngaz tuk shông 2024, tsưr ziv shông 2025; cxaz chuôz ziv chênhv trâu têx dưv thảo Nghị quyết chiê sêi shuôk ntơưv jiês cơưv. Chor đại biểu tưz sêiz lax, đros thôngx ziv siêz, biểu quyết thôngz đhâu 23 Nghị quyết hâur co muôx ntâu nghị quyết cik txos luz nênhx, ngaz tuk xar hôiv thiêz huôv tsar kinh têr-xar hôiv tỉnh hâur ntu zuôr txos. Suôv câuv jiês cơưv, pos Zax Paor Mỷ, Bí thư Tỉnh ủy, Chủ tịch Hôiv đôngx tỉnh hêik mênhx, shông 2025 zos shông muôx tsiv gri tiv zix, shông lơưr kaz ciês kriz uô tsưr ziv huôv tsar kinh têr-xar hôiv 5 shông ntu 2021-2025 thiêz zos shông tsưr tsix Đại hôiv Đảng bôv cxuô cấp, cxuô nganhx thax tsav qơư tror hêik pâuz, kriz uô truôx jông Đảng, Têz qơưk têx chủ trương, cêr chêi, Tỉnh ủy têx nghị quyết, đề anr, kết luận thiêz Hôiv đôngx tỉnh li Nghị quyết. Tiv zix, sir jos uô kho đuô, ntov jông bôv mêir hâur cxiv luôs chinhr triv lơưr Trung ương, Côx hôiv, Chinhr phuv li chox kriê cov tâu truôx jông./.

Khắc Kiên-Lik Thox cxêik nhênhv

Trơưk li Ủy ban Thường vụ Côx hội Nghị quyết sôr 1280 hnuz 14/11/2024 lok phênhz têx qơư uô hâux lưv hành chính cấp huyện, cấp xã hâur tỉnh Sơn La ntu 2023-2025, iz chas yênhx lix thị xã Mộc Châu thiêz phênhz đuô têx phường, xã nhoz hâur Mộc Châu, tỉnh Sơn La tsênhv phênhz đuô iz cxiê xã ntơưv chor huyện Thuận Châu, Phù Yên, Yên Châu, Sông Mã thiêz Quỳnh Nhai. Li ntơư, đhâu phênhz đuô, Sơn La zuôr muôx 200 taz viv hành chính cấp xã, 177 xã, 15 phường thiêz 08 thị trấn (txo grêk 4 taz viv hành chính cấp xã pir li nhiv no). Ủy ban Thường vụ Côx hội Nghị quyết lok phênhz đuô qơư uô hâux lưv hành chính cấp huyện, cấp xã hâur tỉnh Sơn La ntu 2023-2025 qir uô lơưr xav txix hnuz xiêz 01/02/2025./.

Thu Thùy-Riê Lâux cxeik, nhênhv

Lào Cai sâu nhiêx txiêx têz qơưk txix hâur shôngk shông txos nhiv no tâu muôx 9 cxênhz tiv đêiv ntâu, siêz đuô 2,5% njuôk xav Trung ương choz, ndê 40% ntâu pir li shông 2023. Hâur co, sâu hâur thax tsav qơư tâu muôx 8 cxênhz tiv đêiv ntâu, ndê 41% nâtu pir li tsêiz no. Kror tsuv hêik, sâu txix nhiêx sê, phí thiêz phênhv sâu txơưr ndê 22% ntâu hêik tơưv muôx tâu phênhv sâu truôx txix huôx tôngv kinh doanh. Đros sâu nhiêx sir zôngv ar, ndê 2,5 jiês pir li tsêiz no, tâu muôx 2 cxênhz tiv đêiv ntâu. Nhoz hâux lưv zuôr, muôs tơưv saz đrâuv têz qơưk, chor nhiêx têz qơưk sâu tâu cux chuôz ndê xar muôx 36% pir li tsêiz no. Taz sik, sâu nhiêx txiêx têz qơưk nhiv no nhiv kruôr tâu muôx 73% ntâu lơưr njuôk xav tỉnh choz. Chiê uô tâu tsưr ziv sâu nhiêx txiêx têz qơưk muôx 12.800 tiv đêiv shông 2024, hli uô kaz ciês hâur shông, Lào Cai zuôr tsuv sâu cov tâu xar muôx 3.400 tiv đêiv. Pos Vương Bích Hằng, Phưv Cục trưởng Cục nhiêx sê tỉnh Lào Cai puz pâuz: “Cục nhiêx sê cux tror kriz uô têx tsênhv chêi txo grêk tsơưs, truz ntêr six hơưv thêv nhiêx sê trâu chor doanh nghiệp thiêz đơưk kho têx phiv liv trâu doanh nghiệp thiêz uô cov sêi têx ntâuz ntơưr truz ntêr nzir six hơưv, txo grêk trâu chor doanh nghiệp trâus ntux têz ruôr hiêv. Tiv oz zos tror qênhz shuôk đuô chor phênhv sâu thiêz uô tsênhz mênhx txos yênhx doanh nghiệp chiê sâu têx phênhv cxaz nzir trâu hâur nhiêx txiêx têz qơưk. Tiv pêz zos kriz uô cxix cxuô chor tsưr ziv lok côngv xưv sêiz car nux gri thiêz hêik cov thêv têx nhiêx sê”./.

Thanh Thủy-Lik Thox cxêik nhênhv