Zar hnuz kêix 17/12, tỉnh Điện Biên tsưr tsix ntênhs njiz njêx muôs chiv nhênhv 80 shông Hnuz yênhx lix tuz lênhv VIệt Nam (22/12/1944-22/12/2024) thiêz 35 shông Hnuz Hội Côx phax tas nro tsôngv box sơưr đơưk (22/12/1989-22/12/2024). Dự jiês njiz njêx muôs muôx têx lênhx hâu nov, kuz hâu nov tỉnh, zênhz shôngx lưv lươngv vũ trang nhân dân, chor thơưx tuz lênhv, canr bôv tuz lênhv thênhv siêz tưz so lâul, têx lênhx tuz lênhv tâu tas siv nênhx chor nênhs hâur tsêr; têx lênhx trâus moz trâus saz thâuv ntu tir ntâuk tros châuz, chuôz zis muôx côngz trâu têz qơưk thiêz chôngz lênhx canr bôv, chiến sĩ lưv lươngv vũ trang hâur tỉnh. Chiê uô tâu jông cxuô luôs hâux lưv cxiv tsa thiêz tsưx phưv têz qơưk hâur ntu nhiv no, zơưv Lê Thành Đô, Chủ tịch Ủy ban tỉnh Điện Biên heik chor tuz lênhv hâur tỉnh tsuv tror sir jos uô trơưk têx luôs hâux lưv tưz uô tâu jông, cxiv tsa thiêz tsưx phưv truôx tuk thax tsav tỉnh, huyện; bax cxuô faz tsưr ziv fuô uô cxuô luôs hâux lưv zok muôz, phax tir thêir têx tsi jông uô tsi truôx tuk têz qơưk, xã hội./.

Vũ Lợi-Riê Lâux cxeik, nhênhv

     Tas nro tỉnh Sơn La nhiv no muôx 8 triệu ntâu tuk tsiêx cxu, kêiz ol tâu zus lơưr têx qơư tu zus lox đar. Đros hêik pâuz muôx ntux no chênhr, no njiv truz ntêr hnuz, nganhx Kôngz nuv Sơn La tưz muôx tsưr ziv thiêz sik côngv đros cxuô thax tsav qơư kriê trâu pêx xênhv uô jông phax tar ntux no, yêiz plaz trâu chor tsiêx tu zus; hâur co tsêx trung yax kriê trâu pêx xênhv uô cov jông têx tsêr guôx, chuôz cxaz vitamin, vâuv kâuz têx zav nox trâu chor tsiêx cxu, tsik tso yar tsiêx cxu thâuv jêx tưv grêk kik… chiê txo grêk tsơưs tiv zix têx trâus ruôr hiêv. Zơưv Nguyễn Ngọc Toàn, Giám đốc Chi cục tu zus, thú y thiêz tsiêx đêx tỉnh Sơn La puz pâuz: “Đhâu côngz xưv chox kriê thiêz phax tar ntux no trâu chor tsiêx cxu puz pov tsôngv box nhoz tox siêz cux pâuz tâu thiêz sir jos uô jông têx tsưr ziv phax tar, ntâu ziv chuôz zis tưz tsês chiê chor zav nox, uô thiêz thêir vor jông têx tsêr guôx, sir jos cxax yuôx phax tar caz moz trâu chor tsiêx cxu”./.

Trấn Long-Lik Thox cxêik nhênhv

Phongx Cảnh sát qênhz yuôx têx lênhx nênhs uô cxâuv chei têz qơưk, uô tuôr xuôv nhiêx txiêx, tênhx qơư Công an tỉnh Lai Châu thiêz chor lưv lươngv muôx vax huôv nhiv kruôr sik đros ntêk tâu Phan San Mẩy, xênhz shông 1986, nhoz xã Sì Lở Lầu, huyện Phong Thổ lok sâuv thâux gra têx hax huv txưr. Đhâu qênhz yuôx, Phàn San Mẩy krêz lênhk tiêk, tưz txeik chor fov ntơưr sâuv ntơưv thax tsav ntus đriv thiêz thâux gra lok Việt Nam. Chor fov ntơưr no zuôr tâu choz trâu iz lênhx nênhs Việt Nam trơưk li tưz seiz lax, thôngx ziv đros iz lênhx nênhs Trung Quốc đhâu sâuv mạng xã hội, lơưr muôz iz tsov đeiv ntiêr Mẩy thâux gra chor hax huv co, iz chas ntơư paz gra 3 tsov đeiv ntơưv tus nênhs txeik hax huv nhoz Việt Nam trâu lênhx nênhs Trung Quốc. Nhiv no txuz nuv co tsênhv tâu cơ quan muôx vax huôv tror qênhz yuôx, uô tsênhz mênhx./.  

Khắc Kiên-Riê Lâux cxeik, nhênhv

Phòng Cảnh sát Kinh têr Công an tỉnh Yên Bái nhiv kruôr sik côngv đros chor lưx lươngv muôx vax huôv pov thiêz cxov tâu ntâu chor khâu, têx zav uô si trâu chor nhuôv zâu, zav nox pâuz tsik tsênhz qơư uô, muôx tsiv gri zuôr xar 300 triệu đêiv. Têx hêik sâur tâu yơưz  pov ntơưv txox cêr muk chênhr Nội Nài-Lào Cai, thax tsav xar An Thịnh, huyện Văn Yên, tỉnh Yên Bái. Ntơưv six hơưv qênhz yuôx, nênhs tsar yêz ô tô thâux têx hax huv tsik muôx ntâuz ntơưr tưs huv chêi lok têx hax huv hêik sâur. Nhiv no cơ quan muôx vax huôv tsênhv uô ntâuz ntơưr sâu tsês tas nro têx hax huv hêik sâur chiê qênhz yuôx, xưv lik trơưk chêi têz qơưk têx cui tênhv./.

CTV VOVTB-Lik Thox cxêik nhênhv