Têis cik 11/12, Tỉnh ủy Sơn La tưz tsưr tsix Jiês cơưv nhênhz chơưv, hêik pâuz, yax kriê tsênhv njiêz hâur zơưv Nguyễn Phú Trọng, kuz Tổng Bí thư Ban Chấp hành Trung ương Đảng Cộng sản Việt Nam fâu ntơưr “Cxiv tsa thiêz huôv tsar nền vênhx huôv Việt Nam hlôngr yiêz jông, muôx ntâu zav vênhx huôv mênhx cxưx jông” thiêz Trung ương iz cxiê văn bản yiêz. Jiês cơưv tâu tsưr tsix cơưv ciês thiêz cơưv txuôk đros chor huyện, thành phố thiêz têx xar, phường, thị trấn hâur tỉnh. Bí thư Tỉnh ủy Sơn La Hoàng Quốc Khánh, hêik mênhx: Tsênhv njiêz fâu ntơưr zuôr paz trâu cxuô nganhx, cxuô cấp, cxuô thax tsav qơư, canr bôv, đảng viên thiêz pêx xênhv xav jênhv tsênhz mênhx lok siêz xar, tsưr ziv, luôs hâux lưv, jênhv vưv huôv tsar vênhx huôv, chiê vênhx huôv zos yênhx kror paz trâu luz nênhx, zos pênhr jos paz trâu huôv tsar têz qơưk./.

Lê Hạnh-Lik Thox cxêik nhênhv

Hâur têx hnuz txix 11-12/12/2024, Ban Thường vụ Tỉnh ủy Điện Biên tsưr tsix cơưv cxaz lok têx txux chi tsưr ziv uô hâux lưv, phax tar uô tuôr xuôv nhiêx txiêx têz qơưk, têx tsi jông thiêz hlôngr yiêz tư pháp shông 2024 trâu zuôr xar iz cxênhz lênhx canr bôv hâu nov lox hâur tỉnh. Chor đại biểu cxaz chuôz cơưv tâu Ban Nội chính T.Ư thiêz Học viện txiv ngaz, Bộ Công an yax kriê lok 4 tsênhv njiêz, hâux lưv zov chênhr li: Hâux lưv hâur thax tsav; phax tar uô tuôr xuôv nhiêx txiêx, têx tsi jông thiêz hlôngr yiêz tư pháp; qênhz shuôs têx hâux lưv uô thiêz phax tar têx tsi jông li heik sâuv; qênhz yuôx, yơưz phơưz, xơưz xưv têx lênhx nênhs uô cxâuv chei..... Iz chas ntơư, sir jos chox kriê phax tir thêir jông têx nênhs fêv uô tsi truôx tuk xã hội, têz qơưk; uô cxâuv chei thiêz fuô uô jông luôs hâux lưv phax tar chor nênhs zuôr muôs, uô luôv zax zênhz tsi trơưk chei...../.

Vũ Lợi-Riê Lâux cxeik nhênhv

Khoa Nhi, Tsêr kho moz Đa khoa tỉnh Sơn La nhiv kruôr txêik kho trâu tuk nhuôv N.L, 11 shông, nhoz huyện Mường Ét, tỉnh Hủa Phăn, têz qơưk Lào, tuôx tsêr kho moz thâuv tưz lok six gênhk, lax uô pa, cuz thiêz moz ntâu nhoz xiz tơư. Đhâu njuôk shuôk, xav tiêk zos trâus moz cik txos cêr uô pa hnhar, phiv liv txos têx siêz njưl, trox nyar, uô cuz. Đhâu xar muôx 1 hli chơưv kho, txos nhiv no nênhs moz tưz tror muôx đas jos, nox hâuk tâu, kror qơư fêik moz tưz tâu txiêr xor thiêz grơưv jux juk. Lênhx nhuôv no tưz tâu chiê tơưv tsêr kho moz tror muk têz qơưk Lào chiê tror chơưv kho nzir ntơưv qơư y têr nhoz jê tsêr. Đros muôx txâuk têx chuôz zênhx cxuô zav, txux chi uô hâux lưv, têx shông đhâu Tsêr kho moz đa khoa tỉnh Sơn La tưz zos yênhx iz qơư tsoz phưz tâu jông đas jos trâu pêx xênhv cxuô mênhx cxưx ntơưv thax tsav qơư thiêz iz cxiê tỉnh Bắc Lào./.

Trấn Long-Lik Thox cxêik nhênhv

Tas nro tỉnh Lào Cai nhiv no muôx zuôr xar 40 cxênhz chuôz zis tu zus tsiêx cxu, xav hur si xar muôx 120 cxênhz tus tsiêx, phênhv ntâu zos tưv. Hâur cheix ntux no shông 2024, muôx 80% chuôz zis tu zus tsiêx cxu tưz cxiv uô thiêz xor thêir ntov têx qơư tsiêx, zuôr xar 60% chuôz zis bax tsês têx jâuz tâux, krâur chiê tâu puz tsiêx cxu hâur têx hnuz no njiv. Taz sik, cux tsênhv yuôr iz cxênhz ntâu chuôz zis tu zus tsi uô qơư cơư, tsênhv tso têx nhux tưv lak yar. Chiê taz por truôx tuk trâu têx tsiêx tu zus, tỉnh Lào Cai tưz nzor fuô kriê tsưr ziv phax tar no thiêz yeiz trâu tsiêx cxu li: Heik tsôngv pêx xênhv khơưk sâu têx kuôr blêx, flâuz cưk lok bax tsês trâu nhux tưv tâu nox; kriê sơưr đơưk tsưr ziv tu zus, xor thêir qơư cơư tsiêx cov ntov, chuô txiêk li tsi yâu... Têx chuôz zis tsuv chaz chor nhux tưv lok qơư kis gâuv no cux tưz muôx tsưr ziv kriê tsênhv tsênhz. Pos Đào Minh Huệ, Phưv Chi cục tsar Chi cục tu zus thiêz kho moz tsiêx cxu heik pâuz: “Tsuv heik trâu têx thax tsav tu zus tsiêx uô qơư cơư ntơư chiê tâu muôz ntơưr côngk nhav cxax yuôx phax phôngz moz ơưk thiêz thâuv muk txos trâu lưv thax tsav qơư txơưr đuô mak cux heik hâu nov ntơưv qơư đros seiz car jông, phax tir thêir moz ơưk trâu tsiêx cxu hur si. Iz chas ntơư, kriê sơưr đơưk cux tsuv qêz suô, vêv xênhz hur si têx qơư tu zus, nhux tưv thiêx tsi yuô trâus muôx moz”./.  

An Kiên-Riê Lâux cxeik, nhênhv