Đhâu 3 shông kriz uô Ban thường vuv Tỉnh ủy li Nghị quyết sôr 20 hnuz 21/12/2021 lok sir jos uô Têz qơưk tsaz yênhx txo grêk yêiz pluôs truôx đrênhk sâuv thax tsav ntu 2021-2025, chor chuôz zis pluôs tas nro tỉnh Sơn La tâu txo grêk txix 21% ntâu shông 2021 txos yuôr 11% ntâu trâu kaz shông 2024; chor chuôz zis pluôs nhoz huyện pluôs tâu txo grêk 5% iz shông. Njuôk xav txos tas shông 2025, muôx 4 huyện zos Bắc Yên, Mường La, Vân Hồ thiêz Thuận Châu tơưv đhâu huyện pluôs, siêz đuô Nghị quyết Đại hôiv Đảng bôv tỉnh jiês tiv 15 tưz tso tơưv. Zơưv Lò Minh Hùng, Phưv Bí thư Thường trực Tỉnh ủy Sơn La puz pâuz: “Hâur ntu zuôr txos chor Đảng Đoàn, Ban canr sự đảng, Ban thường vụ Tỉnh đoàn, chor huyện ủy, thành ủy, đảng ủy tror sir jos hlôngr yiêz, gra siêz đas jos, txux chi uô côngz xưv sêiz car têz qơưk lok txo grêk yêiz pluôs. Chuôz cxaz uô hâux lưv sik côngv nhoz cxuô cấp, cxuô nganhx hâur kriz uô Têz qơưk tsaz yênhx txo grêk yêiz pluôs truôx đrênhk. Tiv oz zos cấp xar tsuv sir josuô tsaz yênhx txo grêk yêiz pluôs; sir jos kriz uô têz qơưk chor tsaz yênhx; kriz uô tâu truôx jông têx paz trâu huôv tsar uô nox, paz muôx hâux lưv uô, paz trâu chuôz zis pluôs, zuôr xar pluôs sir jos cov tơưv đhâu yêiz pluôs truôx đrênhk”./.

Thu Thùy-Lik Thox cxêik nhênhv

Hâur  2, 3 hnuz đhâu, ntơưv tỉnh Lai Châu no njiv. Têx thax tsav tox siêz li: Sìn Hồ, Phong Thổ, Tam Đường....ziv no njiv đuô. No njiv tưz uô têx nhuôs zâu thiêz nênhs lâul tuôx nhoz tsêr kho moz chôngz lênhx viv trâus moz hơưz poz, moz têx sâur lênhs.... Sở Y tế tỉnh Lai Châu thôngz sâu tso pov, iz ciêz lok no, chor nênhs moz tuôx nhoz tsêr kho moz hâur hur si cxuô qơư y tế hâur thax tsav tỉnh puôr lênhx tsar ndê. Ntơưv khoa kho moz nhuôs zâu, Tsêr kho moz đa khoa tỉnh Lai Châu, iz ciêz ntâu đhâu, iz hnuz puôr lênhx lênhk tok muôx nhos 30 lênhx nhuôs tuôx nhoz chơưv kho moz gênhk. Ntâu qơư y tế hâur huyện tsuv bax nzir txax trâu nênhs moz tuôx nhoz pư lok sik xa chor nênhs trâus moz hnhar muk chơưv kho trâu tsêr kho moz lox chiê txo grêk tsơưs chôngz nênhs moz hênhr. Bác sĩ chuyên khoa 1 Lò Văn Van, uô hâux lưv hâur tsêr kho moz Đa khoa tỉnh Lai Châu heik pâuz: “No njiv li no, chor nênhs moz lar heik zos têx nênhs lâul thiêz nhuôs zâu mak tsar ndê chôngz lênhx. Pêz tsêr kho moz cux bax chuôz zênhx, yuôx uz no phưx vưv seiz njuôk shuôs, kho moz trâu lênhx nênhs moz. Iz chas co, tsêr kho moz cux sir jos yax kriê trâu sơưr đơưk lok phax tar no trâu têx lênhx zôngx ziv trâus muôx moz li: Nênhs lâul thiêz nhuôs zâu”./.

                                         Khắc Kiên-Riê Lâux cxeik, nhênhv

Tiv muôx nzir chor chuô txiêk, Yên Bái tror muôx ntux no, thax tsav tox siêz no njiv; jêx tưv txix 12 txos 18 tưv, têx qơưk tox trôngz siêz kik đuô 10 tưv. Chiê paz trâu chor tsiêx cxu xar muôx 800 cxênhz tuk, tiv zix zos xar muôx 42 cxênhz tuk nhux, tưv hâur jiês ntux no chênhr, no njiv no, nganhx Kôngz nuv thiêz cxuô thax tsav qơư nhoz Yên Bái tsênhv tror hêik pêx xênhv chuôz cxaz uô têx tsưr ziv phax tar ntux no trâu chor tsiêx cxu li: hêik pox nhuôs chox chor nhux tưv tu zus ntơưv têx trôngz siêz lok trâu têxqơưk kik đuô chiê đrêiv ntux no, tsik tso yar têx tsiêx cxu; cxax yuôx phax  tar caz moz cov cxix cxuô, bax txâuk têx zav nox, đêx sor trâu chor tsiêx cxu hâuk thiêz thêir vor têx tsêr guôx cov ntov jông./.

Thừa Xuân-Lik Thox cxêik nhênhv

Uô jông luôs hâux lưv phax tir thêir chor nênhs fêv, nênhs uô cxâuv chei têz qơưk chiê tsưx phưv truôx tuk tsiêz têz qơưk Naz shông 2025, thâuv 8 six ntâu tas cik hnuz 14/12, ntơưv jok 1, phường Thanh Bình, TP Điện Biên Phủ, tỉnh Điện Biên, Đội Cảnh sát qênhz yuôx têx nênhs fêv, nênhs uô cxâuv chei têz qơưk, zuôr muôs zax zênhz tsi trơưk chei, Công an TP Điện Biên Phủ tưz qênhz pov, ntêk tâu Trung Xênhv Hồ, xênhz shông 1996, nhoz jok Sa Lông, huyện Mường Chà, tỉnh Điện Biên thâuv tsênhv taz tov gra tsi trơưk chei iz đêiv tơưr tsor, hnhar muôx 6 cir txix Quảng Ninh lok Điện Biên chiê muôs. Nhiv no txuz nuv co tsênhv tâu Công an TP Điện Biên Phủ tror qênhz yuôx, uô tsênhz mênhx chiê muôz Trung Xênhv Hồ tik cêr cxâuv cov zos đreiv chei têz qơưk tso tơưv./.

CTVVOVTB-Riê Lâux cxeik, nhênhv