Đhâu 2 hnuz uô hâux lưv, jiês cơưv tiv 17 HĐND tỉnh Điện Biên khóa 15, six cxiv 2021-2026 tưz thôngx ziv thôngz đhâu 26 Nghị quyết zov chênhr cik txos huôv tsar kinh tế xã hội hâur thax tsav qơư. Iz cxiê nghị quyết zov chênhr li: Cir ntơưr, fuô uô têx hâux lưv choz ar, tso ntiêr ar thôngz đhâu đấu thầu xeir lênhx nênhs yưv pênhr uô dưv anr sir zôngv ar hâur thax tsav; cxiv kho tsưr ziv yưv pênhr côngz ntu 2021-2025, choz hâux lưv yưv pênhr nhiêx txiêx têz qơưk shông 2025; cui tinhv lok phênhv paz thiêz sir zôngv nhiêx txiêx paz huôv tsar uô blêx hâur thax tsav tỉnh Điện Biên.... Zơưv Lường Tuấn Anh, Chủ tịch Ủy ban huyện Tủa Chùa heik: “Jiês cơưv HĐND tỉnh thôngz đhâu 3 tsênhv njiêz zov chênhr zos, huôv tsar kinh tế xã hội, taz por côx phax, txiv ngaz shông 2025; njuôk xav phênhz têx nhiêx txiêx ntơưv qơư 2025 thiêz tsưr ziv yưv pênhr côngz shông 2025. Têx tsênhv njiêz zov chênhr no cux zos qơư chiê cxuô cấp, cxuô ngênhx, lar heik zos cxuô thax tsav qơư fuô uô trơưk. Ciês huyện Tủa Chùa, pêz zuôr seiz kaz, uô jông trơưk HĐND tỉnh hâux lưv tưz choz, sir jos cov uô tâu truôx cxuô luôs hâux lưv zok muôz”./.

Vũ Lợi-Riê Lâux cxeik, nhênhv

Jiês lok nas chuô đêx ngaz cuôr lịch sử hâur coz chuô sôr 3 tưz uô ruôr hiêv ntâu txos huyện Lục Yên, tỉnh Yên Bái. Tas nro huyện muôx 100 ntâu luz tsêr trâus puôk tsuôx, muôx ntâu luz trâus puôk tsuôx tas hur si; 1.650 luz tsêr trâus ar poz lok cxuz thiêz trâus đêx ngaz; zuôr xar 650 luz tsêr tsuv txar qơư nhoz sêi đrơưv. 2 hli ntâu đhâu muôx đêx ngaz cuôr, chinhr quyền ntơưv qơư tưz cxiv uô tâu têx qơư nhoz yiêz; đros co zos muôz ar, uô tsêr, paz pêx xênhv trâus ruôr hiêv hla đhâu têx phiv liv, bax tok luz tsiêz tưz lok zuôr txos. Lơưr Ủy ban huyện Lục Yên, txos tas hli 12 no, tas nro huyện zuôr uô tiêr hâux lưv njuôk hov, uô tiêr têx ntâuz ntơưr trâu xar muôx 300 ziv chuôz zis, hâur co paz uô ntêx trâu chor chuôz zis tsuv txar qơư nhoz sêi đrơưv, trâus đêx cuôr yôngz thiêz muôx vax tsêr trâus puôk tsuôx tas hursi./.

Đinh Tuấn-Lik Thox cxêik nhênhv

HĐND tỉnh Lào Cai Nghị quyết 25 chiê paz thêv BHYT trâu chor nênhs lâul hnuz nhôngs siêz thiêz tsôngv box heir nênhs tsơưs muôx luz nênhx txov nhêv hâur thax tsav. Tsênhv tsênhz, nênhs lâul hnuz nhôngs siêz txix 60-80 shông zuôr tâu paz 50% nhiêx thêv BHYT. Chor nênhs lâul zos heir nênhs tsơưs muôx luz nênhx txov nhêv li: Nênhs Bố Y, Lô Lô....zuôr tâu paz 100% nhiêx thêv BHYT. Six hơưv paz zos txix hnuz xiêz 01/1/2023 txos tas hnuz 31/12/2025. Tas nro chor nhiêx paz zuôr BHYT ntơư zuôr khov lok tỉnh li nhiêx txiêx. Tỉnh Lào Cai nhiv no muôx 800 ntâu lênhx nênhs zos heir nênhs tsơưs muôx luz nênhx txov nhêv tâu paz 100% nhiêx thêv BHYT; 13 cxênhz ntâu lênhx lâul nênhs hnuz nhôngs siêz txix 60-80 shông tâu paz 50% nhiêx thêv BHYT lơưr nghị quyết 25. Paz thêv nhiêx BHYT zuôr paz tsưx phưv truôx tuk xã hội hâur thax tsav qơư./.

Báo Lào Cai-Riê Lâux cxeik, nhênhv

Têx hnuz đhâu, tỉnh Sơn La piz hlôngr trâu ntux no, jêx tưv kik tiv zix txix 12-15 tưv, thax tsav tox siêz txix 9-12 tưv; iz cxiê qơư muôx nas lok. Lơưr nriêr pâuz, chor nênhs moz tuôx njuôk shuôk thiêz kho moz ntơưv têx qơưk y têr nhoz Sơn La ndê muôx 20% ntâu, phênhv ntâu zos nhuôv zâu, nênhs lâul thiêz chor nênhs zênhx muôx têx zav moz hâur đros chêr, trâus moz têx zav moz cik txos lênhs plơưr. Đros njuôk xav têx hnuz zuôr txos, sâuv thax tsav tỉnh Sơn La tror muôx no chênhr, no njiv, jêx tưv thâuv đruôz hnuz thiêz hmo ntux sik txơưr ntâu, chor qơư y têr ntơưv Sơn La tsuv kriz uô têx tsưr ziv chiê tsoz phưz đas jos trâu chor nênhs moz, li bax txâuk têx pav, bax mêir uô sor ntơưv qơư fêik moz, qơư chơưv paz, qơư muôx chor nhuôv zâu… Đros co zos yax kriê, hêik pêx xênhv uô jông têx tsưr ziv phax tar ntux no. Zơưv Trần Thanh Bình, Phưv Giám đốc Sở Y têr Sơn La puz pâuz:“Nganhx y têr Sơn La tưz chox kriê chor qơư njuôk kho moz bax jông cxuô kror li txax pư, yuôx, ô xy chiê chơưv kho thiêz chơưv paz tâu trâu chor nênhs moz. Tiv zix, pêz hêik mênhx trâu chor qơư njuôk kho moz tsuv sêiz kaz jông têx zav moz cik txos njưl hâur chêix ntux no chiê muôx tsưr ziv phax tar chơưv kho. Txos nhiv no, têx qơưk y têr puôr lênhx uô tâu jông hâux lưv njuôk kho moz trâu pêx xênhv”./.

Trấn Long-Lik Thox cxêik nhênhv