Hnuz 12/12, zơưv Đặng Ngọc Hậu, Phưv Chủ tịch Ủy ban tỉnh Sơn La tưz sêiz shuôk jiês cơưv thôngx ziv tsưr ziv kho đuô tsưr tsix bôv mêir têx cơ quan, taz viv hâur tỉnh. Kriz uô Ủy ban tỉnh Sơn La li ntâuz ntơưr chox kriê, jiês cơưv chiê thôngx ziv tsưr ziv kho đuô bôv mêir Sở Tài chính thiêz Sở Tsưr ziv thiêz Yưv pênhr; hêik pâuz tsưr ziv chiê lok uô cê; kho đuô tsưr tsix chiê kriz uô lơưr vax huôv, jênhv vưv, qênhx đhâu chiê lok uô cê. Phưv Chủ ịch Ủy ban tỉnh Sơn La hêik 2 sở kriz uô hêik pâuz têx chủ trương kho đuô tsưr tsix bôv mêir txos tas nro canr bôv, công chức, viên chức pâuz; qênhz shuôk, kho đuô chor phòng, ban uô hâux lưv nhoz têx sở lơưr vax huôv, jênhv vưv, paz zôngx ziv thiêz uô ntov jông bôv mêir đhâu chiê lok uô cê; qênhz shuôk đuô jênhv vưv, six hơưv chor ban chox kriê chiê kriz uô kho đuô tsưr ziv uô jênhv vưv… Txix co, hêik pâuz têx tsưr ziv kho đuô tsưr tsix bôv mêir huv đros đhâu thâuv chiê lok uô cê muôz trâu Ủy ban tỉnh sêiz shuôk, cir jênhv./.

Lê Hạnh-Lik Thox cxêik nhênhv

Ban Thường vụ Tỉnh Ủy Yên Bái tưz tsưr tsix côngz fur ntâu quyết định bâux xeir, hlôngr đuô qơư uô hâux lưv têx lênhx canr bôv hâu nov lox hâur cxuô ban, ngênhx, ntơưv qơư. Tsênhv tsênhz, pos Lê Thị Thanh Bình, Ủy viên BCH Đảng bộ tỉnh, Giám đốc Sở Vênhx huôv Thêv thao thiêz ju lix tỉnh tâu tso muk uô Phưv Tsar ban Tsưr tsix Tỉnh ủy Yên bái. Zơưv Nguyễn Xuân Trường-Phưv Bí thư Huyện ủy, Chủ tịch Ủy ban huyện Yên Bình tâu tso muk uô Phưv Tsar Ban Tsưr tsix Tỉnh ủy Yên Bái. Ntơưv huyện Mù Cang Chải, Ban Thường vụ Tỉnh ủy tso zơưv Câu Xênhv Zax, Ủy viên BCH Đảng bộ tỉnh, Chủ tịch Hội nôngx mênhx tỉnh muk uô Bí thư Huyện ủy Mù Cang Chải, six cxiv 2020-2025. Ntơưv huyện Yên Bình, Ban Thường vụ Tỉnh ủy Yên Bái tso zơưv Trần Việt Quý, Phưv Tsar Ban Tsưr tsix Tỉnh ủy muk uô phưv Bí thư Huyện ủy Yên Bình, six cxiv 2020-2025 thiêz heik kriê ứng cử chiê bâux xeir Chủ tịch Ủy ban huyện Yên Bình six cxiv 2021-2026./. 

Đinh Tuấn-Riê Lâux cxeik nhênhv

Zơưv Bùi Thanh Hải, Giám đốc Tsênhv qơư Y têr huyện Điện Biên puz pâuz, txix hnuz 6-11/12, sâuv thax tsav tỉnh Điện Biên tưz pov muôx 28 lênhx nênhs trâus moz thox plaz ntơưv xar Mường Pồn thiêz xar Na Tông, huyện Điện Biên. Chiê sêi đrơưv tir tar caz moz, ntơưv Tsênhv qơư Y têr huyện tsênhv kriz uô 1 tôv y têr chiê phax tar moz thox plaz sâuv thax tsav xar Mường Pồn, kriz uô jênhv vưv nriêr pâuz, chơưv kho trâu chor nênhs moz ntơưv Tsêr cơưv Cxênhx oz Mường Pồn. Tôv y têr no uô hâux lưv yênhx hnuz hmo chiê txêik jênhv, chơưv kho thiêz tsoz phưz trâu chor nênhs moz. Đros co chox kriê đôiv y têr dưv phòng sêi đrơưv kriz uô tsuôs yuô tuô lov caz moz iz ndis ntơưv têx qơư pov muôx nênhs trâus moz. Txos nhiv no muôx 8 lênhx nênhs zos shux xênhz thiêz pêx xênhv nhoz xar Mường Pồn tưz chơưv kho tâu jông moz thiêz tror tâu sêiz shuôk ntơưv chuôz zis./.

Vũ Lợi-Lik Thox cxêik nhênhv

Nhoz Yên Bái cux tsênhv lok six no njiv hênhr, jêx tưv txix 15-18 tưv, thâuv hmo ntux thiêz tas cik sơưr nzor thax tsav tox siêz lok nas yâur, ziv no njiv đuô. Chiê taz por đas jos trâu shux xênhz cux li têx nhuôs tuôx cơưv tâu ntơưr cxix cxuô, Sở Zoz zux tỉnh Yên Bái tưz heik cxuô luz tsêr cơưv fuô uô jông luôs hâux lưv phax tar no trâu shux xênhz.... Zơưv Đào Anh Tuấn-Phưv Giám seiz car Sở Zoz zux tỉnh Yên Bái heik pâuz: “Pêz sir jos fuô uô jông cxuô luôs hâux lưv li: Heik cxuô luz tsêr cơưv qênhz shuôs đuô têx tsưr ziv phax tar no trâu shux xênhz, lar heik zos ntơưv têx tsêr cơưv thax tsav tox siêz, tsêr cơưv nhoz suôv qơư njuôk xav muôx têx zuôr lok six no njiv. Txix ntơư, cxuô luz tsêr cơưv yax kriê thiêz hux jos đros shux xênhz li niêv txir, cấp ủy, hâu nov ntơưv qơư bax cxuô faz tsưr ziv chiê uô li chas tas nro chor shux xênhz puôr lênhx tâu nox nhoz sor si, cơưv txux chi cxix cxuô hâur têx hnuz no njiv”./.

VOVTB-Riê Lâux cxeik, nhênhv